Qərib məzarlar
103
Paşa xan Makinski uzun sürən xəstəlikdən
sonra 1934-cü ildə Parisdə vəfat edib və «rus qəbi-
ristanlığı»nda dəfn olunub. Aradan uzun zaman
keçməsi ilə əlaqədar onun qəbir daşının üstündə-
ki qeydlər tamamilə pozulub, qəbirin üstündə isə
yamyaşıl kolluq əmələ gəlib. Ona görə də qəbiri
ancaq Sent-Jenevyev De Bua məzarlığının ofi-
sində saxlanılan müvafiq sxem əsasında tapmaq
mümkündür...
Paşa xanın oğlu İskəndər (Aleksandr) xan
Makinski isə Rusiya İmperator Hüquq Məktə-
bində təhsil alıb, sonralar Parisdə yaşayıb. Parisin
işğal olunduğu İkinci Dünya müharibəsi illə-
rində faşistlər tərəfindən təqib edilən alimlərin
və müqavimət hərəkatının üzvlərinin Parisdən
çıxarılmasında fəal iştirak edib, buna görə sonra-
lar «Fəxri Legion» ordeni ilə təltif olunub.
İskəndər xan Makinski bir müddət Rokfeller
Fondunun Lissabondakı ofisində işləyib,1964-cü
ildə “Coca Cola Eksport” şirkətinin Nyu-Yorkda
vitse-prezidenti olub.
Ramiz Abutalıbovun sözlərinə görə, o, sonra-
lar bir sıra Amerika və Fransa qəzetləri ilə əmək-
daşlıq edib, məqalələri “Aleksandr Qotye” imzası
ilə çap olunub.
İskəndər xan 1988-ci ildə Parisdə vəfat edib.
Onun Sent-Jenevyev De Bua qəbiristanlığındakı
ot basmış qəbir daşının üstündəki qeydi olduğu
kimi təqdim edirik: «Şahzadə Aleksandr Makins-
ki. 13.X.1900- 24.IV.1988».
Paşa xanın qəbri.
Qərib məzarlar
104
Paşa xanın 1910-cu ildə Peterburqda doğulan və 1991-ci
ildə Parisdə dünyasını dəyişən ikinci oğlu Kərim xan (Kirill)
Makinski də bu qəbiristanlıqda dəfn edilib.
O, vaxtilə Parisdə hüquq üzrə magistr dərəcəsi alıb, İkinci
Dünya müharibəsi illərində bu şəhərdəki Katolik İnstitutu-
nun və Sosial Elmlər Kollecinin professoru olub. Paris faşist-
lər tərəfindən işğal olunduqdan sonra antifaşist müqavimət
hərəkatının liderlərindən biri kimi həbs edilib, 1943-1945-ci
illərdə Buhenvald və Dora həbs düşərgələrində saxlanılıb.
1945-ci ildə Fransa Xarici İşlər Nazirliyi və ABŞ-ın Fran-
sadakı səfirliyinin himayəsi ilə iki ölkə arasında əlaqələrin
daha da gücləndirilməsi üçün yaradılan France-Etats Unis
Asosiasiyasının prezidenti olub. 1945-1947-ci illərdə gündə-
lik “Le Parisien Libere” qəzetində müxbir kimi çalışıb. 1947-
1948-ci illərdə UNESCO-da işləyib, 1948-ci ildə Fransanın
ABŞ-da səlahiyyətli nümayəndəsi olub.
İskəndər (Aleksandr) xan
Makinskinin qəbri
Ramiz Abutalıbovun sözlərinə görə, K.Malinski sonralar
ABŞ-da fəaliyyət göstərən Lev Tolstoy Fondunun Fransa böl-
məsinə rəhbərlik edib.
Fransa xalqı və dövləti qarşısında xidmətlərinə görə
“Fəxri Legion” ordeni ilə, eləcə də bir sıra digər orden və me-
dallarla təltif olunub. Maraqlıdır ki, Parisdə yaşamış iki qar-
daşın - Makinskilərin hər ikisi “Fəxri Legion” ordeni ilə təltif
edilib...
Pərvin Mirzəzadənin verdiyi məlumata görə, Kərim xan
milliyyətcə rus qadınla ailə qurub, onun Mişel adlı oğlu olub.
Mişel isə Belçika əsilzadələrindən olan bir xanımla ailə qu-
rub və bu izdivacdan Nadejda, Pyer və Pavel adlı övladları
doğulub. Hazırda onlar Parisdə yaşayırlar.
Qeyd edək ki, Fransada yaşayan Makinskilər xristianlığa
etiqad ediblər, xristian kimi də dəfn olunublar...
Qərib məzarlar
105
Sent-Jenevyev De Bua məzarlığı rus ordusu-
nun kapitanı olmuş Cahangir (Vladimir) Rəhi-
movun (1894-1984) da son mənzili olub.
Tiflis quberniyasında doğulmuş podpolko-
vnik Abbasqulu bəy Sofiyevin oğlu Oskar (Əs-
kər - Boris) Sofiyev (1874-1934) və onun qardaşı
Maksimilian (1906-1945) da bu qəbiristanlıqda
dəfn edilib. Maksimilianın baş daşında ölümü
haqqında kiçik qeyd var : «5.XI.1937- 2.I. 1945. Ko-
lıma həbs düşərgəsində verilən əzablardan sonra
vəfat edib».
Xatırladaq ki, Sofiyevlər də xristianlığı qəbul
ediblər.
Sofiyevlərin qəbri.
Cahangir (Vladimir)
Rəhimovun qəbri.
Qərib məzarlar
106
Üç mindən çox rusiyalı mühacirin əbədi ra-
hatlıq tapdığı Kokad qəbiristanlığı (fr. Cimetière
russe de Caucade) Fransada ərazisinə görə ikinci
böyük rus qəbiristanlığıdır.
XIX əsrin ortalarında Fransanın bu gözəl
guşəsi rus aristokratları üçün cəlbedici məkana
çevrilir. Çar ailəsinin üzvləri, zadəganlar, yazı-
çılar və rəssamlar bu yerlərdə istirahət etməyi
çox seviblər. 1860-cı ildə Nitssada ilk provaslav
məbədi tikilir və qəbiristanlıq salınması qərara
alınır. Rusiya çarı yaxınlıqda yerləşən rus hərbi
kömür bazasını qorumaq üçün artilleriya bata-
reyası yerləşdirməkdən ötrü şəhərin qərbində
torpaq sahəsi alır.
1865-ci ildə şahzadə Nikolay Aleksandroviç
Nitsada vərəm xəstəliyindən vəfat edir, bundan
sonra orada ibadətxana tikilir və İmperator II
Aleksandrın razılığı ilə 1867-ci ildə burada qəbi-
ristanlıq salınır. Həmin vaxta qədər Fransanın
başqa yerlərində dəfn edilən rusların qalıqları
bura köçürülür.
Kokad qəbiristanlığında məzarı olan iki soy-
daşımızın maraqlı tərcümeyi-halı vardır.
Onlardan biri – general Teymur bəy Novru-
zov 1880-ci ildə peşəkar hərbiçi ailəsində dünya-
ya gəlib. Atası rus ordusunun general-leytenantı
rütbəsinə yüksəlmiş Mirzəhacı bəy Novruzov
olub.
Teymur bəy 1917-ci ilin fevral inqilabına qə-
dər 17-ci Nijeqorod alayında podpolkovnik rüt-
bəsində xidmət edib. Azərbaycanın müstəqilliyi
elan edildikdən sonra polkovnik rütbəsində milli
General və general qızının...
qərib məzarları
Qərib məzarlar
107
General Teymur bəy Novruzovun
qəbri təmirdən sonra.
Qərib məzarlar
108
orduda qulluq edib, xidmətdə fərqləndiyinə görə
tezliklə general-mayor rütbəsi alıb.
1920-ci ilin mayında Gəncədə bolşeviklərə
qarşı üsyanın rəhbərlərindən biri olub.
Son illərdə aşkarlanan arxiv sənədlərinə
əsasən, Birinci Dünya müharibəsində göstərdiyi
qəhrəmanlığa görə Fransanın Fəxri Legion orde-
ni ilə təltif olunmuş general T. Novruzov 1920-ci
ilin iyununda, Gəncə üsyanı zamanı bu ölkənin
Qafqazdakı hərbi missiyasının rəhbəri podpol-
kovnik Emil-Avqust Korbelə məktubla müra-
ciət edərək, Fransa hökumətinin Azərbaycanın
bolşeviklərdən azad olunmasına hərbi yardım
göstərməsini xahiş edib.
General həmin məktubda Azərbaycan xalqı-
nın azadlıq istəyindən söz açaraq son vaxtlar
anti-bolşevik hərəkatının gücləndiyini xatır-
ladaraq yazırdı: “Azərbaycan ordusunun generalı
kimi mübarizə yoldaşlarımla və Vətənimin tanınmış
siyasi xadimləri ilə razılıq əsasında xalq hərəkatına
və Azərbaycanın müstəqilliyi uğrunda döyüşə qalxan
nizam-intizamlı silahlı qüvvələrə rəhbərliyi öz üzə-
rimə götürməyi özümə borc və vəzifə hesab edirəm.
Hesab edirəm ki, əgər Fransa hökuməti mənim
təşəbbüsümə maddi və kiçik miqdarda maliyyə yar-
dımı etsə, bütün xalqın köməyi ilə mən uğur qazana
bilərəm”.
Təəssüf ki, Qafqazdan ünvanlanan bu və di-
gər müraciətlərə baxılmayıb, Gəncə üsyanı bol-
şeviklər tərəfindən yatırdılıb və general Novru-
zov Tiflisə, ordan da Almaniyaya gedə bilib. O, bir
müddət Mərakeşdə yaşayandan sonra Fransaya
köçüb.
1961-ci ildə Fransada vəfat edib və Kokad qə-
biristanlığında dəfn olunub.
Hüseyn xan
Naxçıvanskinin qızı
Tatyana Hüseynova-
Martınovanın qəbri
təmirdən sonra.
Qərib məzarlar
109
Kokad qəbiristanlığı general Hüseyn xan
Naxçıvanskinin qızı Tatyana Hüseynova-Mar-
tınovanın da son mənzilidir...
Hüseyn xan Kəlbəli xan oğlu Naxçıvans-
ki 1863-cü ildə doğulub, rus ordusunda qul-
luq edib, Rusiya İmperator Ordusunda yeganə
müsəlman general-adyutant olub. Ehtimal
olunur ki, 1919-cu ildə bolşeviklər tərəfindən
güllələnib. General Naxçıvanskinin harda dəfn
olunduğu müəyyən edilməyib. Amma qızı Tat-
yana Naxçıvanskayanın qəbri Nitsada tapılıb.
Qeyd edək ki, Hüseyn xan 1889-cu ildə o döv-
rün tanınmış şair və tərcüməçisi Nikolay Gerbe-
lin qızı Sofiya ilə ailə qurub. Bu nikahdan onların
provaslavlığı qəbul edən üç övladı dünyaya gəlib.
Böyük oğlu Xan Nikolay Naxçıvanski 1891-ci ildə
doğulub, 1912-ci ildə naməlum şəraitdə vəfat
edib.
Kiçik oğlu Xan Georgi (Yuri) Naxçıvanski
1899-cu ildə Peterburqda anadan olub, hərbi təh-
sil alıb, çarizmin süqutundan sonra ağqvardiya-
çılara qoşulub və sonralar anası və bacısı Tatyana
ilə birlikdə Fransaya köçüb. Bir neçə il sonra isə
anası ilə Livanda yaşayıb və 1948-ci ildə Beyrutda
vəfat edib.
Tatyana Naxçıvanskya 1893-cü ildə Peter-
burqda doğulub. 1917-ci ildə rus ordusunun ge-
neralı Dmitri Martınovun oğlu ilə ailə qurub və
bolşeviklərin hakimiyyətə gəlməsi ilə əlaqədar
Fransaya mühacirət etməli olub.
Tatyana Martınova-Naxçıvanskaya 1972-ci il
mayın 3-də Nitsa şəhərində vəfat edib.
Hər iki soydaşımızın Kokad məzarlığındakı
qəbirləri Azərbaycanın Fransadakı səfirliyinin
qayğısı ilə təmir edilib və səliqəyə salınıb.
Hüseyn xan
Naxçıvanskinin qızı
Tatyana Hüseynova-
Martınovanın qəbri
təmirdən sonra.
Qərib məzarlar
110
Məlum olduğu kimi, İkinci Dünya müharibə-
si illərində azərbaycanlı əsgər və zabitlər bir çox
Avropa ölkələrində faşizm əleyhinə döyüşlərdə
fəal iştirak edib, öz şücaət və qəhrəmanlıqları ilə
xalqımıza şərəf gətiriblər. Belə hünərvər soydaş-
larımız Fransa torpağında da az olmayıb...
1941-ci ilin sonlarında faşist Almaniyasının
rəhbərliyi sovet hərbi əsirlərindən milli legi-
onlar yaratmaq qərarına gəlir. 1943-cü ilin pa-
yızında bəzi Şərq milli legionlarının döyüşçülə-
ri, o cümlədən bir neçə Azərbaycan batalyonu
Fransaya göndərilir. Onların əsas hissəsi Rodez
şəhərində yerləşdirilir. Lakin tezliklə Azərbay-
can legionerləri 30 nəfərlik gizli antifaşist təş-
kilat yaradır və Fransa partizanları ilə əlaqə qu-
rurlar. Təşkilata sovet ordusunun sabiq kapitanı
Mirzəxan Məmmədov və Hüseynrza Məmmə-
dov rəhbərlik edirlər.
1943-cü il oktyabrın əvvəllərində legioner-
lərin Fransa partizanları ilə əlaqəsindən xəbər
tutan alman komandanlığı həkim Şahbazovu və
feldşer Quliyevi həbs edir. Onlar oktyabrın 6-da
güllələnir...
Bu cür repressiyalara baxmayaraq, Azərbay-
can döyüşçüləri mübarizəni davam etdirir, Şa-
nak şəhəri yaxınlığında 32 alman faşistini məhv
edirlər.
1944-cü ilin iyulunda daha 15 nəfər soyda-
şımız silahla alman hərbi hissəsini tərk edərək
partizanlara qoşulur. Ayyarım sonra daha 50
nəfər partizan dəstələrinin tərkibində faşistlərə
qarşı döyüşlərə başlayır. Yerli sakinlərlərlə birlik-
Onlar Fransa uğrunda
həlak olublar
Qərib məzarlar
111
Fransanın azadlığı
uğrunda döyüşən
Azərbaycan hərbiçilərinə
abidə.
Qərib məzarlar
112
Ramiz Abutalıbov Rodez
qəbiristanlığında.
2000-ci il.
Qərib məzarlar
113
də soydaşlarımız Fransanın bir çox şəhərlərinin
faşizmdən azad olunmasında fəal iştirak edirlər.
Burlup şəhərində yerləşdirilmiş Azərbaycan
legionerləri 1944-cü il avqustun 17-də qiyam
qaldırmağa hazırlaşırlar. Bu hazırlıqdan xəbər
tutan faşistlər avqustun 16-da qiyamın rəhbərlə-
rini dərhal güllələyir. Güllələnən 15 nəfər arasın-
da kapitan Mirzəxan Məmmədov, hərbi həkim
Feyzulla Qurbanov, leytenant Vəli Vəliyev, leyte-
nant Qulu Quluyev, leytenant Məmmədhüseyn
Yaqubov, leytenant Həmid Qurbanov, leytenant
Əli Həsənov, sanitar Mirzəli Məmmədli, İsmayıl
Heydərov, Paşa Cəfərxanlı, Əbdürrəhman Əliyev
və başqaları olur.
Maraqlıdır ki, legionerləri güllələmək üçün
qəbiristanlığa apararkən onlar faşistlərə müqa-
vimət göstərirlər və atışma başlanır. Hüseynrza
Məmmədovun başçılığı ilə 29 nəfər soydaşımız
hadisə yerindən qaçaraq partizanlara qoşula bi-
lir. Bu hadisədən qəzəblənən faşistlər 60 nəfərə
yaxın azərbaycanlını cəzalandırmaq qərarına gə-
lir, onlardan bəziləri diri-diri yandırılır, qalanla-
rını isə güllələyirlər.
Ramiz Abutalıbov: “Rodez uğrunda döyüş-
lərdən sonra soydaşlarımız Karmo, Albi, Qayaka və
sair şəhərlərin azad olunmasında yaxından iştirak
ediblər, sonralar onların bəziləri Fransanın yüksək
dövlət mükafatları ilə təltif olunublar.
1977-ci ildə Paris Milli Müqavimət Muzeyində
“Əcnəbilərin Fransanın azadlığı uğrunda döyüşlərdə
iştirakı” adlı sərgi təşkil olunmuşdu. Həmin sərgidə
Fransa torpağında faşistlərə qarşı döyüşən ölkələrin
adları göstərilmişdi. Bu ölkələr sırasında Azərbay-
canın da adı var idi. O vaxt belə bir mənzərəni müşa-
hidə eləmək, həqiqətən, qürurverici idi...”
Sonralar Rodez şəhər qəbiristanlığında dəfn
olunan azərbaycanlı döyüşçülərin şərəfinə Azər-
baycan dövlətinin təşəbbüsü ilə abidə kompleksi
ucaldılıb. Abidənin postamentində fransızca ya-
zılıb: “Fransa uğrunda həlak olan Azərbaycan dö-
yüşçülərinə”.
Hər dəfə Parisə gedəndə Fransanın Fəxri Le-
gion ordeninin lentini qürurla pencəyinə taxan
Ramiz Abutalıbov 2005-ci il mayın 9-da bu abidə-
nin açılış mərasimində də iştirak edib. Azərbay-
canlı olduğundan fəxarət hissi keçirməklə...
Qərib məzarlar
114
1990-cı ildə Tbilisi Dövlət Universitetinin
tarix fakültəsini bitirib. 1990-1992-ci illərdə
Gürcüstan Elmlər Akademiyasının Tarix və Et-
noqrafiya İnstitutunda elmi işçi kimi fəaliyyət
göstərib, 1992-ci ildə namizədlik dissertasiyası
müdafiə edib.
1992-1994-cü illərdə Gürcüstan prezidentinin
beynəlxalq münasibətlər üzrə müşaviri olub.
1996-cı ildə Moskvada Diplomatik Akademiyada
təhsilini başa vurub, 2000-ci ilə qədər Gürcüsta-
nın Rusiyadakı səfirliyində ikinci katib vəzifə-
sində çalışıb.
2003-cü ildən Fransada yaşayır.
Fransa Ali İctimai Tədqiqatlar Məktəbinin
doktorudur.
Gürcüstan və Qafqaz tarixinə dair çoxsaylı
elmi araşdırmaların müəllifidir.
Ramiz Abutalıbovla birlikdə yazdığı “ODLAR
YURDU azadlıq və müstəqillik uğrunda müba-
rizədə (Azərbaycan mühacirətinin siyasi tarixi.
1920-1945-ci illər)” adlı kitabı 2014-cü ildə Bakıda
rus dilində, 2016-cı ildə isə Azərbaycan dilində
nəşr olunub.
Tarix elmləri doktorudur.
Giorgi Mamulia
Qərib məzarlar
115
1984-cü ildə Moskva Dövlət Universiteti Jur-
nalistika fakültəsinin aspiranturasında təhsilini
başa vuraraq İran mətbuatı tarixi üzrə namizəd-
lik dissertasiyası müdafiə edib.
1980-1995-ci illərdə Azərbaycan Elmlər Aka-
demiyasının Siyasi Tədqiqatlar və İnformasiya
İnstitutunda, 1995-ci ildən Azərbaycan MEA-nın
akademik Ziya Bünyadov adına Şərqşünaslıq
İnstitutunda müxtəlif elmi vəzifələrdə çalışıb.
Hazırda həmin institutun İran tarixi və iqtisa-
diyyatı şöbəsinin baş elmi işçisidir.
2004-cü ildə Kominternin Şərq siyasəti və
İran mövzusunda dissertasiya müdafiə edərək
tarix elmləri doktoru alimlik dərəcəsi alıb.
XIX-XX əsrlər İran, Azərbaycan, Qafqaz və
Yaxın Şərq ölkələrinin siyasi tarixi, eləcə də 1918-
ci ildə Azərbaycanlıların soyqırımı tarixi, Azərbay-
can Xalq Cümhuriyyəti dövrü tarixi və s. mövzu-
larda çoxsaylı elmi araşdırmaların, o cümlədən 20
kitab və monoqrafiyanın müəllifidir.
Azərbaycanlıların 1918-ci il soyqırımı möv-
zusunda nəşr etdirdiyi sənədlər topluları və tə-
dqiqatlar respublikadan kənarda da maraqla qar-
şılanıb.
Solmaz Rüstəmova-Tohidi
Qərib məzarlar
116
Qəriblik, el-obadan, yurd-yuvadan ayrı
düşmək Azərbaycan xalqı üçün bütün dövrlər-
də çətin olub, ağrılı sayılıb. Bu ağrı-acının izlə-
ri folklorumuzda bu gün də yaşayır: “Gəzməyə
qərib ölkə, ölməyə Vətən yaxşı” kimi... “Burda
bir qərib ölmüş, göy kişnər, bulud ağlar” for-
masında...
Bu, həm də o deməkdir ki, azərbaycanlılar
bütün dövrlərdə el-obaya, doğma yurd-yuvaya,
Vətənə bağlı olublar. Qəriblikdə isə... bir qayda
olaraq, məcburiyyət ucbatından qalıblar... Amma
qalan ömürlərini Vətən həsrəti ilə yaşayıblar...
Vətən onlara sahib çıxanda isə geri dönüblər, tor-
pağını öpüblər, daşını qucaqlayıblar.
Bu kitabda haqqında söhbət açılanların heç
birinə sağlığında Vətən sahib çıxa bilməyib.
Baxmayaraq ki, onların əksəriyyəti həyatını bu
Vətənin istiqlalı uğrunda mübarizəyə həsr edib,
qəriblik möhnəti yaşayıb, qərib məzarlarda yat-
malı olub. Bu Vətən isə öz istiqlalına qovuşmaya-
na qədər istiqlal mücahidlərinə nə qapı aça bilib,
nə də qucaq...
Son söz yerinə
Qərib məzarlar
117
Amma nə yaxşı ki, o günlər gəlib. Azərbay-
can yenidən dövlət müstəqilliyi qazanıb, öz
taleyini müəyyənləşdirmək imkanı əldə edib
və nəhayət, öz qəriblərinə - istiqlal mücahid-
lərinə, bolşevik təqibindən qaçanlara, hətta,
sadəcə inciyib gedənlərə də sahib çıxıb, onla-
rın yad ölkələrdəki məzarlarını itib-batmağa
qoymayıb.
Və bəlkə bundan sonra qərib məzarlarda
uyuyan həmvətənlərimizin ruhu əbədi rahatlıq
tapıb...
“Qərib məzarlar” adlanan bu kitab da Vətən
həsrəti ilə yaşayan və bu dünyadan nigaran
köçən soydaşlarımızın qərib məzarlarının unu-
dulmaması və qorunması məqsədilə hazırlanıb.
Yenə də qərib məzarlara sahib çıxan Azərbaycan
dövlətinin qayğısı ilə, Heydər Əliyev Fondunun
yardımı ilə...
Bu xeyirxah layihəyə dəstək verənlərə ancaq
sonsuz minnətdarlıq düşür...
Fransadakı qərib məzarlarda uyuyanların ru-
huna isə “Məkanınız cənnət olsun!” demək...
“Qərib məzarlar” (Fransa)
Layihə rəhbəri:
Arzu Əliyeva
İdeya müəllifi və baş məsləhətçi:
Ramiz Abutalıbov
Buraxılışa məsul:
Orman Əliyev
Layihənin koordinatoru:
Nəzrin Qaracayeva
Redaktor :
Elşən Əliyev
Korrektor: Nəzrin Nazirli İsmayılzadə
Dizayn:
ALF Group Design
Fotoqraf:
Vüqar İbadov
Nəşriyyat: Çaşıoğlu
© Heydər Əliyev Fondu. 2016
© Bakı Media Mərkəzi. 2016
ISBN: 978 - 9952 - 499 - 24 - 7
Dostları ilə paylaş: |