20
2. Təbiət
Şagird:
2.1. Coğrafi təbəqədə baş verən hadisə və proseslərin ekocoğrafi nəticələrini
mənimsədiyini nümayiş etdirir.
2.1.1. Ərazilərin tektonik quruluşunun və təbii proseslərin ölkələrin
iqtisadiyyatında rolunu izah edir.
2.1.2. Mineral ehtiyatların istifadəsinin proqnozlarına dair hesablamalar aparır.
2.1.3. Atmosfer hadisələrinin yaratdığı ekoloji problemlərə dair məlumat və
təqdimatlar hazırlayır.
2.1.4. İqlim xəritəsinə əsasən hər hansı ərazinin iqlim şəraitini təhlil edir.
2.1.5. Hidrosferdəki təbii sərvətləri iqtisadi və ekocoğrafi cəhətdən qiymətləndirir.
2.1.6. Hidrosferin ekoloji cəhətdən gərgin ərazilərini kontur xəritədə qeyd edir.
2.1.7. Bioloji ehtiyatlardan istifadəyə dair proqnozlar verir.
2.1.8. Bioloji ehtiyatlara dair hesablamalar aparır.
3.
Cəmiyyət
Şagird:
3.1. Dünya əhalisinin müxtəlifliyinin səbəblərinə dair bilik və bacarıqlar nümayiş
etdirir.
3.1.1. Əhalinin tərkibini təhlil edir.
3.1.2. Əhalinin tərkibinə aid sxemlər, diaqramlar hazırlayır.
3.2. Cəmiyyətlə iqtisadiyyatın qarşılıqlı əlaqəsinə aid bilik və bacarıqlar nümayiş
etdirir.
3.2.1. Beynəlxalq inteqrasiyanın ölkələrin siyasi həyatında rolunu qiymətləndirir.
3.2.2. Xəritə üzərində inteqrasiyaya aid olan ölkələri qruplaşdırır.
3.2.3. Beynəlxalq iqtisadi münasibətlərin ölkələrin inkişafındakı roluna dair
təqdimatlar edir.
3.2.4. İqtisadi göstəricilərə əsasən hesablamalar aparır, sxem və diaqramlar qurur.
3.2.5. Cəmiyyətin sosial-iqtisadi inkişafında ekoloji tarazlığın qorunmasını
proqnozlaşdırır.
1.6. Fəndaxili və fənlərarası inteqrasiya
Təhsilin məzmununa xüsusi konstruksiya verən fənlərarası və fəndaxili
əlaqələr Təhsil Sektorunun inkişaf layihəsi çərçivəsində inteqrativ kurrikulumun
mahiyyətini təşkil edir.
Təcrübəli müəllimlərin fikrincə inteqrativ təlim bacarığı olmadan hər-hansı
bir fənnin tədrisində müvəffəqiyyət əldə etmək mümkün deyil. Şagirdlərə
dayanaqlı və kompleks şəkildə biliklər vermək, onların dünyagörüşünü
genişləndirmək, şagird təfəkkürünün inkişafında tədiqatçılığa meyl yaratmaq,
qazanılan nəzəri bilikləri praktik olaraq həyata tətbiq etmək və s. bacarıqların
formalaşdırılmasında interaktiv kurikulumun əhəmiyyəti əvəzedilməzdir.
21
Cəmiyyətdə və təbiətdə daima inteqrasiya mövcud olmuşdur. Məsələn, hər
hansı peşə sahibi müəyyən işin həyata keçirilməsində müxtəlif bacarıqlardan
istifadə edir və ya görəcəyi işin digər məsələlərə təsirini müəyyən edə bilir.
Təbiət və cəmiyyətin birgə dərk edilməsində aparıcı rola malik olan
coğrafiya fənni şagirdlərdə təbiət hadisələrinin qarşılıqlı və cəmiyyətdə baş verən
hadisələrin tarixi reallığa malik olmasına dair dünyagörüşünü formalaşdırır.
Coğrafiya fənninin mahiyyət etibarı ilə məkan məvhumunda dərk edilməsi bu
fənnin tədrisində inteqrasiyanın tətbiq edilməsinə olan zərurətin daha yüksək
olmasına əsas verir. Coğrafiya fənninin tədrisində yalnız təbiət fənləri deyil, eləcə
də ictimai və texniki fənlərin tətbiq edilməsi inteqrativlik baxımından coğrafiyanın
rolunu yüksəldir, onu mərkəzi mövqeyə gətirir, fənnin didaktik əhəmiyyətini
artırır, müxtəlif təlim metodlarının tətbiqinə imkan verir və eləcə də digər fənn
sahələri ilə birgə kombinasiyalar yaratmağı tələb edir.
İnteqrativ təlimdə coğrafiya fənni şagirdlərdə:
sərbəst düşünməyə
qruplarda işləməyə
müzakirələrdə öz mövqeyini bildirməyə
layihələr hazırlamağa
mövzunun aktuallığını əsaslandırmağa
mövzunun əhəmiyyətinə, digər sahələrə tətbiq edilməsini və s. kimi
xüsusiyyətlərinə imkan yaradır.
İnteqrativ kurrikulumda coğrafiya müəlliminin də fəaliyyəti mahiyyət etibarı
ilə dəyişir.
Müəllim coğrafiya təlimində aşağıdakı xüsusiyətləri yüksək dərəcədə
mənimsəməlidir.
məsələlərin həllinə kompleks yanaşmaq;
mövzular arası əlaqələri yaratmaq;
şagird bacarığının inkişafına diqqət yetirmək;
şagirdlərə hər hansı mövzuya dair biliklərin sistemli şəkildə artan sırasını
müşahidə etmək;
təlim prosesini qiymətləndirmək və s.
Dünya ölkələrinin əksəriyyəti üçün qəbul edilmiş tədris fənlərinin məzmunu
belə bir nəticəyə gəlməyə imkan verir ki tədris olunan fənlər maksimum şəkildə
əlaqələndirilməli, təlim prosesi təcrübə və inteqrativ əsasa malik olmalıdır.
Müasir dünya təcrübəsində inteqrasiyanın fəndaxili və fənlərarası modelləri
mövcuddur. Xüsusilə qərb ölkələrində bu modellərdən fənlərin məzmununun
şagirdlərə çatdırılması, öyrənmə prosesinə maraq yaradılması, şagird
dünyagörüşünün inkişaf etdirilməsi və onların dərsdə daha fəal olması məqsədi ilə
istifadə olunur.
Fəndaxili inteqrasiya coğrafiya təlimində mühüm didaktik əhəmiyyətə
malikdir.Bu inteqrasiya modeli fənni tədris edən müəllimdə bilik və bacarığı
əlaqəli və eləcə də ayrılıqda görə bilmək qabilliyətini tələb edir. Tədris olunan
mövzuda fənnin məzmun xəttinə uyğun olaraq tələb olunan bilik və bacarıqlar
diqqət mərkəzində saxlanılır.