lərə) və mxevalilərə bölünürdü. Gürcüstanda köləliyin əsas mənbəyi əsirlər
olmaqla, onların əməyi patriarxal xarakter daşıyaraq ev nö- kərçiliyi ilə
məhdudlaşırdı. Digər tərəfdən kənd icmalarının mövcudluğu, elliklə
zəmanət köləliyin inkişafının qarşısm alırdı.
İlkin feodal monarxiyası dövründə (IV-IX əsrlər) əhalinin əksəriyyətini
azad əkinçi-hərbiçilər olan mudaburilər təşkil edirdi. Mudaburilər
feodallardan vassal asılılığında idilər. XI-XII əsrlərdə feodalizmin sürətlə
inkişafı mudaburilərin öz azadlıqlarını itirməsinə və onlara məxsus
torpaqlarda asılı kəndli və qul əməyindən istifadə olunmasına başlanılır.
Torpaqlarda işlədilən qullardan, qul bazarlarından alınmış və ya zorla ələ
keçirilmiş kəndlilərdən və əsirlərdən xüsusi feodaldan asılı kəndli təbəqəsi
olan qlexlər yaranırdı. Qlexlər feodallar üçün biyar işləməyə, yaxud onlara
töycü verməyə borclu idilər.
XII əsrin sonu və XIII əsrin əvvəllərində Gürcüstan iqtisadi inkişaf
dövrünü keçirirdi. Məhz bu dövrdə məhsuldar qüvvələr artmış, Samqori
kanalı kimi kanallar çəkilməsi kənd təsərrüfatının inkişafına kömək
etmişdir. XIII əsrin II rübündə monqol işğalları Gürcüstanın feodal
təsərrüfatına ağır zərbə vururdu. Kəndlilərin vəziyyəti xüsusilə ağır idi.
Vergi və töycüləri yerinə yetirmək üçün baskaklar (vergi yığanlar) əhalidən
nağd pul toplayırdılar. Pula olan ehtiyac yüksək faizli sələmçiliyin
yayılmasına kömək edirdi. Kəndlilər kütləvi olaraq öz yaşadıqları torpaqları
tərk edərək “ba- qona” və ya “xizana” adlanan qaçqın kəndlilərə
çevrilirdilər. Kəndlilərin qaçqınlara çevrilməsi feodalların məsuliyyətini də
müəyyən edirdi. Belə ki, feodallar qaçqın kəndlilərin ödəmədiyi xəraca
görə cavab verməli idilər. Ona görə də feodallar kəndlilərin tərk etdiyi
torpaqları monqol hakimiyyəti orqanlarının nümayəndələrinə; tarxanlara,
vergi iltizamçılarına, monqol məmurlarına və s. satırdılar. Kəndlilərin
qaçması ilk növbədə orta və xırda feodallar olan aznaurların sosial
vəziyyətinə təsir edirdi. Hülakü xanı Qazan xanın 1303-cü ildə
Azərbaycanda verdiyi fərmana müvafiq olan qanunu, gürcü çarları qaçqın
kəndlilərə qarşı Gürcüstanda da vermişdilər. Qanuna görə aznaurların
müflisləşməsinin qarşısının ahn-
36
masına kömək edəcək ciddi tədbirlər kimi qaçqın kəndlilərin geri
qaytarılması və onların cəzalandırılması nəzərdə tutulurdu.
XIII-XIV əsərlərdə təhkimli kəndlilərin difserensiyasmdan sonra
onların aşağıdakı kateqoriyaları fərqləndirilirdi: irsi, pulla alman,
bağışlanan, hədiyyə edilən, “könüllü” özünü təhkim edənlər, gəlmələr və
başqaları. Təhkimli kəndlilərdən saray çelyadına (malikanəsinə) daxil
olanlar tamamilə hüquqsuz olmaqla ev nökərləri hesab olunurdular. Onlar
torpaq payı (fuadze) almaqdan məhrum idilər. Lakin bəzi qlexlər normal
torpaq payı olan fııdzeni öz qonşularından və ya feodallardan alırdılar.
Qlexlər çardan, knyazlardan, aznaurlardan və kilsədən asılı olanlara
bölünürdülər. XVI-XVII əsrlərdə iri tacirlərə məxsus olan təhkimli
kəndlilər də mövcud olmuşdur.
XVI-XVII əsrlərdə ardı-arası kəsilməyən müharibələr nəticəsində və
təhkimçilik hüququnun güclənməsi ilə təhkimli kəndlilərin yuxarıda
göstərilən kateqoriyaları arasındakı fərqlər tamamilə yox olur. “Qlixaki”
adlanan və sosial nərdivanın ən aşağı pilləsində olan və ianələrlə dolanan
təbəqə yaranırdı.
XVIII əsrdə VI Vaxtanqın Qanunnaməsi kəndliləri tamamilə təhkim
etməklə yanaşı, digər tərəfdən kəndlinin öz azadlığını pulla almaq
hüququnu da təsbit edirdi. Qlexlər əvvəlki kimi əsas mükəllifıy- yətli silk
olmaqla, çoxsaylı vergi verir və feodalın, kilsənin və dövlətin xeyrinə ağır
işləri yerinə yetirirdilər. VI Vaxtanqın qanununa əsasən feodallar 30 il
ərzində qaçqın kəndliləri axtarıb tapmalı və onları məcburi qaydada geri
qaytarmalı idilər. Qanunnamə kəndlinin daşmar və daşınmaz əmlakını
feodalın mülkiyyəti kimi təsbit edirdi.
Gürcüstanın ictimai quruluşunda əsasən sənətkar və tacirlərdən,
həmçinin yoxsullardan ibarət olan şəhər əhalisi fərqləndirilirdi. İri feodal
torpaq sahibliyinin inkişafı, feodal pərakəndəliyi şəhərlərin böyüməsinə və
əhalinin artmasına səbəb olurdu. Bu şəhərlər həm də siyasi mərkəzlərə
çevrilirdilər. Orta əsrlərdə Tiflis vilayət mərkəzi idi. Gürcüstan əmirinin
idarəsi burada yerləşirdi. Toa-Klarce- ti vilayətinin paytaxtı Artanuci şəhəri
Abxaziya çarlığının birləşməsindən sonra siyasi mərkəz olaraq qalırdı.
Qərbi Avropa ölkələ-
37
riində olduğu kimi, Gürcüstanda da şəhər əhalisi mərkəzi çar hakimiyyətini
qətiyyətlə müdafiə edirdi. XII-XIII əsrlərdə şəhərlərdə ictimai əmək
bölgüsü dərinləşmiş, yeni sənətkarlıq ixtisasları yaranmış, ticarət-sənət
mərkəzləri sürətlə artmışdı. Sənətkar və tacir birləşmələri bir qüvvə kimi
Gürcüstanın siyasi həyatında özünü göstərməyə başladı. Tiflis, Axalsixe,
Kutaisi, Qori, Helati (Kutaisi yaxınlığında monastır) və s. iri şəhərlərdə
ictimai-siyasi fikir tarixində, dünyəvi baxışlarda böyük irəliləmə baş
vermişdi. “Kartlis Tsxovreba” adlanan tarix külliyyatı hazırlanmışdı.
Şəhər əhalisinin əsas hissəsini təşkil edən sənətkarlar müxtəlif peşələr
üzrə birləşərək sex təşkilatları yaradırdılar. Şəhərlərdə onlarca sənətkarlıq
ixtisası mövcud idi. Sərbəst fəaliyyət göstərən sənətkarlar da formalaşırdı.
Məharətli ustalar yüksək keyfiyyətli məmulatlar hazırlayırdılar. Sənətkarlıq
peşələri irsi olaraq və ya şagirdlər vasitəsilə nəsildən-nəsilə çatdırılırdı.
Tacirlər silkinə başçılıq edən “didvarçi” adlananlar nəinki öz var-dövlətləri
ilə, həmçinin də imtiyazları ilə fərqlənirdilər. Onlar xarici və daxili ticarətlə
məşğul olmaqla yanaşı, gürcü çarlarının mühüm siyasi və diplomatik
tapşırıqlarını da yerinə yetirirdilər. Siyasi təsir dairəsi və imtiyazlarına görə
ikinci yerdə dayanan tacirlərin orta təbəqəsi (“mo- kalake”) əhəmiyyətli
mövqe tuturdu. Tacirlərin yuxarı və orta təbəqələri şəxsən azad olmaqla
müəyyən edilmiş imtiyazlardan istifadə edirdilər. Xüsusilə Bekı və
Aqbuqanın Qanunnaməsində onların əmlak və şəxsiyyətləri aznaurlarmkı
kimi qorunurdu. Şəhərdə yaşayan digər tacirlər hüququ cəhətdən çara,
didebullara və kilsəyə təhkim edilmişdilər.
İri tacirlərin hüquqi statusu XVII-XVIII əsrlərdə daha da artır. VI
Vaxtanqın qanunları tacirlərin dörd dərəcəsini müəyyən edirdi. Yuxarı
təbəqə aznaurlarm orta təbəqəsinə, aşağılar isə kəndlilərə bərabər tutulurdu.
Şəhər əhalisinin yoxsul hissəsi hakim təbəqədən təhkimçi asılılığında idilər.
38
Dostları ilə paylaş: |