7
Dissertasiya iĢində informasiya bazası. Dissertasiya işində nəzərdən keçirilən
məsələlərin
işıqlandırılmasında
Azərbaycan
Respublikasının
müvafiq
qanunvericiliyinə, normativ-hüquqi aktlara, Vergi Məcəlləsinə, Mülki Məcəlləyə,
Vergilər Nazirliyinin müvafiq normativ aktları, təlimat və metodiki göstərişlərinə,
eləcə də iqtisadi ədəbiyyata istinad edilmişdir.
Dissertasiyanın həcmi və strukturu. Dissertasiya işi kompüter yazısı ilə
müvafiq standarğlara uyğun yazılmış və 88 səhifədən ibarətdir. Dissertasiya işi
girişdən, üç fəsildən, nəticə və təkliflər, və istifadə edilmiş ədəbiyyat siyahısından
ibarətdir.
8
FƏSĠL I. VERGĠ DAXĠLOLMALARININ PROQNOZLAġDIRILMASI VƏ
TƏHLĠLĠ
1.1. Ġqtisadi proqnozlaĢdırmanın mahiyyəti və növləri
İctimai həyatın gələcəyini öncə görmədən, onun inkişaf perspektivlərini
proqnozlaşdırmadan təsəvvür etmək mümkün deyil. Iqtisadi proqnozlar iqtisadi
siyasətin əsas istiqamətlərinin əsaslandırılması, qəbul edilmiş qərarların nə ilə
nəticələnəcəyi barədə qabaqcadan müəyyən təsəvvürlərin əldə edilməsi üçün çox
zəruridir.
Proqnoz dedikdə obyektin gələcəkdəki mümkün vəziyyəti, onun alternayiv yolları
və həyata keçirilməsinin müddətləri barədə elmi cəhətdən əsaslandırılmış
mülahizələr başa düşülür. Proqnozların işlənib hazırlanması prosesi
proqnozlaşdırma adlanır.
Ictimai inkişafın proqnozlaşdırılmasının əsas istiqamətlərindən biri iqtisadi
proqnozlaşdırmadır. Iqtisadi proqnozlaşdırma iqtisadi hadisələrin dərk edilməsinin
elmi üsullarına və iqtisadi proqnostikanın bütün metod, üsul və vasitələrindən
istifadəyə əsaslanan iqtisadi proqnozların işlənib hazırlanması prosesidir.
Proqnozlaşdırma daha geniş anlayış olan öncəgörmə məhfumuna daxildir.
Tədqiq edilən proseslərin gedişatına təsirinin xarakterindən asılı olaraq
öncəgörmənin üç forması fərqləndirilir: hipotez (elmi öncəgörmə); proqnoz; plan.
Hipotez ümumi nəzəriyyəyə əsaslanaraq elmi öncəgörməni xarakterizə edir.
Bu o deməkdir ki, hipotezin qurulması üçün əsas bazanı nəzəriyyə təşkil edir və
bunun əsasında tədqiq olunan obyektin inkişafı və fəaliyyətinin səbəb-nəticə
əlaqələri və qanunauyğunluqları aşkar edilirş
Qipotezlə müqayisədə proqnoz müəyyənlik xarakteri daşıyır, çünki o yalnız
keyfiyyət deyil, həm də kəmiyyət parametrlərinə əsaslanır. Tətqiq edilən obyektlə
proqnoz arasında əlaqə kifayət qədər möhkəm olmur, yəni proqnoz ehtimal
xarakteri daşıyır.
9
Plan dəqiq müəyyən edilmiş məqsədin qarşıya qoyulması və tədqiq olunan
obyektin konkret hadisələrini və detallarını qabaqcadan görməkdir. Onu
fərqləndirən əsas xüsusiyyət müəyyənlik və tapşırıqların direktiv xarakter
daşımasıdır.
Proqnozun ümumi səciyyəsini əks etdirən əsas xüsusiyyətlər aşağıdakılardır:
1.
proqnozda proqnozlaşdırılan hadisədə baş verən dəyişiklikləri şərtləndirən
real şərt və ziddiyətlər əks olunur. Proqnoz empirik məlumatlar və
əsaslandırılmış fərziyyələrin nəticəsinin yekunudur, gələcək inkişafın
istiqamətləri barədə əsaslandırılmış qərardır;
2.
real hadisələrin nəticəsi kimi gələcəyin yaranması ehtimalında təsadüfilik
elementləri var. Təsadüfi hadisənin daxili qanunauyğunluğu kimi baxılır.
Buna görə də proqnozda hadisənin baş vermə ehtimalı dərəcəsi
qiymətləndirilməlidir;
3.
proqnoz reallığın müxtəlif amillərinin təsirinə məruz qalır və ya bu amilləri
modelləşdiri;
4.
proqnozların tərtib edilməsi üçün kəmiyyət və keyfiyyət xarakterli elmi
araşdırmalar zəruridir;
5.
proqnoz planlaşdırma üçün oriyentirdir, planların hazırlanması üçün tədqiqat
bazasıdır;
6.
proqnoz variantlı xarakter daşıyır və çoxvariantlıdır;
7.
proqnozun dəqiqliyini zaman müəyyən edir;
8.
proqnozu işləyib hazırlayan mütəxəssisdən obyektiv olmaq, keçmiş, hazırki
və gələcək dövrü qiymətləndirərkən subyektivizmə yol verməmək tələb
olunur.
Iqtisadi proqnozlaşdırmaya iqtisadi münasibətlərin inkişaf tendensiyalarının
müəyyənləşdirilməsinə və bu inkişafın məqsədlərinə nail olmaq üçün optimal
həllərin tapılmasına yönəlmiş kəmiyyət və keyfiyyət xarakterli elmi-tədqiqat
sistemi kimi baxılmalıdır.