B i b l i o q r a f i y a
13
–
Oddur – dedim – bu nəfəs
Zəlzələ dağı yerdən bəlkə qopara bilər,
Sənətkarı xalqından heç nə ayıra bilməz.
X.Rzanın poeziyasında xalqın həyat və məişəti (reallıq),
psixologiya və mənəviyyatı epik təsvir təhkiyəsindən çox, psixolo-
ji-mənəvi məqamların ifadəsində daha artıq konkretlik kəsb edib.
1980-ci illərin əsərləri içərisində “Məndən başlanır Vətən”
(1983), “Azərbaycan” (1988), “Gəlir böyük Azərbaycan” (1986-
1990) əsərləri azərbaycançılığın poetik ifadəsi kimi xüsusi yer tutur.
“Gəlir böyük Azərbaycan” əsəri respublikanın müstəqil döv-
lətçilik ideyası, xalqın gücü və səbatının poetik təcəssümüdür.
Xəlil Rzanın lirik-epik, hissi-romantik təsvirlərində mənəvi birlik
ideyası bütün
millətlərə, hər bir vətəndaşa ünvanlanır, milli şüur
və məfkurəyə doğru yönəlir.
X.R.Ulutürk bədii yaradıcılığa XX əsrin 1940-cı illərində
başlayıb. Onun arxivində ilk mətbu əsəri 1948-ci il, “Kitab” şeiri
(“Pioner” qəzeti) göstərilir. Lakin həmin ildə “Pioner” qəzetində
şairin “Abşeron” şeiri dərc edilib. X.Rzanın 50-ci illərdə “Qatar
gedər” (1951), “Budapeştdə heykəl” (1951), “Müqəddəs yol”
(1952), “Böyük günlər bayramı” (1953), “Radionu dinlərkən”
(1954), “Həyat düşüncələri” (1954) şeirlərində poetik intonasiya
azlıq edib, “Şərqin gözləri” (1956), “Şairin cavabı” (1956), “Bə-
zənin, a qızlar” (1961) kimi sosial-siyasi şeirlərində ənənəvi mo-
tivlər, epik-lirik təhkiyə görünən xüsusiyyət olub.
1960-cı illərin əsərləri içərisində “Afrikanın səsi” (1960)
(sonralar “Azərbaycanın səsi”, “Mənim səsim”) şeiri azadlıq
ideyasının məna tutumu ilə seçilib:
Azadlığı istəmirəm zərrə-zərrə, qram-qram!
Qolumdakı zəncirləri qıram gərək, qıram,
qıram!
Azadlığı istəmirəm bir həb kimi, dərman
kimi!
İstəyirəm səma kimi, günəş kimi, cahan kimi!
X ə l i l R za U l u t ü r k
14
Çəkil, çəkil, ey qəsbkar! Mən bu əsrin gur
səsiyəm!
Gərək deyil sısqa bulaq! Mən ümmanlar
təşnəsiyəm!
B.Vahabzadə yazırdı ki, “Afrikanın səsi” yalnız Afrika xalq-
larının deyil, öz azadlığı və istiqlalı uğrunda ayağa qalxan və
müstəmləkəçiliyin, faşizmin hər cür təzahürünə qarşı barışmaz
mövqe tutan, imperializmin buxovlarını qıran bir sıra ölkələrin
mübarizə əzmi, üsyankar ruhu çox sərrast və qüvvətli ifadə olu-
nub”. Həmin illərdə O.Sarıvəlli “Neapol şeirləri” (1961), “Məra-
keş lövhələri” (1961), B.Vahabzadə “Sökün çəpərləri” (1965),
R.Rza “Lüban oğlu Şəkib” (1967), “Vyana xatirələri”, C.Novruz
“Zamanın səsi”,
Ə.Cəmil “Kuba vətənpərvərlərinə”,
N.Həsənzadə “Fələstin nəğmələri” əsərlərini yazıb.
1960-cı illərdə X.Rza üç kitab (“Məhəbbət dastanı”, “Mənim
günəşim”, “Qollarını geniş aç”) çap etdirib.
Bu kitablarda ifadə
olunan fərdi bədii şüur psixoloji məqamlardan başlayıb. 1970-
1980-ci illər poeziyasında aparıcı bədii keyfiyyət olan psixoloji-
mənəvi məqamlar öz qidasını əslində 1960-cı illərin ilk nümunə-
lərindən alıb (“Nifrətim var” (1960), “And içirəm” (1962), “Şəla-
lə kimi” (1962), “Ermitaj və Avrora” (1962), “Ürək qızıl gülə
bənzər” (1962), “Əyilmə” (1962), “Qonaq çağırıram bəşəriyyəti”
(1963), “Vəzifə” (1967), “Mən Şərqəm” (1968) və başqaları).
X.R.Ulutürkün “Vətən, ya ölüm” (1960-1962), “Vyetnam”,
“Prezident kabinəsi”, “Qrenada, Qrenada” (1982), “Rədd olun
Vyetnamdan, ey qəsbkarlar” (1966-68), “Sofiyada festival”
(1984), “Qəzəb marşı” (1982) əsərləri də beynəlxalq mövzuda
qələmə alınıb.
1960-cı illərin əvvəllərindən başlayaraq X.Rzanın yaradıcılı-
ğında vətəndaşlıq, vətənpərvərlik ideyaları qüvvətlənib, onunla
hakim ideologiya, üstqurum arasında təzadlar da güclənib. Şair
sovet həyat tərzini idealizə etməyib. O, həmişə mövcud olanların
mənfi tərəfindən obyektə diqqət yetirib, ictimai-siyasi gerçəkliyə
müxalif olubdur. X.Rza poeziyasında tərənnüm pafosu azlıq
B i b l i o q r a f i y a
15
təşkil edib. Şairin yaradıcılıq fərdiyyəti
daha çox mənfiliklərə
etiraz əsasında estetik idealını canlandırıb. Bu səbəbdən onun
1970-ci illər poeziyasında, əsasən, təzadların rəngarəngliyi, möv-
zu zənginliyi, adi hadisələrin poetik dünyasından həyata baxış
tədricən yığılıb, ideya-bədii mətn mənəvi-psixoloji təzadları,
məqamları öz içinə alıb. 1960-cı illərin şeirlərində X.Rza mövzu
və mündəricə baxımından daha duyumlu görünübsə, 1970-ci
illərin poeziyasında o, mənəvi-psixoloji olaraq milli həyata və
dünyaya nüfuz edib.
X.Rzanın “Yeni zirvələrə” (1971), “Ucalıq” (1973), “Doğ-
malıq” (1977) kitabları 1970-ci illərdə çap olunub. Movcud
hadisələri mənalandırmaq,
onlara bədii dəyər vermək, obyektə
fəlsəfi-tarixi, əxlaqi-estetik baxış 1970-ci illər poeziyası üçün
səciyyəvidir. Bu baxımdan “Yaratmamışdır”, “Filosof və şair”
(O.Sarıvəlli), “Dünya” (B.Vahabzadə), “Hüseyn Cavid” (N.Hə-
sənzadə), “Müdriklik” (M.Dilbazi), “Azərbaycan – dünyam mə-
nim” (M.Araz), “Yaddaş” (F.Qoca) kimi ədəbi nümunələrdə
fəlsəfi dəyərləndirmə və məntiqi mühakimə bədii xüsusiyyətlər-
dəndir. X.R.Ulutürk də lirik-epik üslubu ilə tarixin, zamanın hadi-
sələrinə diqqət kəsilib, onları lirik-psixoloji və analitik olaraq çö-
züb. 1970-ci illərin əsərlərində ictimai
etirazlar mövcud mühit və
şəraitə, insanlar arasında hökm sürən mənəvi-psixoloji, ictimai-
siyasi haqsızlıqlara, beynəlxalq şovinizmə, istismara, müstəmlə-
kəçiliyə, imperiyaçılığa qarşı olub.
Şairin ictimai etirazları əvvəlcə özündən (“İlham”, “Səmən-
dər quşu kimi” və başqaları), özünüetirafdan başlayıb (“And içi-
rəm” (1974), “Silkələnmə” (1975), “Qarşıdadır” (1979)). X.Rza
ictimai etinasızlıq, ətalət və biganəliyə (“Heç olmaz ki...”, “İşsiz
kişilər”, “Düşüncələr” və başqaları) qarşı olanda satira və tənqidə,
M.Ə.Sabir ənənələrinə üz tutub, tənqid obyektini nəticə etibarilə
özünün arzu və idealları ilə birləşdirib.
1960-cı illərin axırları, 1970-ci illərin əvvəllərindən
başlaya-
raq Xəlil Rzanın yaradıcılığında fəlsəfi-etik məzmun konkretlə-
şib, fəlsəfi düşüncələr mücərrəd, xəyali deyil, həyati zəminə,
realizmə əsaslanıb.
X ə l i l R za U l u t ü r k
16
İnsan fəlsəfəsində fikir və qəlb azadlığı milli azadlığa (bəşə-
ri) gedilən yol, mənəvi-ruhi təkan olub (“Sükan arxasında”,
“Ömrüm” və başqaları). “İgidlər, dahilər” şeirində ictimai-fəlsəfi,
etik-estetik düşüncələrin ifadəsi qüvvətlənib. B.Vahabzadə
yazırdı: “Qəhrəmanların və yaradıcı idrak sahiblərinin ölümdən
güclü olması ideyası bu şeirdə çox sərrast ifadəsini tapmışdır”.
“Cahana sığmayan şair”, “Kentavr”, “Düzlük” şeirlərində də
başlıca fəlsəfi qənaət belədir: Dünya yalnız ruh, ağıl
və hikmət
sahiblərinindir. Yalnız ağıl və idrakın işığı insanı kamilləşdirə,
Tanrıya yaxınlaşdıra bilər!
XX əsr Azərbaycan poeziyasında, əsasən, 1940-50-ci illərdən
başlayan İnsan mövzusu (konkret obraz müəyyənliyi) geniş
planda, orijinal poetik təsvirdə, zəngin bədii mündəricədə ifadə
olunub. S.Vurğunun “İnsan” (1945), R.Rzanın “Mən insanam”
(1957), “Vaxt var ikən” (1961), N.Həsənzadənin “Cavabdehəm”,
“Ata sərvəti”, C.Novruzun “İnsan himnləri”, “İnsan, insan”
(1969), “Tələsin insanlar, gecikin insanlar” (1969), “Sağlığında
qiymət verin insanlara”, M.Arazın “İnsan monoloqu”, H.Arifin
“İnsan”, “N.Hikmət”, Ə.Kərimin “Heykəl və heykəlin qardaşı”,
B.Vahabzadənin “Dayan, insan” (1970), “İnsan ömrü”, F.Qoca-
nın “Adi insan”, “İnsan”, X.Rzanın “Sarsılma”, “Ömür”, “İgidlər,
dahilər”, “Babək”, “Nizami”, “Sən mənə bir silah verdin” və
başqa əsərləri insan mövzusunda olub, fəlsəfi dualizmi bədii
şəkildə ifadə edir. Şairin 1980-ci illər şeirləri insanın
mənəvi-psi-
xoloji aləmilə daha çox bağlı olduğundan, onu məqam və məra-
mın təcəssümü kimi qiymətləndirmək olar.
X.Rzanın “Taparam səni” (1980), “Ömürdən uzun gecələr”
(1982), “Hara gedir bu dünya” (1983), “Daşdan çıxan bulaq”
(1986), “Məndən başlanır Vətən” (1988) kitabları 1980-ci illərdə
nəşr olunub. Bu illərin əsərlərində mövcud haqsızlıqlara, ədalət-
sizliklərə etiraz, mübarizlik, inqilabçılıq əhvali-ruhiyyəsi şairin
lirik qəhrəmanı üçün əsas olub.
X.R.Ulutürk 1980-ci illərə qədərki əsərlərində sosial-siyasi
quruluşa əsasən lirik-epik üslubda diqqət yetirib. 1980-ci illərin
əsərlərində isə şairin cəmiyyətə qarşı üsyankar, inkarçı mövqeyi