|
Mühazirə konspektiMühazirə-15. Maqnitoterapiya aparatlarıbiotibbi muhazireMühazirə-15. Maqnitoterapiya aparatları
Maqnit sahəsinin bioobyektlərə müsbət təsiri barədə elmi işlərin çoxluğuna
baxmayaraq hələ də bu təsirin mahiyyətinin tədqiq edilməsinə ehtiyac var. Bu sahədə
aparılan tədqiqat işləri göstərir ki, maqnit sahəsinin bioobyeklərə təsiri çox səviyyəlidir
(yəni maqnit sahəsinin bioobyektə təsirini idarə etmək olar). Bu təsir seçicilik
xüsusiyyətinə malikdir (fərqli toxumalarda təsiri fərqlidir) və maqnit sahəsinin
parametrlərinin müəyyən qiymətlərində müalicəvi effekt yaradır.
Tibbi praktikada müalicə məqsədilə insanlara maqnit sahəsinin müxtəlif tezlik,
forma və intensivliklərində təsirindən istifadə edilir.
Qeyd etmək lazımdır ki, maqnit sahəsinin müalicəvi təsiri daxildə cüzi istilik
yaranması kimi müşahidə olunur. Maqnitoterapiya aparatlarına misal olaraq,
induktimetrik sinfə aid olan aparatları göstərmək olar. Bunların vasitəsilə bioobyektlərə
alçaq tezlikli dəyişən və ya pulsasiyalı maqnit sahəsilə təsir göstərilir.
Baxılan aparatlarda idarəedici (maqnit sahəsi təsiri yaradan ) element kimi
induktur-elektromaqnit, induktur-solenoid və ya sabit maqnit istifadə edilir.
İnduktometrik aparatlarda maqnit sahəsi təkcə dərinin reseptorlar zonasına deyil,
həm də dərində yerləşən orqan və txumalar təsir edərək cavab reaksiyaları iltihaba qarşı,
damar genişləndirən, ağrı kəsən, antiseptik və bu kimi təsirlərin yaranmasına səbəb olur.
İnduktometrik aparatlarda maqnit sahəsi induktur adlanan makara tərəfindən
yaradılır. İnduktur makarasının dolaqlarının sayı az olur (3-4) və onlardan yüksək
tezlikli cərəyan axıdılır. Aşağıdakı şəkildə İKV-4 aparatının struktur sxemi verilib:
Şəkil 1. “İKV-4” aparatının struktur sxemi
Yüksək tezlik generatoru (YTG) qurğunun əsasını təşkil edir, yüksək tezlikli
cərəyanın alınması üçündür. Baxdığımız cihazda böyük cərəyanlardan istifadə
edildiyində, struktura güc gücləndiricisi (GG) daxil edilmişdir. GG-nin bir funksiyasıda
çıxışda yaradılan maqnit selinin intensivliyini müəyyən edilməsidir. Bu miqdar (doza)
məfhumu altında göstərilmiş idarəedici sxem vasitəsilə (şəkildə göstərilməyib) həyata
keçirilir. GG-nin çıxışındakı siqnal çıxış konturuna (bu kontur həm də uzlaşdırıcı
funksiyasını yerinə yetirir) , yəni nəticə etibarilə induktura verilir.
Hal-hazırda istifadə olunan maqnitoterapevtik aparatlar 3 qrupa bölünür:
-
Lokal
-
Paylanmış
-
Ümumi
təsir
göstərən aparatlar
Lokal aparatlar bədənin müəyyən hissəsinin müalicəsi üçün, paylanmış pasient
ətrafında yerini dəyişə bilən sahə yaratmaq üçün, ümumi təsir göstərən aparatlar isə
pasienti tam əhatə edən sahə yaratmaq üçün istifadə edilir.
YTG
GG
Çıx. kon
İnd
|
|
|