Mexaniki ətçəkən maşından istifadə edilən zaman qabaqca
maşının altına qab qoyulub maşın işə salınır və doğranmış ət
tikələri maşının içinə doldurulub döyülür.
Mexaniki kutterdə ət döyülən zaman ət tikələri maşının
çanağına doldurulub çanağın qapağı örtülür və maşın işə salınır.
Ət döyüldükdən sonra kutter dayandırılıb qapağı götürülür və
döyülmüş ət kütləsi çanaqdan çıxarılır. Bundan sonra çanağa
yenə ət tikələri doldurulub proses davam etdirilir.
Döyülmüş ət qabaqca suda yaxud süd içində isladılmış buğ-
da çörəyinə qatılır, sonra buna duz və istiot vurulub hamısı birlik-
də qarışdırılır və azacıq çalınır. Çalınan zaman kotlet kütləsi bir-
növlü vəziyyətə gəlir və sonrakı isti emal prosesində kotlet yum-
şaq çıxır, lakin lotlet kütləsi çox çalınmamalıdır, çünki belə ol-
duqda yağ ayrılır və hazırlanan məmulatın təmi pisləşir. Ət yağsız
olduqda çəksinə nistəbən buna 5-10% iç yağı qatılır. Çörək kotlet
kütləsində bunun tərkib hissələrini birləşdirir və yumşaqlıq verir.
1kq yumşaq ət üçün burada xalis çəkidə 250 q (25%) buğda
çörəyi, 300 q (30%) su yaxud süd, 20 q (2,0%) duz, 1 q (0,1%)
narın istiot norma sayılır.
Yarımfabrikatların saxlanması
Burada ətin iri tikələri sıra ilə tavalara düzülüb 8° tempera-
turda 3-4 saat yaxud 6° temperaturda 7-8 saat saxlanır.
Paylıq urvalanmış ət tikələri (romşteks, şnitsel, əzmə kotlet)
30° bucaq altında sıra ilə böyrü üstə tavalara düzülüb 6° tempe-
raturda 24 saata qədər saxlanır.
Paylıq natural ət tikələri (bifşteks, langet, eskalop, natural
kotlet və s.) 30° bucaq altında sıra ilə böyrü üstü tavalara düzülüb
6° temperaturda 36 saata qədər saxlanır.
Xırda doğranmış ət tikələri (befstroqanov, qulyaş, raqu və
s.) 5 sm-ə qədər qalınlıqda lay şəklində tavalara düzülüb 10°
temperaturda 2 saata qədər saxlanır.
48
Kotlet kütləsi (ədviyəsi vurulmamış) 3-4 sm qalınlıqda lay
şəklində tavalara qoyulub soyuducu şkafda və yaxud vannada buz
üstündə 6 saata qədər saxlanır.
Təkrar üçün suallar
1. Dondurulmuş ətin donu necə açılır?
2. Mal və qoyun cəmdəklərinin kulinar bölgüsü necə
aparılır və sümükləri necə çıxarılır?
3. Subməhsullarının emalı necə aparılır?
4. Bifşteks, file və langet xörəkləri üçün malın can ətindən
yarımfabrikat necə hazırlanır?
5. Ət qızartması, natural və əzmə kotlet, döymə şnitsel,
eskalop, şişlik və lüləkabab xörəkləri üçün qoyun və dana
cəmdəyinin hansı hissələrindən və nə qaydada yarımfabrikat
hazırlanır?
6. Ətdən kotlet kütləsi necə və bu kütlədən hansı
yarımfabrikatlar hazırlanır?
7. Ətdən hazırlanan yarımfabrikatlar və habelə sümük necə
saxlanır?
1.4. Ev və ov quşlarının ilk emalı və yarımfabrikatların
hazırlanma texnologiyası
Ev quşlarına toyuq, cücə, hind toyuğu, qaz və ördək aiddir.
Ov quşları sırasına aşağıdakılar daxildir:
49
a) meşə quşları – qarabağır, tetra quşu, meşə xoruzu, ağ
kəklik, qara toyuq, meşə cüllütü;
b) çöl quşları – boz və qırmızı kəklik, çəkçəki, bildirçin;
c) bataqlıq quşları – cüllüt, ala cüllüt, bataqlıq toyuğu;
d) köçəri su quşları – çöl qazı, ördək.
Ev və ov quşları iaşə müəssisələrinə dondurulmuş vəziy-
yətdə gətirilir; bunlardan ev quşları tüksüz, ov quşları isə tüklü
(lələkli) olur.
İlk emal zamanı ev və ov quşlarının donu açılır, tükü yo-
lunur, ütülür, içalatı çıxarılır, yuyulur və bunlardan yarımfabrikat
hazırlanır, yəni quş cəmdəkcikləri tərtibə salınır yaxud file
şəklinə salınır.
1.4.1. Quşun donunun açılması, tükünün yolunması, ütülməsi
Quşun donunun açılması. Dondurulmuş ev və ov quşları
burada arxası aşağı sıra ilə masanın yaxud qəfəsinin üzərinə
düzülür və cəmdəkciklərin arasında 3-5 sm məsafə saxlanır.
Quşun tükünün yolunması. Donu açılmış ev və ov quşla-
rının boynundan başlamış tükü yolunur. Burada bir neçə lələk
birdən tutulub təbii bitdiyi istiqamətə tərs tərəfə dartılıb çıxarılır.
Quşun dərisi yırtılmasın deyə, tüklər yolunan yer barmaqla dar-
tılır. Bəzən tükün yolunmasını asanlaşdırmaq məqsədilə, toyuq və
cücə cəmdəkcikləri kəsildikdən sonra 30-60 saniyəliyə qaynar
suya (70-80°) salınır və sonra tükü yolunur.
Quşun ütülməsi. Quş cəmdəklərindən lələkləri yolunduq-
dan sonra qalan nazik tüklərin çıxartmaq lazımdır. Bunun üçün
quş cəmdəkcikləri dəsmalla silinir, üstünə kəpək yaxud aşağı növ
un sürtülür və hissiz alovda ütülür. Quş cəmdəyinə un səpəndə
tüklər şaquli vəziyyət kəsb edir və tez yanır.
1.4.2. Quşun içalatının çıxarılması və yuyulması
Quşun içalatının çıxarılması. İçalatı çıxarılmazdan qabaq
quş cəmdəkciyinin ayaqları, qanadları və boynu kəsilir (toyuğun
və cücənin qanadları kəsilmir). Quş cəmdəkciyinin ayaqları 1-1,5
50
sm dirsək oynağından aşağı (şəkil 1.27), qanadları isə birinci
oynaqdan kəsilir.
Şəkil 1.27. Quş cəmdəkciyinin ayaqlarının kəsilməsi
Quş cəmdəkciyinin boynu kəsilməzdən qabaq boynunun
dərisi bel tərəfdən uzunu boyunca yarılır və dərisi soyulduqdan
sonra boynu dibindən kəsilir. Dərisinin isə yarısı kəsilir və qalan
hissəsi ilə cəmdəkcik isti emaldan qabaq tərtibə salınanda boynu-
nun kəsik yeri örtülür. Bundan sonra döş qəfəsinin qurtaraca-
ğından başlamış ifraziyyat nöqtəsinə qədər cəmdəkciyin dərisi və
yumşaq əti kəsilərək əmələ gələn boşluqdan içalatı, yəni bağır-
saqları, mədəsi, ağciyəri, qaraciyəri və ürəyi çıxarılır, qida borusu
və çinadanı isə boyun deşiyindən çıxarılır (şəkil 1.28).
Quşun yuyulması. İçaltı çıxarılmış quş cəmdəkciyi bir
neçə dəfə soyuq suda yuyulur. Yuyulan vaxt quş cəmdəkciyindən
bıçaqla lələklərin kökü çıxarılır. Quşu çox yumaq məsləhət
görülmür, çünki yuduqda onun qida və ekstraktiv maddələri itir.
Şəkil 1.28. Quş cəmdəkciyinin qarnı yarılıb içalatının çıxarılması
51
Dostları ilə paylaş: |