34
Üsul fonendaskop vasitəsilə arterial qan damarlarında qanın pulsasiyası zamanı
alınan küylərin eşidilməsinə əsaslanır. Manjetdəki təzyiq əvvəlcə “armud” vasitəsilə
artırılır və pasient üçün normal sayılan təzyiqdən bir qədər yuxarı qiymətə qaldırılır.
Sonra vint vasitəsilə sistemdə yaradılmış təzyiq azaldılmağa başlanır. Qanın sistolik
(yəni, ürəyin yığılması anındakı) təzyiqində fonendaskopda müəyyən tonların eşidilməsi
başlanır. Bu an üçün təzyiqi ölçən qurğudan, göstərişini qeyd edirlər. Manjetdəki
təzyiqin azaldılması davam etdirilir və yaranmış tonların itmə anındakı təzyiqin qiyməti
(diastolik təzyiq) qeyd edilir.
Beləliklə arterial qan təzyiqinin sistolik və diastolik qiymətləri müəyyən edilir.
Qan təzyiqinin təyin edilən qiymətlərinə həm tədqiqatçının
fərdi xüsusiyyətləri
(bacarığı, biliyi, eşitmə qabiliyyəti) həm də, pasientin psixoloji, fizioloji vəziyyəti təsir
edir. Bu baxımdan tövsiyyə olunur ki, arterial qan təzyiqini bir neçə dəfə ölçüb orta
qiymətinə əsaslanmaq lazımdır.
Yuxarıda deyilənlərə və bu parametrlərin vacib olmasını
nəzərə alaraq həmin
prosesin avtomatlaşdırılması vacib məsələlərdən biridir. Hal-hazırda çoxlu sayda
müxtəlif təzyiq ölçən aparatlar istehsal edilir. Bu cihazların üstünlüyü tədqiqatçıların
bəzi fərdi xüsusiyyətlərindən yaranan xətanın azaldılmasıdır.
Qeyd etmək lazımdır ki, arterial qan təzyiqini ölçən qurğuda 4 cür manjetdən
istifadə olunur:
1-
Təzə anadan olmuş uşaqlar üçün,
2-
Uşaqlar üçün,
3-
Orta yaşlı insanlar üçün,
4-
Bud ölçülərinə uyğun .
Lakin hər bir istifadə edilən təzyiq ölçən 1 manjetlə təmin olunmuş olur. Fərdlərin
fiziki ölçüləri (qolun qalınlığı, uzunluğu) müxtəlif olduğundan
bir manjetlə ölçmə
zamanı müəyyən xətalar yaranır.
Karotkov tonları vasitəsilə arterial qan təzyiqinin müəyyən edilməsində göstərilən
üsullardan istifadə etmək olar. Manjetdə təzyiq müəyyən sürətlə azaldılır, bu təzyiqin
sistolik təzyiqə bərabər qiymətində manjetdə təzyiqin qiymətinin kiçik amplitudla
dəyişməsi müşahidə edilir:
Bu təlatümlər əsasında təzyiqin müəyyən edilməsinə assilloqraf ik metod deyilir.
Assilloqrafik metoddan istifadə edərək avtomatik arterial
qan təzyiqini müəyyən edən
cihazlar qurulur. Assilloqrafik metodda ölçmə prosesini avtomatlaşdırmaq məqsədilə bu
təlatümlərin hiss edilməsi vacibliyi meydana çıxır.
İstifadə edilən arterial qan təzyiqini ölçən, hətta avtomatik ölçən cihazlarda 1
ölçülü manjetlə təchiz olunur. Amerika mütəxəsislərinin apardığı təcrübəyə görə
manjetin ölçüsünün insanın qolunun ölçüsündən, uyğun olub-olmamasından asılı olaraq