Honda CR-V
“Honda CR-V” krossoverinin 4-cü nəslini
amerikan və ingilis komplektasiyasında əldə etmək
olar. Geosiyasi incəliklərlə bu avtomobili yaxından
tanıyaq.
Hər bir özünə hörmət edən krossover alıcıya
kuzov seçimi etməyi təklif etmir. “CR-V” - eyni
kuzalı universaldır, geniş yük yerinə malikdir və
yük yerinin altında böyük bir cib gizlənir. Bu cibdə
ehtiyat rezin təkər (tam ehtiyat təkər olsaydı
“Honda” bizdən 5+ alardı), qaldırıcı qurğu və
açarlar yerləşdirilib. “Cib” -lə yük yerinin arası
çox keyfiyyətli izolasiya edilib ki, hərəkət zamanı
siz ehtiyat təkər və açarların “tappıltısını”
eşitmirsiniz. Avtomobilin damında
isə əlavə yük
yerləşdirmək üçün reyslər mövcuddur. Və demək
olar ki, bütün komplektasiyalarda bu var.
Bütün komplektasiyalar üçün vahid olan digər bir
texniki həll də var. Ön təkərlər aparıcıdır və arxa
körpü avtomatik qoşulma funksiyasına malikdir.
175 mm-lik klirens bir qədər aşağıdır. Lakin
mühəndislərin ideyasına əsasən avtomobilə öndən
baxanda avtomobil hündür görünür. Yalnız vizual
olaraq. Amma bu tip avtomobillərin tam ötürücülü
olması daha yaxşı olardı. Yəqin yaponlar nə isə
bilirlər.
Güc aqreqatları haqqında danışdıqda isə burada
da yaponlar qənaət ediblər.
Məsələn dizel
mühərrikli “CR-V” Azərbaycana gətirilmir. 2000
kub sm-ik mühərriklə 2400 kub sm-ik mühərriklər
isə bir- birilərindən nəinki texniki xüsusiyyətlərinə
görə, həmçinin təchiz olunduğu avtomobilə görə
fərqlənirlər.
Bir qədər məhdud güclü (150 at gücü) avtomobil
avropalı istehlakçılar üçün nəzərdə tutulub.
Onları İngiltərədə yığırlar. Komplektasiya olaraq
“Eleqans” və “Layfstayl” olaraq fərqlənirlər. Əsas
fərq sürət qutusundadır (M6 və A5). Opsiyalar
baxımından böyük fərq olmasa da komfort
və təhükəsizlik eynidir. Yaponlar təhlükəsizlik
elementlərində heç zaman simiclik etmirlər.
Büdcə versiyasını
seçənləri məyus edəcək bir
neçə faktor var : Sükanın, sürət ötürücüsünün
dəri işləməsi, arxa görüntü kamerası, blutuz və
ştatlı qaçırılma əleyhinə sistemin olmaması.Lakin
siz bu opsiyalar üçün əlavə ödəniş etsəniz yeni
avtomobil sizə çox da baha baş gəlməyəcək.
Bir çoxları “CR-V”- nin sürət qutusu ilə bağlı
fikir bildirirlər. Əvvəla onu deyək ki, “Honda”
“Volkswagen” kimi problemli “DSG” sürət qutusu
istehsal etmir. Hələ indiyənə qədər “Volkswagen”
alanlar avtomobildə “DSG” sürət qutusu olsa
avtomobili alıb almayacağını düşünür. Yaponların
bu baxımdan problemi yoxdur. CR-V-də çox
düşünən robot ,
yolsuzluqda əziyyət verəcək
variator sürət qutusu deyil. Klassik , müasir
olmayan amma etibarlı, 5 pilləli sürət qutusu var.
Yeni variantda nə qədər sürət qutusu çıxsa da
, onların özünütəsdiqi çox zaman aparacaq. Ən
yaxşısı 5 pilləli olandır. O, sınaqdan yaxşı çıxıb.
2400 kub sm-ik mühərrikdə isə 190 at gücü var.
Və bu avtomobil Amerikada yığılıb. Bunu yoxlamaq
üçün avtomobilin VİN kodu üzrə axtarış verdik
və bu axtarış öz təsdiqini tapdı. Amerikan yığımlı
“CR-V” bir neçə fərqə malikdir , ön bamper və
arxa şüşələrin tünd tonlaşdırılması. Mexaniki
sürətlər qutusu yoxdur . Yalnız avtomat və o da 5
pilləlidir.
İşləmə alqoritmində fərq var. “Sport” rejimində
ötürücü sayı 3-lə məhdudlaşdırılıb.
Avropalı qardaşı kimi
bir neçə komplektasiyaya
malikdir. Ən ucuz “Eleqans” və ən baha
“Premium” komplektasiyalı avtomobilləri tez
alırlar. Ona görə onu sifariş etməyiniz daha
yaxşı olar. “Sport” komplektasiyalı avtomobil
isə “Layfsatyl”-dan bahadır amma mühərriki
daha güclüdür. Siz bu komplektasiyada sükan
idarəetməsi. oturacaqda sürücünün belini uyğun
nizamlama, yağış sensoru və bir neçə kiçik
elektron yeniliklərlə tanış olacaqsınız. Amma
Amerikan yığımlı “CR-V”- də sizə (“Eksekyutiv”
komplektasiyası)
tam dəri salon, tam elektrik
idarəetmə və damda lyuk təklif ediləcək. Və
fikrimizcə alıcılıq qabiliyyətini nəzərə alsaq,
aranızda bir neçə min manat artıq pul ödəyə
bilənlər tapılar.
Avto
Stop
33
Amma yaponlar simiclikdə bir az da irəli gediblər.
Məsələn: avtomobildə ayaqaltı rezinlər,
parktronik yoxdur. Parçadan olan avtomobilin
yer örütüyünə yapışan ayaqaltı praktik deyil.
Parktronikin yerini açıb, amma onu boş
saxlamaq kiçik bir zarafata bənzəyir. Onları
dilerə əlavə pul ödəməklə əldə edə bilərsiniz.
«2,0 Elqans»: Multifunksional displey , iki
zonalı klimat kontrol, elektropaket, ABS/ EBD,
aşma
əleyhinə sabitləşdirici sistem, təkər
təzyiqlərinin idarəetməsi, 8 təhlükəsizlik yastığı,
immobilayzer, mərkəzi qıfıl, AUX və USB çıxışlı
audiosistem, işıq diodlu gündüz işıqları, işıq
yuyucu, damda rellinq, 18 düymlü yüngül lehimli
disklər, kiçik ölçülü rezin ehtiyat təkər.
«2,0 Layfstayl»:”Eleqans”-dan əlavə –
güzgülərin elektrik bağlanması, işıq və yağış
sensoru, «blutuz», sükan və sürət qutusunun
dəri işləməsi, qaçırılma əleyhinə sistem, duman
faraları, arxa görüntü kamerası.
«2,4 Sport»: Multiinformativ displey, iki zonalı
klimat kontrol, elektropaket, sükanın dəri
işlənməsi, «blutuz», ABS/ EBD,
aşma əleyhinə
sakitləşdirici sistem, arxa görüntü kamerası 8
təhlükəsizlik yastığı, immobilayzer, mərkəzi qıfıl,
AUX və USB çıxışlı audiosistem, duman əleyhinə
işıqlar, işıq diodlu gündüz işıqları, işıqyuma,
damda rellinq, 18 düymlü yüngül lehimli disklər,
kiçik ölçülü rezin ehtiyat təkər.
«2,4 Ekzekyutiv»: “Sport”-a əlavə – tam dəri
salon, elektrik lyuk, sabvufer.
Avtomobilin yaponlar üçün nəzərdə tutulmuş
versiyasında qarşıdakı avtomobillə ara
məsafəsinin təyini , zolağın təyini funksiyaları
var. Amma yaponlar bu funksiyanı
özləri
üçün saxlayıblar. Özləri üçün saxlamadıqları
sürət limitinin təyin edilməsi , kruzi kontrol
avtomobilin bütün komplektasiyaları üçün
nəzərdə tutulub.
“Honda CR-V”
- 1995-ci ildən
istehsal olunur. 2005-ci ilin
sonunadək bu maşınların sayı 2
milyonu ötüb.
“CR-V” «Comfortable
Recreational Vehicle» -
İstirahət üçün komfortlu
avtomobil deməkdir.
“Euro N-Cap”
təhlükəsizlik dərəcəsi 5
ulduz.
Avto
Stop
34