Qərib məzarlar
72
baha başa gəldiyindən hökumət qərara alır ki,
Bobini yaxınlığında onlar üçün qəbiristanlıq
yaradılsın. Qəbiristanlığın salınması barədə
qərar 1934-cü
ildə qəbul olunur, lakin burda ilk
dəfn mərasimi 1937-ci ildə təşkil olunur. Qafqaz-
lılardan burda ilk dəfn olunan Əbdülməcid Çer-
moyev olub. Milliyyətcə çeçen olan Çermoyev
Dağlılar Respublikasının Paris Sülh Konfransı-
na göndərilmiş nümayəndə heyətinin rəhbərlə-
rindən idi. O, 1937-ci ilin avqustunda vəfat edib
və burda dəfn olunub. Ona görə də qəbiri birinci
sıradadır. Burda yüzdən çox qafqazlı dəfn edilib.
Azərbaycan parlamentinin
sabiq üzvü və Xalq
Cümhuriyyətinin ilk nazirlərindən olan Mirzə
Əsədullayevin məzarı da Bobinyi qəbiristanlı-
ğındadır. O, 1938-ci ildə Parisdə vəfat edib və bu-
rada torpağa taşırılıb.
Mirzə Əsədullayev tanınmış Bakı milyonçusu
Şəmsi Əsədullayevin oğludur, 1875-ci ildə Bakı-
nın Əmircan kəndində dünyaya gəlib.
Azərbaycan müstəqilliyini elan etdikdən son-
ra parlamentə üzv seçilib.
Fətəli xan Xoyskinin 1918-ci il dekabrın
26-da təşkil etdiyi üçüncü hökumət kabinetində
ticarət və sənaye naziri vəzifəsini tutub.
1920-ci ilin aprelində Azərbaycanda sovet
hakimiyyəti qurulduqdan az sonra həbs edilib.
Lakin tezliklə həbsdən
azad olunub və ailəsi ilə
birlikdə Fransaya köçüb.
1927-ci ildə Parisdə Azərbaycan Neft Sənaye-
çiləri İttifaqı adlı təşkilat yaradıb və həmin təşki-
latın prezidenti olub.
Qərib məzarlar
74
1938-ci il aprelin 14-də Parisdə vəfat edib və
Bobinyi qəbiristanlığında dəfn olunub.
Mirzə Əsədullayev milyonçu Musa Nağı-
yevin qızı Ümmülbanu ilə evlənib və bu ni-
kahdan dörd qızı olub. Ümmülbanu Nağıyeva
1905-ci ildə vəfat edib. Anasının adaşı olan ki-
çik qızı sonralar Fransada Banin adı ilə yazıçı
kimi məşhurlaşıb. Bir
çox romanlar və esselər
müəllifi olan Banin Azərbaycanda daha çox
“Qafqaz günləri” və “Paris günləri” romanla-
rı ilə tanınıb. 1946-cı ildə çap olunan “Qafqaz
günləri” romanı Azərbaycan dilinə 1988-ci ildə
tərcümə edilib.
1981-ci ildə Baninlə görüşən ilk Azərbaycan-
lı diplomat Ramiz Abutalıbov sonralar onun bir
çox mədəniyyət və incəsənət xadimləri ilə görü-
şünü təşkil edib, tarixi vətəni ilə əlaqələrinin qu-
rulmasına yardımçı olub. 1990-cı ilin 20 yanvar
Mirzə Əsədullayevin
qəbri.
Qərib məzarlar
75
hadisələrindən sonra Banin Fransa qəzetlərində
bu qırğını pisləyən yazılarla çıxış edib.
Banin 1992-ci ilin oktyabrında 87 yaşında
vəfat edib və onun cəsədi, Ramiz Abutalıbovun
dediyinə görə, öz vəsiyyətinə əsasən elmi-tibbi
araşdırmalar məqsədi ilə Fransanın elmi-tə-
dqiqat mərkəzlərindən birinə verilib...
Mirzə Əsədullayevin 20 yaşlı qardaşı oğlu Na-
dir Əsədullayev isə əmisinin yanında dəfn edilib.
O, 1939-cu ildə vəfat edib. Nadir Əsədullayevin
anası Hacı Zeynalabdin Tağıyevin qızı
Leyla xa-
nım olub. Bir vaxtlar Bakının iki ən varlı ada-
mının – Şəmsi Əsədullayev və Hacı Zeynalabdin
Tağıyevin nəvəsi olan nakam gəncin qəbri indi
belədir...
Azərbaycanda bolşevik hakimiyyətinin qurul-
masından sonra bir çox məşhur mülkədarların
övladları da yaşayış yeri kimi Fransanı seçiblər.
Müsəlman məzarlığında
soydaşlarımızın qəbirləri.
Qərib məzarlar
77
Azərbaycanda bolşevik hakimiyyətinin qu-
rulmasından sonra
bir çox məşhur mülkədar-
ların, o cümlədən Zülqədərovların və Şamxor-
skilərin övladları da qürbətə üz tutublar.
Bolşeviklərin hakimiyyətə gəlməsinə qə-
dər Yelizavetpol quberniyasında Zülqədərov-
ların 34.278 desyatin torpağı olub. Həmin
torpaqlarda dəfələrlə silahlı kəndli üsyanları
baş verib. Qatır Məmmədin kəndli hərəkatı
Zülqədərovların torpaqlarını da bürüyüb və
nəslin başçısı kimi tanınan məşhur Allahyar
bəy Zülqədərov 1918-ci il yanvarın 5-6-da baş
verən üsyan zamanı öldürülüb. Arxiv sənəd-
ləri əsasında hesablanıb ki, həmin günlərdə
Allahyar bəyin üç qardaşı, oğlu Məmməd bəy,
kiçik qızı Şahbanu və arvadı Seyidnisə xanım
da daxil olmaqla Zülqədərovlar nəslindən 20
nəfər qətlə yetirilib.
Allahyar bəy yaşadığı Keşikənddə öldürü-
lüb və indi inzibati cəhətdən Gədəbəy rayonu-
nun ərazisinə daxil
olan və Qoşabulaq adlanan
həmin kənddə dəfn edilib.
Azərbaycan İnqilab Komitəsinin 5 may
1920-ci il tarixli dekretinə əsasən, Zülqədərov-
lara məxsus torpaqlar müsadirə olunub.
Azərbaycan müstəqillik qazandıqdan son-
ra Allahyar bəyin ABŞ-da və Fransada yaşayan
nəvə-nəticələri dəfələrlə ata-baba yurdlarını
ziyarət ediblər, Allahyar bəyin nəvəsi Xosrov
bəy və Elxan bəyin vəsaiti ilə onların qəbirləri
bərpa olunub, səliqəyə salınıb.
Zülqədərovlar nəslinin taleyi barədə fakt-
ları dəqiqləşdirməkdə bizə Allahyar bəyin nə-
ticəsi Nəzakət xanım Aşurbəyova-Ələkbərova
kömək etdi. Nəzakət xanım dedi ki, Allahyar
bəyin Nəzakət adlı qızı sabunçulu Bəşir bəy
Aşurbəyovla ailə qurub. Bəşir bəyin ikinci ar-
vadı olan Nəzakət xanım
dünyaya dörd övlad
– üç oğlan, bir qız gətirib. Həmin Nəzakət xanı-
mın qızı Rəbiyyə (ona əcnəbi dayələri Roza de-
yirmiş) xanımın dünyaya gətirdiyi qıza nənə-
sinin adını qoyublar. Allahyar bəyin nəticəsi
olan həmin Nəzakət xanım Aşurbəyova-Ələk-
bərova hazırda Bakıda yaşayır.
Zülqədərovlar nəslinin
nümayəndələri Parisdə