Azərbaycanda multikulturalizmin xüsusiyyətləri və istiqamətləri
63
nail olmuşdur. Azərbaycan Respublikasının multikulturalizm siyasətinin həyata ke-
çirilməsində nüfuzlu beynəlxalq təşkilatlarla sıx əməkdaşlıq etməsi, ölkəmizdə bu
məsələyə xüsusi həssaslıqla yanaşıldığını dəqiq sübut edir. Azərbaycan Respublika-
sı milli azlıqlarının hüquqlarının qorunması ilə bağlı bütün beynəlxalq təşəbbüslərə
və sənədlərə ciddi diqqət yetirir. Belə ki, ölkəmiz 2009-cu ilin noyabr ayının 26-
da “Mədəni özünüifadə formalarının müxtəlifl iyinin qorunması və təşviqinə dair”
UNESCO Konvensiyasına qoşulmuşdur. Azərbaycan Respublikası bu istiqamətdə
müxtəlif beynəlxalq sənədlərə və təşəbbüslərə qoşulmaqla yanaşı,
fərqli mədəni
dəyərlərin qorunması məsələləri ilə bağlı təşəbbüslərlə çıxış edir, ardıcıl fəaliyyət
göstərir. Azərbaycan Respublikasında multikulturalizm siyasətinin uğurlu olmasını
şərtləndirən başlıca məqam ondan ibarətdir ki, bu sahə birbaşa dövlət başçısının nə-
zarətində və himayəsindədir. 2011-ci ildən etibarən Prezident İlham Əliyevin təşəb-
büsü ilə Bakı Beynəlxalq Humanitar Forumu təşkil olunmaqdadır. Ölkə Prezidenti
bütün nitqlərində multikulturalizmin alternativinin olmadığını və onun inkişafın ən
vacib şərtlərindən biri olduğunu əsaslandırır. Azərbaycan Respublikasının Prezi-
denti İlham Əliyev Cənablarının həyata keçirdiyi müdrik ardıcıl siyasət nəticəsin-
də ölkəmiz bütövlükdə dünyada multikulturalizm meyllərinin güclənməsinə ciddi
töhfə verməkdədir. Belə ki, 2008-ci ildə
İƏT-ə(İslam Əməkdaşlıq Təşkilatına) üzv
ölkələrin mədəniyyət nazirlərinin AŞ ölkələrinin mədəniyyət
nazirlərinin toplan-
tısında iştirakını məhz rəsmi Bakı təmin etmişdir. Mədəniyyətlərarası dialoqun
inkişafında mühüm hadisə olan bu təşəbbüs gələcək addımlar üçün yaxşı zəmin
yaratmış oldu və bununla Azərbaycan respublikası dünya multikulturalizm meyllə-
rinin genişləndirilməsi və gücləndirilməsi ilə bağlı üzərinə mühüm öhtəlik götür-
düyünü nümayiş etdirdi. 2009-cu ildə Azərbaycanın təşəbbüsü ilə AŞ ölkələrinin
mədəniyyət nazirlərinin İƏT-ə üzv ölkələrin mədəniyyət nazirlərinin toplantısında
iştirak etmələri dünya multikulturalizmin yeni inkişaf tendensiyalarının formalaş-
dığını sübut etdi.[10] Təbii ki, artıq qeyd etdiyimiz kimi,
bu Azərbaycan dövlətinin
mühüm töhfəsi idi. Azərbaycanda Humanitar Forumların keçirilməsi artıq bir ənənə
halını almışdır. Bakıda 2011-ci ilin 10-11oktyabr tarixlərində keçirilən “XXI Əsr:
ümid və çağırışları” adlı forum çərçivəsində mədəniyyətlərarası dialoqun vacib-
liyinin qeyd olunması ilə yanaşı, Azərbaycanın bu istiqamətdəki töhfələri yüksək
qiymətləndirilmişdir.[17] 2012-ci ilin oktyabr ayının 4-5-də keçirilmiş ikinci Bakı
Beynəlxalq Humanitar Forumu dünya mədəniyyətlərinin yaxınlaşması baxımından
ciddi əhəmiyyət kəsb etmişdir. Forumda xüsusi vurğulanmışdır ki, Azərbaycanda
müxtəlif mədəniyyətlərin və dinlərin dinc yanaşı mövcud olması üçün bütün zə-
ruri imkanlar mövcuddur.[18] 2013-cü il 31 oktyabr-1 noyabr tarixlərində təşkil
olunmuş üçün Bakı Beynəlxalq Humanitar Forumunda 800-ə yaxın qonaq iştirak
etmişdir. Forumda çıxış edən Azərbaycan Respublikasının Prezidenti İlham Əliyev
Cənabları Azərbaycanın multikulturalizm ideyalarının əsas təbliğatçısına
çevrildi-
yini əsaslandırmışdır. Ölkə Prezidenti demişdir: “Bu gün Azərbaycanda çoxmillətli,
çoxkonfessiyalı cəmiyyət mövcuddur. Bu, bizim böyük sərvətimiz, böyük dəyəri-
mizdir. Biz bu sərvəti qoruyuruq və qoruyacağıq. Bütün xalqların, bütün dinlərin
Cahangir Cahangirli
64
nümayəndələrinin
tarixi abidələri qorunur, bərpa edilir. Bütün dinlərin abidələri-
nin bərpası, qorunması dövlət siyasətidir. Əlbəttə ki, Azərbaycanda toplanmış bu
gözəl tarixi təcrübə bu gün müasir şəraitdə özünü büruzə verir. Vətəndaş cəmiyyə-
tinin formalaşması, millətlərarası münasibətlərin müsbət istiqamətdə inkişafı hesab
edirəm ki, bizim böyük nailiyyətimizdir”.[3, 7]
Multikulturalizmin Azərbaycanda dövlət siyasətinin mühüm istiqamətini təşkil et-
diyini sübut edən məqamlardan biri də 2014-cü ilin fevral ayının 28-də Azərbaycan
Respublikasının Prezidenti İlham Əliyevin sərancamı ilə multikulturalizm və dini
məsələlər üzrə dövlət müşaviri xidmətinin yaradılmasıdır. Bu xidmətin yaradılmasında
başlıca məqsəd multikultural ideyaların genişləndirilməsinə, bu sahədə mövcud olan
boşluqların aradan qaldırılmasından,
ümumiyyətlə, multikulturalizm siyasətinin vahid
strategiya üzrə həyata keçirilməsinə nail olmaqdan ibarət idi. Bunun ardınca, 2014-cü
ilin mart ayının 15-də ölkə Prezidenti İlham Əliyev Bakı Beynəlxalq Multikultura-
lizm Mərkəzinin yaradılması haqqında sərancam vermişdir. Bu, ondan xəbər verirdi
ki, ölkədə etnomədəni müxtəlifl iyin qorunması və inkişaf etdirilməsi, Azərbaycanın
multikulturalizm mərkəzi kimi dünyaya tanıdılması mühüm vəzifə kimi müəyyənləş-
dirilmişdir. Azərbaycanda belə bir beynəlxalq mərkəzin təsis
edilməsi böyük rezonans
doğurmuşdur.
2016-cı ilin yanvar ayının 11-də Azərbaycan Respublikasının Prezidenti İlham
Əliyev 2016-cı ilin Azərbaycan Respublikasında “Multikulturalizm ili” elan edilmə-
si haqqında sərancam imzalamışdır. Prezidentin imzaladığı sərancamda qeyd olunur:
“Birləşmiş Millətlər Təşkilatının Sivilizasiyalar Alyansının 7-ci Qlobal Forumunun
2016-cı ildə Bakı şəhərində keçirilməsi barədə qərar qəbul edilməsi dünya ölkələrinin
Azərbaycandakı multikultural mühitə olan münasibətinin real ifadəsidir”.[11] 2016-cı
il, aprelin 25-27 tarixində Bakıda BMT-nin Sivilizasiyalar Alyansının VII Qlobal Fo-
rumu baş tutdu. Bu miqyasında və əhəmiyyətinə görə Bakıda əvvəllər təşkil olunmuş
tədbirlərdən fərqlənirdi. Belə ki, Forumda 147 ölkədən 4000-dən artıq
nümayəndə
iştirak etdi.[19] Tədbirdə əsas müzakirə olunan məsələlərdən biri məhz multikultura-
lizmin Azərbaycan modeli oldu. Bu, ondan xəbər verir ki, Azərbaycan multikulturaliz-
min inkişaf etdirilməsi ilə bağlı mühüm vəzifələrin öhtəsindən gələ bilmişdir. Bu gün
multikulturalizmin Azərbaycan modeli bu sahədə bir etalon kimi qəbul olunmaqdadır.
Azərbaycanın mədəniyyətlərarası dialoq təşəbbüsü dünya ölkələri və xalqları arasın-
da mədəni-humanitar-siyasi-iqtisadi əməkdaşlığın yeni keyfi yyət mərhələsinə qədəm
qoydmasını şərtləndirmişdir. Dünya ictimaiyyəti artıq Azərbaycan Respublikasını mə-
dəniyyətlərarası dialoqların etibarlı təmin olunduğu yer kimi nəzərdən keçirir. [5]
Nəticə
Müasir mərhələdə multikulturalizm
cəmiyyətlərin siyasi, sosial, iqtisadi inkişafının
mühüm şərti rolunda çıxış etməkdədir. Multikulturalizm ideyaların genişləndirilməsi,
təbliğ olunması, bu istiqamətdə konseptual əsaslara söykənən siyasətin həyata keçiril-
məsi müasir dünya dövlətlərinin başlıca öhtəliklərindən, vəzifələrindən biridir. Müasir