23
bu şəxsin sərəncamına müəyyən məbləğ ödəməyi öhdəsinə götürür (sadə veksel).
Başqa sözlə, veksel qanunla müəyyən olunmuş qaydada tərtib edilmiş, üzərində
göstərilmiş müddətdə və yerdə ödəniləcək məbləğ göstərilən borc öhdəliyidir.
Veksel öhdəliyinin obyekti kimi yalnız pul vəsaitləri çıxış edə bilər. Vekselin
səciyyəvi əlamətləri onun şərtsizliyi, mücərrədliyi, müştərək məsuliyyətliliyi,
tədavül qabiliyyətliliyidir.
Vekselin müxtəlif növləri mövcuddur və əsasən aşağıdakılar fərqləndirilir:
• Kommersiya (əmtəə) vekseli kommersiya əqdlərində tətbiq olunur.
Kommersiya vekseli vasitəsilə satıcı alıcıya möhlətlə satılmış əmtəənin dəyərinin
ödənilməsi qaydasında vekseli qəbul etməklə kommersiya krediti verir. Bu həm
borc öhdəliyidir həm də ödəmə vasitəsi.
• Maliyyə vekseli. Bunun əsasında əmtəə alqı-satqısı ilə bağlı olmayan
maliyyə əməliyyatları durur. Bu veksel kreditin alınması ilə əlaqədar maliyyə
əqdini rəsmiləşdirir. Kreditorla borcalan arasında kredit müqaviləsi bağlanmır.
Sadəcə borcalan investora vekseli satmaqla maliyyə resursları cəlb edir. Maliyyə
vekseli vasitəsilə müəsissələr bir-birlərinə kredit verə bilər.
• Saxta veksel. Bu cür veksel fırıldaqçılıq əməliyyatlarının keçirilməsi
məqsədi ilə istifadə olunur. Onun əsasında nə kommersiya nə də maliyyə
əməliyyatı durur. Veksel tədavülündə iştirak edən şəxs tərəfindən uydurulur. Saxta
veksel emissiyasında məqsəd vekselin girovu ilə bankdan kredit almaq yaxud
əmtəə əqdləri və ya maliyyə öhdəlikləri üzrə veksellə hesablaşmaqdır.
• Dostluq vekselləri. Bu veksellər çox sıx münasibətlərdə olan və bir-
birlərinə etibar edən şəxslər tərəfindən yazılır. Dostluq vekselləri heç bir real
əməliyyata əsaslanmır. Onların buraxılışında əsas məqsəd maliyyə çətinliyi ilə
üzləşən tərəflərdən birinə yardım etməkdir. Bu vekseli alan müəssisə onun
vasitəsilə malgöndərənlərlə hesablaşa yaxud nağd pul almaqdan ötrü banka girov
verə bilər. Bu cür veksellərin risk dərəcəsi yüksək olur.
• Xəzinə vekselləri. Bu dövlətin borc öhdəliyidir. Xəzinə vekselləri kredit
bazarında ən çox tədavül xassəsinə və likvidliyə malik olan, risk səviyyəsi də aşağı
24
olan qiymətli kağızlardır. Bu veksellərin dövriyyəyə buraxılması və ya çıxarılması
dövriyyədəki pul kütləsinin tənzimlənməsinə effektiv şəkildə kömək edir.
Bütün buraxılan veksellər sadə və köçürmə (ötürücü) veksellərə ayrılır. Sadə
veksel borcalanın kreitora müəyyən məbləğin müəyyən yerdə və təyin olunmuş
müddətdə ödəyəcəyi yaxud kreditorun əmri ilə üçüncü şəxsə köçürəcəyi haqda
öhdəliyidir. Belə vekseli həmişə borcalan tərtib edir.
Köçürmə veksel (tratta) isə kreditorun vekseldə göstərilən məbləğin
göstərilən müddətdə üçüncü şəxsə (remitent) ödənilməsi haqda borclu şəxsə
(trassat) verdiyi əmrdir. Borc verən tərəf isə trassant adlanır.
Vekseli alan remitent orada göstərilən trassatın ödəməni keçirəcəyinə əmin
deyil. Ona görə borclunun vekseldəki məbləği ödəməyə razılığının olduğuna əmin
olmaqdan ötrü veksel aksept olunmaqdan ötrü trassata göndərilir. Aksept veksel
üzrə öhdəliyin yerinə yetirilməsi haqda yazılı razılıqdır. Aksept tam və natamam
ola bilər. Tam aksept bildirir ki, trassat vekseldəki məbləği təyin olunmuş
müddətdə tam həcmdə ödəyəcək. Natamam aksept isə borclunun məbləğin yalnız
bir hissəsini ödəməyə razı olduğunu bildirir.Köçürmə veksel indossoment
vasitəsilə bir şəxsdən digər şəxsə ötürülür.
5) Çek. Çek orderli qiymətli kağız olub, ifadə etdiyi pul məbləğinin çek
sahibinə ödənilməsi barədə çek verənin banka verdiyi və heç nə ilə
şərtləşdirilməyən yazılı sərəncamından ibarətdir. Hesab sahibinin kredit təşkilatına,
çeksaxlayana üzərində göstərilən məbləği ödəməsi barədə verdiyi əmri özündə
tərənnüm edən, müəyyən olunmuş formada qiymətli kağız növüdür. Başqa sözlə
çek, faktiki olaraq köçürmə vekselin, hesab sahibinin kommersiya bankına yazdığı
bir növü kimi ortaya çıxır. Çek tədavülündə də Trassant, trassat və remitent
mövcuddur. Trassantla trassatın adı çekin blankında göstərilir. Remitentin adı isə
çekverən tərəfindən çekin məbləği və yazılma tarixi ilə birgə yazılır. Vekseldən
fərqli olaraq isə çek aksept tələb etmir. Çek üzrə ödəyici yalnız bankdır. Bundan
başqa, çek tapşırıqla yazıla bilməz, çünki bank onda olan imza nümunəsindən
fərqlənən imzalı çeki ödəməkdən imtina edir.
Çeklərə hesablaşma çeki, bank çeki, pul çeki və yol çeki aiddir.
25
Hesablaşma çeki hesablardan nağdsız qaydada hesablaşmaların aparılmasını
nəzərdə tutan çekdir.
Bank çeki bir bankın başqa banka banklararası hesablaşmaların aparılması
üçün təqdim etdiyi çekdir.
Pul çeki müştərinin bankda olan hesabından nağd pul vəsaitini almaq üçün
yazılı sərəncamdan ibarət olan çekdir.
Yol çeki bir məntəqədə verilmiş çekdə imza nümunəsi göstərilən çek
sahibinə, çekdə yazılmış məbləği ödəməyi üzərinə götürən təşkilatın öhdəliyi olub,
digər məntəqədə nağdlaşdırılan çekdir. Yol çeklərinin ödənilməsi sahibinin imzası
əsasında çekin emitenti, onun filialı və yaxud emitentin göstərdiyi digər təşkilat
tərəfindən həyata keçirilir.
Digər qiymətli kağızlar kimi çeklərin də bəzi növləri vardır. Onlar
aşağıdakılardır:
• Adlı çek konkret şəxsin adına yazılır və başqa şəxsə ötürülməsi qeyri
mümükündür.
• Orderli çek də konkret şəxsin adına yazılır, lakin belə çeklər
indossoment vasitəsilə digər şəxslərə ötürülə bilər.
• Adsız çeklərin üzərində isə ad göstərilmir və digər şəxslərə adi
təqdimedilmə ilə ötürülə bilər.
• Hesablaşma çeki nağdsız hesablaşma sferasında fəaliyyət göstərən
çeklərdir.
• Aksept olunmuş çeklər üzrə bank müştəriləri cari hesablarında olan
depozit hüdudunda çekləri akseptləşdirə bilərlər. Yəni bu çeklərin üzərində
göstərilən məbləğ bank tərəfindən onun depozitində bu məbləğ olmasa belə,
müştəriyə ödənilən çeklərdir.
Çeklərdən bankdan nağd pulların alınması məqsədilə (adlı çeklər), mal və
xidmətlərə görə hesablaşmalar üçün (orderli və adsız çeklər), nağdsız
hesablaşmaları ifadə edən alət kimi (hesablaşma və aksept olunmuş çeklər),
qiymətli kağızlarla birja sövdələşmələri üçün istifadə olunur.
Dostları ilə paylaş: |