23
beynəlxalq bazarlara çıxarılması sahəsində xeyli irəliləyişlər əldə etmişdir. Təbii
olaraq ölkəmiz gələcək iqtisadi inkişafının əsas istiqamətlərini müəyyənləşdirərkən
bu əməliyyatlardan əldə olunan gəlirlərin digər sahələrin də tarazlı inkişafına
yönəltməsi xarici ticarət əlaqələrinin də genişləndirilməsinə təkan verəcəkdir.
2. xracyönümlü məhsul istehsalında elmi-texniki tərəqqinin müasir
nailiyyətlərindən və innovasiya texnologiyalarından istifadə imkanlarının
genişləndirilməsi. Ölkənin ixrac potensialının genişləndirilməsi beynəlxalq bazarların
standartlarına cavab verən likvidli məhsul istehsalından asılıdır. Keyfiyyətli, rəqabət
qabiliyyətli məhsulun isiehsalı qabaqcıl texnologiyaların istehsalatda və sosial
yeniliklərin cəmiyyətdə tətbiqini tələb edir. Xüsusilə bu gün aktual olan yeyinti
məhsullarının keyfiyyətinin və təhlükəsizliyinin təmin edilməsi məsələsi istehsal,
yaxud da emal prosesinin bütün mərhələlərində keyfiyyətə nəzarət sistemlərinin
tətbiqini zəruri edir.
Elmi-texniki tərəqqinin məqsədi əmək və material resurslarına qənaət
edilməklə məhsul istehsalının artırılmasına, əhalinin sosial həyat şəraitinin
yaxşılaşdırılmasına nail olmaqdır. Müəssisələr elmi-texniki tərəqqinin nailiyyətlərinin
və müasir texnologiyaların tətbiqi sayəsində istehsal ehtiyatlarından islifadənin
səmərəliliyini artırır, əmək məhsuldarhğını yüksəldir, məhsul vahidinə məsrəflərin
xeyli azaldılmasına nail olurlar.
Müəssisələrdə elmi-texniki tərəqqini əks etdirən göstəricilər sisteminə
aşağıdakıları aid etmək olar:
-
müxtəlif istehsal sahələrində məhsuldarlığın artırılması;
-
məhsul istehsalının artması və onun keyfiyyətinin yüksəlməsi;
-
istehsal prosesində xammal və ehtiyatlara qənaət olunması;
-
məhsulun maya dəyərinin aşağı salınması və istehsalın rentabelliyinin
artması və s.
Bu göstəricilər vasitəsilə müəssisələrdə elmi-texniki tərəqqinin səmərəliliyini
qiymətləndirmək və onların rolunu müəyyənləşdirmək mümkündür.
24
Bu gün sənaye sahələri ilə yanaşı, milli iqtisadiyyatın inkışafında əhəmiyyətli
rol oynayan aqrar bölmədə də texniki tərəqqi əsas yer tutur. Bu, özündə təkcə
texnikanın tərəqqisini yox, eyni zamanda istehsal texnologiyasının və təşkilinin
qabaqcıl təcrübədən istifadəni əks etdirir. Kənd təsərrüfatının sənaye əsasına
keçirilməsi respublikada aktual məsələlərdən olmaqla yanası, bunun təmin edilməsi
texniki tərəqqi ilə bilavasıtə bağlıdır. Müasir dövrdə istehsal proseslərinin kompleks
mexanikləşdirilməsi və avtomatlaşdırılması kənd təsərrüfatının sənaye əsasında
keçməsi istiqamətində başlıca addımlardan biri olardı. Bu proses eyni zamanda kənd
təsərrüfatının məruz qaldığı təbii qüvvələrin mənfi təsirindən də müəyyən dərəcədə
azad edir. Şübhəsiz, kənd təsərrüfatını tam sənaye əsasına keçirmək mümkün
deyildir. Çünki o, təbii-iqlim şəraitindən ancaq qısmən azad edilə bilər. Kənd
təsərrüfatının sənayeləşdirilməsi, istehsalın mexanikləşdirmə və avtomatlaşdırma
səviyyəsinin yüksəldilməsı görüləcək işlərin sürətiəndırilməsinə imkan verır ki, bu da
ə
lverişsiz təbii iqlimin (yağışın, quraqlığın və s.) vurduğu zərərləri qismən azaldır.
Aqrar bölmədə məhsul istehsalının artması bir sıra emaledicı sənaye sahələrinin
inkişafına və istehsal olunan məhsulların beynəlxalq bazarlara sərbəst çıxış
imkanlarını artıracaqdır.
3. Təsərrüfat subyektlərinin müəyyən məhsulların istehsalında ixtisaslaşma
səviyyəsinin yüksəldilməsi. Təsərrüfat subyektlərinin ixtisaslaşması onların istehsal
etdikləri məhsulların bilavasitə mübadiləsi ilə başa çatır. Bunun nəticəsi olaraq
müəssisələrarası, sahələrarası və ölkələrarası əmək böküsü yaranır. Xüsusilə,
beynəlxalq əmək bölgüsündə iştirak edən ölkələrin müəssisələri öz tələbatlarından
daha çox istehsal etdikləri məhsulları beynəlxalq bazarlara ixrac edir, istehsal
etmədikləri, yaxud da öz tələbatlarından az istehsal etdikləri malları idxal edir. Bu
hadisə özlüyündə müəssisələrin öz güclərini ayrı-ayrı məhsul növlərinin istehsalına
yönəltmək və istehsal olunmuş məhsulların sadəcə ölkə ərazisində deyil, eyni
zamanda bütün dünya təsərrüfat miqyasında mübadilə etməkdən ibarətdir.
Müəssisələrin beynəlxalq ixtisaslaşması və müqayisəli üstünlüyünün əldə
edilməsi, həmçinin onların ölkədaxili ixtisaslaşmasına uyğun olaraq həyata keçirilir,
qarşılıqlı əlaqədə olan beynəlxalq sistemdə iştirak edərək müəyyən növ məhsul
25
istehsal edir və ixrac edirlər. xrac həcminin ölçüsü isə kvotadan asılıdır. Tamamilə
aydındır ki, kvota nə qədər yüksək olarsa, resurslar beynəlxalq əmək bölgüsünə bir o
qədər çox cəlb olunacaqdır. Ümumi istehsalda ixracın xüsusi çəkisi ixrac kvotasının,
hətta ümumi daxili məhsulun (ÜDM) həcmi ilə ölkə daxilində istehlak olunan
məhsullar arasındakı fərqə bərabər olmalıdır. Daxili istehlak nə qədər yüksək olarsa,
ixrac kvotasının həcmi də bir o qədər çox olacaqdır. Ölkənin ixrac kvotasmm həcmini
daxili bazarın həcmi, iqtisadi inkişaf səviyyəsi əhalinin hər bir nəfərinə düşən ÜDM,
ölkənin təbii resurslarla təmin olunma səviyyəsi, milli iqtisadıyyatın sahə strukturu və
s. amillər müəyyən edir. Belə ki, böyük dövlətlərdə istehsalçılar üçün daxili bazarda
xammal, material və işçi qüvvəsi tapmaq imkanları genişdir və istehlak mallannın
tapılmasında onlar çətinlik çəkmirlər. nkişaf etmiş həmin dövlətlər bəzi çatışmayan
resursları və istehlak mallarını idxal edir. Bunun əvəzində isə öz tələbatlarından artıq
istehsal etdikləri məhsulları başqa ölkələrə ixrac edirlər. Buradan aydın olur ki,
ÜDM-də ixracın xüsusi çəkisi inkişaf etmiş ölkələrdə inkişaf yolunda olan kiçik
ölkələrə nisbətən azdır.
Digər tərəfdən, ölkənin hər bir nəfərinə düşən ÜMD-si nə qədər çox olarsa və
ölkənin beynəlxalq əmək bolgüsündə iştirakı eyni inkişaf səviyyəsində olmasına
baxmayaraq çoxdursa, onun ixrac kvotası da yüksək olacaqdır.
xrac kvotasının həcminə ölkənin təbii ehtiyatlarının həcmi də təsir edir.
Məsələn, zəngin karbohidrogen ehtiyatlarına malik ölkəmizin ixracında neft və neft
məhsullarının xüsusi çəkisi və ixrac kvotası yüksəkdir. Bəzən isə eyni inkişaf
səviyyəsinə malik olan Yaponiya, Sinqapur kimi ölkələrdə təbii ehtiyatların
zənginliyi deyil, onların olmamağı beynəlxalq Əmək bölgüsundə aktiv iştirakı
stimullaşdırır. Belə ki, həmin ölkələr xammal ehtiyatlarını idxal edir və onlardan
hazır məhsullar istehsal edərək daha üstün qiymətlərlə ixrac edə bilirlər.
qtisadiyyatın struktur xüsusiyyətləri də ixrac kvotasına təsir edən əhəmiyyətli
amillərdəndir. Bir ölkədə energetika, metallurgiya və ağır sənayenin digər sahələrinin
xüsusi çəkisi nə qədər çox olarsa, ölkə beynəlxalq əmək bölgüsünə bir o qədər az
qoşulacaqdır. Əksinə, hazır məhsulların, detalların, emaledici sənaye sahələrinin
istehsalı üzrə ixtisaslaşmış ölkələrin ixrac kvotası də yüksək olacaqdır.
Dostları ilə paylaş: |