22
Vergi daxilolamlarının proqnozlaşdırılması perspektiv tədqiqat olmaqla, onun
işlənib hazırlanması zamanı real iqtisadi şərait və hadisələrin nəzərə alınmasına
baxmayaraq o ilkin və ehtimal xarakterə malikdir. Proqnozun əsasını ölkə və onun
ayrı-ayrı regionlarının (rayonlarının) iqtisadi və sosial inkişaf proqramları təşkil
edir. Bu zaman proqnozlaşdırılmış dövr ərzində baş vermiş kənarlaşmalar və
onların tendensiyalarının aşkar edilmə ehtimalını qiymətləndirmək lazımdır.
Vergi və digər məcburi ödəmələr üzrə daxilolmaların proqnozlaşdırılması
mərkəzi iqtisadi təşkilatların: Dövlət Statistika Komitəsinin, Mərkəzi Bankın və
yerli idarəetmə orqanlarının işləyib hazırladıqları konkret regionun (rayonun), xalq
təsərrüfatının qabaqcıl sahələrinin və ölkənin inkişafının iqtisadi göstəricilərinə,
eləcədə xüsusi iqtisadi ədəbiyyatda və digər mənbəələrdə nəşr olunmuş
tədqiqatlara əsaslanmalıdır.
Proqnozlar operativ (bir aya qədər), qısamüddətli (bir ilə qədər), orta müddətli
(5 ilə qədər) və uzunmüddətli (5 ildən yuxarı) olmaqla dörd yerə bölünür.
Müxtəlif vaxt intervalına malik olan proqnozların məzmunu proqnozlaşdırılan
proseslərdən asılıdır. Bu proses və tendensiyalar nə qədər çox davamlı olarsa,
onların proqnozlaşdırma vaxtı da uzun olar.
Xalq təsərrüfatında baş verən iqtisadi proseslərin dəyişkən olduğu indiki yeni
şəraitdə adı çəkilkən proqnoz növlərindən praktikada əslində yalnız operativ və
qısamüddətli proqnozlar realizə oluna bilər.
Demək olar ki, bütün ölkələrdə dövlər büdcə vergi daxilolmalarının əsas
hissəsi fiziki şəxslərin gəlir vergisi, mənfəət vergisi, ƏDV və aksizlərin payına
düşdüyündən biz məhz bu vergilərin hesablanması misalında proqnozların tərtib
olunması mexanizmini nəzərdən keçirək.
Proqnozların hesablanmasının aşağıda göstərilən ardıcıllığı onunla izah olunur
ki, fiziki şəxslərin gəlir vergisinin proqnozlaşdırılması üçün əsas sayılan
göstəricilər, mənfəət və ƏDV üzrə proqnozların hesablanması üçün ilkin
informasiya sayılır. Öz növbəsində, mənfəət vergisinin bir sıra göstəriciləri öz
əksini ƏDV-nin proqnozunda tapır. Beləliklə, vergi proqnoz hesablamaları
23
qarşılıqlı surətdə əlaqədar olmaqla biri digərindən irəli gəlir və onların korrektə
edilməsi yalnız kompleks şəkildə aparıla bilər.
Müəssisələrdən tutulan fiziki şəxslərin gəlir vergisi üzrə vergi
daxilolmalarının proqnozlaşdırılması 1.1.saylı cədvəlin göstəricilərinə əsasən
aparılır.
Fiziki şəxslərin gəlir vergisi üzrə vergi daxilolmalarının proqnozlaşdırılması
aşağıdakı göstəricilərə əsasən həyata keçirilir:
orta aylıq əmək haqqının səviyyəsi;
işləyənlərin orta aylıq sayı;
vergi dəcəsi;
əməyin ödəniş fondu;
əməyin ödəniş fondunun güzəşt tətbiq edilən hissəsi;
əməyin ödəniş fondunun vergiyə cəlb olunan hissəsi.
Ümumilikdə ölkə ərazisində, Muxtar Respublikasında, sahələrdə, konkret
regionda və xalq təsərrüfatında çalışan işçilərin orta aylıq sayı ümumi planda
proqnozlaşdırılan dövrdən əvvəlki hesabat dövrünə görə statistika orqanlarının
məlumatlarına əsasən götürülür.Bu zaman xalq təsərrüfatında məşğul olan işçilərin
sayına təsir edən mümkün dəyişikliklər (məsələn, məhsul istehsalının həcmi və
əmək məhsuldarlığının dəyişməsi; müəssisənin mülkiyyət formasının dəyişməsi;
müəsisələrinin say tərkibinin dəyişməsi, demoqrafik xarakterli dəyişikliklər)
nəzərə alınmalıdır.
Orta aylıq əmək haqqı onun səviyyəsinə təsir edən amillər nəticəsində orta
aylıq əmək haqqının məbləğində baş verən dəyişikliklər nəzərə alınmaqla bu
göstəricinin əvvəlki aydakı qiymətinə əsasən təyin olunur.
Proqnozlaşdırılan dövr üçün əməyin ödəniş fondu işləyənlərin orta aylıq
sayının, orta aylıq əmək haqqı səviyyəsinin və dövrdəki ayların sayının hasili kimi
müəyyən edilir.
Əməyin ödəniş fondunun güzəşt tətbiq edilən hissəsi hesabat dövrünə onun
əməyin ödəniş fondundakı xüsusi çəkisinə əsasən təyin edilir. Retrospetiv təhlil
24
göstərir ki, xüsusi çəkinin qiyməti kifayət qədər stabildir. Gəlir vergisinin
planlaşdırılan məbləği isə əməyin ödəniş fondunun vergiyə cəlb olunan hissəsinin
vergi dərəcəsinə olan hasili kimi müəyyən olunur.
Fiziki
şəxslərin
gəlir
vergisi
üzrə
vergi
daxilolmalarının
proqnozlaşdırılmasının digər mümkün variantı vergitutma bazasının proqnoz
qiymətindən istifadə edilməsidir. Bu halda vergitutma bazasının dinamikasını
qiymətləndirməyə imkan verən aşağıdakı əsas göstəricilərin dəyişməsini nəzərə
almaq lazımdır:
əməyin ödəniş fondu;
vergitutma bazasını hesablamaq üçün qəbul edilən ümumi məbləğ;
vergitutma bazası müəyyənləşdirilərkən fiziki şəxslərə verilən vergi
güzəşrlərinin məbləği;
verginin dərəcəsi;
verginin dövlət büdcəsindəki ümumi məbləği.
Verginin yiğılmasında qeyi-sabitlik müşahidə olunarsa, onda yığım
səviyyəsinə uyğun düzəlişlər edilməsi zərurəti ortaya çıxır.
İndi isə hüquqi şəxslərin mənfəət vergisi üzrə daxilolmaların
proqnozlaşdırılması üsulu ilə tanış olaq. Hüquqi şəxslərin mənfəət vergisi üzrə
daxilolmaların proqnozlaşdırılması üsulları növbəti ildə planlaşdırılan vergi
gəlirlərinin qiymətləndirilməsinə aşağıdakı prinsipial yanaşmalardan istifadə
edilməsinə əsaslanır:
vergitutma bazasının tərkib elementlərinin proqnozlaşdırılmasından çıxış
edərək vergi daxilolmalarının proqnozlaşdırılması;
əvvəlki dövrlərin vergi gəlirləri indeksləşdirməklə vergi daxilolmalarının
proqnozlaşdırılması;
ümumi daxili məhsulun proqnoz qiymətindən, vergi dərəcəsinin
dəyişməsindən, əvvəlki aylarda faktiki vergi daxilolmalarının qiyməti əsas
götürlməklə il ərzində vergi daxilolmalarının proqnozlaşdırılması.