76
başlanğıcla epik, fəlsəfi-psixoloji komponentləri mə-
harətlə birləşdirirdilər.
XIX əsrdən başlayaraq romanda «Şüur axını»
əsas olur. Marsell Prust, Coys və b. qəhrəmanları cə-
miyyətin bir üzvü, onun hissəciyi kimi təsvir edərək
öz xilasını məhz bunda görürdülər. Sonralar romanın
cürətli inkişafı iki əsas üslubu şərtləndirir: romantik
və realist üslublar. Bayronun «Don Juan», Viktor
Hüqonun «Səfillər» və digər əsərləri bu ruhda idi.
Onlar göstərirdilər ki, dünyada xeyirlə şər əlbəyaxa
vuruşur, ona görə də bu savaşdan qalib çıxmaq üçün
nəhəng qəhrəmanlara, azman şəxsiyyətlərə, müstəsna
igidlərə, ehtiraslı xarakterlərə müraciət edərək onların
obrazlarını, surətlərini yaratmaq lazımdır. Əlbəttə, bu-
rada daha çox, müstəsnalıq, fövqəladəlik, qeyri-adilik
anlamları əsas alınırdı və beləliklə də daha çox pafos,
ehtiraslar, zahiri romantik xüsusiyyətlər baş alıb ge-
dir, insanın daxili aləmi, iç dünyası, psixologiyası diq-
qətdən kənarda qalırdı. Halbuki insanın fərdi həyatı-
nın, onun daxili hiss və həyəcanlarının, ehtiraslarının,
iç dünyasının həmin şəxsin özünə xas, məxsus keyfiy-
yətlərinin ətraf mühitlə sintetik şəkildə əks etdirilməsi
məhz romana, eposa xas olmalıdır. Romanda xüsusilə
ümumi, konkret və mücərrəd, zahirlə iç bir vəhdət ha-
lında götürülməlidir. Milli, xəlqi dəyərlərin ümumi
kulminasiya və zirvəsi roman üçün əsas və aparıcı
amillərdəndir. Romanda «mən» ətraf mühitə qarşı qo-
yulur, konflikt və ya münaqişə xətti də buradan başla-
yır. Bu mənada kəskin ziddiyyətlər, barışmaz əkslik-
lər üzərində qurulan konflikt romanın əsas inkişaf və
dinamizm yayı, sterjeni rolunu oynayır. Deməli, ro-
77
man tematik cəhətdən nə qədər fərqli olsa da, məhəb-
bət, sosial-siyasi, etik-fəlsəfi, fantastik, tarixi və s.
həcmi, süjet və fabulanın dramatiklik dərəcəsi, bədii
quruluş və kompozisiya prinsipləri, təhkiyə və nəqlet-
mə xüsusiyyətlərinə görə də dominant- eynilik, oxşar-
lıq təşkil edir.
Romanda struktur, tendensiya iki əsas xətt üzrə
şaxələnir («Don Kixot»da olduğu kimi). Digəri isə,
açıq-aşkar, hər cür ədəbi fəndlərdən uzaq, lakin müx-
təlif qəhrəmanların, detalların, sosial şəraitin təfər-
rüatlı təsviri; qapalı strukturda (fransız ədibi De Jato-
getin «Prinsessa Klevskaya») bir şəxsin həyatı, hətta
vahid bir konfliktin, bir situasiyanın təsviri dayanır,
lakin bunlar konsentrik (iç–içə) şəkildə olur, ona görə
də belələrinə psixoloji roman da deyirlər. Bu mənada
müxtəlif dövrlərin romanları belə xülasə edilə bilər:
antik romanlarda hadisəvi dinamika, əhvalat, danışı-
lan bir məzmun daxili aləmi, psixologiyanı üstələyir.
Orta əsrlərin romanlarında isə cəngavərlik, amal, əqi-
də, məhəbbət və namus yolunda ideal mübarizəyə qo-
şulmaq, yaxşılıq etmək əsas götürülür.
Renessans dövründə isə romanlar əvvəlcə heka-
yə və novellalar şəklində meydana çıxırdı («Dekame-
ron»), sonlara bunlar romanlaşmağa doğru gedirdi.
Sonralar poetik əsərlərdə təzahür edən qəhrəmanlıq
motivləri romanlaşmış poemalar şəklini alır. Hətta
Şekspirin əsərlərinə də diqqətlə yanaşılsa, romanın
dramlaşdırıldığının şahidi ola bilərik. Bu da
məlumdur ki, L.N.Tolstoy roman sənətində ilk dəfə
«ruhun dialektikasını» yaratmışdır.
78
F.Dostoyevskidə isə qəhrəmanın öz aləmi ilə
onun dünya, kainat barəsində düşüncələri birləşdirildi.
Bir qəlbin, bir ürəyin tarixi xalqın, cəmiyyətin tarixinə
çevrildi. O zaman bir qəlbin polifoniyası, hər kəsin öz
«həqiqəti» yarandı. İnsanın bu yoldakı maneələri dəf
etmək üçün iradə ruhunun gərgincəsinə səfərbər və
nümayiş etdirilməsidir. Ona görə də patetiklik sənətin
bütün növlərində qəhrəmanilik-qeroika və fəciliyin
aşkara çıxmasıdır. Bunun tipik nümunələrini istər
ədəbi, istərsə də incəsənət əsərlərində müşahidə etmək
olar. Pafos məsələsini də buraya daxil etmək müm-
kündür. Çünki pafosda da hiss, ehtiras mövcuddur.
Bunların hər birində də insanın təbiətin bir hissəsi ol-
mağı ilə əlaqədar üzvi-sintetik əlaqə, qırılmaz vəhdət
vardır. Çünki təbiətin və ya peyzajın təsviri heç də
gəlişi gözəl bir vasitə, priyom deyildir. Bu, xarakterin,
şəxsiyyətin, hadisələrin cərəyan etdiyi mühitin,
məkanın canlandırılması ilə dialektik bir gəlişdir.
Təbiət və ya peyzaj, demək olar ki, bütün bədii
əsərlərin əsas elementidir, hətta elə hallar da olur ki,
əsər yalnız təbiətə həsr olunur: təbiət baş qəhrəmana
çevrilir. Məsələn, Levitan, Ayvazovski - rəssamlıqda,
Qoqol, Turgenev, Fet, Səməd Vurğun, Divanbəyoğlu,
İsmayıl Şıxlı - bədii ədəbiyyatda; Çaykovskinin «İlin
fəsilləri», Musorqskinin «Keçəl dağda gecə» və s.–
musiqidə. Bunlarda plastikliyi - plastikanı da qeyd
etmək mümkündür. Plastika - yunan sözüdür rəvan,
çevik, ifadəlilik - hərəkətin gözəlliyi, hərəkətin, jestin
ahəngdarlığıdır. Plastika daha çox incəsənətə xasdır.
Rəssamlıqda, cizgi və xətlərin ahəngdarlığı da əsasdır.
79
Bədii ədəbiyyatda plastika obrazı əhatə edən mühit,
şərait və ya mənzərənin ifadəliliyi deməkdir.
Roman sənətində bəzi ədəbi priyom, bədii
vasitələr də böyük rol oynayır. Bunlardan biri Şərtilik
məsələsidir. Şərtilik həyatın özü yox, onun obrazlı
inikası olan sənətdə və ədəbiyyatda əsas və başlıca
amillərdən biridir. Məsələn, təsviri sənətdə əsərlər 2
ölçülü olur, kətanın səthi üzərində yerləşir. Həyatdakı
predmet və hadisələr isə əsasən üç ölçülüdür: en, uzun
və həcm. Ona görə də sənət və ədəbiyyatda şərtilikdən
istifadə etməmək istər-istəməz naturalizmə aparır.
Başqa sözlə, şərtlilik, metaforiklik həyat hadisələrinin
daha dolğun, daha obrazlı ifadəsinə imkan yaradır.
Sənət və ədəbiyyat öz ifadə və bədii boya çalarlarını
«Həyatın öz formalarını» bir qədər də geniş və əhatəli
şəkildə təcəssüm etdirmək üçün - şişirtmə, fantastika,
simvol, yuxu, xəyal, kölgə, işıq effektləri, dini-
mifoloji və digərlərindən faydalanır. Vaxtilə Belinski
yazırdı ki, Hamletin atasının kölgəsi vasitəsilə faciə-
dən xəbər tutması priyomu neçə əsrdir ki, özünü doğ-
ruldur. Burada əsas məsələ Hamletin kral Klavdinin
cinayətindən necə xəbər tutmasında deyil, nədən xə-
bər tutmasındadır. Deməli, şərtilik zərurətdən doğduq-
da, hətta realist sənətin də təbiətinə, qanunlarına,
prinsiplərinə zidd deyildi. Lakin bu estet- dekadent
şəkildə olanda xalis dekorativ ünsür kimi tətbiq olu-
nur və istər- istəməz formalizmə, məzmunsuzluğa,
sxematizmə aparır.
Sənət və ədəbiyyatın bütün sahələrində olduğu
kimi romançılıqda da harmoniya-ahəngdarlıq deyilən
çox önəmli bir kateqoriya vardır ki, bu da bədii əsərin
Dostları ilə paylaş: |