B i b l i o q r a f i y a
9
X.Rza şeirlərində yalnız Azərbaycan
türk dilini fərdiləşdir-
məyib, türk dilləri birliyindən ehtirasla danışıb, türk, özbək,
qırğız, qazax, türkmən dillərinə də poetik nümunələr həsr edib.
X.Rzanın türkçülüyü təbliği əsasda olub. O, türk qövmlərini
iqtisadi-mədəni birliyə çağırıb. Şair şeirləri ilə bərabər, elmi-
tarixi memuarlarında və məqalələrində də türk özümlüyündən
geniş bəhs edib. O, ədəbiyyatşünas-alim kimi “Məqsud Şeyxza-
dənin bədii yaradıcılığı və Azərbaycan-özbək ədəbi əlaqələrinin
aktual problemləri” mövzusunda doktorluq dissertasiyası yazıb,
monoqrafiyalar çap etdirib. X.Rzanın arxivində “Türküstan diva-
nı”, “Özbəkistan poeziyası”, “Şeyxzadə dəftəri” adlı əlyazma
qovluqları saxlanılmaqdadır.
Ə.Hüseynzadə, Z.Göyalp və M.Ə.Rəsulzadənin ideya-məf-
kurə davamçılarından olan X.R.Ulutürk Vətən deyəndə bütün
türk dünyasını nəzərdə tutub: “Biz türkləriz... Vətənimiz başdan-
başa Yer kürəsi, Bayrağımız al günəşdir, çadırımız göy qübbəsi!”
– deyə türkü öyüb. Azərbaycan şairləri
Vətən dedikdə həm də
Azərbaycanın o tayını – Güneyi nəzərdə tutub, Vətəni bütöv
görüb tərənnüm ediblər.
Azərbaycan poeziyasında Vətənçilik məfkurəsi güclü olub.
O.Sarıvəllinin “Panamalı dilənçi”, “Dəvə karvanı”, “Təbriz gözə-
li”, M.Arazın “Dünyadan bir Araz axır”, “Astaraçay”, “Haça-
dağ”, “Yenə Arazı gördüm”, “Arazın işıqları”, C.Novruzun “İran
qadınlarına heyrət məktubu”, “Yuxumda o taya keçdim bu gecə”,
“Mən sərhəd görmüşəm”, B.Vahabzadənin “Neytral zona”, “Qə-
ribədir”, “İki yol”, N.Həsənzadənin “İran şahına məktub”,
S.Tahirin “Təbrizi gəzirəm”, “Ədalət mücəssəməsi”, “Cavab ver-
sin tarix mənə”, S.Rüstəmxanlının “Tarixi yaradanlar”... şeirləri
Cənub (Güney) mövzusunda olub. X.Rza da 60-cı illərdən başla-
yaraq Güney mövzusuna müraciət edib.
Sənətkarın “Sağlıq, yaxud vəsiyyət” (1962), “Oğlum Təbri-
zə” (1964), “Mən nəyəm ki, ey Vətən” (1962), “Təbrizim mə-
nim” (1965-75), “Anam layla çalır” (1966), “Gözün aydın, Azər-
baycan” (1969), “Xiyabani yurdunda” (1975), “Qatar gedər”,
“Səsin gəlsin, Təbrizim” (1980), “Xudafərin körpüsü” (1980),
X ə l i l R za U l u t ü r k
10
“Yaşasın həyat” kimi şeirlərində ideya Vətən birliyi və xalq tale-
yidir. “Oğlum Təbrizə” (1964) şeirində ata-şairlə bala-Təbriz
Azərbaycanın cüt qanadları – o tay, bu tay kimi mənalandırılır. O,
“Təbrizim mənim” (1965-75) şeirində oğluna bildirir ki, Təbrizə
gedən yollar təkcə sərhəddən yox,
həm də mənim gözümdən-
könlümdən keçir:
Soruş, cavab verim mən, hardan başlanır Vətən:
Vicdanın öz səsindən.
Zülmətdə bir cüt gözün ildırım qüvvəsindən!
Min haqsıza baş əyməz bir haqlının əzmindən!
“Səsin gəlsin, Təbrizim” (1980) şeirində sənətkar radio dal-
ğalarında Təbrizi axtarır, onun səsini eşitmək istəyir. Radionun
mili sanki “kirpiyin ucu boyda ümidinin telidir”. Ümid alışanda
şair doğma səsi, dili yox, “ruhu candan aparan yad dilli bir marş
dinləyir: “...Ey şəhid, ey şəhid. Xuni tu iftixar...” Şair Təbrizi öz
dərdləri ilə danışdırır:
Səsin gəlsin, Təbrizim, öz avazın, öz səsin!
Yandırsın daş qəfəsi, söksün beton məhbəsi
Haqq, ədalət uğrunda alov tutan nəfəsin!
Bərkdən danış, əzizim, səsinin möhtacıyam.
Yurdu vahid görməyin, yurdu xoşbəxt görməyin
təşnəsiyəm, acıyam!
“Xudafərin körpüsü” (1980) əsərinin mövzu və məzmunu isə
iki sahili birləşdirən tarixi körpünün rəmzi mənası ilə bağlıdır.
X.R.Ulutürkün “Həsrət”, “Təbrizli şairin düşüncələri”, “İki
qardaşın söhbəti”, “Qalx ayağa, Vətənim”, “O gün gələcək” poe-
maları da Cənub (Güney) mövzusunda olub milli ideallarla, Və-
tən taleyi ilə əlaqəlidir.
X.Rzanın xalqçılığı azərbaycançılığın, vətənçiliyin tərkib his-
səsidir. Şairin xalqçılığında Azərbaycanın ərazi-mənəvi birliyi
ifadə olunub.
B i b l i o q r a f i y a
11
Azərbaycançılıq Azərbaycan Respublikasının
müstəqil döv-
lətçiliyi ilə möhkəm bağlıdır. Bu barədə nəzəri-ideoloji olaraq
akad.R.Mehdiyev, prof.S.Xəlilov, Xalq yazıçısı Anar, İ.Həbib-
bəyli, prof.N.Cəfərov, prof.N.Şəmsizadə və başqaları fikir söylə-
yib. Azərbaycançılıq müstəqil Azərbaycan Dövlətinin əsas ideya-
sıdır. Azərbaycançılıq ideologiya, məfkurə olub elmi-nəzəri və
ideoloji zəminə malikdir. Hazırda həmin sistemin siyasi-nəzəri
müddəalarını ulu öndər H.Əliyevin ideyaları təşkil edir. H.Əliyev
Yeni Azərbaycan Partiyası yaradılmasının altıncı ildönümünə
həsr olunmuş yığıncağında demişdir: “Azərbaycan dövlətinin
milli ideologiyasının özəyini, əsasını təşkil edən azərbaycançılıq-
dır. Dövlətçilik,
milli-mənəvi dəyərlər, ümumbəşəri dəyərlər –
bunların hamısı azərbaycançılıq anlayışının tərkib hissəsidir... Bu
məfkurə təkcə Azərbaycan Respublikasında yaşayan azərbaycan-
lıların, təkcə Azərbaycan dövlətinin maraqlarını deyil, həm də
bütün dünyada yaşayan azərbaycanlıların milli-mənəvi maraqları-
nı ifadə edir”.
Azərbaycançılığın, milli ideologiyanın, milli ruhun əsasında
dövlətçilik, Azərbaycanın müstəqilliyi, ərazi bütövlüyü, milli
vətənpərvərlik və vətəndaşlıq hissi dayanır. Onun mənəvi poten-
siyası fasiləsiz mədəni irsimizdir. H.Əliyev Dünya azərbaycanlı-
larının birinci qurultayındakı çıxışında demişdir: “Azərbaycan
xalqının milli-mənəvi dəyərlərinin ən əsası bizim müqəddəs kita-
bımız Qurani-Kərimdə öz əksini tapıbdır. Ancaq bununla yanaşı,
Azərbaycanın mütərəqqi insanları, Azərbaycanın böyük şəxsiy-
yətləri, Azərbaycanın hörmətli
siyasi və dövlət xadimləri, böyük
elm, mədəniyyət xadimləri Azərbaycan xalqının milli-mənəvi də-
yərlərini yaradıblar. Bu, bizim adət-ənənəmizdir. Bu, bizim milli-
əxlaqi mentalitetimizdir”.
Milli ziyalılarımız içərisində Xəlil Rza Ulutürk istiqlal şairləri
Məhəmməd Hadi, Əhməd Cavad və Məhəmməd Biriya kimi
ədəbi-ictimai fəaliyyəti ilə tarixi vətənçiliyi, turançılığı, azərbay-
cançılığı, Azərbaycanın dövlət müstəqilliyini təcəssüm etdirib.
Xəlil Rzanın poeziyasında Azərbaycanın ümumiləşmiş obrazı milli
X ə l i l R za U l u t ü r k
12
dil, tarix, ənənə, psixologiya və mənəviyyatla möhkəm bağlı olub.
Azərbaycan, vətən və xalq məfhumlarının bədii ifadəsi
X.Rza yaradıcılığında XX əsrin 1950-ci illərindən görünməyə
başlayıb. 1960-cı illərin şeirlərində ideya-estetik məzmun geniş-
lənib, 1970-ci illərin əsərlərində lirik
polifoniya, ideya-bədii
mündəricə zənginləşib. Milli dil, tarixi reallıq, ənənə, psixologiya
və mənəviyyat 1980-ci illərin şeirlərində bədii siqlətilə seçilib,
şair “Mən”i 1980-90-cı illərin əsərlərində milli xarakter konkret-
liyi kəsb edib.
1950-ci illərin şeirlərində X.Rzanın təbiətə münasibəti onun
arzu və duyğularını qidalandırıbsa, 1960-cı illərin şeirlərində
(1960-1964) poetik obrazlarda, əsasən,
təşbeh və metaforalarda
təzahür edib. Bu şeirlərdə Azərbaycanın (xalqın) ifadəsi məcazlar
şəklində, motiv, duyğu halında müəyyənləşib:
Bir Muğam zilidir – ox çinarların,
Meh dəyən budaqlar – incə kamanım
Sən – Zərdüşt zəkalı, Babək baxışlı,
Üzeyir nəfəsli Azərbaycanım!
(“Vətən düşüncələri”)
X.Rzanın 1950-80-cı illər şeirlərində Azərbaycan ideyası (dil
və reallıq) tərənnüm, vəsf, etiraf halındadır (“Tamam doğmayan
günəş” (1962), “Vətən”, “Yanardağ”(1975), “Yaxşı ki, bu yurdun
balasıyam mən”(1978), “Mən bu gecə oyağam” (1978), “Mən
Azərbaycanam” (1979), “Yurdum, sənin sağlığına” (1979),
“Yaxşı ki”(1980).
“Səməndər quşu kimi” (1970), “Şeirimizin Babəki” (1978-
80), “Məmməd Araza” (1982), “Xudu müəllim” (1983), “Məndən
başlanır Vətən” (1983), “Sənin cavabın” (1984) əsərlərində Azər-
baycanın (xalqın) tarixi şəxsiyyətləri xalq psixologiyası və
mənəviyyatının təcəssümü kimi qiymətləndirilir. Belə əsərlərin
ideyasında xalqla sənətkarın, kütlə ilə şəxsiyyətin birliyi əsas
xüsusiyyət olub: