27
Ağlama, anam
Ağlama anam, ağlama, sən ağlasan GünəĢ batar.
Ağlama, anam, ağlama, göz yaĢların bizi tutar.
Batabatda bəxtim yatdı,
Anam yazığı ağlatdı,
Qaraçuxam gecə yatdı,
Ağlama, anam, ağlama.
Sünbülmüsən, süsənmisən,
Bu necə dərddi düşmüsən?
Qəmi mənlə bölüşmüsən,
Ağlama, anam, ağlama.
Lalə bağrı qan dedilər,
Titrəşdikcə can dedilər,
Mənə pərişan dedilər,
Ağlama, anam, ağlama.
Ləçək üstə arı imiş,
Sevgi yolum yarı imiş,
Bəxtim necə sarı imiş,
Ağlama, anam, ağlama.
Qəlbin başı söküldü,
Qəm-qüssədən büküldü.
Kipriklərin töküldü,
Ağlama, anam, ağlama.
28
Ürək başı qəlpələnmiş,
Ətrafına səpələnmiş,
Göz yaşların ləpələnmiş
Ağlama anam, ağlama.
Çiçəklərin gözü nəmli,
Ağlama, anam, ağlama.
Pıçıldayıb belə qəmli,
Ağlama, anam, ağlama.
29
Həyan
Atamın başdaşı ucunda
bir körpə uyuyur.
Hər il əkdiyim qızılgül
göyərmir quruyur.
Hasara alınmış qəbir...
İlahi, səbir, səbir!
Bu uşaq bəlkə atama həyan?
Bura ölüm qoxuyur hər an!
Köhnə qəbirlər dözmür ovulur,
İlahi, bu yekəlikdə qəbir,
bu körpə qəbirlə ovunur.
27.10.2010.
Saat 21: 05.
30
Salam
Ruhu bədənində çırpınanlara,
Allahın yanında ucalanlara,
Hörmətlə-izzətlə qocalanlara
Salam!
Sarsar rüzgarına yalvaranlara,
Övladdan nəsibi olmayanlara,
İzləri heç yerdə qalmayanlara
Salam!
Tövrata, İncilə, Zəbur, Qurana,
Əzəmətli, qüdrətli Mövlana,
13-cü imam Əz-Zamana
Salam!
31
Tamilla
Dodaqlar büzüm-büzüm,
Kipriklər düzüm-düzüm,
Sənə qurban olum özüm,
Mənim Tamilla balam!
Bu qız baldan şirinmiş,
Ağzımdakı dilimmiş,
Bağçamdakı gülümmüş,
Mənim Tamilla balam!
Qızıldan qolbaqları,
Ləçəkdən dodaqları,
Qərənfil yanaqları,
Mənim Tamilla balam!
Göydəki mələk imiş,
Evimizə gərək imiş.
Duz imiş, çörək imiş,
Mənim Tamilla balam!
Yuxu deyil, gerçəkmiş,
Tellər ləçək-ləçəkmiş,
Hamıdan göyçək imiş
Mənim Tamilla balam!
32
Saçlarına gül düzən,
Ya nərgizdi, ya süsən,
Tez barışan, tez küsən,
Mənim Tamilla balam!
Görməyə gəl sən bizə,
Möcüzədi, möcüzə!
Şəfəq saçır evimizə,
Mənim Tamilla balam!
03.10.2010.
33
Balaca Əfsun
– Qız, sənin adın nədi?
– Mən balaca Əfsunam.
– Deməli, sən sehrsən?
– Hə, balaca ovsunam.
– Əlindəki çiçəkdi,
Teli ləçək-ləçəkdi.
– Amma dədəm deyir ki,
Əfsun ondan göyçəkdi!
– Ən çox kimi sevirsən?
– Sən atamı deyirsən.
– Sonra kimi sevirsən?
– Əgər düzünü desəm,
Mənə noğul verərsən?
– Ən çox noğulu sevdin?
– Yox, atamı sevirəm.
Şəkərim, deyir mənə,
Mən noğulu neynirəm.
34
Çiçəyim
Nar gülüm, nar çiçəyim,
Nar dənəmsən, nar dənəm!
Ay hamıdan göyçəyim,
Bir dənəmsən, bir dənəm.
Gülüşləri səpələnir,
Gen, işıqlı otağında.
Qığıltılar ləpələnir,
Şəkər kimi dodağında.
***
Gündüz Günəş,
gecə “Ay”mış,
Yatıb yuxuya dalmış,
Allah, nə gözəl paymış!
Mənim Tamilla qızım.
Qışda bahara bənzər,
Ağappaq qara bənzər,
Bağçada nara bənzər
Mənim Tamilla qızım.
Nar gülüm, nar çiçəyim,
Nar dənəmsən, nar dənəm!
Ay hamıdan göyçəyim,
Bir dənəmsən, bir dənəm.
03.10.2010.
35
Göyə “fişəng”i atma
Nəfəsi tər qoxulu,
Cibdə nabat-noğulu.
Bağçaya gedir hər gün,
Əfsun tezdən yuxulu.
Göyə “fişəng”i atma,
Dəyər mənim “Ay”ıma.
Nə çox baxdın, ay baba,
Mənim ulduz payıma?!
Bağçadan gələn kimi,
“Bağçaya qaytar”- deyir.
Ay ana, bəzənmişəm,
Gəzməyə apar, -deyir.
Deyir; – Vətən şeirini
Gör necə deyirəm, mən.
Vətəni, ata-anamı...
Hamısını sevirəm, mən.
36
Ay adam
Ey dünyaya gələn körpə, ayaqlarını yerə bərk bas.
Ayaq açan körpənin
əsən dizlərində təpərmi var?
Bacarırsa durub gəzsin,
qarşıda çəpərmi var?
Ayaqların əsə-əsə,
addımını qısa, kəsə
vur yerə, gəz.
Ay adam,...
Hələ qönçə,
hələ çiçək,
nar dənəsi,
Babasının, nənəsinin bir dənəsi,
Ay dünyanın gül nəfəsi, gül körpəsi...
Ay adam...
Bu dünyaya baxışın
başdan-başa naxışdı,
Bu dünya yoxuşunda
hələ yazdı, yağışdı,
Kimlər gəlib bu dünyaya yığışdı?!
Öncə Adəm,
sonra Həvva,
daha sonra biz gəldik,
bu gün sən.
Dostları ilə paylaş: |