34
qiymətləndirmək üçün bu cür bilik ehtiyatına və vaxta malik olmur (və ola da
bilməz).
Menecerlər yaxşı başa düşürlər ki, optimal həll yollarının axtarılması çox
çətindir, bu, çoxlu vaxt tələb edir və baha başa gəlir, buna görə də onlar optimal
deyil, lazımi qədər yaxşı, qəbul oluna bilən variantı seçirlər ki, bu variant problemin
aradan qaldırılmasına, əvvəlki mərhələdə müəyyən olunmuş seçim meyarlarının
lazım olmayan alternativlərini qabaqcadan ayırmağa köməklik edir.
Bəzən elə bir hal yaranır ki, bu zaman həll olunacaq problem əvəllər mövcud
olmamış, yəni mümkün ola bilən alternativlər naməlumdurlar və onları qabaqcadan
ifadə etmək lazım gələcəkdir. Belə olan halda problemin kollektiv qaydada
müzakirəsi və alternativlərin kollektiv axtarışı çox faydalıdır.
5. Ə n yaxş ı alternativin seçilmə si. Problemin həllinin mümkün ola bilən həlli
yollarını işləyərkən, onları qiymətləndirmək lazımdır, yəni hər bir alternativin üstün
tərəflərini və çatışmamazlıqlarını müqayisə etmək, üçüncu mərhələdə seçilmiş
meyarlardan istifadə etməklə onların reallaşdırılmasının ehtimal olunan nəticələrini
təhlil etmək lazımdır.
Seçimin bir qayda olaraq, bir deyil, bir neçə meyar əsasında həyata
keçirilməsini nəzərə alaraq, seçmə həmişə kompromis (razılaşma) xarakteri daşıyır.
Bundan başqa, həll yollarının mümkün olan variantlarının qiymətləndirilməsi zamanı,
rəhbər, müqayisə olunan ölçülərin proqnoz qiymətləndirilməsi ilə rastlaşır ki, onlar
da həmişə ehtimal xarakteri daşıyırlar. Ona görə də risk amilinin, yəni hər bir
alternativin həyata keçirilməsi ehtimalının müəyyəən olunmasının nəzərə alınması
vacibdir. Risk amilinin nəzərə alınması “ən yaxşı qərar” ifadəsinin özünə yenidən
baxılmasına gətirib çıxarır: bu, hər hansı bir göstəricini maksimallaşdıran və yaxud
minimallaşdıran variant deyil, ona yüksək dəqiqliklə nail olmaq ehtimalını təmin
edən variant sayılır.
6. Qərarların razılaşdırılması. Müasir idarəetmə sistemlərində əməyin
bölgüsü nəticəsində elə bir vəziyyət yaranmışdır ki, qərarı təşkilatın bir qrup işçiləri
hazırlayırlar, işləyirlər, onun qəbul olunmasını və yaxud təsdiq edilməsini başqaları,
yerinə yetirilməsini isə üçüncü şəxslər həyata keçirirlər.
35
Başqa sözlə, rəhbər qərarı tez-tez təsdiq edir və ona görə məsuliyyət daşıyır,
amma onu o, hazırlamayıb; qərarı hazırlayan və təhlil edən mütəxəssislər onun həyata
keçirilməsində iştirak etmirlər; ictaçılar isə öz növbəsində, qərarın hazırlanmasında
və hazırlanan qərarların müzakirəsində iştirak etmirlər. Təşkilatda qərarın qəbul
edilməsi prosesi səhvən qrupvari deyil, fərdi proses kimi nəzərdən keçirilir. Belə ki,
təşkilatda, təşkilatda qərarın formalaşması prosesi qəraralrın fərdi qaydada qəbul
olunmasından xeyli fərqlənir. Rəhbər deyil, məhz təşkilat yaranan problemlərə
münasibət göstərməlidir. Təkcə təşkilatın rəhbəri deyil, təşkilatın üzvləri işin
səmərəliliyinin artırılmasına can atmalıdırlar. Doğrudur, təşkilat üçün istiqaməti
seçən menecerlərdir, lakin qərarın reallaşdırılması üçün təşkilatın bütün üzvlərinin
birgə səyi lazımdır. Ona görə də qəraralrın qəbul olunmasının qrupvari proseslərində
razılaşdırılması mərhələsi çox mühüm bir rol oynayır.
deal halda icraçılar menecerlərin qərarlarına uyğun olaraq hərəkət etməlidirlər,
lakin təcrübədə heç də həmişə bu cür alınmır. Qərarın tanınması, lap bu qərar nə
qədər yaxşı olsa da, nadir hallarda avtomatik baş verir. Buna görə də rəhbər özünün
nöqteyi-nəzərinin doğruluğunda əminlik yaratmalı, işçilərə onu sübut etməlidir ki,
onun qərar həm təşkilat üçün, həm də onun ayrı-ayrı işçiləri üçün xeyirlidir. Təcrübə
göstərir ki, qərarın tez və səmərəli yerinə yetirilməsi ehtimalı biraqat o zaman artır ki,
israçılar qəbul olunan qərar barədə öz fikirlərini bildirirlər, hər hansı təklif verə
bilirlər və s. Bu zaman qəbul edilmiş qərar yuxarıdan zorla verilmiş kimi
deyil,özününkü kimi qəbul olunur. Ona görə də qərarın razılaşdırılmasının ən yaxşı
üsulu, işçilərin qərarın qəbul edilməsi prosesində bu işə cəlb olunmasıdır. Aydındır
ki, bu üsulu heç də mütləqləşdirmək də lazım deyildir; bəzən elə hallar olur ki, bu
hal, qeyri-mümkün olur və yaxud qeyri-rasional olur və buna görə də menecer,
müzakirələrə və razılaşdırılmalara əl atmadan təkbaşına qərar qəbul etməli olur, lakin
yaddan çıxartmaq lazım deyil ki, tabeçiliyində olan işçilərin fikir və mülahizələrinə
daimi olaraq etinasışlığın göstərilməsi, avtoritar idarəetmə üslubuna gətirib çıxarır.
7. Qə rarların reallaş dırılmasının idarə olunması. Problemin yerinə
yetirilməsi prosesi alternativin seçilməsi ilə bitmir: real səmərə əldə etmək üçün
qəbul olunmuş qərar yerinə yetirilməlidir.
36
Qərarın müvəffəqiyyətlə reallaşdırılması üçün ilk əvvəl, işlər və resurslar
kompleksini müəyyən etməli, onları icraçılar arasında və yerinə yetirilmə
müddətlərinə bölüşdürməlidir, yəni kim, harada, nə vaxt və necə hərəkətlər etməlidir
və bunun üçün hansı resurslar lazımdır ki, qərar yerinə yetirilə bilsin. ri qərarlar
yerinə yetirilmə proqramlarının işlənilməsini tələb edirlər. Bu planın həyata
keçirilməsi zamanı rəhbər, qərarın necə yerinə yetirilməsini izləməli, lazım olan
hallarda köməklik göstərməli və bəzi düzəlişləri etməlidir.
8. Nə zarə t və nə ticə lə rin qiymə tlə ndirilmə si. Hətta qərarın tam qəbul
olunmasından sonra proses tam başa çatdırımış hesab olunmur, çünki hələ əmin
olmaq lazımdır ki, bu qərar özünü doğruldur, ya da ki, heç doğrultmur. Bu məqsədə
də, nəzarət mərhələsi qulluq edir və o, əks əlaqə funksiyasını yerinə yetirir. Bu
mərhələdə qərarın nəticələrinin ölçülməsi və qiymətləndirilməsi və yaxud faktiki
nəticələrin rəhbərin əldə eləmək istədiyi nəticələrlə müqayisə olunması həyata
keçirilir.
Bir məsələni yaddan çıxarmaq lazım deyil ki, qərar həmişə müvəqqəti xarakter
daşıyır. Onun səmərəli müddəti problemli halın nisbi daimilik müddətinə bərabər
olur. Ondan xaricdə qərar səmərə verməyəcəkdir və hətta özünün əksinə çevrilib
problıemi daha da kəskinləşdirəcəkdir. Bununla əlaqədar olaraq, nəzarətin əsas
vəzifəsi – qərarın azalmaqda olan səmərələliyini vaxtında aşkar etmək, onu
dəqiqləşdirmək və yaxud yeni qərar qəbul etməkdən ibarətdir. Bundan əlavə, bu
mərhələnin həyata keçirilməsi, qərarların qəbul edilmə təcrübəsini genişləndirməyə
və onu sistem halına salmağa imkan yaradır.
Sahibkarlıq qərarlarına nəzarət olunması problemi çox aktualdır, xüsusilə iri
bürokratik təşkilatlar üçün. Çoxlu sayda ağıllı və xeyirli qərarlar qəbul etmək
mümkündür, lakin rasional qaydada təşkil olunmuş yerinə yetirilməyə nəzarət
sisteminın olmaması, bu qərarların kargüzarlıq səviyyəsində ilişib qalmasına və
gözlənilən səmərənin əldə olunmamasına səbəb olacaqdır. Sahibkarlıq qərarlarının
qəbul olunmasına nəzarət, təşkilatda hərtərəfli nəzarətin həyata keçirilməsi ilə və
bunun nəticəsində isə təsərrüfat subyektlərinin özlərinin əsas məqsədlərinə, yəni
mənfəətin əldə olunması ilə bağlıdır.
Dostları ilə paylaş: |