10
lkin bazarlarda müxtəlif şirkətlər, mərkəzi hökumət, bələdiyyələr tərəfindən
buraxılan qiymətli kağızlar ilk sahiblərinə satılır. Fəaliyyətin bu növü qiymətli
kağızların yerləşdirilməsi adlanır. Bunun hesabına qiymətli kağızları emissiya
edənlər öz ehtiyacları üçün istifadə etmək məqsədilə maliyyə resursları cəlb
edirlər.
Təkrar bazarda pul vəsaitlərinin toplanması baş vermir, vəsaitlərin
investorlar arasında yenidən bölüşdürülməsi baş verir. Təkrar bazar maliyyə
sisteminin effektiv fəaliyyəti üçün çox əhəmiyyətlidir.
Qiymətli kağızlarla ticarətin təşkili üsuluna görə son dövrlərdə özünə yer
tapmış konsepsiyaya görə qiymətli kağızların təkrar bazarı daxilində aşağıdakı
dörd səviyyəni fərqləndirirlər:
- Birinci səviyyə təkrar bazarın ən vacib elementlərindən biri olan fond
birjasıdır. Burada birjada qeydiyyatdan keçmiş və qiymətləndirməyə buraxılmış
qiymətli kağızlarla əqd baş verir. Fond birjası qiymətli kağızlar bazarının
likvidliyini və onun tənzim olunmasını təmin edir. Fond birjası qiymətli kağızların
bazar dəyərini bazar qiymətini müəyyən edir qiymətli kağızlara olan tələb və təklif
arasında tarazlığı əks etdirməklə, həmçinin onlar haqqında lazımi informasiyanın
yayılmasını təşkil edir.
- kinci səviyyəyə birjadankənar bazar daxildir. Bu qiymətli kağızların alqı-
satqısının birjadan kənar yerdə və birjada qeydiyyatdan keçməyən qiymətli
kağızlarla əməliyyatların həyata keçirildiyi bazardır.
- Üçüncü səviyyə – vasitəçilərin vasitəsilə və yüksək rüsumlar təyin etmiş
fond birjalarını ötərək qeydiyyatdan keçirilmiş qiymətli kağızların alqı-satqısı baş
verən birjadankənar bazardır.
- Dördüncü səviyyə ticarətin vasitəçiləri birləşdirən kompüter şəbəkələri
vasitəsilə keçirildiyi kompüterləşdirilmiş bazardır. Bu bazar investorlara sazişləri
güclü kompüter sisteminin vasitəsilə imzalamaq imkanı verir ki, bununla da böyük
komisyon xərclərinə qənaət etmək olar. nvestor istənilən vaxt şəbəkə vasitəsilə
istədiyi qiyməti fayla göndərir və əgər qarşılıqlı təklif alınarsa, sövdələşmə baş
tutmuş hesab olunur.
11
Pul vəsaitlərinin investorlara qaytarılmaq prinsipinə görə borc qiymətli
kağızlar bazarı və mülkiyyət hüquqları (pay qiymətli kağızlar bazarı) bazarını
fərqləndirirlər.
Borc qiymətli kağızlar bazarında sərbəst maliyyə vəsaitləri tədavül edir, yəni
müəyyən müddətdən sonra qaytarılmaq şərtilə müəssisələr pul vəsaitlərini cəlb
edirlər. Borc qiymətli kağızlar bazarı əsasən istiqraz və veksellərə təmsil olunur.
Mülkiyyət hüquqları bazarında səhmdar şirkətlər tərəfindən buraxılan və
müxtəlif səhm növləri ilə təmsil olunan pay qiymətli kağızları tədavül edir.
Şirkətin kapitalı müəyyən paylara bölünmüşdür və hər bir pay bir səhmə uyğun
gəlir. Buna görə də «pay qiymətli kağızı» termini yaranmışdır. nvestor səhm
alaraq kapitalda bir pay əldə edir və səhmdara çevrilir. Səhmə görə ödənilən pullar
şirkətin mülkiyyətinə çevrilir və o bu vəsaiti investorlara qaytarmağa borclu deyil.
Bu vəsaitlər şirkətin əsas və dövriyyə vəsaitlərinin alınması və s. digər məqsədlərə
sərf olunur, səhmdarlar isə bir mülkiyyətçi kimi şirkətin idarə edilməsində iştirak
etmək və mənfəətin müəyyən hissəsini dividend şəklində almaq hüququ qazanır.
Qiymətli kağızlar bazarını digər əlamətlərə görə də təsnifləşdirmək olar.
Qiymətli kağızlar bazarı alətlərin növlərinə görə aşağıdakı bazarlara bölünürlər.
- səhm bazarları;
- istiqraz bazarları;
- veksel bazarları;
- opsion bazarları;
- depozit və əmanət sertifikatları bazarı.
Eyni zamanda, emitentlərə görə qiymətli kağızlar bazarını aşağıdakı
bazarlara bölmək olar:
- korporativ qiymətli kağızlar bazarı;
- dövlət qiymətli kağızlar bazarı;
- beynəlxalq qiymətli kağızlar bazarı.
Bundan başqa, investorlara görə də qiymətli kağızlar bazarı aşağıdakı
bazarlara bölünürlər:
- institutsional investorların qiymətli kağızlar bazarı;
12
- fərdi investorların qiymətli kağızlar bazarı.
Eynilə, ərazi meyarına görə qiymətli kağızlar bazarının aşağıdakı növləri
vardır:
- regional;
- milli;
- dünyəvi.
Qiymətli kağızlar bazarı işlədilən ticarət «texnologiyasına» görə aşağıdakı
növlərə bölünür:
- kassa bazarları (spot);
- müddətli bazarlar (forvard, fyüçers, opsion, svop);
- auksion bazarları;
- diler bazarları.
Qiymətli kağız – kapitalın pul və əmtəə formalarından fərqli olaraq elə bir
formasıdır ki, o, həm bazarda əmtəə kimi təklif olunmaq, həm də mənfəət gətirmək
imkanına malikdir. AR Mülki Məcəlləsinə əsasən - qiymətli kağız
müəyyənləşdirilmiş formaya riayət olunmaqla hər hansı hüququ təsdiqləyən elə bir
sənəddir ki, həmin hüquq bu sənəd olmadan nə həyata keçirilə bilər, nə də başqa
şəxsə verilə bilər. Qiymətli kağız başqasına verildikdə onun təsdiqlədiyi bütün
hüquqlar da keçir.
Kapitalın bir forması kimi qiymətli kağızın özünəməxsus cəhətlərindən biri
də odur ki, onun sahibi konkret olaraq həmin pul, yaxud əmtəə formasında olan
kapitala malik olmasa da, onun bütün hüquqlarına malikdir. Hansı ki, həmin
hüquqlar qiymətli kağız formasında ifadə olunmuşdur. Məhz, qiymətli kağız
kapital ilə kapital mülkiyyətini ayırır. Yuxarıda qeyd olunan xüsusiyyətinə görə
qiymətli kağızlar iqtisadiyyatın müasir inkişafı baxımından böyük rol oynayan
kapital münasibətlərinin genişlənməsində əvəzsiz paya malikdir.
Qiymətli kağızlar, onun əhatə etdiyi iqtisadi münasibətlər sferası kimi çox
sahəli və mürəkkəbdir. Bununla yanaşı, qiymətli kağızlarla bağlı iqtisadi
münasibətlər daim inkişaf etdiyinə görə onun mahiyyəti də qeyri sabit xarakter alır.
Dostları ilə paylaş: |