41
Yanacağın tərkibində olan kükürd isə oksidləşərək SO
2
-yə çevrilir:
S+O
2
SO
2
alınan SO
2
-nin az bir hissəsi yüksək istilik hesabına
sulfat anhidridinə çevrilə bilir: 2SO
2
+O
2
2SO
3
+Q.
Eyni zamanda havada və yanacağın tərkibində olan azot
oksidləşərək azot-2 oksidə çevrilir: 2N+O
2
2NO-Q.Reaksiya
endotermik olduğundan istilik enerjisinin müəyyən miqdarı da bu
prosesdə itir. Havaya buraxılan NO fotokimyəvi reaksiya vasitəsilə
azot-4 oksidə çevrilir:
2NO+O
2
2NO
2
Beləliklə,
İES-da atmosferə CO
2
; CO; H
2
O; SO
2
; SO
3
; NO; NO
2
və
başqa birləşmələr yayılır ki, bu da ətraf mühitin çirklənməsinə səbəb
olur.
Bundan başqa, kömürlə işləyən İES-da radioaktiv elementlər də
əmələ gəlir ki, bu barədə ətraf mühiti çirkləndirən radionuklidlər
bəhsində danışılacaqdır.
AVTOMOBĠL NƏQLĠYYATI
Bəşəriyyətin rahatlığı üçün avtomobil nəqliyyatının əhəmiyyəti
əvəzsizdir. Lakin, atmosferi çirkləndirən maddələrin 75%-i avtomobil
nəqliyyatınının payına düşür.
Stasionar sistemlərdən fərqli olaraq, daxili yanma mühərriklərində
yanma prosesi davamlı olmayıb, saniyənin hissəsi zamanında baş verir.
Bu zaman yanma kamerasının divarları soyuq olduğundan, yanma tam
getmir və mühərrikin faydalı iş əmsalı 15-20%-dən çox olmur.
Nəticədə, ətraf mühitə xeyli miqdar yanmamış karbohidrogenlər və
aralıq məhsullar yayılır. Aşağıdakı cədvəldə avtomobil mühərrikləri və
İES-nın yanma məhsulları verilmişdir:
Yanma məhsulları
Avtomobil ildə
milyon ton
İES və zavodlar
ildə milyon ton
Karbon qazı
59,7
5,2
Karbohidrogenlər və digər üzvi
maddələr
10,9
6,4
42
Azot oksidləri
5,5
6,5
Kükürdlü birləşmələr
1,0
22,4
Makrohissəciklər
1,0
9,8
43
Daxili yanma mühərriklərində yanacaq kimi benzin və dizel
yanacağı işlədilir. Bunlar aromatik karbohidrogenlər, parafinlər,
sikloparafinlərdən ibarət olub, oktan ədədidin qaldırmaq üçün əlavə
edilən qarışıqlardan ibarətdir. Dizel yanacaqları daha yüksək mo-
lekullu karbohidrogenlərdən ibarətdir.Yanacaq təmiz yandıqda karbon
qazı, su ayrılaraq istilik alınır: 2C
8
H
18
+25O
2
16CO
2
+18H
2
O+Q
Yanma prosesi zəif getdiyindən 200-dən çox maddə əmələ gəlir ki,
onların əksəriyyəti zəhərlidir. Böyük şəhərlərdə tıxaclar yarandığından
sürət xeyli aşağı olur ki, bu zaman yanma çox zəif getdiyindən daha
çox zəhərli maddələr ayrılır.
Avtomobil mühərrikləri iş prosesində yanma məhsulları olaraq 200-
dən çox birləşmə əmələ gətirərək atmosferə buraxır. Ayrılan qazların
əsas hissəsini N
2
, O
2
, H
2
O (buxar halında), CO
2
, CO, SO
2
, NO, NO
2
karbohidrogenlər, aldehidlər, qurum və çox zəhərli maddə olan
benzapiren təşkil edir.
İl ərzində atmosferə buraxılan CO-dən qazının 70-90%, azot
oksidlərinin 40-45%-i, karbohidrogenlərin 30-40%-i avtomobil
nəqliyyatının payına düşür.
Havaya buraxılan qaz qarışığının tərkibi mühərrikin növündən və
yanacağın tipindən çox asılıdır. Məsələn, karbüratorlu mühərriklərdə
karbon qazı və yanmağa macal tapmayan karbohidrogenlərin miqdarı,
dizel mühərriklərinə nisbətən çox olur. Dizel mühərriklərində isə
qurum və azot oksidləri çox olur. Dizel mühərrikləri çalışarkən tullantı
qazlarının xarakter iyi olur. Bu iy azot oksidlərinin və yanmayan, lakin
oksidləşən karbohidrogenlərin çox olmasını göstərir.
Avtomobillərin istismar müddəti artdıqca yanma prosesi düzgün
getmir və nəticədə çoxnüvəli aromatik karbohidrogenlərlə yanaşı
kanserogen xassəli dioksinlər əmələ gəlir. Odur ki, şəhər nəqliyyatına
ciddi nəzarət olmalıdır. Avropada, o cümlədən Rusiya Federasiyasında
avtomobilin buraxılış ili çoxaldıqda gömrük rüsumu da çoxalır. Azər-
baycan Respublikasında buna nəzarət olmadığından, istismar müddəti
çoxdan sona çatmış avtomobillərin idxalı get-gedə çoxalır. Əksər
avtomobillərin istismar müddəti 5-8 il müddəti ilə hesablanır.
Azərbaycanda 20-30 il əvvəl buraxılan avtomobillər də vardır ki, onlar
atmosferi daha çox çirkləndirərək ətraf mühitə ziyan vurur.
Avtomobillərin atmosferə buraxdığı qazlar havadan ağır olduğuna
44
və atmosferin aşağı qatında yayıldığına görə daha təhlükəli hesab
olunurlar, nəinki zavod fabriklərin hündür bacasından çıxan və külək
vasitəsilə uzaqlara daşınan sənayenin qaz tullantıları.
Benzin yanacaqlarında detonasiyanı aşağı salmaq və faydalı iş
əmsalını artırmaq üçün qurğuşun etilat – Pb(C
2
H
5
)
4
, və qurğuşun
metilat Pb(CH
3
)
2
birləşmələrindən istifadə olunur. 1921-ci ildə məlum
olmuşdur ki, benzin yanacaqlarında qurğuşun etilat detonasiyanın
qarşısını alır, yəni benzinin partlayışla yanmasının qarşısını alır və qaz
qarışığının porşenlər vasitəsilə sıxılmaya davamlılığını artıraraq,
nəticədə yanacağın qənaətli olmasını saxlayır.
Pb(C
2
H
5
)
4
rəngsiz və uçucu birləşmə olub çox zəhərlidir. Hər litr
benzinə 0,6-0,9 qram qurğuşun etilat əlavə edilir. Tərkibdə olan
qurğuşunun 75-80% mühərrikdən çıxan işlənmiş qazlarla birlikdə
ətrafa yayılır.
Qurğuşun etilatın istifadəsi getdikcə çoxalır, avtomobillər, təy-
yarələr, gəmilər həddindən artıq qurğuşun hissəciklərini ətraf mühitə
yayır. Bu hissəciklərin ölçüsü 1 mkm- dən kiçik olduğuna görə
aerozolların əmələ gəlməsi üçün mərkəzə çevrilirlər.
Hər bir avtomobil bir ildə 15 min km (gün ərzində 50 km) yol qət
edərsə ətrafa 1 kq-dan çox qurğuşun metalı yayılır. Bakı şəhərində
600000 avtomobil olduğundan ildə şəhər atmosferinə 600 ton
qurğuşun yayılır.
Hesablamalara əsasən məlum olur ki, nəqliyyatın sıx olduğu yollarda
(1 saatda 1000 avtomobil keçən yollar sıx yollar adlanır) bir saat ərzində
hər km yol ətrafına 35-40 qram qurğuşun metalı yayılır.
Böyük şəhərlərin atmosferində kənd yerlərinə nisbətən qurğuşunun
miqdarı 20 dəfə, dəniz səthindəki atmosferə nisbətən 2000 dəfə
çoxdur.
Tədqiqatlar göstərmişdir ki, qurğuşun dozalarının atmosferdə qalma
müddəti yerlərdən asılı olaraq 1-4 həftə olur. Sonra onlar torpağa
hoparaq, oradan da bitkilərə sonra isə heyvanlara və insanlara
miqrasiya edir. Qurğuşun kumilyativ zəhər (latın sözü cumiliattio –
toplanmaq deməkdir) hesab olunur. Onun orqanizmdən xaric olunması
uzun zaman tələb edir.
Alman ekoloqları müəyyən etmişlər ki, yol kənarında olan bitkilərin
1 kq quru çəkisində 35-50 mq qurğuşun olur. Magistrallardan uzaq
sahələrdə isə bu 2-3 mq olub təhlükə törətmir.
Dostları ilə paylaş: |