Microsoft Word Bir omrun rapsodiyasi doc
Yüklə 6,25 Kb. Pdf görüntüsü
|
Nizami Tağısoy: Bir ömrün rapsodiyası 59 türk xalqlarının epik təfəkkürü və folklor ənənələri, klassik və müa- sir ədəbiyyatı, ədəbiyatşünaslığın aktual problemləri, müasir ədəbi proses və s. əsas tədqiqat istiqamətlərini təşkil edir. Türk xalqları folkloru və ədəbiyyatından tərcümələr edən, “Qaraqalpaq ədəbiyya- tı” kimi sanballı tədqiqatın müəllifi olan Nizami müəllim bu sahədə həm də peşəkar pedaqoq kimi mühazirələr oxuyur, proqram və və- saitlər tərtib edir. Eyni zamanda, Nizami Tağısoy türk xalqları folk- lorunun Azərbaycanda yayılmasında da xüsusi xidməti olan alimlər- dəndir - «Qaraqalpaq xalq nağılları» kitabı, qazax qəhrəmanlıq eposu «Koblandı-batır»ın Azərbaycan türkcəsinə çevirməsi, digər mətnlərin oxucularımıza çatdırılması onun bu sahədə fəaliyyətinin genişliyini və elmi ciddiliyini səciyyələndirir. Nizami müəllim çağdaş ədəbi prosesə dair bir sıra tənqidi mə- qalələrin müəllifi kimi də ədəbiyyatsevərlərin diqqətini cəlb etmiş və ədəbi mühitdə öz layiqli yerini tutmuşdur. Onun Azərbaycan və rus yazarlarının yaradıcılığına həsr olunmuş ədəbi-tənqidi məqalə- ləri, ədəbi portret və oçerkləri, analitik icmalları ədəbi mətnlərə ori- jinal baxışı, polemik ruhu ilə seçilir və müəllifin geniş məlumat dai- rəsindən, bədii zövqündən, tənqidçi peşəkarlığından xəbər verir. Azərbaycan Yazıçılar Birliyinin üzvü olan Nizami Tağısoy oxuculara səmimi lirik hisslərlə yoğrulmuş şeirlər müəllifi və nasir kimi də tanışdır. Onun iki şeirlər və poemalar kitabı – «Axtaracaq- san məni» (Bakı, 2000), «Bəlkə dünya öz yolunu çaşıbdı» (Bakı, 2004) və «Natiqlə qara zurnanın nağılı və ya hər ikisinə elegiya» (Bakı, 2006) povesti yaradıcılığı sözün bədii zərifliyi, məna palitra- sı, mövzu rəngarəngliyi ilə seçilən, zəngin ədəbi ənənələrimizdən qaynaqlanan, müasirliyin nəbzini tutan şair-yazıçı qələminin məhsu- ludur. Əsərlərinin melodikliyi bəstəkarların da diqqətini cəlb etmiş, bəzi şeirlərinə mahnılar bəstələnmişdir. Nizami müəllim həm də bir çox şagird və tələbə nəslinin for- malaşmasında rolu olmuş peşəkar müəllimlərimizdəndir. Nizami Tağısoy müəllim peşəsinə daxilən bağlı adamdır. – 1975-ci ildə keçmiş M.F.Axundov adına Azərbaycan Pedaqoji Rus dili və Ədə- biyyatı İnstitutunun Rus dili və Ədəbiyyatı fakültəsini fərqlənmə Nizami Tağısoy: Bir ömrün rapsodiyası 60 diplomu ilə bitdikdən sonra bir müddət təyinatla Ucar rayonunda orta məktəbdə rus dili və ədəbiyyatı müəllimi işləmişdir. Hazırda Bakı Slavyan Universitetinin nüfuzlu professorlarındandır, bir çox fənn proqramı və dərs vəsaitinin müəllifidir. «XX əsr rus ədəbiyya- tı», «Türk xalqları ədəbiyyatı», «Azərbaycan ədəbiyyatı» fənlərin- dən rus və Azərbaycan bölmələrində mühazirələr oxuyur, kurs işləri, buraxılış işləri, magistr, namizədlik dissertasiyalarına rəhbərlik edir. Nizami müəllim həyatı boyu xalqa, el-obaya bağlı ziyalı ol- muşdur. Folklor materiallarının toplanması ilə məşğul olur, etnoqra- fik özəllikləri araşdırır, bu sahədə məqalələr və kitab müəllifidir. Məhz xarakterindəki bu xəlqilik onun bir dost və həmkar kimi səmi- miyyətinin, təvazökarlığının, zəhmətsevərliyinin əsasını təşkil et- mişdir. Nizami müəllim ədəbiyyata, sənətə, müəllimlik peşəsinə, doğma kollektivinə bağlı vətənpərvər bir ziyalı olmaqla yanaşı, gö- zəl ailə başçısı, yaxşı dost, hamını axtarıb soraqlayan və hamının axtardığı qayğıkeş insandır. Bu gün Nizami Tağısoy həyatının müdrik çağını, fəaliyyətinin qaynar dövrünü yaşayır. Yaradıcılıq eşqi, yaratmaq istəyi və enerjisi ilə dolu əziz dostumuz, gözəl ziyalı, nüfuzlu alim və pedaqoq, hör- mətli Nizami müəllimə uzun ömür və can sağlığı, səadət, yeni uğur- lar arzulayır, təzə əsərləri ilə oxucuları tezliklə sevindirəcəyinə əminliyimizi bildiririk. Nizami Tağısoy: Bir ömrün rapsodiyası 61 Eldar Abbaszadə Azərbaycan Dövlət Pedaqoji Universiteti, professor DÜŞÜNDÜRMƏYİ BACARAN ZİYALI Bu gün ziyalı barədə söz demək olduqca çətindir, çünki “ziya- lı” sözü son zamanlar ciddi deformasiyaya uğrayıb. Sözü ilə əməli vəhdət təşkil edən, qəlbinin, vicdanının səsinə qulaq asıb hərəkət et- məyi bacaran ziyalılarımız o qədər də çox deyil. Bu yüksək tələblərə cavab verən aydınlarımızdan biri respublikanın tanınmış ədəbiyyat- şünası, filologiya elmləri doktoru, professor Nizami Tağısoydur. Qısa zaman kəsiyi olsa belə - 8 il gözəl insan, görkəmli alimlə birlikdə özəl ali məktəblərin birində birgə işləmək mənə nəsib ol- muşdur. Ona görə də Nizami müəllim haqqında söz deməyi özümün mənəvi borcum hesab edirəm. Sanballı monoqrafiyaların, populyar dərsliklərin və maraqlı elmi axtarışların müəllifi olan Nizami müəllimin elmi yaradıcılığı ölkə ictimaiyyətinə yaxşı tanışdır. Mən onun pedaqoji fəaliyyəti və insani keyfiyyətlərindən danışmaq istəyirəm. Hər bir xalqın inkişafı, onun təhsili və mədəniyyəti ilə six bağlı olduğundan müəllimlik pe- şəsi müqəddəs sayılır. Ona görə də bu sənəti ömür yolu seçən insan- lar hörmətə layiqdirlər. Cəmiyyətdə müəllim peşəsinin, müəllim statusunun lazımi sə- viyyədə olmadığı bir dövrdə gənc nəslin təlim-tərbiyəsi ilə məşğul olmaq, ona zəruri bilikləri çatdırmaq və ən başlıcası gənclərdə dü- Nizami Tağısoy: Bir ömrün rapsodiyası 62 şünmək qabiliyyətini oyatmaq müəllimdən cəsarət və fədakarlıq tə- ləb edir. Bu baxımdan Nizami müəllim uzun müddətdir ki, öz peşə- sinin vurğunu kimi pedaqoji fəaliyyətlə məşğul olur. Hər şeydən əv- vəl o, tədris etdiyi fənni dərindən bilir, onu tələbələrinə sevdirmək üçün müxtəlif metodlardan bacarıqla istifadə edir. Azərbaycan ədəbiyyatını, rus və dünya ədəbiyyatını, eləcə də şərq poeziyasını mükəmməl bildiyinə görə Nizami müəllimin mü- hazirələri olduqca maraqlı keçır. Tərcüməçilik fəaliyyətinə gəldikdə isə Nizami müəllim Azərbaycan, rus və türk ədəbiyyatlarının yorul- maz təbliğatçısı olduğunu layiqincə sübut edir. O, digər türk xalqla- rının folklor örnəklərini, klassik ədəbiyyat nümunələrini ana dilimi- zə çevirməklə böyük ənənələri olan ədəbiyyatımızın üfüqlərini oxu- culara ustalıqla çatdırmaqla daha da zənginləşdirir. Nizami müəllimin mənəvi keyfiyyətlərindən söhbət açanda onun sadəliyi, yüksək mədəniyyəti, mənəvi saflığı hamını heyran edir. Bütün bunların arxasında isə Nizami müəllimin daxili zəngin- liyi, intellektual qüdrəti, dünyamıza maraqlı fərdi baxışı durur. Öm- rünün kamillik dövrünü yaşayan istedadlı alimin amalı vətəninə, xalqına, türkçülüyə, bəşəriliyə xidmət etməkdir. Böyük məmnunluq hissi ilə əziz dostum Nizami müəllimi anadan olmasının 60 illik yubileyi münasibəti ilə səmimi qəlbdən təbrik edir, ona uzun ömür, elmi-pedaqoji fəaliyyətində daha böyük uğurlar arzulayıram. Yüklə 6,25 Kb. Dostları ilə paylaş:
|