Qərib məzarlar
7
Qərib məzarlar
8
Qərib məzarlar
9
Və Paris Sülh Konfransındakı nümayəndələr
müstəqilliyin bərpa olunacağını uzun müddət
ümidlə gözlədilər, bunun üçün əllərindən gələ-
ni etdilər, mübarizə apardılar, məhrumiyyətlərə
dözdülər...
Avropanın paytaxt şəhərlərində söz savaşı-
na çıxdılar, qapılar döydülər, soyuq münasibət,
laqeydlik, xəyanət gördülər. Amma Azərbaycanın
müstəqilliyinin bərpa olunduğu günü görmə-
dilər...
Paris Sülh Konfransında Azərbaycanı təmsil
edən heyətin sonuncu üzvü 1982-ci ildə dünya-
dan köçdü...
Azərbaycan bundan cəmi 9 il sonra dövlət
müstəqilliyini bərpa etdi...
Və Azərbaycan dövləti bərpa-quruculuq işləri
aparılan həmin keçid dövründə də bu dövlətin
müstəqilliyi uğrunda həyatını qurban verənlərin
xidmətlərini unutmadı.
1993-cü ilin dekabrında ümummilli lider
Heydər Əliyev müstəqil Azərbaycan Respublika-
sının Prezidenti kimi Fransaya ilk rəsmi səfəri
zamanı Paris yaxınlığındakı Sen-Klu qəbiris-
tanlığına gedərək burada uyuyan azadlıq müca-
hidlərinin – Paris Sülh Konfransının iştirakçısı
olmuş Əlimərdan bəy Topçubaşının və Ceyhun
bəy Hacıbəylinin qərib məzarlarını ziyarət etdi.
Bundan sonra Azərbaycan Respublikası Fran-
sadakı istiqlal mücahidlərinin qərib məzarlarına
sahib çıxdı. Heydər Əliyev Fondu illərdən bəri
baxımsız qalan, itib-batmaqda olan bu qəbirlərin
icarə haqqını ödəməklə onların ləğv olunma-
sının, yerlə-yeksan edilməsinin qarşısını aldı.
Qərib məzarlar səliqəyə salındı, yeni qəbirüstü
abidələr ucaldıldı.
Burada əbədi uyuyan fədakar insanların,
azadlıq aşiqlərinin nigaran ruhu bəlkə də yalnız
bundan sonra rahatlıq tapdı...
Ulu öndər Heydər Əliyev
Sen-Klu məzarlığında
Əlimərdan bəy Topçubaşının
və Ceyhun bəy Hacıbəylinin
qəbirlərini ziyarət edərkən.
Dekabr, 1993-cü il.
(Foto: R.Bağırov)
Qərib məzarlar
10
Sovet hakimiyyəti illərində Fransada mü-
hacir həyatı yaşayan soydaşlarımızın taleyi ilə
maraqlanmaq təhlükəli iş olduğundan çox nadir
adamlar belə axtarışa cəhd göstərib. Çünki onda
axtaranlar da qorxurdu, axtarılanlar da...
Uzun illər Fransada mühacir həyatı yaşamış
və bu kitabda taleyindən söhbət açılacaq soyda-
şımız mərhum Qədir Süleymanovun sonralar
danışdığı bir xatirə o illərin “KGB” xofu barədə
aydın təsəvvür yaradır: “1960-cı illərin ortaları
idi. O vaxt mən Parisdə aşpaz işləyirdim. Axşam
işdən qayıdanda gördüm ki, dostum Məmməd
bizdədi, yanında da bir qadınla bir kişi. Azərbay-
candan gəlmişdilər. Kişinin yaxasındakı depu-
tat nişanını – sovet bayrağını görəndə rəngim
ağardı, dilim tutuldu... Dostum Məmməd də, ya-
nındakı kişiylə qadın da bunu görüb məni sakit-
ləşdirməyə başladılar. Məlum oldu ki, qonağım
maestro Niyazi və həyat yoldaşı Həcər xanımdı.
Niyazi öz əmisi - Parisdə mühacir həyatı yaşa-
mış və 1961-ci ildə vəfat eləmiş Ceyhun Hacıbəyli
haqqında ətraflı məlumat almaq istəyirdi...”
Parisdə diplomat kimi fəaliyyətə başla-
yarkən ən böyük arzularından biri Fransada
yaşayan Azərbaycan mühacirləri ilə əlaqə ya-
ratmaq, görüşmək olan Ramiz Abutalıbov isə o
illəri belə xatırlayır: “Bakıdan çıxanda maestro
Niyazi mənə bir telefon nömrəsi vermişdi. De-
mişdi ki, əmim Ceyhun bəy Hacıbəylinin oğlu
Timuçin bəy Parisdə yaşayır, ona zəng vurarsan.
Professor Abbas Zamanov isə mənə Məmməd
Məhərrəmovun telefon nömrəsini vermişdi. De-
mişdi ki, imkan olsa, əlaqə saxla.
O vaxt sovet diplomatının antisovet fəaliy-
yətlə məşğul olmuş adamlarla görüşməsi təh-
lükəli idi. Buna görə də, sözün düzü, bir müddət
kiməsə zəng vurmağa cürət eləmədim. Amma
vaxtilə Paris Sülh Konfransına gedib qayıtma-
Mühacirlərlə görüşlər və...
“KGB” xofu
Qərib məzarlar
11
yan həmvətənlərimizin taleyi məni həmişə dü-
şündürürdü. 1973-cü il martın 14-də nümayəndə
heyətinin yeganə sağ qalan üzvü ilə - Məmməd
Məhərrəmovla görüşdüm...
Sonralar dostlaşdıq, aramızda səmimi mü-
nasibət yarandı. İlk dəfə onunla görüşməyə ge-
dəndə, açığı, bir az çəkinirdim ki, məni izləyər-
lər. Sən demə, Məmməd Məhərrəmov da ehtiyat
edirmiş. Sonralar danışırmış ki, həmin görüşdə
hər ehtimala qarşı stolun siyirməsinə tapança
qoymuşdum...
Parisdə Əlimərdan bəy Topçubaşının oğlu
Ələkbər bəylə də 1973-cü ildə tanış oldum.
O, məni Əlimərdan bəyin dəfn olunduğu qəbiris-
tanlığa apardı və ilk dəfə bu böyük insanın qərib
məzarını ziyarət etdim...”
...Bakıya növbəti məzuniyyətə gələndə Ramiz
Abutalıbov Parisdəki mühacir soydaşlarımızla
görüşdüyünü atasına bildirir və ondan məsləhət
istəyir. Atası da ona həmin vaxt Azərbaycan Na-
zirlər Soveti sədrinin birinci müavini vəzifəsində
işləyən İsmayıl İbrahimovla görüşməyi tövsiyə
edir və deyir: “Görünür, bu məsələlər barədə
Heydər Əliyevə məlumat vermək lazım gələcək”.
Həqiqətən belə olur: İsmayıl İbrahimov Ra-
miz Abutalıbovu qəbul edib dinlədikdən sonra
Paris, Monparnas
qəbiristanlığı.
Qərib məzarlar
12
Qərib məzarlar
13
ona dərhal respublikanın rəhbəri Heydər Əliyevə
təqdim etmək üçün qısa arayış yazmağı tapşırır.
Aradan iki gün keçməmiş Ulu Öndər onu qəbul
edir və Paris görüşlərinin təfərrüatları barədə
çoxlu suallar verəndən sonra bu xeyirxah işi da-
vam etdirməyin vacibliyini bildirir, öz tövsiyələ-
rini verir. Ramiz Abutalıbov deyir: “Sanki üstüm-
dən ağır bir yük götürüldü. Başa düşdüm ki, mən
doğru yoldayam və arxamda dövlətim dayanır...”
Söhbət əsnasında Ramiz Abutalıbov Əlimər-
dan bəyin oğlu Ələkbər bəyin Azərbaycana gəl-
mək istəyini də Heydər Əliyevə çatdırır. Res-
publika rəhbərinin göstərişi ilə Ələkbər bəy
Topçubaşının tarixi Vətəninə dəvət edilməsi
barədə rəsmi məktub hazırlanır. Lakin bu rəsmi
dəvəti aldığı 1975-ci ildə ağır xəstəlikdən əziyyət
çəkən Ələkbər bəyin Azərbaycana gəlmək arzusu
reallaşmır. İki il sonra isə o, dünyasını dəyişir və
Ramiz Abutalıbov onun dəfn mərasimində işti-
rak etməli olur...
Elə həmin illərdə Fransa kommunistlərinə
məxsus “Humanite” qəzetinin yubiley tədbirlə-
rinə Azərbaycandan da nümayəndə heyəti gön-
dərilir. Heydər Əliyev heyətə başçılıq edən Həsən
Həsənova Parisdəki mühacir soydaşlarımızla
bağlı xüsusi tapşırıq da verir: “Mənə şəxsən
Həsən bəy Zərdabinin nəvələri ilə görüşmək
tapşırığı verilmişdi... Hətta sözarası onların o
vaxtlar “tanınmış burjua ideoloqu” kimi qələmə
verilən Əlimərdan bəy Topçubaşovun övladları
olduğuna eyham da vurulmuşdu”.
Bu bir sovet reallığı idi: siyasi hakimiyyətin
qəbul və təbliğ etdiyi maarifpərvər Həsən bəy
Zərdabinin kapitalist ölkəsində yaşayan nəvələri
ilə (Əlimərdan bəy Zərdabinin qızı Pəri xanımla
ailə qurmuşdu) görüşmək olardı. Onların atası-
nın “burjua ideoloqu” olmasına göz yummaqla...
Amma Həsən Həsənovun bu görüşü baş tutmur.
Məlum olur ki, Fransadakı sovet səfirliyi ilə razı-
laşma əldə edilsə də, bu məsələ SSRİ Xarici İşlər
Nazirliyi səviyyəsində razılaşdırılmayıb...
Beləcə illər keçir... və Fransadakı mühacir
soydaşlarımızla əlaqələr davam edir. Azərbayca-
nın dövlət müstəqilliyinin bərpasından sonra
isə bu əlaqələr daha da dərinləşir, xüsusən Paris
Sülh Konfransında iştirak edən Azərbaycan nü-
mayəndə heyətinin üzvləri barədə tədqiqatlar
aparılır, kitablar yazılır.
Araşdırmalar nəticəsində dəqiqləşdirilir ki,
Paris Sülh Konfransında Azərbaycanı təmsil et-
miş yeddi nəfərlik heyətdən ən tez həyatla vida-
laşanı Məmmədhəsən Hacınskidir... O, 1931-ci
ildə sovet həbsxana divarları arasında intihar
etməli olub...
Miryaqub Mirmehdiyev sonralar Türkiyəyə,
Abbas bəy Atamalıbəyov isə Çiliyə köçüb...
Nümayəndə heyətinin qalan dörd üzvü –
Əlimərdan bəy Topçubaşov, Ceyhun bəy Ha-
cıbəyov, Əkbər ağa Şeyxülislamov və Məmməd
Məhərrəmov isə ömürlərinin sonuna qədər
Fransada yaşayıblar və burada torpağa tapşı-
rılıblar...
Bu insanların, eləcə də digər soydaşlarımı-
zın mühacir həyatı və Fransada dəfn edildiyi
qərib məzarlar barədə bir qədər sonra ətraflı
söhbət açılacaq. Bundan əvvəl isə Azərbaycanın
müstəqillik və milli dövlətçilik tarixində xüsusi
rolu olmuş nümayəndə heyətinin Parisdəki fəa-
liyyəti və keşməkeşli taleyi barədə yığcam məlu-
mat təqdim etməyi zəruri sayırıq.
Dostları ilə paylaş: |