30
Kredit qoyuluşlarında artım həmişə yeganə dövlət bankı olan Beynəlxalq Bank
hesabına baş verirdi. Təkcə bu bankın verdiyi kreditlərin həcmi ölkənin 46 bankının
verdiyi kreditlər qədərdir. Ona görə də Beynəlxalq Bankın kredit yatırımındakı
istənilən dəyişiklik ölkənin ümumi kredit bazarına təsir edir. Bu bankın yatırımları
əvvəlki illərdən fərqli olaraq azalmışdır. Çünki Beynəlxalq Bank kreditləri əsasən
neft sənayesinə yönəldir. Bu dövrdə isə əsas həm neft emalı sənayesinə, həm də
nəqliyyat sektoruna kredit qoyuluşu azalıb. Artım kommersiya banklarında qeydə
alınınb ki, bu vəsaitlər də əsasən istehlak kreditləri olmaqla ticarət, kənd təsərrüfatı və
tikinti sektoruna yönəldilib.
Kommersiya
banklarının
aktiv
əməliyyatlarından
kassa-hesablaşma
əməliyyatının da xüsusi yeri vardir.Hesablaşma-kassa əməliyyatları xidməti
sayəsində:
-tələb olunana qədər hesablar açmaq
-ölkə daxilində və xaricdə köçürülmə yolu ilə ödənişləri həyata keçirmək
-konversiya əməliyyatlarını həyata keçirmək
- əməliyyatlar və hesabın vəziyyəti haqqında qəbz və arayışlar, ödəniş
- nağd pul vəsaitlərini hesaba daxil etmək və hesabdan nağd pul almaq
- nağd pulu mübadilə etmək mümkündür.
2001-ci ilin əvvəllərində Milli Ödəniş Sisteminin arxitekturasının əsasını təşkil
edən Real Vaxt Rejimində Banklararası Hesablaşmalar Sistemi yaradılaraq istifadəyə
verilmişdir. AZİPS sisteminin istismara verilməsi nəticəsində banklar arasında
hesablaşmaların real vaxt rejimində (on-line) həyata keçirilməsinə, pul dövriyyəsinin
sürətinin nəzərəçarpacaq dərəcədə artmasına, banklar tərəfindən likvidliyin daha
çevik idarə olunmasına imkan yaranmışdır.
2002-ci ilin sonlarından etibarən Milli Telekommunikasiya Şəbəkəsinin bazasında
Milli Ödəniş Sisteminin arxitekturasının ikinci mühüm elementi olan Xırda Ödənişlər
üzrə Hesablaşma Klirinq Sistemi yaradılaraq istifadəyə verilmişdir. Beləliklə, kiçik
həcmli, lakin daim təkrarlanan xırda ödənişlərin (əmək haqqı, sosial müdafiə
ödənişləri, telefon, qaz, su, elektrik enerjisi üzrə kommunal ödənişlər və s.) elektron
31
daşıyıcılar əsasında həyata keçirilməsinə, eyni zamanda, xırda ödənişlərin əsas
iştirakçıları olan kommunal xidməti müəssisələrinin, böyük sayda ödəniş
əməliyyatları (məs., vergi, gömrük və sosial müdafiə ödənişləri) aparan hökumət
qurumlarının Milli Ödəniş Sisteminin infrastrukturuna inteqrasiyası üçün əlverişli
zəmin yaradıldı.
Hesablaşmalar Sistemində (AZIPS) 2013-ci ildə ümumi həcmi 113 mlrd. manat
(ÜDM-in 2,02 misli) olmaqla 522 min ədəd ödəniş sənədi emal olunmuşdur ki, bu da
ötən illə müqayisədə uyğun olaraq 5,8% (6205 mln. manat) və 5,9% (29 min ədəd)
çoxdur.Sistemdə orta hesabla gündəlik sənəd sayı 2130 ədəd,hər bir ödəniş sənədinin
məbləği isə orta hesabla 461min manat təşkil etmişdir.
Milli Ödəniş Sisteminin digər komponenti olan Xırda Ödənişlər üzrə
Hesablaşma Klirinq Sistemində (XÖHKS) ümumi həcmi 15 mlrd.manat olmaqla
26735 min ədəd ödəniş sənədi emal olunmuşdur. Bu, ötən illə müqayisədə müvafiq
olaraq 26,4% (3130 mln. manat) və 6,4% (1604 min ədəd) çoxdur. Sistemdə orta
hesabla gündəlik sənəd sayı 109,1 min ədəd, hər bir ödəniş sənədinin məbləği isə
61.1 min manat təşkil etmişdir.
Cədvəl 2.4
AZİPS VƏ XÖHKS sistemləri üzrə ödəniş sənədlərinin məbləği,mln.manat
2007
2008
2009
2010
2011
2012
2013
AZİPS
38727
71425
72856
78425
99279
106985
113190
XÖHKS
2139
5364
5274
6409
8569
11844
14974
32
Mənbə-Statistik bülleten-Azərbaycan Respublikası Mərkəzi Bankı-2013
Bəzi mənbələrdə bu əməliyyatlar birlikdə, bəzi mənbələrdə isə ayrı-ayrı
xarakterizə olunur. Ona görə də əvvəl kassa əməliyyatlarını araşdıraq.
Aydındır ki, pul hesablaşmaları (dövriyyəsi) nağd vənağdsız formada təzahür
edir. Bankların kassa əməliyyatları nağdı pul hesablaşmaları, bankların hesablaşma
əməliyyatları isə nağdsız pul hesablaşmaları ilə əlaqədardır. Banklar iqtisadiyyata
kassa xidməti göstərir, dövriyyədən sərbəstləşdirilmiş nağd pulun bankın kassalarına
daxil olmasını təşkil edir: müəssisələrə, birliklərə, təşkilatlara, idarələrə və əhaliyə
nağd pul verir; müəssisələrin, birliklərin, təşkilatların və idarələrin kassalarına daxil
olan nağd pulların inkassasiyasını təşkil edir və həyata keçirir. Banklar müştərilərə
kassa xidmətlərini müqavilə əsasında yerinə yetirir. Başqa sözlə kassa əməliyyatları
nəticəsində kommersiya bankları öz müştəriləri ilə nağd pul hesabaşmalarını aparır.
Bu əməliyyat Azərbaycan Respublikasında daha önəmli yer tutur.
Müəssisələr tərəfində nağd pullar kredit təşkilatlarının kassasına verilir. Nağd
pulların tam və vaxtlı-vaxtında banka daxil edilməsi üçün müəssisələrin
kassalarındakı nağd pul qalığı limitləşdirilir. Bu limitdən artıq olan nağd pul
vəsaitləri banka verilməlidir. Kassa əməliyyatlarının aparılması üçün bankda
mədaxil, məxaric, mədaxil-məxaric, yenidənsayma kassaları və bankomatlardan
istifadə edilir.
Nağd pulu mədaxil etmək üçün kredit təşkilatlarında gündüz mədaxil kassaları
yaradılır.Nağd pulun mədaxili «nağd pulun mədaxili üçün elan»a əsasən həyata
keçirilir. Bank hesabı olmayan fiziki şəxs tərəfindən pul köçürmələri ilə bağlı banka
nağd pul təhvil verildikdə “Pul köçürmələri üçün elan”dan istifadə olunur. Pul
köçürmələri büdcə və büdcədənkənar dövlət fondlarının ödənişləri ilə bağlı olduqda
“Büdcə ödənişləri üçün elan”dan istifadə olunur. Elanlar nağd pulla birlikdə kassirə
təqdim olunur.Gündüz mədaxil kassasına qəbul edilən nağd pul həmin əməliyyat
gününün mühasibat balansında əks olunur.
Əməliyyat günü qurtardıqdan sonra müştərilərdən nağd pulu qəbul etmək üçün
axşam mədaxil kassası yaradılır. Axşam mədaxil kassasına qəbul edilən nağd pul
növbəti iş günündə mühasibat balansında əks olunur. Axşam mədaxil kassasının