50
dollarından artıq olan digər iri alışlardan ibarət ola bilər.
Revolver kreditlərdən fərqli olaraq möhlətli ödənişli
ssudaların əksəriyyəti təminatlı kreditlərdir.
Möhlətli ödənişli kreditlər birbaşa bank krediti formasını
ala bilər. Birbaşa bank kreditinin verilməsi zamanı bank və
borcalan (ssuda istifadəçisi) arasında kredit müqaviləsi bağlanır.
Dolayı bank krediti bank və müştəri arasında kredit
münasibətlərində vasitəçinin olmasından ibarətdir. Adətən belə
vasitəçi rolunda pərakəndə satış müəssisələri çıxış edir. Belə olan
halda kredit müqaviləsi müştəri ilə sonradan bankdan kredit alan
mağaza arasında bağlanır. Bu növ kreditləşdirmə forması ABŞ-da
geniş yayılmışdır. ABŞ-da avtomobil alınması üçün verilən
ssudaların 60%-dən çoxu dolayı kreditdən ibarətdir.
Birbaşa və dolayı bank kreditləşdirilməsi bir sıra üstün və
mənfi cəhətlərə malikdir. İlk əvvəl, birbaşa bank kre-
ditləşdirilməsini dolayı kreditləşdirilmədən fərqləndirən əsas
cəhət – kreditləşdirmə obyektini dəqiq qiymətləndirməyə imkan
verən, ssudanın verilməsinin iqtisadi cəhətdən məqsədə-
uyğunluğunun aşkar edilməsinə, onun istifadəsinə, bağlanmasına
fəal nəzarətin təşkil edilməsindən ibarət olan kredit prosesinin
təşkilinin sadə olmasıdır. Bütün bunlar şübhəsiz ki, bank və
borcalan arasında kredit münasibətlərinin təşkilinə öz müsbət
təsirini
göstərir.
Bankın
mövqeyindən
birbaşa
bank
kreditləşdirilməsi ilə əlaqədar olan neqativ faktorlara dolayı bank
kreditləşdirilməsinə nisbətən daha yüksək risk səviyyəsi aid edilir.
Respublikamızda müasir kreditləşdirilmə təcrübəsi bir
qədər mürəkkəbdir. Bunun səbəblərinə aiddir:
a) ssudanın verilməsindən əvvəlki mərhələdə müştərilərin
krediti ödəmə qabiliyyətinin dərin təhlilini heç də bütün
kommersiya bankları həyata keçirmir;
b) krediti ödəmə qabiliyyətinin təhlil metodikası hər
zaman təcrübə tələblərinə uyğun gəlmir;
c) ssuda üzrə təminatın mövcudluğu bir çox hallarda
formal xarakter daşıyır.
51
Həmçinin ölkənin makroiqtisadi vəziyyəti (iqtisadi, siyasi,
sosial qeyri-sabitlik, inflyasiya, ödəmə böhranı və s. ) də kredit
prosesinin təşkilinə neqativ təsir göstərir.
Dolayı bank kreditləşdirilməsi banka risklərin (kredit, faiz,
valyuta, bazar və s. ) təsirini azaltmağa imkan verir. Məsələn,
hüquqi şəxslərə (ticarət təşkilatlarına, müəəsisələrinə, firmalara və
s. ) verilən ssudalar yüksək etibarlılıq dərəcəsi ilə borc alanın
(hüquqi şəxsin) krediti ödəmə qabiliyyətini, ssudanı tam və
vaxtında bağlamaq imkanlarını müəyyən etməyə, fəal nəzarəti
təşkil etməyə imkan verir.
Müştəri üçün isə:
a) ssudaya tələbatın yarandığı an (ticarət təşkilatında
uzunmüddətli istifadə məhsullarının alınması zamanı, məsələn
kredit kartı üzrə) onu əldə etməsi;
b) ssuda verilməsi üçün onun banka müraciət etməsinə
ehtiyac olmaması və s. əhəmiyyət kəsb edir.
Göstərilən təsnifat şərti xarakter daşıyır, belə ki, bank
təcrübəsində müəyyənləşdirilmiş təsnifata uyğun «təmiz halda»
bu və ya digər ssuda növünü qeyd etmək qeyri-mümkündür.
Bununla yanaşı, təqdim edilmiş təsnifat ssudaların müxtəlifliyini
əks etdirir, lakin bununla bütün təsnifat meyarları bitmiş hesab
olunmur.
Bütün kredit əməliyyatları müştərilərlə bağlanmış müqa-
vilələrə müvafiq olaraq kommersiya bankları tərəfindən həyata
keçirilir. Ssudanın rəsmiləşdirilməsi üçün müştərilər banka kredit
müqaviləsindən başqa müddətli öhdəlik (öhdəlik-tapşırıq), girov
və ya zəmanət öhdəliyi və ssudanın verilməsi üçün ərizə təqdim
edirlər.
Borcalan tərəfindən kredit müqaviləsi üzrə öhdəliklərə
əməl olunmadıqda kommersiya bankı verilmiş müddətli ssudanın
və ona hesablanmış faizlərin ödənilməsini tələb etmək hüqüquna
malikdir. Bundan əlavə, bank qanunvericilikdə nəzərdə tutulmuş
borcun alınması üzrə bütün tədbirləri həyata keçirməlidir. Əldə
edilmiş kreditlərin qaytarılması üçün borcalanların ödəmə
52
qabiliyyətinin olmadığı təqdirdə (müflis olması) kommersiya
bankı bu barədə məsələ qaldırmaq ərizəsi ilə iqtisad məhkəməsinə
müraciət etmək hüququna malikdir.
Hesablaşma əməliyyatları– müştərilərin hesablarına
vəsaitlərin köçürülməsi və silinməsi (onların kontragentlər
qarşısında öhdəliklərinin ödənilməsi üçün) üzrə əməliyyatlardan
ibarətdir. Kommersiya bankları hesablaşmaları Mərkəzi Bank
tərəfindən təsbit edilmiş qaydalar, forma və standartlar üzrə
aparır, hər hansı növ hesablaşma əməliyyatının aparılması qaydası
olmadıqda
öz aralarında razılığa gəlməklə, beynəlxalq
hesablaşmaların aparılması isə beynəlxalq bank təcrübəsində
qəbul edilmiş qayda və qanunlara uyğun həyata keçirilir.
Kommersiya bankları müvafiq ödəniş sənədinin əldə
edilməsindən sonrakı əməliyyat günündən gec olmayaraq
müştərinin vəsaitlərini onun hesabına köçürməlidir. Pul vəsa-
itlərinin müştərinin hesabına vaxtında və ya düzgün köçürül-
məməsi və ya hesabdan silinməməsi zamanı kredit təşkilatı
Mərkəzi Banka bu vəsaitlərin məbləğinə və Mərkəzi Bankın
rəsmi faiz dərəcəsinə müvafiq olaraq cərimə faizi ödəməlidir.
Kassa əməliyyatları – nağd pul vəsaitlərinin qəbulu və
verilməsi üzrə əməliyyatlardır. Kassa əməliyyatlarını daha geniş
olaraq nağd pul vəsaitlərinin hərəkəti, eləcə də pul vəsaitlərinin
bankların müxtəlif aktiv hesablarına («kassa» hesabı və digər
banklarda müxbir hesabı da daxil olmaqla) və kommersiya bankı
müştərilərinin hesablarına yerləşdirilməsi, formalaşdırılması və
istifadəsi ilə əlaqədar olan əməliyyatlar kimi ifadə etmək olar.
İnvestisiya əməliyyatları – bank tərəfindən öz vəsait-
lərinin müştərək maliyyə-təsərrüfat və kommersiya məqsədlərilə
qeyri-bank strukturlarının qiymətli kağızları və paylarına
yatırılması əməliyyatlarıdır. Kommersiya bankının investisiya
əməliyyatlarının kredit əməliyyatlarından fərqi ondan ibarətdir ki,
investisiya
əməliyyatlarının keçirilməsi təşəbbüsü bankın
müştərisindən deyil, onun özündən asılıdır. Bu bankın özünün
investisiya fəaliyyətidir.
Fond əməliyyatları – qiymətli kağızlarla aparılan əməliy-
Dostları ilə paylaş: |