Microsoft Word qarachayev teyyub doc
Yüklə 0,57 Mb. Pdf görüntüsü
|
42
Qısa müddət sonra 29 noyabr 1996-cı il tarixdə Azərbaycan Respublikasının Prezidenti tərəfindən «Dövlət müəssisələrinin səhmdar cəmiyyətinə çevrilməsi qaydaları haqqında» Əsasnamə təsdiq edildi. Əsasnamə dövlət mülkiyyətinin özəlləşdirilməsinin Dövlət Proqramının həyata keçirilməsini məqsədini daşıyır və həmin Proqramda özəlləşdirilməsi nəzərdə tutulan müvafiq dövlət müəssisələrinin səhmdar cəmiyyətlərinə çevrilməsinin qaydalarını müəyyən edirdi. 14 may 1997-ci ildə Azərbaycan Respublikasının Prezidenti tərəfindən «Dövlət özəlləşdirmə opsionları haqqında», « xtisaslaşdırılmış çek investisiya fondları haqqında», «Milli Depozit sistemi haqqında» və «Dövlət müəssisələrinin səhmdar cəmiyyətlərinin və ixtisaslaşdırılmış çek investisiya fondlarının səhmdarlarının reyestrinin aparılması qaydaları haqqında» Əsasnamələrin təsdiq edilməsi barədə Fərmanlar, 16 may 1997-ci ildə isə «Özəlləşdirmə prosesində ixtisaslaşdırılmış çek investisiya fondlarının formalaşdırılmasına yönəldilməli olan dövlət müəssisələrinin çevrilməsi nəticəsində yaradılan səhmdar cəmiyyətlərinin səhmləri barədə» Fərman imzalandı. Qiymətli kağızlar bazarının fəaliyyəti inkişaf etdikcə, onun dövlət tərəfindən tənzimlənməsi məsələsi meydana çıxdı. Bu vəzifəni bu vaxta kimi xüsusi dövlət tənzimlənməsi orqanının olmadığı üçün Azərbaycan Respublikası Mərkəzi Bankı həyata keçirirdi. Məhz buna görə də ölkə başçısı tərəfindən 1999-cu ilin dekabrında «Aznkı həyata keçirirdi. Məhz buna görə də ölkə başçısı tərəfindən 1999-cu ilin dekabrında i məsələsi meydan verdiyi Fərman dünya maliyyə təşkilatları, xarici sərmayədalar və şirkətlər tərəfindən yüksək dəyərləndirilmişdir. 26 iyul 1999-cu il tarixində «Azərbaycan Respublikasının Prezidenti yanında Qiymətli Kağızlar üzrə Dövlət Komitəsinin (QKDK) fəaliyyətinin təmin edilməsi haqqında» Azərbaycan Respublikası Prezidentinin Fərmanının imzalanması ilə ölkədə mütəşəkkil qiymətli kağızlar bazarının formalaşmasında çox mühüm rol oynamışdır. Bu mühüm sənədə müvafiq olaraq, qiymətli kağızlar bazarının formalaşdırılması, tənzimlənməsi, bu sahədə dövlət siyasətinin həyata keçirilməsi və nəzarət Azərbaycan Respublikası Prezidenti yanında Qiymətli Kağızlar üzrə
43
Dövlət Komitəsinə həvalə edilmiş, təsdiq edilmiş «Qiymətli kağızlarla fəaliyyət sahəsində bəzi fəaliyyət növlərinin lisenziyalaşdırılması Qaydaları» ölkədə sivil qiymətli kağızlar bazarı infrastrukturunun yaranması, 12 fəaliyyət növünün tənzimlənmə və stimullaşdırmaq, korporativ kağızlar bazarının genişləndirmək və investisiya axınını gücləndirmək məqsədilə onların dövlət tərəfindən nizamlanması yolunda yeni prioritetli addımlardan biri olmuşdur. Məhz bu Fərmandan sonra Komitənin təşəbbüsü və yardımı nəticəsində ölkəmizdə ilk fond birjası yaradılmış, Bakı Fond Birjasına daxil olmuş səhmdarlar ölkəmizin iqtisadi inkişafına öz önəmli paylarını qoymuş, bununla da mütərəqqi addım atmışlar. Həmin fərmana əsasən QKDK-də görülmüş işlər nəticəsində dünya standartlarına uyğun hüquqi-normativ bazanın təməli qoyulmuş, respublikada qiymətli kağızlar üzrə qəbul olunmuş 60-a yaxın normativ hüquqi aktlarının böyük əksəriyyətinin layihələri hazırlanmış. 50-dən artıq normativ hüquqi sənədlər təsdiq edilmiş, tütün məmulatları və alkoqollu içkilər üçün tətbiq olunan aksiz markalarının dövriyyəsi üzrə yeni mexanizm işlənmiş, borc öhdəlikləri bazarının tənzimlənməsi və girov əməliyyatlarının uçotu aparılmış, sivil lotereya bazarı formalaşmış, Milli Depozitar Mərkəzinin işi qurulmuş, onlarla hüquqi şəxs qiymətli kağızlar bazarının professional iştirakçısı lisenziyası almış, 150-ə yaxın şəxs bu bazarda müxtəlif fəaliyyət növləri ilə məşğul olmaq üçün attestasiyadan keçmişdir. QKDK-də Azərbaycan Respublikasında qiymətli kağızlar bazarının inkişafı üzrə qısamüddətli Proqram hazırlanmışdır. 2001-ci ilin dekabr ayına kimi nəzərdə tutulan bu Proqramda Azərbaycan Respublikasında qiymətli kağızlar bazarının vəziyyəti, sivil bazar infrastrukturunun yaranmasına və inkişafına yönəlmiş dövlət siyasəti, qoyulmuş vəzifələrin həyata keçirilməsi metodları, institusional investorlar sisteminin yaradılması və investorların hüquqlarının qorunması, qiymətli kağızlar bazarı üzrə mütəxəssislərin hazırlanması, beynəlxalq əlaqələrin inkişafı, bu sahədə açıq informasiya sisteminin yaradılması məsələləri əhatə olunmuşdur. 44
Proqrama görə, iqtisadiyyatın mövcud vəziyyətini nəzərə alaraq dövlətin qiymətli kağızlar bazarında siyasəti aşağıdakı əsas məqsədləri müəyyən edilmişdir: - Azərbaycan Respublikasında mütəşəkkil qiymətli kağızlar bazarının formalaşdırılması; - ölkənin daxili maliyyə ehtiyatlarının iqtisadiyyatın real sektoruna investisiya olunması üçün şəraitin yaradılması; - xarici investisiyaların cəlb edilməsi məqsədi ilə əlverişli investisiya mühitinin yaradılması; - qiymətli kağızlar bazarında maliyyə sabitliyinin və təhlükəsizliyinin təmin edilməsi; - Azərbaycanın qiymətli kağızlar bazarının dünya kapital bazarlarına inteqrasiyası üçün şəraitin yaradılması. Yuxarıda göstərilən məqsədlərə nail olmaq üçün aşağıdakı funksiyaların həyata keçirilməsi zəruridir: - qanunverici funksiya (qiymətli kağızlar bazarının inkişaf proqramının həyata keçirilməsi, qiymətli kağızlar bazarının inkişafını təmin edən qanunvericilik və normativ-hüquqi aktlarının hazırlanması); - inzibati funksiya (qiymətli kağızlar bazarının tənzimlənməsi və bazar iştirakçıları tərəfindən müvafiq qanunvericiliyə riayət olunmasına nəzarətin həyata keçirilməsi); - qiymətli kağızlar bazarında informasiya sisteminin yaradılması və investorlar üçün açıqlığının təmin edilməsi; - qiymətli kağızlarının emitentlərinin, qiymətli kağızlar bazarının peşəkar iştirakçılarının, investorların hüquq və maraqlarının müdafiyə sisteminin formalaşdırılması; - qiymətli kağızlarla əməliyyatların aparılması zamanı ortaya çıxa bilən risklərin minimal səviyyəyə endirilməsi; - beynəlxalq və xarici dövlətlərin maliyyə institutları ilə əməkdaşlığın inkişaf etdirilməsi; Yüklə 0,57 Mb. Dostları ilə paylaş:
|