ƏLİ FƏHMİ DÜNYASI
15
Əli Fəhmi çox yaşamadı. 56 illik qısa bir zaman çərçi-
vəsində özündən sonra olduqca zəngin irs, unudulmaz
xatirələr qoyub getdi. Bilmirəm nə sirdirsə Allah hədsiz
məhəbbətlə sevdiklərini insanların arasında uzun müddət
qalmağa qoymur, uca dərgahına aparıb müqəddəsləşdirir.
Əfsus ki, biz bu hikmətin böyüklüyünü dərk edəcək sə-
viyyədə deyilik. Bizə hər şeyi dərk edəcək qədər düşüncə
verilməyib. İnsan olaraq biz yaranmışların içində çox qəri-
bə və təzadlıyıq. İtirdiyimiz bir əşyanı uzun müddət axta-
rırıq, onunçün təəssüflənirik. Amma, etiraf edək ki, arxaya
boylanıb itirdiyimiz qiymətli insanlar üçün heç də həmişə
təəssüflənmirik. Biz onları az qala hər dəqiqə xatırlamalı
olduğumuz halda unudur, ancaq doğum və anım günlə-
rində xatırlayırıq.
Əli Fəhminin 90 illik yubileyi dövlət səviyyəsində
qeyd olunmadı. Lakin, istər sağlığında, istərsə də
ölümündən sonra bu dahi şəxsiyyət haqqında kifayət qə-
dər xoş sözlər deyilmişdir. Bir həqiqəti dərk etmək lazım-
dır. Allahın ucaltmaq istədiyi insanları biz istəsək belə en-
dirə bilmərik. Necə də gözəl deyilmişdir:
Təqdiri qəza qüvvəti-bazu ilə dönməz,
Bir şam ki haqqdan yana, heç bad ilə sönməz.
“Dalınca xeyir danışılan adamın adı ölməz” -deyib
atalar. Bir insana xalqın qiymətindən qiymətli, xalq sevgi-
sindən şirin bir sevgi ola bilməz. Xalq sevdiyi insanları
hansı sənətin sahibi olmasından asılı olmayaraq əbədi xa-
tırladır, yaşadır, unudulmağa qoymur.
Əziz oxucu! Bu kitabın ərsəyə gəlməsində hədsiz çə-
tinliklərlə qarşlaşdım. Lakin həmişə öz yanımda Allahın
köməyini, Əli Fəhminin ruhunu və bir də xeyirxah insan-
ların dəstəyini hiss etdim. Kitabın hər sözü, hər cümləsi
Yeqzar Cəfərli
16
haqqında dəqiqələrlə, bəzən saatlarla fikirləşməli oldum.
Sizin xoşunuza gəlsin deyə, Əli Fəhminin adına layiq ol-
sun deyə. Təkrardan, şablon ifadələrdən uzaq sözlər yaz-
mağa çalışdım. Xalq şairi S.Vurğun demişkən: “Alnımın
inci tərini axıdıb, ömrümün iki ilinə yanmayıb”, Azər-
baycan ədəbiyyatşünaslığının şah zirvəsində dayanan bu
görkəmli şəxsiyyəti sizə bacara bildiyim kimi təqdim et-
dim. Buna nə qədər nail ola bildiyimi siz oxucuların öhdə-
sinə buraxıram. Təbii ki, qarşınızdakı kitab nöqsanlardan
heç də xali deyildir. Bir ərəb məsəlində deyildiyi kimi
“Nöqsansız yalnız uca Allahın kəlamıdır”. Ümidvaram ki,
mənim tələbə olduğumu və hələlik “Azərbaycan universi-
teti”nin yalnız III kursunda oxumağımı nəzərə alıb yol
verdiyim nöqsanlara görə üzrümü qəbul edəcəksiniz.
Biz gələcəkdə də Əli Fəhmi haqqında axtarışlarımızı
davam etdirəcəyik. Onun elmimiz üçün olduqca dəyərli
olan neçə-neçə əsərini tədqiq edəcək, geniş oxucu kütləsi-
nə çatdıracağıq.
Hörmətli oxucular! Qarşınızdakı kitabda sizi Əli Fəh-
minin həyatı, fəaliyyəti və yaradıcılığı ilə bağlı olduqca
maraqlı məlumatlar gözləyir. Xalq şairi Nəriman Həsənza-
də demişkən:
Bir az vaxt ayırıb qulaq assanız,
Kəlamım şirindir darıxmazsınız.
Müəllifdən
ƏLİ FƏHMİ DÜNYASI
17
Həkim, Müəllim, Alim
Əli Ələkbər oğlu Əli Fəhmi 1919-cu il fevralın 17-də
Bakının Sabunçu qəsəbəsində ziyalı ailəsində anadan ol-
muşdur. O, 1926-cı ildə Sabunçu qəsəbə 10 illik məktəbi-
nin birinci sinifinə daxil olmuş, 1936-cı ildə həmin məktə-
bin X sinfini bitirmişdir. Elə həmin ildə də Azərbaycan
Tibb İnstitutuna daxil olmuşdur. 1941-ci ildə O, Tibb İnsti-
tutunu bitirib Sabirabad rayon Poliklinikasına terapevt-
həkim təyin olunur. 1949-cu ilə qədər orada həkim kimi
çalışan Əli Fəhmi həm də orta məktəbin X sinifində dil-ə-
dəbiyyat müəllimi kimi çalışır. 1949-cu ildə Bakıya qayı-
daraq bir neçə il 12 nömrəli poliklinikada baş həkim, tibb
bacıları hazırlayan məktəbdə dil-ədəbiyyat müəllimi və
dərs hissə müdiri vəzifələrində çalışır. Klassik poeziyaya
olan sonsuz marağı 1952-ci ildə onu o zaman S.M.Kirovun
adını daşıyan Azərbaycan Dövlət Universitetinə gətirib çı-
xarmışdır. 1957-ci ildə ADU-nun Azərbaycan ədəbiyyatı
tarixi fakültəsini fərqlənmə diplomu ilə bitirmiş və elmi
şuranın qərarı ilə Aspiranturada saxlanılmışdır. 1961-si il-
də oranı da fərqlənmə diplomu ilə başa vurub elə o vax-
tdan da ADU-nun Azərbaycan Ədəbiyyatı Tarixi kafedra-
sında baş müəllim kimi çalışmışdır.
Sadə bir tərcümeyi halı olan Əli Fəhmi istər bir müəl-
lim kimi oxuduğu mühazirələrlə, istərsə də ədəbi məclis-
lərdə etdiyi çıxışları ilə Ədəbiyyatşünaslıq elminin zirvə-
sində dayanırdı. Universitetdə O, Qədim dövr, XIX əsr
ədəbiyyatı, XX əsr ədəbiyyatı, Mətnşünaslıqdan, Jurnali-
stika fakültəsinin tələbələrinə isə Ərəb əlifbasını tədris
Yeqzar Cəfərli
18
edirdi. ADU-da çalışmaqla O, eyni zamanda Bakı şəhər
Sosial Təminat İdarəsində həkim kimi çalışırdı. Hələ Aspi-
ranturada oxuyarkən O, Professor Feyzulla Qasımzadənin
elmi rəhbərliyi ilə “S.Ə.Şirvaninin həyat və yaradıcılığı”
mövzusunda namizədlik dissertasiyası yazır. Lakin, az so-
nra məlum olur ki, həmin mövzu üzərində digər bir aspi-
rant işləyir. Məsələ ilə bağlı O, Universitet rəhbərliyinə,
Moskova Ali Attestasiya Komitəsinə müraciət etsə də,
bunların heç bir nəticəsi olmamış, Kommunist rejiminə
xas olan süründürməçilik onu bezdirmiş, nəticədə müda-
fiə etməkdən vaz keçmişdir.
1959-cu ildə Əli Fəhmi Respublikanın ictimai işlərin-
də fəal iştirak etmişdir. O, Zaqafqaziya Müsəlmanları
Konqresinin üzvü kimi Konqresin müxtəlif şəhərlərdə ke-
çirilən iclaslarında alovlu çıxışlar edir, İsrailin Fələstinə və
Amerikanın Vyetnama təcavüzünü pisləyirdi. Quran ayə-
lərini əsas gətirməklə dünya müsəlmanlarını birliyə çağı-
rırdı.
Əli Fəhminin klassik Şərq ədəbiyyatı ilə bağlı biliyin-
dən Televiziyada, Radioda, teatr və kinoda da istifadə
olunurdu. O, uzun müddət o zamankı Radio və Televiziya
komitəsində (indiki Azərbaycan Televiziya və Radiosu
Qapalı Səhmdar Cəmiyyəti) əruz vəznində yazılmış çətin
oxunan qəzəllərin məsləhətçisi olmuşdur.
1966-cı ildə Böyük ədib C.Məmmədquluzadənin ana-
dan olmasının 100 illiyi münasibəti ilə M.Əzizbəyov adına
Azərbaycan Dövlət Akademik Dram Teatrında hazırlanan
“Ölülər” tamaşasının hazırlanmasına dəvət almış, gör-
Dostları ilə paylaş: |