Nizami Tağısoy: Bir ömrün rapsodiyası
55
Nizami Tağısoy Bakı Slavyan Universitetində “XX əsr rus
ədəbiyyatı”, “Türk xalqları ədəbiyyatı”, “Azərbaycan ədəbiyyatı”,
“Tərcümə nəzəriyyəsi”
fənlərindən həm rus, həm də Azərbaycan
bölmələrində mühazirələr oxuyur, tələbələrin, magistrlərin, aspi-
rantların elmi işlərinə, dissertasiyalarına rəhbərlik edir, bir sıra elmi
forumlarda, konfranslarda, namizədlik və doktorluq dissertasiyaları-
nın müdafiəsinə məzmunlu və maraqlı çıxışlar edir. İndiyədək onun
Respublika və Beynəlxalq elmi konfranslarda bir sıra məruzələri
dinlənilmiş, məcmuələr və qəzet səhifələrində 300-ə qədər
elmi və
publisistik məqalələri dərc olunmuşdur.
Bir alim və pedaqoq olaraq Nizami Tağısoyun fəaliyyəti və
tədqiqat sferası olduqca rəngarəng və genişdir. Onun yaradıcılığının
və pedaqoji fəaliyyətinin prioritetləri sırasında tərcümə nəzəriyyəsi,
ədəbi əlaqələr problemi, komparativistika, türk xalqlarının etnoge-
nezi, etnoqrafiyası, folkloru, mifologiyası və yazılı ədəbiyyatı, ədə-
biyyatşünaslığın və müasir ədəbi prosesin əsas
məsələlərini gös-
tərmək olar. Professor Nizami Tağısoy qaqauz, qazax, qaraqalpaq,
Qaraçay, qırğız, Kıbrıs türkləri, özbək, xəzər və digər türk xalqları-
nın ədəbiyyatı və mədəniyyəti ilə bağlı çoxsaylı əsərlər müəllifdir.
Nizami Tağısoy bir alim olaraq yaradıcılığının ən məhsuldar
dövrünü yaşayır. Mən şəxsən ondan yeni-yeni elmi əsərlər, elmi
nailiyyətlər gözləyirəm və ümidvaram ki, tələbəm və həmkarım bu
arzularımı doğruldacaq, bizi özünün gələcək əsərləri ilə hələ çox se-
vindirəcəkdir.
Nizami Tağısoy: Bir ömrün rapsodiyası
56
Atamoğlan Həsənov
Bakı Slavyan Universiteti,
filologiya elmləri doktoru, professor
TƏLƏBƏM HAQQINDA ƏN XOŞ XATİRƏLƏR
Düşünürəm ki, tələbələrinin gələcək elmi və pedaqoji fəaliy-
yətində uğurlarını görmək hər bir müəllim üçün ən böyük hədiyyə
sayıla bilər. Mənim üçün də belə tələbələrdən biri Nizami Məmmə-
dovdur. O, ən ciddi və çalışqan tələbə kimi yadımda qalmışdır. Ona
M.F.Axundov adına Azərbaycan Pedaqoji Dillər İnstitutunun I kur-
sunda oxuyarkən “Fonetika” fənnindən dərs demişəm. Bütün dərs-
lərdə hamıdan fəal, hamıdan çalışqan olduğunun şahidi olmuşam.
Nəzəri, praktik hazırlığı qibtə edilən idi.
Nizami orta məktəbi Azərbaycan dilində qurtardağına
baxmayaraq M.F.Axundov adına Azərbaycan Pedaqoji Dillər İnsti-
tutunun rus dili və ədəbiyyatı fakültəsinin I kursunda oxuyarkən o,
rus dilinin
zənginliyinə ekskurslar edir, onu dərindən mənimsəməyə
çalışırdı. Qısa müddət ərzində Nizami öz çalışqanlığı və bacarığı sa-
yəsində rus dili bilgilərini mükəmməl dərəcəyə çatdıra bildi. O,
dərslərdən sonra hər gün saatlarla kitabxananın oxu zalında məşğul
olardı.
Nizami İnstitutda oxuduğu dövrdə mən “Müasir rus dili” ka-
fedrasının müdiri işləyirdim. Kafedramızda “Fonoloq” tələbə dərnə-
yi fəaliyyət göstərirdi və Nizami həmin dərnəyin aktiv üzvlərindən
biri idi. Hansı məsələni müzakirə etməyimizdən asılı olmayaraq Ni-
Nizami Tağısoy: Bir ömrün rapsodiyası
57
zami onun haqqında öz fikir və mülahizələrini, nəzər nöqtəsini orta-
ya qoymağa çalışırdı.
2001-ci ildə kafedramızın yaranmasının
otuz illiyi ilə əlaqədar
biz bir məcmuə hazırladıq. Kafedra ilə bağlı materiallar, şəkillər
araşdırıldı, tapıldı. Həmin məcmuədə artıq iki onilliyə yaxın elmlər
doktoru, professor olan Nizaminin “Fonoloq” dərnəyində müzakirə-
lərdə ciddi iştirakı ilə bağlı da şəkillər ortaya qoyuldu. Bu şəkildə
onun müzakirə olunan məsələyə marağı yaxşı əks olunmuşdur.
M.F.Axundov adına Azərbaycan Pedaqoji Rus dili və Ədəbiyyatı
İnstitutu 1972-ci ildə yaradılmışdır. Nizaminin o zaman bura ilə
bağlılığı bir il öncə, yəni 1971-ci ildə baş vermişdir.
Burada yerləşdirilmiş şəkildə dərnəyin bir qrup iştirakçısını
görürsünüz, onların sırasında Nizami də vardır (yuxarı sırada soldan
birinci).
Fəxr edirəm ki, mənim Nizami kimi tələbəm olub. 1992-ci il-
dən o,
elmlər doktoru, professordur.
Nizamini yubiley münasibəti ilə təbrik edirəm, ona can sağlı-
ğı, səadət, elmi və pedaqoji fəaliyyətində uğurlar arzulayıram.
Заседание кружка «Фонолог» 1973 г.
Nizami Tağısoy: Bir ömrün rapsodiyası
58
Asif Hacıyev
Bakı Slavyan Universitetinin
Tədris işləri üzrə prorektoru,
filologiya elmləri doktoru, professor
AXTARDIĞIMIZ İNSAN: PROFESSOR NİZAMİ TAĞISOY
Azərbaycan elmi-pedaqoji və ədəbi mühitində öz elmi və bə-
dii əsərləri, tərcümələri, müəllimlik fəaliyyəti ilə yaxşı tanınan şəx-
siyyətlərdən olan filologiya elmləri doktoru, professor Nizami Tağı-
soy həyatını ədəbiyyata, filologiyaya, gənclərin təlim-tərbiyəsinə
həsr etmiş dəyərli ziyalılarımızdandır.
Bir mütəxəssis kimi Bakı Slavyan Universitetində (keçmiş
M.F.Axundov adına Azərbaycan Pedaqoji Rus dili və Ədəbiyyatı
İnstitutu) formalaşmış, qırx ilə yaxındır zəngin ənənələri olan bu
təhsil ocağı ilə bağlı olan – buranın tələbəsi, laborantı, müəllimi,
dosenti, hazırda professoru – Nizami müəllim bütün bu illər ərzin-
də gərgin zəhmət dolu şərəfli ömür yaşamışdır. Hələ gənc yaşların-
dan ədəbi əlaqələrə, tərcüməşünaslıq («Səməd
Vurğun pyeslərinin
rus tərcümələri və səhnə təcəssümü», «XX əsr rus poeziyası Azər-
baycan tərcümələrində», «Poetik tərcümə» və s.) məsələlərinə ma-
raq göstərən, bu sahədə ciddi elmi əsərlər yazan Nizami müəllim
tədricən tədqiqat obyektini genişləndirərək türk xalqları ədəbiyyatı-
na, müasir Azərbaycan və rus ədəbi prosesinə dair sanballı araşdır-
malarını elmi-ədəbi mühitə təqdim etmişdir.
Bütövlükdə götürsək, professor Nizami Tağısoyun elmi fəa-
liyyətində tərcümə nəzəriyyəsi, ədəbi əlaqələr, komparativistika,