Genetik alqoritm – təbiətdə təkamül prosesinin
kompyüter proqramları şəklində reallaşdırılan sadə modelidir.
Burada genetik varislik mexanizmi və təbii seçmənin analo
qundan istifadə edilir. Genetik alqoritmlərdə bioloji terminlər
tətbiq edilir. Genetik alqoritmlərdə tətbiq olunmuş əsas anlayışlar haqqında aşağıdakı məlumatları verməyi lazım bilirik.
Xromosom – nizamlanmış (sıralanmış) ədədlərdən ibarət
sətirdir (və ya vektordur). Xromosomun hər bir mövqeyi (bit) gen adlanır.
Fərd (genetik kod) – xromosomlar dəstidir (məsələnin
həlli variantı). Adətən fərd bir xromosomdan ibarət olur, ona görə bundan sonra fərd və xromosom anlayışlarını eyni qəbul edəcəyik.
Populyasiya – fərdlərin (xromosomların) məcmusudur.
Lokus – xromosomda genin mövqeyidir.
Allel – genlərin mümkün qiymətləri.
Uyğunlaşma funksiyası (fitness function) – ekstremumu
tapılacaq funksiya və ya əlamətdir (şərt)
Vektor – vektorun1 komponentləri adlanan sıralanmış
ədədlər dəstidir. Bundan sonra vektor və sətir anlayışları eyni
sayılacaq.
Bul vektoru – komponentləri iki elementli bul
çoxluğundan {0,1} qiymətlər alan vektordur.
Xemminq məsafəsi – eyni ölçülü bul vektorları üçün
istifadə edilir və iki bul vektorunda fərqlənən komponentlərin
sayına (fərqli lokusların sayına) bərabərdir. Məsələn, 1001101
və 1100111 üçün xemminq məsafəsi 3-dür.
Epistaz – genlərin qarşılıqlı təsiridir. Genin, digər yerdə
olan genin qiymətindən asılı olaraq, fərdin uyğunlaşmasına təsir edir. Gen o zaman epistatik sayılır ki, o, digər lokusda olan genin təsirinə üstün gəlir. Genin təzahürünün ona allel olmayan gen tərəfindən üstələnməsi hipostaz, həmin genin özü isə hipostatik gen adlanır.
Beləliklə operatorları ardıcıl olaraq nəzərdən keçirək:
Ø
Dostları ilə paylaş: |