29
fərziyyə və baxışları diqqətdən kənarda qalmışdır. “Dialoji təlim” isə problemin
həlli üçün optimal üsulların tapılmasını, dərs prosesində müəllim və şagirdin eyni
səviyyədə fəallığını tələb edir.
Fəal təlimin əsas şərtlərindən biri şagirdin – tədqiqatçı (axtarış aparan),
müəllimin isə – istiqamətləndirici, fasilitator mövqeyinə malik olmasıdır. Qarşılıqlı
dialoqa əsaslanan dərs prosesi müəllimə şagirdi bərabər hüquqlu öyrənən subyekt
kimi qəbul etməyə əsas verir. Bu prosesdə şagirdin məntiqi düşünmə qabiliyyəti
(nəzəri bilikləri), konkret məntiqi fəaliyyətə münasibəti, yeni ideyaları qəbul
etməsi (yaradıcı), başqa insanlarla ünsiyyət yaratmaq qabiliyyəti, biliklərin
mənimsənilməsidə əvvəlki nümunələrdən istifadə etmək bacarığı (reproduktiv),
müstəqil qərar çıxarmaq bacarığı və s fasiltator- müəllimin diqqətindən kənarda
qalmamalıdır.
Bu prosesdə şagirdin mövqeyi «axtarış aparan» «tədqiqatçı» mövqeyidir.
Belə ki, şagird qarşılaşdığı problemləri sərbəst və müstəqil şəkildə tədqiqat yolu
ilə həll edir, verilən sual əsasında rəqəmləri müqayisə edir, nəticə çıxarır, təsvir
olunmuş kəsmə yüksəkliklər və horizontollar əsasında səthin relyefinin təsvirini
çəkir, ərazidə axan çayların xarakterini təhlil edir, rəqəm materialları əsasında
iqlim diaqramını, temperaturun sutqalıq, aylıq, illik gedişinin təsvirini verir, çayın
hidroqrafını quraraq ərazinin iqlimini xarakterizə edir.
Müəllimin mövqeyi isə istiqamət verən – bələdçi (fasilitator) rolundadır.
Şagirdin tədqiqatı, müstəqil öyrənməsi üçün optimal şərait yaradan əslində yeni ən
müasir tipli lider rolunda çıxış edir. Əslində şagirdi müşahidə edərək onunla birgə
fəaliyyət göstərir, avtoritar rejimdən uzaqlaşaraq özünü şagirddən yüksəkdə
tutmur, diqtə etmir, əksinə şagirdlə məqsədyönlü şəkildə əməkdaşlıq edir,
biliklərin mənimsənilməsi üçün istiqamət verir, şagirdin axtarıcılıq fəaliyyətini
düzgün istiqamətə yönəldir, biliklərin tətbiq edilməsi üçün şagirdə praktik olaraq
kömək edir, bir sözlə şagirdə öyrənməyi öyrədir. Müəllimin dərsin məzmununa
dair biliklərin qazanılması yolunda bələdçi, şagirdin isə bilikləri əldə etmək üçün
tədqiqatçı rolunda çıxış etməsi mexanizmi fəal təlim prosesində müəllim işinin
mahiyyətinə yeni istiqamət verir:
Fasilitator kimi müəllim:
1. Problem şəkilində suallar qoymaqla şagirdləri fəallaşdırır, diskusiya
yaradır.
2. Biliklərin müəllim tərəfindən hazır şəkildə ötürülməsinə deyil, şagirdlər
tərəfindən aşkar edilməsinə şərait yaradır.
3. Şagirdin problemə dair düşüncəsini lazımı məcraya yönəldir və inkişaf
etdirir.
4. Şagird ehtiyaclarını öyrənir və onun potensial imkanını üzə çıxarmağa
nail olur.
5. Fəal təlim üçün tələb olunan şərtlərdən biri psixoloji mühitin lazımı
səviyyədə saxlanılmasıdır. Dərs prosesində müəllim və şagird arasında qarşılıqlı
hörmət, bir-birinə göstərdikləri etibar, inamın zəruriliyi vacib şərtlərdən biridir.
Bunun üçün müəllimdən hər bir şagirdi özünə yaxın dost, hörmətli şəxsiyyət kimi
qəbul etmək, sinifdə mövcud olan mühütü həssaslıqla duymaq qabiliyyəti tələb
olunur. Şagirdlər dərs prosesində müzakirə zamanı irəli sürdükləri fikirlərin
30
hörmətlə qarşılanacağına, ciddi qəbul ediləcəyinə inanmalı, uğursuzluğun
qorxusundan xilas olmalıdır. Müəllim sinifdə psixoloji mühiti elə yaratmalıdır ki,
şagirdlər müstəqil şəkildə öz fikirlərini irəli sürsünlər, ideyalarını əsaslandırsınlar,
onların əhəmiyyətini, tətbiq edilməsi yollarını təyin etməkdə və eləcə də müxtəlif
xəritə-sxem, dioqram və kartoqrafik təsvirlər üzərində işləməkdə sərbəst olsunlar.
Coğrafiya fənnin təlimində 4 iş forması nəzərdə tutulmuşdur: kollektiv,
qruplarla iş, cütlərlə iş və fərdi iş. Hər bir təlim forması dərsin məqsədindən asılı
olaraq seçilir və şagirdlərin fəaliyyətləri bu forma üzərində qurulur.
Kollektivdə işləmək, kollektiv fəaliyyətə alışmaq bacarığının bünövrəsi
qoyulur, şagirdlərdə ünsiyyətyaratma bacarığının təşəkkülü və inkişafı təmin
edilir.
Qruplarla iş - Şagirdlər müəyyən problemi həll etmək üçün qrupda
birləşirlər. Bu prosesdə onların müzakirə etmək, fikir mübadiləsi aparmaq,
mühakimə yürütmək və birgəfəaliyyət bacarıqları inkişaf edir.
Cütlərlə iş - Şagirdlər təlim tapşırıqlarını birgə yerinə yetirirlər. Bu dərs
forması şagirdlərə daha yaxından əməkdaşlıq etməyə və ünsiyyət qurmağa,
məsuliyyəti bölüşməyə optimal imkan yaradır.
Fərdi iş - Şagirdin fəaliyyətini izləmək, potensial imkanlarını
müəyyənləşdirmək və inkişaf etdirmək məqsədi daşıyır. Bu təlim forması şagirdin
sərbəst düşünməsi üçün real imkanlar yaradır.
Tədris prosesini aktiv şəkildə həyata keçirmək, şagirdlərin fəallığına nail
olmaq, onların düşünmə qabiliyyətini inkişaf etdirmək, yaradıcılığa
həvəsləndirmək, coğrafiya fənninin öyrənilməsi əhəmiyyətini dərk etdirmək,
biliklərin mənimsənilməsinə və onların praktik olaraq tətbiq edilməsinə maraq
yaratmaq hər bir coğrafiya müəlliminin əsas məqsədidir. Sadalanan məqsədləri
həyata keçirməyi qarşıya qoyan hər hansı bir müəllim şagirdləri fəal təlimə cəlb
edə bilən metod, texnika və üsullarla yaxından tanış olmalı, iş prosesində qarşıya
çıxan çətinlik və çatışmazlıqları aradan qaldırmaq yollarını bilməli, habelə tətbiq
olunan metodların əhəmiyyətini başa düşməlidir.
Metod geniş bir anlayışdır. Hər bir metod özü bir neçə üsula ayrılır.
Aşağıdakı cədvəl bu baxımdan çox maraqlıdır.
№
METOD
Üsullar
1.
Beyin həmləsi
o
«Beyin həmləsi» və ya «Əqli hücum»
(Brainstorming)
o
BİBÖ (KWL)
o
Аuksion (Auction)
o
Klaster (Cluster)
o
Suallar (Questioning)
o
Anlayışın çıxarılması
o
Söz assosiasiyaları
o
Sinektika
2.
Müzakirələr
o
Diskussiya (Discussion)
o
Çarpaz müzakirə (Debate)