_____________ Milli Kitabxana_____________
6
aydınlıq gətirməyiblər; hələ indiyəcən Şərq teatrının
təzahürlərini “tarixiləşdirməyiblər”, başqa sözlə, sistemli tarixə
çevirməyiblər.
Öncə, əlbəttə ki, “Şərq teatrı” anlamının nisbiliyi problemi
ortaya çıxır. “Qərbi Avropa teatrı” dedikdə obyekt konkretliyi
heç vaxt bir kimsədə şübhə doğurmur: burada söhbət Qərbi
Avropa ölkələrinin eyni tipli, homogen təbiətli teatr sənətinin
tarixindən gedir; nəzəriyyə ümumidir, estetika ümumudir,
inkişaf dialektikası ümumidir. “Şərq teatrı” anlamı isə ayrı-
ayrı Doğu ölkələrinin tipoloji xüsusiyyətlərinə görə bir-
birindən kəskin surətdə fərqlənən ənənəvi teatr formalarının
məcmuyunda mövcuddur: onlar arasında yalnız fəlsəfi-estetik
müstəvidə paralellər aparmaq imkanı var. Belə ki, ”Şərq teatrı”
anlamının kontekstinə daxil olan ənənəvi janr və formaların
teatr tipi müxtəlifdir. Hind Kathakali teatrı ilə yapon Noh teatrı
tamam fərqli bədii mədəniyyətlərin hadisələridir. Hindli ilə
yapon bir-birindən necə seçilirsə, onların qapalı
mədəniyyətlərinin yaratdığı teatr formaları da bir-birindən
eləcə seçilir. Kathakali və Noh tamaşalarının estetikası, üslubu,
vizual hüsnü heç nə ilə bir-birinə oxşamır. Halbuki ingilis,
alman, fransız, italyan, rus teatrları həmişə doğma qardaşlar
kimi “böyüyüblər”. Əgər Qərbi Avropa teatrının tarixini
müəyyən mərhələlərə ayırıb araşdırmaq mümkündürsə, və bu,
teatrşünaslardan ötrü elmi metodologiyadırsa, “Şərq teatrı
tarixi”nin öyrənilməsi üçün dövrləşdirmə prinsipinin konkret
heç bir əhəmiyyəti yoxdur. Çünki Doğu məmləkətlərində
teatrın ənənəvi təzahür formaları haradasa lokal qapalı
mədəniyyətlərin iç qatlarında tam sərbəst şəkildə gəlişib
eqzotik, yaraşıqlı göbələklər kimi “pırtlamış” və öz
təkrarolunmaz qanunları, gələnəklərilə, dışarı təsirlərə, azacıq
da olsa belə, ehtiyac duymadan yaşamışlar. Mümkün ki, elə
buna görə də Şərq mədəniyyəti çərçivəsində
TƏZAHÜR
_____________ Milli Kitabxana_____________
7
(FORMA) HƏMİŞƏ ÖZ TARİXİNDƏN ÜSTÜN VƏ
ƏFZƏLDİR.
Məsələ bu ki, Şərq mədəniyyətinin hər bir təzahü-
rü xaraktercə, mahiyyətcə tarixi deyil, tarix dışındadır, bəşəri,
kosmik hadisədir, əbədiyyət ünvanlıdır, ritual, ayin xislətlidir,
mistik dünya ilə ilişiklidir.
“Şərq teatrı” anlamı, ilk növbədə, Doğu ölkələrinin
ənənəvi teatr formalarının tarixi-sosial, fəlsəfi-estetik
parametrlərini və bədii-metodoloji prinsiplərini özündə
qapsayan elmi-nəzəri və praktiki paradiqmanın bildiricisidir.
Bu terminlə “Doğu ölkələrinin ənənəvi teatr formaları” ifadəsi
arasındakı mövcud mühüm fərqi aydın təsəvvür etmək lazımdır.
İş bu ki, Şərq teatrı heç vaxt ümumi, nəzəri-analitik qanunlara
əsasən öyrənilməmişdir. Lakin “ənənəvi teatr formaları”nın
tarixinə gəldikdə biz müəyyən sahmanlı tədqiqat prosesinin
mövcudluq faktı ilə qarşılaşırıq. Hindistanın, Çinin,
Yaponiyanın və hətta Birmanın, Vyetnamın, Yava adalarının
ənənəvi teatr formalarının tarixinin araşdırılması və elmi təsviri
dünyanın bir sıra aparıcı şərqşünaslıq və teatrşünaslıq
məktəbləri tərəfindən artıq başa çatdırılmış, tədqiqatların
istiqaməti fəlsəfi-estetik prinsiplərə doğru yönəldilmişdir.
Lakin Yaxın və Orta Şərq ölkələrinin teatr formalarının
tarixinin və poetikasının tədqiqi, təəssüf ki, bu gün istənilən
səviyyədə deyil. Ol səbəbdən “Şərq teatrı” anlamı ilə bağlı
“ortaq məxrəc” problemi çağdaş dövrümüzdə də aktualdır.
Çünki yalnız bütün Doğu ölkələrinin ənənəvi teatr formalarının
tarixi, estetik məziyyətləri, cizgiləri tam mənimsənildikdən
sonra “Şərq teatrı” terminilə əlaqədar ümumi nəzəri nəticələrə
gəlmək mümkündür.
“Şərq teatrı” dünya teatr sənətinin tarixi kontekstində
özünü əsas etibarı ilə üç nişanə, əlamətlə tanıtdırır. Bu üç
nişanə maska (qrim), ekspressiv kanonik jest və gözəl
rəqsdir. Şərq teatrı üçün təstiqlənmiş, təyin edilmiş, differensə
_____________ Milli Kitabxana_____________
8
olunmuş məkan (stansionar tipli oyun yeri) yoxdur. Doğu
ölkələrində teatr formalarının təzahürü üçün bu, heç də önəmli
fakt deyil.
ŞƏRQ TEATRINDA SƏHNƏ HƏMİŞƏ HƏR HANSI
BİR MEYDANÇADIR.
Hərçənd bu da danılmaz faktdır ki, hind
klassik dramları (m.s. III-IY əsrlərdə), Yapon Noh və Kabuki
teatrlarının tamaşaları (XYI-XYII əslərdə), Pekin operası
(XYIII-XIX əsrlərdə) stansionar tipli məxsusi teatr tikililərində
oynanılmışdır. Məhz bu cəhət Şərq məmləkətlərinin ənənəvi
teatr formalarında səhnənin dekorativ özgürlüyünü
müəyyənləşdirir. Hələ ən qədim zamanlarda Şərq teatrının
tanrıya bənzər mürşidləri cənub gecələrinin təbii bo-
yalarında, aylı-ulduzlu mənzərələrində, lacivərd səmasında
dekorativ effekt kəşf etmişlər. Çünki cənub gecələrinin
boyalarında mistik bir ovqat var: bu ovqat hipnotik və sug-ges-
tiv təsir gücünə malikdir. Şərq teatrının təzahür formaları
bir çox hallarda mütləq teatrdır, universal teatrdır, aktyor
teatrıdır. Burada hər şey aktyor məharətindən, onun musiqi is-
tedadından, ritm duyğusundan, plastikasının, emosional təbiəti-
nin və iç dünyasının zənginliyindən aslıdır.
ŞƏRQ TEATRI
İDEAL TƏRZDƏ İFA EDİLƏN, KANON ŞƏKLİNƏ DÜŞMÜŞ
FİZİKİ HƏRƏKƏTLƏR VASİTƏSİLƏ BOŞ MƏKANDA
YARADILAN VİZUAL POEZİYADIR. BU POEZİYA
EYHAM-JEST, EYHAM-MİMİKANIN KÖMƏYİLƏ OYUN
MEYDANÇASINDA “YAZILAN” OVQATLAR
TOPLUSUNUN GERÇƏKLİYİDİR.
Məsələ bu ki, çıraq və ya
lampa işığında əfsanə söyləyən nagılçı, kölgə ya da kukla
oyunu göstərən löbətbaz həm mahir sənətkardır, həm rahibdir,
həm şairdir, həm də filosof.
ŞƏRQİN TEATR SİSTEMİNDƏ AKTYOR CADUGƏRLƏ
PEYGƏMBƏR ARASINDA ORTAQ BİR MÖVQE TUTUR!!!
Növbəti önəmli bir cizgi: Şərq teatr modelinin mərkəzində
NAĞILÇI
dayanır və digər teatr formaları onun mövcudluq
çevrəmində intişar tapır.
DOGU ÖLKƏLƏRİNDƏ TEATR NA-
Dostları ilə paylaş: |