18
müşrik olmanızdan qorxmuram, qorxum dünya üstündə bir-
birinizlə rəqabətə girməyinizdir.”
Əli (ə) buyururdu: Elə bil Allahın bu sözünü
eşitməmişdilər ki:
يِف اًّوُلُع َنوُدي ِرُي َلا َنيِذَّلِل اَهُلَعْجَن ُةَر ِخ ْلْا ُراَّدلا َكْلِت
اًداَسَف َلاَو ِضْرَ ْلْا
َنيِقَّتُمْلِل ُةَبِقاَعْلاَو
“Biz bu axirət yurdunu yer üzündə təkəbbürlük
etməyənlərə və fitnə-fəsad törətməyənlərə qismət edirik.
(Ən gözəl) aqibət yalnız Allahdan qorxub pis əməllərdən
çəkinənlərindir!”
1
Bəli, Allaha and olsun! Onu eşitmişdilər və bilirdilər.
Amma dünya onların gözündə gözəlləşmiş, qəşəngliyi
qəlblərini almışdı.
Bu, bir həqiqətdir. Əgər onların Peyğəmbər (s)-in
sünnətinin ayaq altına düşməsinə görə ona etiraz etmələrini
demiş olsaq, yanılmış olarıq. Çünki Əbu Bəkr və Ömərə
etiraz etməyənlər niyə görə ona etiraz edirlər? Halbuki
Osmanın adamları Əbu Bəkr və Ömərin adamından daha çox
idi. Bir sözlə, o, Bəni Üməyyənin rəhbəri olmuşdur. Bəni
Üməyyə (Əbu Bəkr və Ömərin) qəbilələri olan Tim və
Ədidən Peyğəmbər (s)-ə daha yaxın idi. Böyük hörmətə nail
olub, əsl və nəsəb baxımından o iki qəbilədən daha yuxarı
sayılırdılar.
Digər bir tərəfdən, səhabələr Əbu Bəkr və Ömərə etiraz
etməyib onların sünnətinə iqtida edirdilər. Bilə-bilə
Peyğəmbərin sünnətini ayaq altına qoyurdular. Beləliklə,
belə deyildi ki, bəzi şeyləri Əbu Bəkr və Ömərdən qəbul
etsinlər, amma Osmandan qəbul etməsinlər. Buna şahid
Osmanın bir çox Peyğəmbər sünnətini dəyişdirdiyi zaman
onların orada olmasıdır. Məsələn, səfər zamanı namazı
tamam qılması və xalqı “ləbbeyk” deməkdən çəkindirməsi,
namazda təkbir deməməsi, həccdə təməttönün qarşısını
almasını misal gətirmək olar. Qeyd olunan yerlərdə
(Peyğəmbər sünnətinin xilafına olmasına baxmayaraq) heç
1
“Qəsəs” surəsi, 83-cü ayə.
19
kəs ona etiraz etmədi. Yalnız Əli (ə) onun qarşısında
dururdu. Buna sonralar işarə edəcəyik.
Səhabələr Peyğəmbərin sünnətini bilirdilər, lakin
Osmanı razı salmaq üçün sünnətlə müxalifətçilik edirdilər.
Beyhəqi “Sünəni-kubra” kitabında Əbdürrəhman ibni
Yeziddən rəvayət edib deyir: Abdullah ibni Məsudla birgə
idik. O, Mina məscidinə gəlib dedi: Əmirəl-möminin (yəni
Osman) neçə rükət namaz qıldı? Dedilər: Dörd rükət. O da
dörd rükət namaz qıldı.
Ravi deyir: Ona dedik: “Məgər sən Peyğəmbər (s)-dən
rəvayət etməmişdinmi ki, o həzrət burada iki rükət namaz
qıldı və Əbu Bəkr də iki rükət qıldı?” O dedi: Bəli, elə indi
də sizin üçün o cür rəvayət edirəm. Amma Osman imamdır,
mən onunla müxalifət etmirəm. İxtilaf pisdir!!
1
Oxu və təəccüb et! Gör bu kişi (ki, özü böyük
səhabələrdəndir) necə də Osmanla müxalifətçiliyi pis, Allah
Peyğəmbəri ilə müxalifətçiliyi isə yaxşı bilir! Bütün
bunlardan sonra demək olarmı ki: “Onlar onun Peyğəmbərin
sünnəti ilə müxalifətçilik etməsinə görə ona etiraz
etmişdilər?!”
Süfyan ibni Üyeynə Cəfər ibni Mühəmməddən rəvayət
edir ki, o dedi: Osman Minada xəstələndi. Əli (ə) onun
yanına gəldi. Ona dedilər: Sən camaat üçün pişnamaz ol. Əli
(ə) buyurdu: Əgər istəyirsinizsə, məni sizin üçün
Peyğəmbərin namazını qılacağam, yəni iki rükət. Dedilər:
Yox, yalnız Əmirəl-möminin Osmanın qıldığı kimi qıl, yəni
dörd rükət. Əli (ə) onlarla namaz qılmağı qəbul etmədi.
2
Yenə də oxu və təəccüb et, gör necə də minlərlə səhabə
həcc mövsümündə – Minada açıq-aydın Peyğəmbər (s)-in
sünnətini ayaq altına qoyub Osmanın bidətindən başqa heç
nəyi qəbul etmirlər?! Abdullah ibni Məsudun Osmanla
müxalifətçiliyi pis bilib dörd rükət namaz qılmasını və eyni
halda da Peyğəmbər (s)-dən namazın iki rükət olmasını
rəvayət etməsini gördükdə, zehnə belə gəlir ki, ola bilsin bu
1
“Sünəni-kubra”, Beyhəqi, 3-cü cild, səh. 143-144.
2
“Mühəlla ibni Həzm”, 4-cü cild, səh. 270.
20
neçə min adamdan qorxaraq Osmanın sünnətinə əməl etmiş
və Peyğəmbərin sünnətini kənara qoymuşdur!!
Beləliklə, bundan sonra həmişə Peyğəmbər (s) və
Əmirəl-möminin Əli ibni Əbi Talib (ə)-a salam göndərməyi
yaddan çıxarma. O, Peyğəmbər (s)-in namazından başqa heç
bir namazı qılmağa razı olmadı. Bu yolda camaatın çoxluğu
və danlağından belə çəkinmədi.
Qeyd etmək lazımdır ki, Abdullah ibni Ömər demişdir:
Səfərdə namaz iki rükətdir, hər kəs sünnətlə müxalifətçilik
etsə, kafir olmuşdur.
1
Belə isə, xəlifə Osman və onunla səfərdə namazını tam
qılan, bidətində şərik olan bütün səhabələr kafirdirlər.
(Baxmayaraq ki, bu fəqihin – Abdullah ibni Ömərin – də
sorağına gedəcəyik və başqalarının haqqında verdiyi hökmü
onun haqqında da çıxaracağıq.)
Buxari öz “Səhih” kitabında gətirmişdir: Eşitdim ki,
Osman və Əli (Allah ondan razı olsun) Məkkə və Mədinə
yolunda söhbət edirdilər. Osman təməttö həccini, həcc və
ümrə üçün “ləbbeyki” qadağan edirdi. Əli (ə) belə gördükdə,
hər ikisi üçün “ləbbeyk” dedi və buyurdu: “Ləbbeyk” ümrə
və həcc üçün.
Osman dedi: Görürsən ki, mən bu işi qadağan edirəm,
amma sən yenə də onu edirsən?
Əli (ə) dedi: Mən heç kəsin sözünə görə Allah
Peyğəmbərinin sözünü tərk etmərəm.
2
Müsəlmanların xəlifəsinin açıq- aşkar sünnətlə müxalifət
etməsi, eyni zamanda xalqı da onunla müxalifət etməyə
çağırması, yalnız Əli ibni Əbi Talib (ə)-ın ona itaət etməməsi
və sünnətə bağlı qalması təəccüblü deyilmi? Əli (ə) heç vaxt
Peyğəmbərin sünnətindən əl çəkmədi, – hətta onun üstündə
öldürülmüş olsa da belə.
1
“Sünəni Beyhəqi”, 3-cü cild, səh. 140; “Əl-möcəmul-kəbir”,
Təbərani, “Əhkamul-Quran”, Cəssas, 2-ci cild, səh. 254.
2
“Səhihi Buxari”, 2-ci cild, səh. 151, “həcc” kitabı, “təməttö və
qiran” babı.
Dostları ilə paylaş: |