Cədvəl 5.1
1 yaşadək uşağın qida rasionu
Yaş
(aylarla)
Qidalanmanın
sayı
Qidanın növü
1
7-6
Ana südü
2-3
6
Ana südü, şirələr, balıq yağı, kəsmik
(həkimin məsləhəti ilə).
3-5
6
Ana südü, kəsmik, şirələr, balıq yağı,
yumurta sarısı, alma (meyvə) püresi.
5-6
5
Ana südü, kəsmik, şirələr, balıq yağı,
tərəvəz püresi, yumurta sarısı, meyvə
püresi və ya sürtgəcdən keçirilmiş alma,
kefir, 5%-li sıyıq, tərəvəz, şorba.
6-8
5
Ana südü, sıyıq (10%-li manna, düyü,
qarabaşaq, yulaf), kəsmik, şirələr, balıq
yağı, tərəvəz və ya ət bulyonu, püre,
qaraciyər, yumurta sarısı, meyvə püresi
və ya sürtgəcdən keçirilmiş alma, kefir
və ya süd (5%-li şəkərlə), peçenye.
9-10
5
Ana südü, sıyıq, kəsmik, şirələr, balıq
yağı, şorba, tərəvəz püresi, ət qiyməsi,
yumurta sarısı, meyvə püresi, kefir
(süd), kəsmik, peçenye, balıq qiyməsi.
11-12
5
Kefir və ya süd, sıyıq, kəsmik, şirələr,
balıq yağı, şorba, tərəvəz, kiçik
küftəciklər (rizə-küftə) və buxarda
bişirilmiş kotlet, yumurta sarısı, meyvə
püresi, qaraciyər.
400
6.1. Uşaq yeməklərinin hazırlanması
Südün durulaşdırılması. Ananın südü yoxdursa, həkimin
göstərişi ilə uşağa süni südlər və inək südü vermək olar. Uşağın
neçə aylıq olmasından asılı olaraq inək südünü ona durulaşdırıb
verin. İnək südünə yarıbayarı su, yaxud 2 hissə südə bir hissə su
qatıb durulaşdırmaq olar. Durulaşdırılmış südə həkimin göstərişi
ilə şəkər şərbəti qatmaq olar (100 ml südə, 1 və ya 1,5 çay qaşığı
şəkər şərbəti). Uşaqlara yarıbarı su qatılmış südü birinci həftələr
verirlər, sonra tədricən 1-2 həftə fasilə verib az su qatılmış inək
südünə keçmək olar.
Südü çox qaynatdıqdan onun qida keyfiyyəti itir. Buna görə
də südə su qatıb ancaq bir dəfə qaynatmaq lazımdır.
İnək südünə qatılacaq un horrasını düyü, arpa və vələmir
unundan hazırlamaq olar.
Düyü ununu arpa unu ilə qarışdırdıqda uşağın qarnını bir
qədər bərkidir, vələmir unu isə azca boşaldır.
Un horrasının hazırlanması
100 ml suya 3-5 qaşıq ağ buğda unu götürmək lazımdır. Un
qızılı rəngə çalıncaya qədər azca qovurulur, sonra azacıq su
tökülüb qarışdırılır ki, yumrular əmələ gəlməsin.
Un horrasına 1 çimdik duz və lazımi qədər su tökülüb 15-
20 dəqiqə qaynadılır.
Manna sıyığının hazırlanması
Yarıbayarı su qatılmış 1 stəkan südə 5 q manna yarması
töküb qaynadılır. Yumruların əmələ gəlməməsi və yarmanın
yanmaması üçün daim qarışdırılır.
Şəkər axıra yaxın qatılır, çünki şəkəri tez qatanda yarma
yanır. Manna sıyığı hazır olanda üzərinə lazım gələrsə, qaynar su
tökmək olar.
401
Duz, şəkər, un, manna yarmasını tərəzidə çəkmək, yaxud
tərəzi yoxdursa, həmin maddələrin təxmini miqdarını qaşıqla
təyin etmək olar.
Maddə
Ağzına qədər dolmuş
çay qaşığı
Ağzına qədər dolmuş
xörək qaşığı
Şəkər, düyü, duz
10 q
30 q
Un, manna yarması
6 q
20 q
Düyü sıyığı ətlə
2 xörək qaşığı düyü, 3 stəkan su, 100 q çiy mal əti, ½ çay
qaşığı kərə yağı, duz.
Yumşaq yağsız mal əti üzərinə soyuq su tökülüb vam odda
hazır olana qədər bişirilir. Ət bulyondan çıxarılıb 2 dəfə ətçəkən
maşınından keçirilir. Düyü suda hazır olana qədər bişirilir, ət və
duz əlavə edilir, yaxşı qarışdırılır. Sonra sıyıq 3-4 dəqiqə ərzində
vam odda bişirilir və sonda kərə yağı əlavə edilir.
Sup-püre
1 dənə orta ölçüdə kartof, 1 çay qaşığı manna yarması,
2
1
çay qaşığı kərə yağı, 1 yumurtanın sarısı,
4
1
stəkan süd (uşaqlar
üçün olan xüsusi quru süddən hazırlanır),
3
2
stəkan su, duz.
Kartof təmizlənir, doğranır və vam odda bağlı qabda hazır
olana qədər bişirilir. Hazır kartof ələkdən sıxılır, kartof bişirilən
suyu əlavə edilir və yenə bir neçə dəqiqə qaynadılır. Manna
yarması soyuq suda həll edilir və püreyə əlavə edilir, 10 dəqiqə
ərzində vam odda bişirilir. Yumurtanın sarısını qaynanmış soyuq
süd ilə qarışdırılır, sup-püre qarışdırıla-qarışdırıla ona əlavə edilir
402
və 1-2 dəqiqə ərzində qaynadılır. Sup-püre oddan götürülür, ona
kərə yağı əlavə edilir.
Toyuq püresi
80 q toyuğun yağsız əti (kənd toyuqlarından istifadə
olunur), 2 xörək qaşığı süd, 1/2 stəkan su, az miqdarda cəfəri və
xırda doğranmış baş soğan, 1/2 çay qaşığı kərə yağı, 1/2 çay
qaşığı un, duz.
Toyuq əti suya cəfəri və soğan əlavə edilib hazır olana
qədər vam odda qapağın altında bişirilir. Ət ətçəkən maşınından 2
dəfə olmaqla keçirilir, ona bulyon, un və kərə yağı əlavə olunur
və 2-3 dəq. ərzində qaynadılır. Daha sonra püreyə isti süd və duz
əlavə olunur, yenə 1-2 dəqiqə ərzində qaynadılır.
Balıq küftəcikləri
100 q balıq filesi (treska), 1 tikə çörək, 2/3 stəkan su, 1
yumurtanın sarısı, 1/2 çay qaşığı kərə yağı, duz.
Balıq filesi soyuq suda isladılmış çörəklə birlikdə 2 dəfə
ətçəkən maşınından keçirilib, yumurta sarısı və kərə yağı əlavə
edilir. Qiymə (farş) yaxşı qarışdırılır və xırda küftəciklər
formasına salınır. Küftəciklər qaba yığılır, üzərinə su əlavə olunur
və vam odda divarları qalın olan bağlı qabda bişirilir.
Toyuq kotleti
100 q toyuq əti, 1 tikə ağ çörək, 1/4 stəkan süd, 1/2 çay
qaşığı kərə yağı, 1 dənə yumurta, duz.
Toyuq əti süddə isladılmış çörəklə birlikdə 2 dəfə ətçəkən
maşınından keçirilir. Yumurta, duz, yumşalmış kərə yağı əlavə
olunur və yaxşı qarışdırılır. Qiymədən kotletlər formalanır və
buğda hazır olana qədər bişirilir.
403