17
Təqdim edilənə qiymətli kağızlar – dövriyyəsi qeydiyyat tələb etmiyən və
sahibkarın adı blank üzərində təsbit edilməyən qiymətli kağızlardır.
Dövlət qiymətli kağızları adətən istiqraz vərəqələrinin müxtəlif növüdür.
Qeyri-dövlət qiymətli kağızları müxtəlif şirkətlər (kompaniyalar, blanklar,
təşkilatlar) və fiziki şəxslər tərəfindən dövriyyə buraxılır.
Risk səviyyəsinə görə qiymətli kağızlar prinsipjə aşağıdakı formadadır:
•
gəlir yüksək olduqca, risk də yüksəkdir;
•
qiymətli kağızın təminatı yüksək olduqca, risk aşağıdır.
Qiymətli kağızların aşağıdakı əsas növləri vardır:
1) Səhmlər. Səhm qiymətli kağız olub, səhmdar cəmiyyətində üzvlüyü və
sahibinin (səhmdarın) səhmdar cəmiyyəti mənfəətinin bir hissəsini dividendlər
şəklində almaq, səhmdar cəmiyyəti işlərinin idarə olunmasında iştirak etmək
hüququnu və cəmiyyətin ləğvindən sonra qalan əmlakın bir hissəsinə hüququnu
təsdiqləyir. Səhmin emitenti yalnız səhmdar cəmiyyəti ola bilər. Səhm adi və ya
imtiyazlı növündə buraxıla bilər. Adi səhmlərin hər biri eyni nominal dəyərli
olmaqla onun sahibinə eyni həcmdə hüquqlar verir. mtiyazlı səhmlərin bir
buraxılışı daxilində hər biri eyni nominal dəyərli olmaqla onun sahibinə eyni
həcmdə hüquqlar verir.
Korporativ əsaslarda yaradılmış və fəaliyyət göstərən təsərrüfat
subyektlərinin, yəni açıq və qapalı səhmdar cəmiyyətlərin əsas maliyyə mənbəyini
səhmlərin buraxılması və yerləşdirilməsindən əldə olunan vəsaitlər təşkil edir.
Səhmlərdən əldə olunan gəlir dividend adlanır. Dividend xalis gəlirin ümumi
məbləğinin bir hissəsi olmaqla səhmdarlər arasında onların səhmlərinin sayına
uyğun olaraq bölüşdürülür. Səhm üzrə dividentlər müxtəlif üsullarla ödənilə bilər:
nağd pulla, müəssənin istehsal etdiyi məhsullarla, həmçinin əlavə səhmlər
şəkilində də ödənilə bilər. Bu ödəmələr kvartal üzrə, yarım ildən bir və ya ildə bir
dəfə ödənilə bilər.
Səhmlər nominal və məzənnə qiymətinə malik olurlar. Səhmin nominal
qiyməti səhmin sertifikatında göstərilən qiymətdir. Səhmdar cəmiyyətin bütün adi
səhmlərinin nominal qiyməti eyni olmalı və bütün səhm sahibləri üçün bərabər
18
hüquq təmin etməlidir. Məzənnə qiyməti isə gündəlik olaraq qiymətli kağız
bazarındakı tələb və təklifdən asılı olaraq formalaşır.
Səhmlərin bir sıra əlamətlərə görə təsnifləşdirilməsi qəbul olunmuşdur.
Onların təsnifləşdirilməsi prinsipləri aşağıdakı kimidir:
Emitentə görə: korporativ və qeyri səhmdar tipli müəsissələrin səhmləri
Gəlirin daxil olma üsuluna görə: adi (gəlir qəti müəyyən olunmur, xalis
gəlirin ölşüsündən asılı olaraq müəyyənləşir) və imtiyazlı (gəlir qəti müəyyən
olunmuş formada olur, xalis gəlirin həcmindən asılı olmur)
Dönərlilyinə görə: dönərli səhmlər (konvertə olunan, digər növ qiymətli
kağızlara uyğun proporsiyalarda dəyişdirilə bilən) və qeyri dönərli səhmlər
(konvertə olunmayan,digər növ qiymətli kağızlara mübadilə olunmayan)
Sahiblik qaydasına görə: Adlı səhmlər və Təqdimatlı səhmlər.
nkişaf etmiş ölkələrdə səhmdarların hüquqlarını məhdudlaşdıran müxtəlif
cür adi səhmlər buraxılır. Səhmlərin nəzarət zərfinin arzuolunmaz şəxslərin əlinə
keçməsinə yol verməməkdən ötrü səhmdar cəmiyyəti məhdud səs hüquqlu adi
səhmlərin buraxılmasına əl ata bilər. Məsələn, səssiz səhmlər. Belə səhmlərin
sahibləri iclaslarda səs hüququna malik deyillər. Bu mənada onlar imtiyazlı
səhmlərə yaxındırlar. Lakin, dividentin ödənilməsi və emitent ləğv olunduqda
iddialara baxılmasına görə adi səhmlərlə üst-üstə düşür. Səssiz adi səhmlərin öz
müştəriləri vardır. Bu səhmlərə daha çox şirkəti idarə etməyə iddialı olmayan
amma qoyulmuş kapitala görə sabit və daha yüksək gəlir əldə etmək istəyən
şəxslər maraq göstərir. Səssiz adi səhmlərin qiyməti, bazarda səs hüququ verən adi
səhmlərə nisbətən aşağı olur. Bundan başqa dünya təcrübəsində tabeli səhmlər də
mövcuddur. Bu səhmlər sahiblərinə səs hüququ versə də səhmdar cəmiyyətin
buraxdığı digər tipli adi səhmlərlə müqayisədə bir qədər az miqyasda verir.
Məsəslən, adi səhm sahibinə 1 səs hüququ verirsə, belə tip səhmin 10 ədədi 1 səs
hüququ verir.
Məhdud səs hüquqlu səhm sahibləri isə yalnız müəyyən sayda səhmlərə
sahib olduqda səs hüququ əldə edirlər.
19
Səhmlərə sahib olmagın riskli tərəfi də var. Səhmdar cəmiyyət iflasa uğrayıb
ləğv olunduqda onun əmlakına iddia edən şəxslərin imkanları eyni olmur. lk
növbədə şirkətin bütün kreditorlara olan borcları ödənilir, daha sonra imtiyazlı
səhm sahibləri ilə hesablaşılır, və yalnız sonda adi səhm sahiblərinin iddialarına
baxılır.
2) stiqraz. stiqraz, onun sahibinin onu buraxmış şəxsdən istiqrazda
nəzərdə tutulan müddətdə istiqrazın nominal dəyərini və ya başqa əmlak
ekvivalentini almaq hüququnu təsdiqləyən qiymətli kağızdır. stiqraz onun sahibinə
həmçinin istiqrazın nominal dəyərindən faiz almaq hüququ və ya digər əşya
hüquqları verə bilər. Faiz ödənişlərini nəzərdə tutmayan istiqraz faizsiz istiqraz
hesab olunur. Müasir dövrdə səhm ən kütləvi fond qiymətli kağızı olsa da, vəsait
cəlb olunması yolu kimi kreditin də rolu danılmazdır. Kredit alətlərindən isə
istiqrazın əhəmiyyəti çox böyükdür. stiqraz onun sahibi ilə onu buraxan şəxs
arasındakı borc münasibətlərini təsdiqləyən qiymətli kağızdır.
stiqraz vəsait cəlb olunmasında hökümət, müxtəlif dövlət qurumları və
bələdiyyələrin əsas alətidir. Əlavə maliyyə vəsaitlərinə tələbat yarandıqda istiqraz
borclarının təşkili və yerləşdirilməsinə səhmdar cəmiyyətləri də üz tutur. Səhmdar
cəmiyyətləri öz fəaliyyətlərini təkcə səhm deyil, həm də istiqraz buraxmaq yolu ilə
də maliyyələşdirə bilərlər.
stiqrazların fundamental keyfiyyətləri bunlardır:
•
nvestorla emitent arasındakı borc münasibətlərini əks etdirir. Belə ki,
istiqraz alan şəxs şirkətin həmsahibinə deyil, onun kreditoruna çevrilir.
• Son tədavül tarixinin mövcudluğu. Tədavül müddəti başa çatan kimi
istiqraz ödənilir, yəni emitent tərəfindən nominal dəyəri üzrə geri alınır.
• Gəlirlərin əldə edilməsində istiqrazlar səhmlərlə müqayisədə üstünlüyə
malikdir. Belə ki, istiqraz faizlərinin ödənilməsi səhm dividentlərinin
ödənilməsindən əvvəl baş verir.
• Müəsissə ləğv olunduqda iddiaların təmin edilməsində istiqraz
sahiblərinin səhmdarlardan fərqli birinciliyə malik olması.
Dostları ilə paylaş: |