44
Cəlb edilmiş vəsaitlər bank ehtiyatlarının quruluşunda
üstün yer tutur. Dünya bank təcrübəsində bütün cəlb edilmiş
vəsaitlər depozitlərə və digər cəlb edilmiş vəsaitlərə bölünür.
Kommersiya banklarının cəlb edilmiş vəsaitlərinin əsas hissəsini
depozitlər təşkil edir.
Qeyd etmək lazımdır ki, depozitlər yalnız Mərkəzi Bankın
lisenziyasına müvafiq olaraq bu cür əməliyyatları həyata
keçirməyə hüququ olan banklar tərəfindən qəbul edilə bilər.
Banklara vətəndaşların vəsaitlərinin depozitə cəlb etmək hüququ
qeydiyyat tarixindən minimum 2 il sonra verilir. Depozitlərə
vəsaitlərin cəlb edilməsi yazılı şəkildə və iki nüsxədə (biri
əmanətçiyə verilir) olmaqla müqavilə ilə rəsmiləşdirilir. Banklar
əmanətlərin qorunmasını və investorlar qarşısındakı öhdəliklərini
vaxtında yerinə yetirməyi təmin edir.
Digər cəlb edilmiş vəsaitlər banklar tərəfindən istiqraz
şəklində və ya özünün borc öhdəliklərinin pul bazarında satışı
yolu ilə əldə edilən ehtiyatlardan ibarətdir. Onlar depozitlərdən
bazarda müsabiqə əsasında əldə edilməsi ilə fərqlənir və əsasən iri
banklar tərəfindən istifadə olunur.
Müasir bank təcrübəsi çoxlu sayda depozitləri fərqləndirir.
Bunlar aşağıdakılardır:
tələb olunanadək depozitlər;
müddətli depozitlər;
əmanət yatırımları;
qiymətli kağızlara yatırımlar.
Depozitləri həmçinin müddətinə, əmanətçilərin növlərinə,
vəsaitlərin verilməsi və qaytarılması şərtlərinə, faizlərinə, bankın
aktiv əməliyyatları üzrə imtiyazların əldə edilməsi imkanlarına və
s. görə də təsnifləşdirmək olar.
2. Aktiv əməliyyatlar vasitəsilə banklar onların sərən-
camında olan ehtiyatları gəlir əldə edilməsi üçün yerləşdirir.
Bankın aktiv əməliyyatları müəssisələrin və təşkilatların istehsal,
sosial, investisiya və elmi fəaliyyətlərinin qısamüddətli və
uzunmüddətli kreditləşdirilməsi, əhaliyə istehlak ssudalarının
45
verilməsi, qiymətli kağızların əldə edilməsi, lizinq, faktorinq,
innovasiya
maliyyələşdirilməsi
və
kreditləşdirilməsi,
müəssisələrin təsərrüfat fəaliyyətində bank vəsaitləri ilə işgüzar
iştirak, digər banklara verilən ssudalardan ibarətdir.
Bankın aktiv əməliyyatları iqtisadi məzmununa görə
aşağıdakılara bölünür:
ssuda əməliyyatları;
hesablaşma əməliyyatları;
kassa əməliyyatları;
investisiya və fond əməliyyatları;
zəmanət əməliyyatları.
Ssuda əməliyyatları borcalana vəsaitlərin müddətli,
qaytarılma və ödənclik şərtləri əsasında göstərilən əməliyyat-
lardır. Veksellərin alınması və ya veksellərin zəmanət olaraq
qəbulu ilə əlaqədar olan ssuda əməliyyatları hesablaşma (ssuda-
hesabat) əməliyyatlarından ibarətdir.
«Banklar və bank fəaliyyəti haqqında» Qanunda nəzərə
alınmışdır ki, kredit təşkilatı daşınan və daşınmaz əmlak, dövlət
və digər qiymətli kağızlar, zəmanətlər və dövlət qanunlarına
müvafiq digər öhdəliklər zəmanət qoyulmaqla kreditlər təqdim
edə bilər.
Ssuda əməliyyatlarının növləri kifayət qədər müxtəlifdir.
Onlar aşağıdakı əlamətlərinə görə qruplara bölünür:
Borcalanın növü;
Təminat növü;
Kreditləşdirmə müddəti;
Təyinat (kreditləşdirmə obyektləri);
Açılan hesabın növü;
Vəsaitlərin verilmə qaydası;
Ssudanın bağlanması metodu;
Faizlərin hesablanması və bağlanması qaydası;
Risk dərəcəsi;
Rəsmiləşdirilən sənədlərin növü;
Vəsaitlərin dövriyyə xarakteri və s.
46
Borc alanın növünə görə:
● hüquqi şəxslərə verilən ssudalar: kommersiya təşki-
latlarına (müəssisələrə, təşkilatlara, o cümlədən ban-
klara, şirkətlərə, firmalara), qeyri-kommersiya və
hakimiyyət orqanlarına;
● fiziki şəxslərə verilən ssudalar.
Kreditorun növündən asılı olaraq ssudalar təsnifləşdirilir:
Bank ssudaları (ayrı-ayrı banklar və bank konsorsiumları,
birləşmələri tərəfindən təqdim edilən, bunun sayəsində də
konsorsial adlanan kreditlər yaranır);
Qeyri-bank kredit təşkilatlarının ssudası (lombardların,
kirayə məntəqələrinin, qarşılıqlı yardım kassalarının,
kredit kooperativlərinin, tikinti cəmiyyətlərinin, təqaüd
fondlarının və s. );
Müəssisə və təşkilatlar tərəfindən borc alanlara verilən
ssudalar (kommersiya kreditləşdirilməsi qaydasında və
ya əhaliyə ticarət təşkilatları tərəfindən verilən möhlətli
ödəniş ssudaları).
Təminat növü üzrə:
1. təminatsız (blank),
2. təminatlı ssudalar (girov, zəmanət, zaminlik, sığorta
vasitəsilə) mövcuddur.
Bankın təminat tələb etdiyi əsas səbəb – borcalanın
ssudanı vaxtında və tam olaraq qaytarmaq qabiliyyətinin və ya
istəyinin olmaması zamanı ziyana düşmək riskindən sığor-
talanmaqdan ibarətdir. Kreditin təminatı, onun sığortalanması
kreditin ödənilməməsi riskini azaldır. Bununla yanaşı, kredit
işçisi üçün ssudanın borcalanın gəliri hesabına ödənilməsi daha
üstündür. Ssudanın təminatı girov, zəmanət, zaminlik, sığorta ola
bilər. Onun kimi müxtəlif növ aktivlər çıxış edə bilər.
Müştərinin kifayət qədər təminatı olmadığı və yüksək
riskli əməliyyatlar üçün ssuda almaq məqsədilə müraciət etdiyi
halda bank kreditin sığorta təşkilatlarında sığortalanması zamanı
onun verilməsinin məqsədəuyğunluğu haqqında məsələni
Dostları ilə paylaş: |