41
ilkin şərtidir.
Operativlik funksiyası.
Uğurla işə başlamaq üçün banka torpaqların, binaların,
avadanlığın əldə edilməsi, eləcə də gözlənilməz ziyanın baş
verməsi halları üçün maliyyə ehtiyatlarının yaradılması məqsədilə
istifadə edilən ilkin kapital gərəkdir. Bu məqsədlər üçün xüsusi
kapitaldan istifadə edilir.
Tənzim etmək funksiyası.
Bankın xüsusi vəsaitləri əməliyyatlar və müştərilərin ma-
raqlarının müdafiə funksiyası ilə yanaşı tənzimləyici funksiya
rolunda da çıxış edir. Tənzimləyici funksiya bankların uğurlu
şəkildə fəaliyyət göstərməsi üçün cəmiyyətin ümumi marağını
nəzərə alaraq dövlət orqanlarına keçirilən əməliyyatlara nəzarət
etmək imkanı verən qanun və qaydalarla fəaliyyət göstərir.
Ayrı-ayrı kommersiya banklarının bank ehtiyatlarının
quruluşu onların ixtisaslaşma səviyyəsindən və ya əksinə
universallaşmasından, fəaliyyət xüsusiyyətlərindən, ssuda eh-
tiyatları bazarının vəziyyətindən və digər amillərdən asılıdır.
Məsələn, qısamüddətli kreditləşdirmə üzrə əməliyyatlar həyata
keçirən universal kommersiya bankları, cəlb edilmiş ehtiyatların
əsas növü kimi qısamüddətli depozitlərdən istifadə edir.
İnvestisiya bankları isə, qiymətli kağızların alışından, dövlət və
səhmdar şirkətlərin və müəssisələrin xüsusi məqsədli fondların
kapital yatırımları üçün nəzərdə tutulmuş və digər kredit və
maliyyə institutlarından əldə edilmiş uzunmüddətli istiqrazlardan
istifadə edir. İstisna deyil ki, kommersiya bankları inkişaf etdikcə
və fəaliyyət sahəsi genişləndikcə ən etibarlı müştərilərinin
hesablarına ssuda məbləğini köçürmə yolu ilə kreditlər verərək
ehtiyatlar yaradacaqlar. Bu növ əməliyyatlar yalnız bankın ödəmə
qabiliyyətinin qorunmasına riayət olunması şərti ilə həyata
keçirilir.
Bankın xüsusi vəsaitlərinin quruluşu kəmiyyət tərkibi üzrə
yekcins deyildir və bir il ərzində bir sıra amillərdən, xüsusilə,
bank tərəfindən əldə edilən gəlirin istifadə xarakterindən asılı
42
olaraq dəyişir.
Azərbaycan banklarının (səhmdar banklar) nizamnamə
kapitalı əsasən səhmlərin ödənilməsindən daxil olan vəsaitlər
hesabına formalaşır. Bununla belə kapital yalnız pul vəsaitləri
ödənişləri hesabına deyil, həmçinin maddi və qeyri-maddi
aktivlər, eləcə də üçüncü şəxslərin qiymətli kağızları hesabına
formalaşır. Təcrübə xarakterli məlumatların təhlili göstərir ki,
bəzi banklarda bankın maddi aktivlər nizamnamə kapitalının
70%-ni təşkil edir, bu isə bank tərəfindən onların kreditləşdirmə
ehtiyatları kimi istifadəsi üzrə imkanlarını azaldır və onun ödəmə
qabiliyyətinin səviyyəsini aşağı salır. Eyni hal qeyri-maddi aktivlərin
bankın nizamnamə kapitalında əhəmiyyətli hissə təşkil etməsi
zamanı da yaranmışdır.
Son illər banklarda nizamnamə kapitalını yaradan pul
vəsatlərinin tərkibində xarici valyuta, eləcə də qiymətli kağızlar
artmaqdadır.
Bankın xüsusi kapitalı onun aktiv əməlyyatlarının həc-
minin artırılmasının əsasını təşkil edir. Bu səbəbdən hər bir bank
üçün onun aktivlərinin artırılması mənbələrinin tapılması olduqca
mühüm əhəmiyyət kəsb edir. Həmin mənbələr keçmiş illərin
bölüşdürülməmiş gəliri, bank ehtiyatları da daxil olmaqla qiymətli
kağızların əlavə buraxılışının yerləşdirilməsi və yeni səhmdarların
cəlb edilməsi ola bilər.
Xüsusi kapitalın idarə edilməsi passivlərin sabitliyinin və
bankların gəlirliliyinin təmin edilməsində mühüm rol oynayır.
Bankın şəxsi kapitalının idarə edilməsi vasitələrindən biri də
divident siyasətidir. Qeyri-sabit maliyyə vəziyyəti və fond
bazarının inkişaf etmədiyi şəraitdə bir çox respublika bankları
şəxsi kapitalın artırılmasını gəlirin toplanması vasitəsilə həyata
keçirir. Dividentlərin kapitallaşması bir çox hallarda səhm
kapitalının artırılması üçün ən asan və bahalı vasitədir. Bununla
yanaşı, bir sıra banklar müəyyən etmişlər ki, onların səhmlərinin
məzənnəsi ödənilən dividentlərin səviyyəsindən asılıdır, yəni,
dividentlərin artması səhmlərin məzənnəsinin də artmasına səbəb
43
olur. Beləliklə, səhmlərin yüksək gəlirliliyi kapitalın əlavə
səhmlərin satışı vasitəsilə artmasını asanlaşdırır.
İri banklar pul ehtiyatlarının cəlb edilməsinin səmərəli
vasitəsi kimi səhmlərin emissiyasından geniş istifadə edir.
Kommersiya bankları həm sadə səhmlərin, həm də imtiyazlı
səhmlərin emissiyasını həyata keçirir. İmtiyazlı səhmlər in-
vestisiya obyekti olaraq sadə səhmlərə nisbətən daha az risklidir,
lakin onlar üzrə dividentlərin səviyyəsi sadə səhmlər üzrə
ödənilən dividentlərin orta səviyyəsindən azdır. Bank kapitalında
imtiyazlı səhmlərin payı sadə səhmlərə nisbətən çox azdır. Bir
çox hallarda Respublikada fəaliyyət göstərən bəzi banklar öz
əməkdaşlarına imtiyazlı səhmlər şəklində illik mükafatlar verir.
Bazarda imtiyazlı səhmlərə olan tələb çox aşağıdır, çünki iri
investorlar bankın idarə edilməsində fəal iştirak etməyə üstünlük
verir. Lakin bu problemi konversiyalı imtiyazlı səhmlərin
buraxılması ilə həll etmək mümkündür. Respublikamızda iqtisadi
vəziyyətin sabitləşməsi etibarlı, uzunmüddətli alətlərə, o
cümlədən imtiyazlı səhmlərə olan tələbatın artmasına öz təsirini
göstərəcəkdir.
Mötəbər iri bankların öz səhmlərini fond bazarında
yerləşdirmək imkanları vardır. Onlar səhmlərin məzənnəsinə təsir
edərək və dividentlərin səviyyəsini müəyyənləşdirərək əlavə gəlir
əldə edilməsi məqsədilə səmərəli əməliyyatlar həyata keçirirlər.
Kiçik banklar üçün isə əlavə ehtiyatların səhmlər buraxılması
vasitəsilə
artırılması imkanları kifayət qədər mürəkkəbdir.
Əmanətçilərin ehtiyatlarını cəlb etmək şəxsi kapitalın artırılmasından
daha ucuz və məqsədəuyğundur.
Xarici ölkələrin təcrübəsində xüsusi kapitalın artırılması
üçün istiqraz vərəqələrinin buraxılması geniş yayılmışdır. İnkişaf
edən bank öz əməliyyatlarını maliyyələşdirmək üçün daim
uzunmüddətli kapitala ehtiyac duyur. Bu tələbat istiqraz
vərəqələrinin
girovdan
çıxarılmasının
maliyyələşdirilməsi
vasitəsilə ödənilir. Ölkəmizdə bu təcrübə hələlik geniş vüsət
almamışdır.
Dostları ilə paylaş: |