47
Dünya həmən dünyadı
Nədən qınayırsan bu dünyanı sən,
Nə vaxt əsirgədi nemətin səndən?
Qalmadı daha qardaş,
Duz andı, çörək andı.
Şeytan dönüb nə desə,
bəndə ona inandı.
Nal asılıb qapıdan,
atlar yalın ayaqdı.
İt kişnədi zəncirdə,
At it kimi yalmandı.
Dünya həmən dünyadı,
Yoxsa yeni zamandı?
Bəxtin dönsün, a dünya,
İpin çarxa dolandı.
Gülləm oynadı getdi,
Ayı pəncəsi üstə.
Yeddi canın yeddisi
getdi bircəsi üstə.
48
Yanaq lalə rəngimi,
yoxsa qana boyanmış?
Bundan əvvəl igidlər
Bircə qanın uğruna
Neçə qana qan almış.
Qalmadı daha, qardaş,
Çörək andı, duz andı.
Biz naxələf olmuşuq,
Dünya həmən dünyadı.
14. 10. 2010.
Saat 21:50.
49
Qərar
Yollar qarĢımızda ayrılıb gedir, sən üzü Qərbə dön,
mən də ġimala. Mən səni bilmirəm, məndən soruĢsan,
keçdiyim yollardan baxmaram daha.
Bu gecə ayrılaq...
Sən üzü qərbə dön, mən də şimala.
Hər gecə Allaha yalvara-yalvara,
göylərdə seyr edək sevgi ulduzun.
Nə vaxtsa ürəyini
sevgiylə dolduran qızın
həsrətin çəksən...
bir sarı çiçəyi iyləyəcəksən.
Onu elə sev, elə əzizlə,
Ləçəyi titrəsin saf sevgimizlə.
Şimşək çaxana kimi,
Yağış yağana kimi,
Dan üzü ağarana kimi,
Qərar ver, ayrılaq, gülüm.
21.10.2010.
50
Gördüm
Qaytar illərimi qaytara bilsən, nə mən bacararam, nə
də bunu sən.YaĢadın, qocaldın, anlaya bilsən, görərsən
Allahın hikmətindəsən.
Yerlə-göy arasında
çırpına-çırpına qalmışam.
Nə yerə sığa billəm,
nə göyə bənd almışam.
Bəxt dalınca yüyürdüm,
Xoşbəxtliklə öyündüm,
Sevildikcə sevindim,
Sevgimlə ucalmışam.
Dağ döşünə çıxanda,
Dərd-qəmimi yıxanda,
Dönüb geri baxanda
Gördüm ki, qocalmışam.
İstədim Tanrıdan soruşam,
Görən niyə doğulmuşam?!
Gördüm cismimi kölgə tək,
İlahi, demə, yoxmuşam.
51
Düşüncələr filmi
Qapa gözlərini, düĢün bir an, bir filmtək gözlərindən
anbaan nələr gələr, kimlər keçər?! Bilmərəm... Onu
bilmək istərəm ki, o filmin son anında bir kölgətək,
xəyal təki yaddaĢında olsam əgər, bu da mənə bəsdi
əlbət.
Qürurum incik düşdü,
Çıxdığım Şahdağında.
Məni yaddan çıxarıb,
Sevdiyim Allahım da.
Yaş asılıb salxımtək,
Gilə-gilə yanağımda.
Get, əlvida kəlməsi
Çırpınır dodağında.
Çırpındım qırıq qanadla,
Çırpındım, uça bilmədim.
Ha istədim qaçam səndən,
Neyləyim, qaça bilmədim.
Dünyanın o tayında sən,
Bu tayında mən qaldım.
Ömür boyu sevə-sevə
Həsrətinlə qocaldım.
26.08.2011
Saat 10: 52.
52
Həsrət
Səni nə qədər sevdiyimi
de, hardan biləsən ki?!
Həsrət sapsarı gülmüş,
Dəstələyib verdin mənə.
Sarı çiçəyi sevdiyimi,
sən hardan biləsən ki?!
53
Kədərin sağlığına
Bu qədəh büllur,
süz şərabı qədəhlərə.
Ay niyə küskün durur,
nurun saçmır qədəmlərə?!
Bu gecə Ayın işığı
Kədərdən süzülür gəlir.
Bir-birinin ardınca
Ulduzlar düzülür gəlir...
Şərabı kədərin sağlığına
İçək, gözlər alışsın.
Desin, gülsün, oynasın,
Sevincimlə barışsın.
54
Son
Köləlik – əzilmiĢ ruhun yüksəliĢi
Hə , bu da son!
Mən dözürəm, göz ağlayır,
Qalanmışam atəşlərə.
Sinəm yanır cızhacızla,
ocağımda köz ağlayır.
Otağımdan süzüldü qəm,
Ayrılarkən görüşəndə.
Dodağımdan elə öp ki...
Ayrılığa dözüm mən də.
Qəm sevinir otağımda,
göz yaşım da ləpə döyür.
Ayrılığa dözəmmirəm,
qovruluram yatağımda.
Ah, əzizim, bax, bu da son!
Sənsizlikdir -
sükutuna qərq olmuşam.
Göz yaşımdan gölə döndü,
yatağım da
Baxdım gördüm,
öz yaşımda boğulmuşam.
55
Sağlıq
Saçlarım pərişan,
külək saçımı darasa...
Pəncərə çərçivəsində
yuva quran göyərçin
uçdu, getdi harasa.
Kədər çırpınır göydə ...
İlahi, bu kədər mənim.
Boğaza yığılan qəhərim
bulağın suyundan gur.
Bu, qədəh büllur,
Dur, əzizim, dur,
süz şərabı qədəhlərə,
ömürdə tək bircə kərə
içək ayrılığın sağlığına!
***
Dünyanın qara daşına
dönərəm yolların üstə.
Bu gecə son gecə,
Yar, dola məni başına,
götür qolların üstə.
Dostları ilə paylaş: |