38
BÖYRƏK PATOLOGIYASI OLAN QADINLARDA HAMILƏLIYIN VƏ
DOĞUŞLARIN APARILMASININ ÜMUMI PRINSIPLƏRI
Hamilə qadının orqanizmi adətən inkişaf edən döl tərəfindən ona qoyulan
yüksək tələblərin öhdəsindən yaxşı gəlir. Lakin bir çox böyrək xəstəlikləri
hamiləliyin gedişinə və dölün vəziyyətinə əlverişsiz təsir göstərir ki, bu da perinatal
ölümün, vaxtındanəvvəl baş verən doğuşların və dölün hipotrofiyasının səviyyəsinin
yüksək olması ilə özünü biruzə verir. Ana və döl üçün proqnoz əsas etibarilə
böyrəyin fuknsiyasının pozulması dərəcəsindən və onun kompensator imkanlarından
asılıdır. F.İ.Pasternatski hələ XX əsrin əvvəllərində böyrək xəstəlikləri ilə hamiləlik
arasında əlaqənin olmasına diqqət vermişdir. Bununla belə, bu problemə aid olan bir
çox məsələlər hazırkı vaxtda da öz müsbət həllini tapmamışdır. Bunlara aiddir:
1.
Qadın məsləhətxanasına gəldikdə müayinələrin xüsusiyyətləri.
2.
Stasionarda hamiləliyin aparılmasının xüsusiyyətləri.
3.
Hamilə qadınların ixtisaslaşmış mərkəzlərdə idarə olunması.
Qadının hamiləliklə əlaqədar ilk müraciəti zamanı mama-ginekoloq böyrək
xəstəliyini aşkar etdikdə onu tezliklə qadın məsləhətxanasının terapevtinə
yönəltməli, özü isə xüsusi müayinə aparmalıdır. Sidiyin müayinəsində patoloji
elementlər aşkar etdiyi hallarda, həmçinin arterial təzyiqin yüksəlməsi və ya ödemlər
meydana çıxdıqda da mama-ginekoloq eyni qaydada hərəkət etməlidir. Hamilə
qadında ekstragenital xəstəliklərin olması ilə əlaqədar növbəti məsələlər mama-
ginekoloq və terapevtlə birlikdə həll edilir. Böyrək xəstəliklərindən əziyyət çəkən
hamilə qadınlar qadın məsləhətxanasının terapevtinin dispanser qeydiyyatında
olmalıdır. Bu, onların üzərində sistematik müşahidənin aparılmasına, ağırlaşmaların
erkən aşkar edilməsinə və hospitalizasiyanın vaxtında aparılmasına imkan verir.
Hamiləlikdən əvvəl böyrək xəstəlikləri diaqnozu qoyulan qadınlardan başqa, terapevt
bu xəstəliyə şübhəli hamilə qadınları da qeydiyyata götürür. Bunlar - hamiləlik vaxtı
proteinuriya, hematuriya, piuriya, arterial təzyiqin yüksəlməsi, ödemlər (hamiləliyin
birinci yarısında) aşkar edilən qadınlardır. Müayinədən sonra onlar ya qeydiyyatdan
39
çıxarılır, ya da onların üzərində dispanser müşahidə davam etdirilir (əgər böyrək
xəstəliyi təyin olunarsa).
Hamiləliyə qədər böyrəklərin xəstəlikləri olmayan hər bir hamilə qadın
hamiləliyin kritik vaxtlarında, xüsusilə də 22-28-ci həftəsində mamanın ciddi
müşahidəsi altında saxlanmalıdır. Bu dövrdə çox vaxt ilk dəfə hamilə qadınların
pielonefriti nəzərə çarpır. Hamiləliyin göstərilən müddətlərində şikayətlərin
olmamasına baxmayaraq hər həftə sidiyin müayinəsini, onun əkilməsini həyata
keçirmək və onun göstəriciləri normadan fərqləndiyi zaman pielonefritin inkişaf
etməsinin qarşısının alınmasına yönəldilmiş prfilaktika tədbirləri aparmaq lazımdır.
Belə ki, sidiyin təkrar müayinələrində leykositlərin yüksək miqdarda olması (görmə
sahəsində 15-20-dən çox), xüsusilə onun neytral reaksiyası zamanı (bu zaman
leykositlərin bir hissəsi dağılmışdır) və ya 1 ml sidikdə 10
5
–dən yuxarı mikrob
cisimcikləri olan bakteriuriya aşkar edildikdə («simptomsuz bakteriuriya»)
iltihabəleyhinə və ya antibakterial müalicə kursunun (mütləq hamiləliyin müddəti və
sidiyin mikroflorasının xüsusiyyətləri nəzərə alınmaqla) aparılması vacibdir.
Müalicənin nəticələri laborator göstəricilərlə nəzarətdə saxlanır. Ambulator müalicə
zamanı effekt alınmadıqda belə xəstələr hospitalizasiya olunmalıdır. Buna ehtiyac
həmçinin o halda yaranır ki, əgər həkimə ilk müraciəti zamanı hamilə qadında kəskin
pielonefrit
və
ya
xronik
pielonefritin
kəskinləşməsi,
böyrək
sancıları,
qlomerulonefritin olması şübhə doğurur. Mövcud xəstəlik haqqında anamnezə, rayon
poliklinikasının ambulator kartasından verilən çıxarışa və qadın məsləhətxanasında
həyata keçirilən müayinələrin nəticələrinə əsasən rəy söylənilir.
Hamiləliyin birinci yarısında sidiyin müayinəsinin ayda 1 dəfə aparılması
kifayətdir (böyrək xəstəliklərinin kəskinləşməsinin klinik əlamətləri yoxdursa). Əgər
belə bir şübhə yaranmışsa, sidiyin müayinəsi tez-tez aparılır. Keçirilmiş anginadan 2
həftə sonra böyrək xəstəlikləri olan qadınlarda da həmçinin sidiyin yenidən
müayinəsi həyata keçirilir. Belə qadınlarda gecikmiş preklampsiya daha tez-tez baş
verdiyi üçün hamiləliyin ikinci yarısında sidiyin müayinəsi ayda 2 dəfədən az
olmamaqla aparılır.
Yalnız böyrəklərin xəstəlikləri kəskinləşdikdə və ya anemiya meydana
40
çıxdıqda qanın klinik müayinəsi ayda 1 dəfədən çox aparılır. Xəstənin qadın
məsləhətxanasına ilk gəlişi zamanı diaqnozu dəqiqləşdirmək məqsədilə və sonralar
böyrək xəstəliklərinin kəskinləşməsinə şübhə olduqda sidiyin Neçiporenko və ya
Kakovski-Addis üsulu ilə müayinəsini aparmaq göstərişdir.
Sidiyin qidalı mühitlərə əkilməsinin daha dəqiq metodu ilə bakteriyaların
miqdarını təyin və identifikasiya etməyə imkan verən bakterioloji laboratoriya
olmadıqda bakteriuriyanın kəmiyyətcə təyin edilməsinin kimyəvi (nitrit-test) və
bakterioskopik metodlarından istifadə etmək olar. Kimyəvi metodlar sadədir, çox
böyük vaxt tələb etmir və kütləvi müayinələr aparmağa imkan verir. Böyrək
xəstəlikləri aşkar edilən (hipertoniya ilə müşayiət olunan) hamilə qadınlara EKQ
edilir.
Qadın məsləhətxanasında aparılan müşahidənin ilkin vəzifəsi xəstəliyin
diaqnozunun, onun ağırlıq dərəcəsinin və prosesin kəskinləşməsi səviyyəsinin
dəqiqləşdirilməsi sayılır. Hamiləliyin davam etdirilməsi imkanı bu məsələlərin həll
edilməsindən asılıdır. Lakin xəstənin ambulator müşahidə və müayinəsinin aparıldığı
şəraitdə onları həll etmək həmişə mümkün deyildir. Ona görə də, belə qadınların
hamiləliyin 3 ayına qədər müddətdə hospitallaşdırılması üçün yönləndirilməsini
düzgün hesab etmək olar .
Stasionarda hamiləliyin davam etdirilməsi məsələsi həll edilir. Əgər o, müsbət
həll edilibsə, xəstəxanadan (doğum evindən) evə yazıldıqda bu haqda qadın
məsləhətxanasının həkimi üçün qeydiyyat aparılır. Qadın məsləhətxanasında hamilə
qadının sonrakı idarə olunması mama-ginekoloq və terapevt tərəfindən ayda 1-2
dəfədən az olmamaqla fəal müşahidə xarakteri alır, müəyyən ardıcıllıqla aparılan
dinamik laborator müayinə və digər mütəxəssislərdən (uroloq, okulist) məsləhət
alması yolu ilə davam etdirilir.
Təkrar hospitalizasiyaya tələbat aşağıdakı hallarda meydana çıxır:
1)
böyrəklərin xəstəliklərinin kəskinləşməsi;
2)
preeklampsiya;
3)
düşüklər və ya vaxtındanəvvəl doğuşlar;
4)
dölün hipotrofiyasının başlanğıc əlamətləri;
Dostları ilə paylaş: |