78
kasası oyması yerləşir.
Qədim yunanlar və romalılar
axşam ye-
məyi zamanı süfrəyə həmişə saxsı, şüşə,
gümüş, bürünc və ya qızıldan düzəldilmiş,
içərisi sirkə ilə dolu kiçik kasa (ağzı enli və
əsası isə dar qab) qoyurdular. Onlar yemək-
lərinə bu sirkədən tökürdülər. Çanaq sümüyü
üzərində olan oynaq çuxuru bu kasaya oxşa-
dığı üçün
«sirkə kasası» adlandırılır.
Skarp və ya bud üçbucağı (trigonum
femorale) budun ön nahiyəsinin yuxarı 1/3
hissəsində yerləşmiş, əsası yuxarıya və zir-
vəsi aşağıya baxan üçbucaq formalı sahədir.
O, yuxarıdan qasıq bağı, bayırdan dərzi əzə-
ləsi, içəridən isə budu yaxınlaşdıran uzun
əzələ ilə hüdudlanmışdır (
şək. 120
). Üçbuca-
ğın zirvəsi qasıq bağından 8 – 10 sm aşağıda
yerləşir, dibini içəri tərəfdə daraq və bayır
tərəfdə isə qalça – bel əzələləri təşkil edir.
Bud üçbucağının üzunluğu (8 – 12 sm)
ətrafların vəziyyətindən asılı olaraq dəyişir.
Onun hüdudları daxilində fassial toxuma sa-
həsi yerləşir. Bu toxuma sahəsi bayırdan dər-
zi, budun düz və içəri enli əzələlərinin fas-
sial yataqları,
içəridən daraq əzələsinin və
budu yaxınlaşdıran uzun əzələnin fassial fut-
lyarları, arxadan isə qalça – bel əzələsinin
futlyarı ilə hüdudlanmışdır. Üçtərəfli pirami-
da formasında olan bu toxuma sahəsinin əsa-
sını budun enli fassiyası təşkil edir. Onun
zirvəsi aşağıya və dərinə, bud sümüyünün
kiçik burmasına doğru çevrilmişdir. Onu
əhatə edən əzələlərin futlyarları bir – biri ilə
fassial atmalarla birləşdikləri üçün bu toxu-
ma sahəsi nisbətən qapalı olur. Budun damar –
sinir dəstəsinin ümumi fassial yatağından
başlanan fassial atmalar onu qalça – daraq
qövsü, qalça – bel əzələsinin fassial futlyarı,
içəri əzələlərarası arakəsmə və dərzi əzələ-
sinin futlyarı ilə birləşdirir. Nəticədə Skarp
üçbucağının toxuma sahəsi bayır
və içəri
hissələrə bölünür. Onun bayır hissəsi budun
enli fassiyası ilə qalça – bel əzələsinin fassi-
yası arasında qalan yarıqdan ibarətdir və
dibini qalça – bel əzələsi təşkil edir. Fassiya-
lararası bu yarıq kövşək toxuma ilə tutulmuş-
dur və buradan bud siniri və bud sümüyünü
dolanan bayır damarlar keçir. Qasıq bağının
qalça – bel əzələsinin fassiyası ilə sıx birləş-
məsi səbəbindən bayır hissə qapalı olur.
Skarp üçbucağının toxuma sahəsinin içəri
hissəsi qalça – daraq çuxuruna uyğun gəlir.
Burada damarlar 2 təbəqədə yerləşir. Səthdə
bud arteriyası və venası,
dərində isə budun
Şəkil 119. Çanaq sümüyü
1 – crista iliaca; 2 – spina iliaca anterior superior; 3 –
spina iliaca anterior inferior; 4 – acetabulum; 5 – foramen
obturatum; 6 – tuberculum pubicum; 7 – incisura is-
chiadica minor; 8 – spina ischiadica; 9 – incisura is-
chiadica major; 10 – spina iliaca posterior inferior; 11 –
spina ischiadica
posterior superior
79
dərin damarları (budun dərin arteriyası, budu
dolanan içəri arteriya) keçirlər. Bud damar-
ları və bud siniri bud üçbucağında üçtərəfli
prizma şəkilli ümumi fibroz yataqda – bud
yatağında yerləşir.
Bud üçbucağının toxuma sahəsi damar-
lar sahəsindən keçməklə bud damarları bo-
yunca çanağın peritonaltı mərtəbəsi ilə, bud
venasının səthi kökləri və gizli deşik vasi-
təsilə həmin nahiyənin dərialtı toxuma sahəsi
ilə, bud sümüyünü dolanan bayır arteriyanın
gedişi boyunca sağrı nahiyəsi ilə, bud da-
marları boyunca yaxınlaşdırıcı kanalla, bud
sümüyünü dolanan içəri arteriya boyunca ya-
xınlaşdırıcı əzələlərin yatağı ilə əlaqələnir.
Spense quyruğu süd vəzisinin yuxarı
bayır kvadrantının döş fassiyası üzərində
olan dəlikdən (Langer dəliyi) qoltuq çuxuru-
na doğru gedən uzantısıdır.
Spigel xətti (aypara xətt – linea semi-
lunaris) qarının köndələn əzələsinin əzələvi
hissəsinin aponevroz
hissəyə keçən yeri üzrə
çəkilən və qabarıqlığı bayıra baxan xəttdir
(
şək.121,7
).
Spiral kanal (bazu – əzələ kanalı və ya
mil siniri kanalı – canalis spiralis seu ca-
nalis musculobrachialis seu canalis nervi
radilais) bazu sümüyü cisiminin arxa səthin-
dəki mil siniri şırımı (spiral şırım) ilə bazu-
nun üçbaşlı əzələsinin içəri və bayır başları
arasında əmələ gələn kanaldır (
şək. 122,5
).
Bu kanaldan mil siniri və bazunun dərin
arteriyası keçir. Kanalda yerləşən damar –
sinir dəstəsi kövşək toxuma qatı ilə əhatə
olunmuşdur. Bu toxuma qatı qoltuq və
bazunun ön nahiyəsinin toxuma sahələri ilə
əlaqələnir. Kanalın topoqrafik olaraq
əzələlərarası və əzələ – sümük hissələri ayırd
edilir. Əzələlərarası hissə bazunun yuxarı
1/3 – də, əzələ – sümük hissəsi isə bazunun
orta 1/3 – də yerləşir.
Bazu sümüyünün orta 1/3 –
də baş verən
sınıqlar zamanı bazu – əzələ kanalından ke-
çən damar – sinir dəstəsi zədələnə bilər və
gələcəkdə mil sinirinin şümük döyənəyinə
cəlb oluna biləcəyini nəzərə almaq lazımdır.
Digər tərəfdən, bazunun dərin arteriyasından
qanaxmalar zamanı turna tətbiq edildikdə
mil sinirini sümüyün səthinə sıxılaraq əzil-
məsinin qarşısını almaq məqsədilə turnanı
Şəkil 120. Skarp üçbucağı
80
kanalın əzələlərarası hissəsinə (yəni bazunun
yuxarı 1/3 – nə) qoymaq lazımdır.
Stenson axacağı (qulaqaltı vəzinin
axacağı – ductus parotideus) 5 – 6 cm
uzunluğunda olub, qulaqaltı vəzinin ön kə-
narından başlayır, köndələn istiqamətdə çey-
nəmə əzələsinin üzəri ilə önə doğru gedir,
yanaq əzələsini dəlir və II yuxarı azı dişi bə-
rabərində yanağın selikli qişası üzərində olan
papilla parotidea üzərindəki dəlik vasitəsilə
ağız dəhlizinə açılır (
şək. 123,1
). Qulaqaltı
vəzinin axacağını asanlıqla əlləmək müm-
kündür. Bunun üçün dişlər bir –
birinə möh-
kəm sıxılır, bu zaman ceynəmə əzələsi tapılır
və onun ön kənarının ortasında qulaqaltı
vəzinin axacağı qaytan kimi əllənir
.
Süvari kisəsi – bud sümüyünün içəri epi-
kondilusu səviyyəsində dəri altında yerləşən
selikli kisədir. Bəzən diz qapağının önündə
yerləşən bursa prepatellaris subfascialis et
subtendinea ilə birləşir. At çapan insanlar
(süvarilər) həmişə dizlərini atın gövdəsinə
sıxdıqları üçün həmin kisə mexaniki təsirə
məruz qalır və nəticədə,
içərisinə mayenin
toplanması ilə müşayiət olunan xroniki ilti-
habı prosesə uğrayır, diz qapağının önündə
şişkinlik əmələ gəlir.
Şah vena (vena basilica) yuxarı ətrafın
səthi venalarına aid olub, əlin arxa venoz to-
Şəkil 122. Mil siniri kanalı (oxla göstərilmişdir)
1 – caput longum m.tricipitis brachii; 2 – m.teres major;
3 – caput laterale m.tricipitis brachii; 4 – caput mediale
m.tricipitis brachii; 5 – sulcus nervi radialis (spiral kanal);
6 – m.deltoideus.
Şəkil 121. Qarın ön
–
yan divarlarının damar və sinirləri
1 – a.et v.epigastrica superior; 2 – vagina musculi recti
abdominis (lamina posterior); 3 – inscriptiones tendineae;
4 – vagina musculi recti abdominis (lamina anterior);
5 – nn.intercostalis XI; 6 – a.lumbalis; 7 – linea semilu-
naris (Spigeli); 8 – n.intercostalis X; 9 – m.transversus
abdominis; 10 – n.intercostalis IX; 11 – a. et v.inter-
costalis; 12 – n.intercostalis VIII; 13 - n.intercostalis VII.