Azərbaycan: Müstəqil İslam və Dövlət
Böhran Qrupunun Avropa üzrə Hesabatı N°191, 25 mart 2008
səhifə 15
O, Azərbaycan mətbuatında və vebsaytlarda tez-tez
çıxış edir və Beynəlxalq Dini Azadlıq Assosiasiyası
və Forum 18 də daxil olmaqla, dini etiqad azadlığı ilə
məşğul olan beynəlxalq QHT-lərlə sıx əməkdaşlıq
edir. İcma Dəyərlər adlanan həftəlik qazet nəşr edir
və, siyasi və dini məsələləri şərh edən eyni adlı
Internet səhifəsinə malikdir.
137
Azərbaycanın dini
rəhbərləri arasında İbrahimoğlu ən tanınan və siyasi
baxımdan səsi eşidilən şəxsdir. Adətən qərb
müşahidəçiləri onu öz məqsədləri üçün Avropanın
demokratiya və insan haqqları kimi dəyərlərindən
yararlanan bir mötədil insan kimi tanıyırlar.
Cümə Məscidi bağlandıqdan sonra, Bakıda müstəqil
şiələrin ən böyük ibadət yeri Dadaş Məscidi olmuşdur.
Hacı Şahinin rəhbərlik etdiyi icma
138
1990-cı illərin
əvvələrindən mövcuddur və 2002-ci ildən şəhərin
işgüzar rayonunda öz binasına malikdir. Bu icma
yaxında yerləşən neft şirkətləri və beynəlxalq
təşkilatlarda çalışan varlı və təhsilli gəncləri daha çox
cəlb edir. Cümə namazına 800-dən artıq dindar
toplaşır ki, bunların da hamısı içəri sığışmayanda bir
hissəsi küçədə ibadət edir. İcma dini haqqların
qorunması üzrə çalışan Mənəvi Dünya İctimai Birliyi
adlı QHT-yə və Salam adlı qazetə malikdir.
Dadaş Məscidi 2007-ci ildə prosedurların daha
yumşaq olmasından yararlanaraq qeydiyyatdan keçmişdir.
Hacı Şahin deyir ki, hökumət son dövrlərdə düzgün
addımlar atmışdır. “Radikallaşma məhz dindarların
haqqları pozulanda ortaya çıxır. Deyəsən, hökümət
bunu başa düşməyə başlayıb. Radikallar İslamı dərk
etmir və müxtəlifliyə hörmət etmir”.
139
Bakıdakı Cavad Məscidi də Cümə namazına yüzlərlə
gənci qeyri-münasib şəraitdə qəbul edir. Bu Məscidin
də “Birlik” adlı öz QHT-si, qəzeti və binası var.
Məscidin iki imamından biri, Hacı Namiq Bakı İslam
Universitetində dərs deyir.
140
İki dəfə, 1992-ci və
2001-ci illərdə icmanı qeydiyyata almaqdan imtina
ediblər. Güman edilir ki, buna səbəb hölumətin İranda
təhsil almış Hacı Namiqə şübhə ilə yanaşmasıdır.
Yuxarıda qeyd edilən digər iki icmaya oxşar olaraq,
Cavad Məscidi də vətəndaş cəmiyyətinin və dini
haqqların təbliği ilə məşğul olur. “İndiki zamanda
bizim işimiz vətəndaş cəmiyyətinin inkişafıdır. Biz
sadəcə hüquqlarımıza yiyə durmaq istəyirik, lakin
bizə deyirlər ki, siz radikalsınız və inqilab istəyirsiniz.
Bunu deməklə, hökümət ictimaiyyətin bizə olan geniş
137
Bax: www.irla.org, www.forum18.org və www.deyerler.org.
138
O, ozü öyrənmiş imam olduğunu, lakin qısa müddət
ərzində İranın Qazvin şəhərində oxuduğunu iddia edir.
139
Böhran Qrupunun müsahibəsi, Hacı Şahin, Cavad
Məscidinin İcmasının imamı, Bakı, oktyabr 2007.
140
O, Qumda (İran) təhsil alıb.
dəstəyini azaltmağa çalışır”, Hacı Namiq belə
fikirdədir.
141
2.
Digər müstəqil qruplar
Bakı şəhərinin ətrafında və digər şəhərlərdə Şeyxülislamı
və QMİ-ni tanımaqdan imtina edən digər icmalar da
mövcuddur.
142
Əksəriyyəti qeydiyyatdan keçməyib və
şəxsi mənzillərdə görüşlər keçirir. Ramizoğlunun
sözlərinə görə “kiçik, qeyri-ənənəvi dini icmaların
sayı kəskin sürətlə artmaqdadır ki, onlara da nəzarət
etmək çox çətindir. Azərbaycanda vətəndaş
cəmiyyətinin olmadığına görə, bu icmalar mahiyyətcə
siyasiləşmişdir. Bu radikallaşma demokratiyanın
olmamasına və dövlət nəzarətinə cavab reaksiyasıdır”.
143
Bəziləri hökumətə açıq şəkildə tabe olmur. 2007-ci
ilin iyun ayında QMİ tərəfindən əzanın ucadan
səslənməsinə qoyulan qadağaya Hacı Əbdül riayət
etməmişdir: “şübhəsiz, biz əzanın səsləndirilməsini
davam etdirdik. Biz hətta əzanı əvvəlkindən iki dəfə
yüksək səslə ötürməyə başladıq ki, yaxınlıqda
yerləşən QMİ onu eşidə bilsin”.
144
Rəsmi ruhani nümayəndələr də DQİDK-ni və QMİ-ni
ehmalca tənqid edirlər. Əzan oxuyan bir gənc
ruhanilərlə Böhran Qrupununun söhbətindən bəlli
olub ki onlar, əzanı Azərbaycan təqvimi ilə
səsləndirsələr də, Azərbaycan şiələrinin çoxunun
İranın dini rəhbərliyinə rəğbətini nəzərə alaraq, ibadət
tərzini “daha düzgün” hesab etdikləri İran sayağı
həyata keçirirlər.
145
türk məscidlərinin tikilməsini və
Türkiyədən gələn sünni İslamın hökumət tərəfindən
bütövlükdə dəstəkləndiyini görən daha yüksək rütbəli
ruhanilər şiə məscidlərin İrandan maliyyə yardımı ala
bilməməsindən gileylərini bildirmişlər.
141
Böhran Qrupunun müsahibəsi, Hacı Namiq, Cavad
Məscidinin İcmasının başçısı, Bakı, oktyabr 2007.
142
Əhəmiyyətli sayıla bilən müstəqil icmalar Gəncə, Şəki,
Quba və cənub bölgəsində mövcuddur. Bəziləri qeydiyyatdan
keçib və Paşazadənin hakimiyyətini tanıyır; digərləri hələ də
tanımayıb, və onları qorumaq məqsədilə hesabatda onların
adları açıqlanmır.
143
Böhran
Qrupunun müsahibəsi, Hacı Azər Ramizoğlu,
DEVAMM-ın sabiq sədri, Tbilisi, avqust 2007.
144
Böhran Qrupunun müsahibəsi, Hacı Əbdül, Bakı, sentyabr
2007. Hacı Əbdül Bakı Hüseyn Məscidinin imamıdır və
gənclərin narkotik və alkoqol asılılığından qurtulmasına kömək
edən və keçmiş Sovet İttifaqının əksər respublikalarında təmsil
olunan Tövbə Cəmiyyətinin rəhbəridir. Tanınmış sabiq millət
vəkili olaraq o, yenidən seçkilərə qatılmaq fikrində olsa belə,
dəfələrlə namizəd kimi qeydiyyatı rədd edilmişdir. 1996-ci ildə
dini etiqad azadlığı haqqında qanuna edilən dayişikliklərdən
sonra onun məscidi qeydiyyata alınmamışdır.
145
Böhran Qrupunun müsahibəsi, rəsmi ruhani, Şiə,
sentyabr-oktyabr 2007.