26
vaxtı sidik daşı xəstəliyinin gedişi ağırlaşır. Bəzən xəstəlik ilk dəfə olaraq hamiləlik
vaxtı aşkar edilir.
Sidik daşı xəstəliyi klassik simptomlar triadası: ağrı, hematuriya və
konkrementlərin xaric olunması ilə təzahür edir. Klinik mənzərə çox rəngarəngdir.
Böyrəklərdə olan daşlar üçün bel-büzdüm nahiyəsində ağrılar (ginekoloji xəstəliklər
zamanı meydana çıxan ağrılarla oxşar) səciyyəvidir. Böyrək sancıları qəflətən baş
verir – beldə qasıq nahiyəsinə, cinsiyyət dodaqları, ayaqlara, epiqastrial nahiyəyə
irradiasiya edən ağrılar meydana çıxır. Bu zaman kəskin appendisit, xolesistit ilə
diferensiasiya aparılır. Xəstələr rahat vəziyyət almağa çalışırlar - diz-dirsək, yan
tərəfi üzərində. Hamilə qadınlarda çox vaxt sağrətərəfli sancılar meydana çıxır.
Pasternatski simptomu müsbətdir. Qanın müayinəsi normaldır, sidiyin müayinəsində
- eritrositlər, leykositlər, duz kristalları nəzərə çarpır. Tutmalar hamiləliyin pozulması
təhlükəsinin yaranmasına, doğuşların vaxtındanəvvəl baş verməsinə səbəb olur. Əgər
tutmaların qarşısını almaq mümkün deyildirsə, belə hallarda doğuşların vaxtından-
əvvəl aparılmasına zərurət yaranır .
Hamiləlik zamanı SDX-nin diaqnostikası mürəkkəbdir. Hamiləliyin birinci
yarısında rentgenoloji müayinələr – yolverilməzdir, ikinci yarısında – arzuolun-
mazdır, ona görə də, bu xəstəliyi hamiləliyə qədər aşkar etmək çox vacibdir.
Radioizotop renoqrafiya, xromosistoskopiya, sidik axarlarının və ya böyrək
ləyənlərinin kateterizasiyası, ultrasəs skanlamasının aparılmasına icazə verilir.
Hamilə qadınlarda planlı şəkildə SDX-nin operativ müalicəsi həyata keçiril-
mir. Uzun müddət qarşısı alınmayan böyrək sancısı, anuriya, kəskin pielonefritin
əlamətləri olan qadınları və ləyənlərinin kateterizasiyası yolu ilə sidiyin axmasının
bərpa edilməsi mümkün deyildirsə, onda təcili əməliyyat edilir.
Hamiləlik vaxtı SDX-nin gedişi hər üçüncü xəstədə ağırlaşır ki, bu da
pielonefritin baş verməsi və ya kəskinləşməsi, böyrək sancılarının tutmalarının,
hematuriyanın tezləşməsi ilə özünü biruzə verir. Qarşısı alına bilinməyən böyrək
sancısı operativ müalicənin aparılması üçün göstərişdir. Bu halda hamiləlik daşların
kənar edilməsi üçün əksgöstəriş sayılmır. Lakin hamiləliyin 1-ci yarısında həyata
keçirilən əməliyyat dölə əlverişsiz təsir göstərə, hamiləliyin özbaşına
27
dayandırılmasına gətirib çıxara bilər. Bununla əlaqədar olaraq hamiləliyin
saxlanmasına yönəldilmiş müalicənin (spazmolitiklər, tokolitiklər, vitamin E) mütləq
aparılması vacibdir. Hamiləliyin 2-ci yarısında (ciftin tam fəaliyyət göstərdiyi vax-
tda) həyata keçirilən əməliyyatlar belə əlverişsiz təsir göstərmir, lakin dölün
bətndaxili hipoksiyasının profilaktikasının aparılmasını tələb edir.
Böyrək sancısının tutmalarının qarşısının alınması məqsədi ilə aşağıdakı dərman
vasitələri: 2%-li promedol məhlulu ə/d 1,0, 50%-li analqin məhlulu 2,0 ml ə/d,
baralqin 5 ml, 2%-li papaverin məhlulu, 2%-li NO-ŞPA məhlulu 2 ml, 1%-li
dimedrol məhlulu, 2-2,5%-li pipolfen məhlulu 2 ml təbiq edilir. Sistenal 20 damcı,
avisan 0,05 dozada gündə 3 dəfə istifadə edilir. Daşların əmələ gəlməsinə mane olan
pəhriz təyin edilir.
HIDRONEFROZ
Hidronefroz - sidiyin axmasının pozulması nəticəsində meydana çıxan və böyrək
ləyənlərinin genişlənməsi, orada sidiyin durğunluğu, böyrəyin parenximasının
atrofiyası ilə səciyyələnən xəstəlikdir. Sidiyin axmasına maneçilik törədən
vəziyyətlərə aiddir: uretranın və sidik kissəsinin inkişaf qüsurları; çanaq və
böyrəkətrafı toxumada iltihabi proseslər; sidik axarlarının burulması və əyilməsi;
sidik axarlarının böyrəklərin qütblərinə doğru gedən qan damarları və ya birləşdirici
toxuma qatı (sağ sidik axarı və hamiləlik zamanı genişlənmiş damar üçün vahid yataq
yaradan) ilə sıxılması; hamiləlik vaxtı baş verən hormonal dəyişikliklər; sidik
axarlarının daşları və divertikulları; sidik axarlarının çapıqvari daralmaları, hamiləlik
vaxtı baş verən hormonal dəyişikliklər. Bunların hamısı və digər səbəblər üzvi
mənşəli hidronefroz törətməyə qadirlirlər. Hamiləlik vaxtı orqanizmdə əmələ gələn
neyrohumoral dəyişikliklər ləyənciklərin və sidik axarlarının atoniyasına gətirib
çıxarır, funksional mənşəli hidronefrozun inkişaf etməsinə şərait yaradır.
Hidronefroz təkcə qazanılmış deyil, həm də anadangəlmə ola bilər.
Sidiyin axmasının pozulması ləyənlərin genişlənməsinə, ləyəndaxili təzyiqin
artmasına, ləyənlərin və böyrəyin parenximasının nazilməsinə, fəaliyyət göstərən
28
nefronların sayının azalmasına və böyrək çatışmazlığının inkişaf etməsinə səbəb olur.
Uzun müddət mövcud olan hidronefroz zamanı böyrək, bir qayda olaraq,
infeksiyalaşır ki, bu da onun funksiyasının zəifləməsi ilə müşayiət olunur və
hamiləliyin dayandırılması üçün göstəriş ola bilər. Hamilə qadınlarda hidronefrozun
diaqnostikası əvvələr rentgenoloji müayinə metodlarına əksgöstərişlər olduğu üçün
çətinlik törədirdi. Yalnız təcrübəyə ultrasəs skanlama metodunun tətbiq olunması
təkcə anada deyil, həm də döldə hidronefrozu dəqiq aşkar etməyə imkan vermişdir.
Xəstəlik uzun müddət simptomsuz keçir. Zaman keçdikcə xəstələri bel nahiyəsində
küt ağrılar narahat etməyə başlayır. Ağrıların qasıq nahiyəsinə və buda irradiasiya
etməsinə də diqqət yetirmək lazımdır. Ağrı tutmaları zamanı sidik ifrazının ləngiməsi
və sonradan poliuriyaya keçməsi baş verir. Böyrək sancısı təzəlikcə inkişaf edən
xəstəlik üçün daha səciyyəvidir. O, uzun müddət sürdükdə xəstələri beldə daimi küt
ağrılar narahat edir. Hamiləlik vaxtı belə ağrıları hamiləliyin pozulması təhlükəsi ilə
diferensiasiya etmək lazımdır.
Hidronefrozun diaqnostikasına USM-dən başqa, xromosistoskopiya (xüsusilə
də sidik axarlarının kateterizasiyası ilə birlikdə) daxildir ki, bu da həmin böyrəyin
parenximasının sekretor funksiyasının pozğunluqları, urodinamikanın, sidik
axarlarının keçiriciliyinin pozulması və maneənin yerləşməsi haqqında fikir
söyləməyə imkan verir. Hamilə qadının müayinəsi diaqnostikaya az köməklik edir,
çünki böyümüş və dəyişilmiş böyrək yalnız hamiləliyin kiçik müddətlərində
palpasiya olunur. Bu vaxt hidronefroz zamanı venoz durğunluq ilə əlaqədar meydana
çıxan hematuriya mühüm simptom ola bilər. Pielonefritlə ağırlaşmamış birtərəfli
hidronefroz qənaətbəxş gedişə malikdir. Xəstə böyrəyin funksiyasının tədricən
itməsi ikinci – sağlam böyrək tərəfindən kompensasiya olunur .
İkitərəfli hidronefroz (özü də pielonefrit ilə ağırlaşmış) pionefroz və xronik
böyrək çatışmazlığının inkişaf etməsi təhlükəsi ilə başa çatır ki, bu da qadının həyatı
və hamiləliyin gedişi üçün proqnozu xeyli ağırlaşdırır. Hidronefroz qeyd edilən
qadınlarda 10-15% hallarda hamiləliyin gedişi hestoz ilə ağırlaşa bilər. Böyük
hidronefrotik böyrək normal doğuşların aparılmasına mane ola bilər ki, bu da doğuş
zamanı nazikdivarlı hidronefrotik kisənin partlaması nəticəsində baş verir. Bu
Dostları ilə paylaş: |