Azərbaycan dövlətçiliyi tarixində gömrük işi
42
3. Xəzər gəmiçiliyi idarəsi gömrük nəzarətinin iştirakı ilə gəmi və
vaqonlardan gömrük baxışından keçiriləcək malların çəkisini təkrar
yoxlamaqla düzgünlüyünə zəmanət verir.
4. Xəzər gəmiçiliyi öz vəsaiti hesabına gömrük baxışı, malların növ-
lərə ayrılması, yenidən çəkilməsi və s. əməliyyatlarda yükboşaltma işləri
həmin mal növünə tətbiq edilən gömrük qaydalarına riayət etməklə həyata
keçirir. Faktın düzgünlüyünə şübhə yarandıqda, malların 1/10 hissəsi
yenidən çəkilir.
5. Xəzər gəmiçiliyi idarəsi gömrük nəzarəti altında olan bütün
malların mühafizəsini, təyin edilən rüsumlar və digər yığımlar ödənilməyənə
qədər malların daşınmamasını öhdəsinə götürür. İtən mallara görə də
gömrük baxışı əsasında təyin edilən rüsum və digər yığımların gömrük-
xanaya ödənilməsini təmin edir.
6. Anbarlarda mallara gömrük baxışı keçirilməsi təyin edilən qayda-
larla aparır.
7. Xəzər gəmiçiliyi idarəsi gömrükxananın zəruri sayda şəxsi heyətinin
saxlanılmasını (nəzarətçi – 1 nəfər, anbar müdiri – 1 nəfər, anbar baxıcısı
– 1 nəfər, və gəmi yoxlayıcısı – 1 nəfər) öz öhdəsinə götürür, bu işçilərin
əmək haqları gömrükxananın tarif cədvəlinə əsasən ödənilir.
8. Xəzər gəmiçiliyi idarəsi gömrükxana əməkdaşlarının istifadəsinə
avadanlıqlarla təchiz edilmiş idarə binası verir.
9. Xəzər gəmiçiliyi normadan artıq işlərə görə gömrükxananın
kassasına kompensasiya ödəyir.
10. Xəzər gəmiçiliyi idarəsi xarici malların mühafizəsinə görə öz
nəfinə mal sahiblərindən tarifdə müəyyən edilmiş normalar həcmində rüsum
toplayır.
11. Bu müqavilə tərəflər əsasında bir il müddətinə bağlanır, lakin
Xəzər gəmiçiliyi idarəsi gömrükxananı bir ay öncədən xəbərdar etməklə
müqavilədən birtərəfli qaydada imtina edə bilər.
12.
Müqavilə iki nüsxədə hazırlanmışdır, bir nüsxə gömrükxanada,
ikincisi isə Xəzər gəmiçiliyində saxlanılır [34, 111-113].
Azərbaycan HİK və XKŞ-nin sovet dövlət quruculuğunun ilk günlə-
rindən başlayaraq strateji malların ixracı sahəsində müstəqil siyasət yürüt-
məyə çalışması, milli maraqlara az da olsa uyğun gömrük-tarif tədbirlərini
həyat keçirməsinə Kreml hakimiyyəti imkan vermədi.
1.2. Azərbaycan SSR XKS-nin 1920-1922-ci illərdə gömrük siyasəti
Azərbaycan İnqilab Komitəsinin 21 dekabr 1920-ci il tarixli dekreti ilə
Azərbaycan Sovet Sosialist Respublikasının Gömrük Nəzarəti haqqında
Əsasnamə təsdiq edildi. Əsasnamədə göstərilirdi ki,
Azərbaycan SSR
Maliyyə Komissarlığının Gömrük hissəsi gömrük işinə aid bütün tədbirlərin
Azərbaycan SSR sovet gömrük sistemi şəraitində (1920-1991)
43
Xalq Xarici Ticarət Komissarlığı tərəfindən həyata keçirilməsi məqsədilə
Gömrük nəzarəti şöbəsi adı altında komissarlığın tabeçiliyinə keçirilir [223,
102-103].
Bu əsasnaməni Azərbaycan SSR-in gömrük siyasətinin hüquqi
əsaslarının işlənilib hazırlandığı ilk sənəd hesab etmək olar:
Azərbaycan Sovet Sosialist Respublikasının Gömrük Nəzarəti
haqqında Əsasnamə
Azərbaycan İnqilab Komitəsinin 21 dekabr
1920-ci il tarixli dekreti ilə təsdiq edilmişdir
1) Azərbaycan SSR-in Gömrük hissəsi bütün tədbirlərin Xalq Xarici
Ticarət Komissarlığı tərəfindən həyata keçirilməsi məqsədilə Gömrük
nəzarəti şöbəsi adı altında komissarlığın tabeçiliyinə keçirilir.
2) Xalq Xarici Ticarət Komissarlığının gömrük işi ilə bağlı bütün
qərar və sərəncamlarının Azərbaycanın gömrük hissəsi tərəfindən həyata
keçirilməsinə birbaşa rəhbərlik və Azərbaycanın gömrük müəssisələrinin
fəaliyyətinin nəzarət və təftiş edilməsi Gömrük nəzarəti şöbəsinin rəisinin
səlahiyyətinə daxildir.
3) Rəisin köməkçiləri (onlardan biri müavin təyin edilir) gömrük
nəzarəti şöbəsinin gömrük hissəsinin idarə edilməsi üzrə onun birbaşa
əməkdaşlarıdır, eyni zamanda rəisin göstərişi ilə gömrük müəssisələrini
təftiş edirlər.
Gömrük müəssisələri
4) Gömrük müəssisələrinin vəzifəsinə daxildir: a) xüsusi qaydalara
uyğun olaraq fiziki şəxslərin və onların baqajlarının xüsusi qaydalara
müvafiq yoxlayaraq sərhəddən xaricə və ya əksinə buraxılması; b) Xalq
Xarici Ticarət Komissarlığının sərəncamlarına uyğun olaraq idxal və
ixracına icazə verilmiş malların qəbulu, qeydə alınması, mühafizəsi və yola
salınması, eyni zamanda bu hallarda nəzərdə tutulan gömrük rüsumlarının
tutulması; c) Gizli daşınmasına cəhd edilən malların qəbulu, qeydiyyatı və
mühafizəsi, belə hallarda aid cinayət işlərinin açılması və Xalq Xarici
Ticarət Komissarlığının sərəncamlarına uyğun olaraq müsadirəsi nəzərdə
tutulan mallara aid işlərin istiqamətləndirilməsi.
5) Gömrük müəssisələri gördükləri işin həcmindən asılı olaraq birinci,
ikinci, üçüncü dərəcəli gömrükxanalara və gömrük postlarına bölünür.
Qeyd 1: Xalq Xarici Ticarət Komissarlığına gömrükxanaların aşağı
dərəcədən yuxarı dərəcəyə və ya əksinə, gömrük postlarını gömrükxanaya
və ya gömrükxananı gömrük postuna dəyişdirmək hüququ verilir.
Azərbaycan dövlətçiliyi tarixində gömrük işi
44
Qeyd 2: Gömrük postlarından yalnız sərnişinlərin və əl yüklərinin
keçirilməsinə icazə verilir. Malların idxalı və ixrac əməliyyatları qəti olaraq
gömrükxanalarda həyata keçirilir.
6) Gömrükxanaların və buraxılış postlarının şəxsi heyəti rəisdən
(gömrükxana), həmçinin müdirdən (gömrük postu) və zəruri sayda məmur-
lardan təşkil edilir.
Qeyd: hər bir müəssisədə məmurların sayı Gömrük nəzarəti şöbəsinin
təqdimatı əsasında Xalq Xarici Ticarət Komissarlığı tərəfindən dəyişdirilə
bilər.
7) Gömrük müəssisələrinin qanunauyğun fəaliyyətinə rəis cavab-
dehdir. Heç bir mülki və ya hərbi icra hakimiyyətinin və idarələrin gömrük
işinə aid sərəncamların yerinə yetirilməsinə müdaxilə edə bilməz. Əksinə,
bütün icra hakimiyyətləri bu müəssisələrin qanuni tələblərinə kömək etməli,
gömrük işi ilə bağlı məsələlər istisna edilməklə, digər məsələlər barəsində
Xalq Xarici Ticarət Komissarlığına müraciət etməlidirlər.
Məmurlar haqqında
8) Gömrük nəzarəti şöbəsinin bütün tərkibi, gömrükxana rəisləri və
köməkçiləri, post müdirləri, gömrükxana müfəttişləri və nəzarətçiləri,
birinci dərəcəli gömrükxanalarda pakhauz və gəmi nəzarətçilərinin təyini və
vəzifədən azad edilməsini Xalq Xarici Ticarət Komissarlığı həyata keçirir.
Digər qulluqçuların işə təyini və azad edilməsi gözətçi və kuryer
vəzifələri istisna edilməklə Gömrük nəzarəti şöbəsi tərəfindən həyata
keçirir.
Gömrük nəzarəti şöbəsinə bildirməklə, gözətçi və kuryer vəzifələrinə
işə təyin və azad edilmə haqqında qərarları müəssisələr müstəqil olaraq
qəbul edir.
9)Məzuniyyətə buraxılma Əmək Komissarlığının dekreti ilə müəyyən
edilən ümumi əsaslarla müəyyən edilir, qulluqçunun məzuniyyətə buraxıl-
ması haqqında sərəncamı işə təyin və azad edən icra hakimiyyəti verir.
10) Xüsusilə çətin həyat şəraiti olan ərazilərdə yerləşən gömrük
müəssisələrinin ştat cədvəlində müəssisənin dərəcəsindən asılı olmayaraq
qulluqçuların əmək haqlarının artırılması üçün əlavə mükafat verilməsi
tətbiq edilir.
Azərbaycan İnqilab Komitəsinin
sədr
müavini:
D.Bünyatzadə
Xalq Xarici Ticarət komissarı:
Teymur
Əliyev
Azərbaycan HİK-nin katibi:
Qabriçidze [202, 1920,
23 декабря, №196].
Xalq Xarici Ticarət Komissarlığının gömrük işi ilə bağlı bütün qərar
və sərəncamlarının icrası Azərbaycanın gömrük hissəsi tərəfindən həyata