29
pulu yuyan – pulu yuya bildiyinə görə, broker – xidməti müqabilində
komisyon haqqını aldığına görə, idxalçılar – daha sərfəli valyuta kursu
ilə valyutanı konvertasiya edə bildiklərinə görə.
•
Ədəbiyyatda heç rastlanmayan və beynəlxalq sənədlərlə əhatə olunmayan
PY-nin həyata keçirilməsinin bir sıra digər vasitələri də mövcuddur və
cəmiyyətin daimi inkişaf prosesində olduğu nəzərə alınsa, bundan sonra da
mövcud olacağına dair nəticə çıxarıla bilər. Bütün bu vasitələri müəyyən
etmək və gündəliyə gətirmək, bir qayda olaraq, yalnız onlardan PY
məqsədləri üçün istifadənin müəyyən edildiyi zaman mümkün olur.
Bununla belə, hesab edirik, bu cür vasitələrdən istifadə edilməsini
gözləmədən onun nəzəri cəhətdən müəyyən olunması və müvafiq
tədbirlərin görülməsinə zərurət var. Bu cür vasitələrdən biri, misal üçün,
məhkəmələr ola bilər. Təsəvvür edin ki, iki şəxs aralarındakı
sövdələşməyə əsasən, bir-birinə qarşı iddia qaldıra bilər. Bir qayda olaraq,
iddia cavabdehin yaşadığı yer üzrə qaldırılır. Amma bu iki şəxs öz arasında
elə fiktiv bir müqavilə bağlaya bilər ki, aradakı anlaşılmazlıqlar lap xarici
ölkənin məhkəməsində həll edilsin. Məhkəmənin çıxardığı qətnamə isə
kimin lehinə olur olsun, mübahisə edilən predmetlərin (pul, əmlak)
mənbələrinin müəyyən edilməsini qəlizləşdirəcəkdir (yəni, qeyri-qanuni
varidat yuyulmuş olacaqdır). Maraqlısı da odur ki, mübahisə predmeti olan
varidat faktiki deyil, yalnız fiktiv sənədlər üzərində mövcud ola bilər. Daha
sonra bu mövcud olmayan varidat fiktiv bir müqavilə əsasında və real
pullar müqabilində kiməsə satıla bilər. “Əldə olunmuş” bu cür pullar ikiqat
yuyulmuş olacaqdır.
Nəzərə alınmalıdır ki, yuxarıda çəkdiyimiz və çəkmədiyimiz bütün
misalların calaqları da mümkündür. Misal üçün, həm ofşor zonalarda şirkətlər
yaratmaqla, həm qiymətli kağızlar, daşınmaz və digər əmlakı alıb-satmaqla,
həm banklar vasitəsilə müxtəlif əməliyyatlar həyata keçirməklə, həm
kazinolara getməklə, həm də indi ağlımıza gəlməyən digər əməliyyatları
həyata keçirməklə qeyri-qanuni pulların mənbələri də daha çox gizlədilə
bilər.
Bütün bu sxemləri nəzərə alsaq, görəcəyik ki, PY-ni bir proses olaraq
müəyyən mərhələlərə də bölmək mümkündür. Ədəbiyyatda
56
bu prosesi üç
56
ngiliscə – müvafiq olaraq “placement”, “layering” və “integration” mərhələləri.
Daha
ə
traflı
bax:
http://en.wikipedia.org/wiki/Money_laundering,
http://money.howstuffworks.com/money-laundering.htm, 03.10.2008.
30
mərhələyə ayırırlar – çirkli pulların maliyyə və ya qeyri-maliyyə sektoruna
yerləşdirilməsi (yerləşdirmə mərhələsi), qeyri-qanuni mənbəyini gizlətmək
məqsədilə onlarla həmin sektorda müxtəlif əməliyyatların həyata keçirilməsi
(əməliyyatlar mərhələsi) və nəhayət, artıq təmiz olan pulun (gəlirin) qanuni
iqtisadiyyata daxil edilməklə cinayətkara birbaşa və ya dolayı yolla
qaytarılması (inteqrasiya mərhələsi).
PY-nin tipik sxemi
57
Yerləşdirmə mərhələsi PY-nin aşkar edilməsindəki həssaslıqla
səciyyələnir. PY-nin davam etdirilməsinin qarşısının alınması ən asan və ən
çox ehtimalla məhz bu mərhələdə mümkündür. Əməliyyatlar mərhələsi isə
bir sıra əməliyyatların həyata keçirilməsi ilə səciyyələnir. Bu cür əməliyyatlar
mütləq maliyyə əməliyyatı olmaya və tək əməliyyatları deyil, həm də əqdləri
(alqı-satqı, lizinq və s.) və digər əməlləri (kazino, məhkəmə və s.) əhatə edə
57
deyanın mənbəyi – BMT-nin Narkotiklər və Cinayət üzrə Ofisi
(http://www.unodc.org/unodc/en/money-laundering/laundrycycle.html).
31
bilər.
58
Əməllərin sayı da PY-nin dərinliyini ifadə edəcəkdir – əməllər nə
qədər çoxdursa, cinayət nəticəsində əldə olunmuş varidatın mənbəyinin
müəyyən edilməsi də o qədər çətin olacaqdır. Və nəhayət, sonuncu,
inteqrasiya mərhələsində pulları yuyan şəxs yuyulmuş varidatı şəxsi
məqsədlər üçün istifadə edə bilər. Bunu həm birbaşa özü, həm də başqa
hüquqi və ya fiziki şəxslər vasitəsilə edə bilər.
3. Anlayışı
A. Tərifi
Hər bir ölkənin qanunvericiliyində PY-nin tərifi müxtəlif cür ola bilər.
Onun beynəlxalq səviyyədə ilk tərifi isə Vyana Konvensiyasında verilmişdir,
hərçənd bu konvensiya ilə kriminallaşdırılmış əməllərə “pulların yuyulması”
və ya hər hansı başqa bir ad verilməmişdir.
59
Sonrakı konvensiyalarda həmin
ə
məllərə məhz “yuyulma cinayətləri”
60
,“cinayət nəticəsində əldə olunmuş
gəlirlərin yuyulması”
61
və ya “pulların yuyulması”
62
adı verilməyə
başlanmışdır. Bütün bu beynəlxalq sənədlərə əsasən, tərəf dövlətlər elə
tədbirlər görməlidirlər ki, aşağıdakı əməllər qəsdən törədildikdə cinayət
hesab olunsun:
I əmlakın cinayət fəaliyyəti və ya bu cür fəaliyyətdə iştirak nəticəsində
ə
ldə edildiyini bilə-bilə, həmin əmlakın qeyri-qanuni mənbəyini
gizlətmək və ya əsas hüquq pozuntusunun törədilməsində iştirak edən
hər hansı şəxsə öz əməllərinə görə hüquqi məsuliyyətdən qaçmaq üçün
yardım etmək məqsədilə həmin əmlakın ötürülməsi və ya onun
statusunun dəyişdirilməsi;
II əmlakın cinayət fəaliyyəti və ya bu cür fəaliyyətdə iştirak
nəticəsində əldə edildiyini bilə-bilə həmin əmlakın həqiqi təbiətinin,
mənşəyinin, olduğu və yerləşdiyi yerin, hərəkətinin və ya onunla
ə
laqədar hüquqların gizlədilməsi və ya ört-basdır edilməsi;
58
Bu baxımdan, həmin mərhələyə, bəlkə də,“əməliyyatlar mərhələsi” yerinə
“əməllər mərhələsi” demək daha düzgün olardı.
59
Vyana Konvensiyası, m.3(b).
60
Strasburq Konvensiyası, m.6; Varşava Konvensiyası, m.9.
61
Palermo Konvensiyası, m.6; 2003 Korrupsiyaya qarşı BMT Konvensiyası, m.23.
62
26.10.2005-ci il tarixli 2005/60/EC nömrəli pulların yuyulması və terrorizmin
maliyyələşdirilməsi məqsədilə maliyyə sistemindən istifadə edilməsinə qarşı Avropa
ttifaqının Direktivi (bundan sonra “Üçüncü direktiv”), m.1.
Dostları ilə paylaş: |