edəcəyik. Məsələ burasındadır ki, ermənilərin özbaşınalığı və
avantürizmi bəşəriyyətə baha başa gələ bilər. Bu, dünyanın, xüsusən,
Asiya və Afrikanın bir çox dövlətini şirnikləndirə bilər.
Belə olduqda,
yaxın gələcəkdə müasir dünyanın nə vəziyyətə düşəcəyini təsəvvür
etmək çətin deyildir. Dünya zor gücünə xəritələrin yenidən çəkilməsi
kimi dəhşətli bir vəziyyətlə gərək qarşılaşmasın. Yoxsa bəşəriyyət çox
ağır və gözlənilməz nəticələrlə üzləşər, yüzlərlə beynəlxalq münaqişə
girdabına cəlb edilə bilər. Ermənilərin Pirr qələbəsi bəşəriyyət üçün
dünya yanğınına, dünya miqyasında sarsıntılara səbəb ola bilər. Buna
görə də
dünya birliyi XXI əsrin əvvəlində erməni «cəngavərlərini»
öz yerində - tarixin onlar üçün ayırdığı yerdə oturtmasa, sabah
gec olacaqdır.
Bir
problemə
də
toxunmaq
lazımdır.
Erməni
millətçi-şovinistləri bu məsələdə xüsusi inadkarlıq göstərirlər. Söhbət
«Ümumi dövlət»dən gedir. Bu ideyanı erməni müşavirlərinin
köməyilə Rusiya Federasiyasının keçmiş baş naziri Y.Primakov irəli
sürmüşdür. Zənnimcə, belə bir qurumun mahiyyətini o özü də başa
düşməyibdir. Məsələ isə bundadır ki, dünyada bu cür qurum nə
keçmişdə olub, nə də indi var. Bu, nəsə federativ dövlətə bənzər bir
simbiozdur. Bu halda Azərbaycan Respublikasının Dağlıq Qarabağ
regionu beynəlxalq hüququn subyekti statusunu alar və istədiyi vaxt
sazişi poza bilər. Bu isə o deməkdir ki, bir müddətdən sonra Dağlıq
Qarabağ müstəqil dövlət olaraq qanuni yolla və ümumxalq
referendumu yolu ilə Ermənistanla birləşəcəkdir. Bədnam «Ümumi
dövlət»in bütün mahiyyəti bundan ibarətdir. Belə olduqda cənab
Y.Primakova və «Ümumi dövlət» ideyası üzrə onun silahdaşlarına
sual vermək lazımdır: Niyə Rusiya Federasiyası Çeçenistan
Respublikası ilə «Ümumi dövlət» yaratmasın? Ya da 6 milyon tatar
əhalisi olan Tatarıstanla və 5 milyonluq Başkortostanla «Ümumi
dövlət» yaradılmasın? Rusiya böyük dövlətdir və «Ümumi dövlət»
yaratmaqda başqalarına nümunə ola bilərdi.
Konfederasiya quruluşu anlayışı da vardır. Bu halda
konfederasiyam yaradan ölkələr beynəlxalq hüququn subyektləri,
beynəlxalq təşkilatların üzvləridir, müstəqil xarici siyasət yeridir,
özlərinin qanunvericilik və icra orqanları vardır. XX əsrin ikinci
yarısında Afrikada bir cür qurumlar var idi - Seneqambiya (Seneqal və
Qambiya), Birləşmiş Ərəb Respublikası (Misir və Su
263
riya), Birləşmiş Respublika (Liviya səmahiriyyəsi və Tunis). Bir
müddətdən sonra bu respublikalar parçalanaraq özlərindən sonra heç
bir iz qoymadılar.
Müasir dünyada federativ dövlət anlayışı mövcuddur.
Federativ
dövlət beynəlxalq hüququn üzvü olmayan ayrı-ayrı döv- lətdaxili
subyektdən ibarətdir. Əraziləri ayrı-ayrı ştatlardan ibarət olan ABŞ,
Braziliya, Meksika, Avtsraliya, Hindistan belə dövlətlərdir. Argentina
və Kanada əyalətlərdən, İsveçrə kanton- lardan, AFR və Avstriya
Respublikası vilayətlərdən (torpaqlardan) ibarətdir və sairə.
Federal dövlətdə subyektlərin silahlı qüvvələri yoxdur, xarici
siyasət sahəsində əlaqə saxlamırlar, vahid valyutaları və vahid ümumi
federal büdcələri vardır.
ABŞ, AFR, Argentina, Kanada, İsveçrə və s. federativ
dövlətlərin konstitusiyalarında federasiya üzvlərinə onun tərkibindən
çıxmaq hüququ verilməyib.
Nəhayət, Azərbaycan Respublikası tərkibində Dağlıq Qarabağa
yüksək status verilməsi məsələsi barədə Azərbaycan Respublikasının
Prezidenti Heydər Əliyev bütün görüşlərdə və ATƏT-in
sammitlərində, habelə ABŞ-ın Dövlət katibi K.Pauelin himayəsi
altında Azərbaycan və Ermənistan prezidentlərinin, ATƏT-in Minsk
qrupunun həmsədrləri olan ABŞ-ın, Fransanın və Rusiyanın iştirakı ilə
keçirilmiş son görüşdə və s. məclislərdə dəfələrlə demişdir ki, Dağlıq
Qarabağın statusunu
ən yüksək özünüidarəetmə statusu səviyyəsinə
qaldırmaq mümkündür. Söz yox ki, bu zaman Azərbaycan
Respublikasının Konstitusiyasında müvafiq dəyişiklik etmək lazım
gələcək. Mənə elə gəlir ki, bu halda onun qanunvericilik orqanının
sədri avtomatik olaraq Azərbaycan Respublikası Milli Məclisi sədrinin
müavinləri ola bilər ki, baş naziri isə Azərbaycan Respublikası
Nazirlər Kabinetinin Rəyasət Heyətinə daxil edilər. Öz daxili
problemlərini müstəqil həll elmək hüququ almış olar. Dağlıq Qarabağ
azərbaycanlıları kimi, buradakı ermənilər də özlərinin mədəniyyətini,
dilini azad şəkildə inkişaf etdirə bilər, dinindən istifadə edə bilər,
dünyanın müxtəlif ölkələrində yaşayan soydaşları ilə ünsiyyət yarada
bilərlər.
Bütün bunlar aparıcı beynəlxalq təşkilatların əsas
sənədlərində qeyd olunmuş beynəlxalq standartlara və
insan
hüquqlarına uyğundur. BMT, ATƏT və s.
təşkilatlar bunlara əməl
264