82
Tədqiqatın üçüncü mərhələsi - satış kanalları, satış şəbəkəsi və bunların inkişaf
meyilləri barədə informasiya verməyə imkan verir. Bu, əmtəənin daha optimal satış
kanalının seçilməsinə imkan verir. Marketinq tədqiqatlarının dördüncü istiqaməti –
müəssisə son qərarını çıxarmaq məqsədi ilə əmtəə və xidmətlərə olan tələb-təklifin
uzunmüddətli dövrdə dinamikasını qiymətləndirir. Beləliklə, balanslaşdırma işin
stabilliyini təmin etməklə yanaşı, strateji istiqamətləri müəyyən edən marketinq
xidmətləri əmtəə-bazar münasibətləri şəraitində müəssisələrin, firmaların istehlak
bazarında səmərəli fəaliyyət göstərməsinə imkan verir. Məhz bu şəraitdə vahid
iqtisadi, texniki və habelə istehsal-satış orqanizminin formalaşması prosesi baş verir.
Daxili ticarət sisteminin dövlət tərəfindən tənzimlənməsinin əsas istiqamətləri
milli istehsalçını dəstəkləməklə daxili bazarın səmərəli qorunmasından; sağlam
rəqabət mühitinin formalaşdırılması və qorunub saxlanmasından; daxili ticarət və
xidmət sferasına xarici investisiyaların cəlb edilməsindən; istehlakçı hüququnun
səmərəli müdafiəsindən; maldaşınma prosesinin institusional təminatının
gücləndirilməsindən və s. əməli tədbirlərin həyata keçirilməsindən; logistika
xidmətinin inkişaf etdirilməsindən; ticarət prosesinin texnoloji təminatından;
vergiqoyma, lisenziya, kvotaların tətbiqində sahəvi xüsusiyyətlərin nəzərə
alınmasından və s.-dən ibarətdir [50, 61].
Yalnız
sağlam
milli iqtisadiyyatın və təkmil istehlak bazarının
formalaşması,təşəkkül tapması və inkişafı cəmiyyətin milli maraqlarına, artmaqda
davam edən təlabatlarına cavab verə bilər, dövlətin iqtisadi qüdrətinin artmasına
əlverişli imkanlar aça bilər.
83
NƏTĠCƏ
Bazarın təyinatına görə fərqləndirilən növlərindən biri olan “İstehlak bazarı”-nın
nəzəri-metodoloji əsaslarının tədqiqi göstərir ki, o mürəkkəb bir iqtisadi sistem olub,
səmərəli inkişafı müasir şəraitdə bazar iqtisadiyyatının inkişafı üzrə əhəmiyyətli
problemlərindən biri sayılır. Məhz istehlak bazarının göstəriciləri bütovlükdə
cəmiyyətin iqtisadi və sosial əmin-amanlılığının vacib indikatoru rolunu oynayır.
Respublikamızda istehlak bazarının inkişafı Azərbaycan Respublikasi
Prezidentinin “Əhalinin sosial müdafiəsinin gücləndirilməsi və daxili bazarın
tənzimlənməsi sahəsində əlavə tədbirlər haqqında” adlı fərmanının qəbulundan sonra
gündəmə gəlmişdir. Bundan əlavə, son dövrlərdə ölkəmizdə qeyri-neft sektorunun, o
cümlədən kənd təsərrüfatının inkişafı dövlət tərəfindən iqtisadi siyasətin prioritet
istiqamətlərindən biri kimi müəyyən edilmişdir. Ərzaq təhlükəsizliyinin təmin
edilməsi sahəsində tədbirlərin sistemli və kompleks şəkildə həyata keçirilməsi
məqsədi ilə Azərbaycan Respublikası Prezidentinin sərəncamı ilə “Azərbaycan
Respublikasında əhalinin ərzaq məhsulları ilə etibarlı təminatına dair Dövlət
Proqramı” təsdiq edilmişdir.[
85
] Bu kimi tədbirlərin hamısı istehlak bazarının
müdafiəsinə yönəlmişdir. İstehlak bazarının stabilliyini qoruyub saxlamaq məqsədilə,
həmçinin bazarda artan və dəyişən tələbatın ödənilməsi istiqamətində sərəncamda
olan məhsulun istehsalçıdan istehlakçıya çatdırılması mərhələsində mövcud
maneələrin aradan qaldırılması, ərzaq bazarında süni qiymət artımının qarşısının
alınması, kənd təsərrüfatı və ərzaq məhsullarının qəbulu üzrə ixtisaslaşmış
terminalların və onların saxlanılması üçün anbarların yaradılması, həmin məhsulların
daşınmasına xidmət edən nəqliyyat infrastrukturunun təşkili, xüsusi ərzaq mağazaları
şəbəkəsinin genişləndirilməsi istiqamətində təxirəsalınmaz tədbirlərin görülməsi öz
əksini tapmışdır.
İstehlak bazarının fəaliyyəti əhalinin ehtiyacları ilə istehsal, habelə regional
bazarda tələb və təklif arasındaki əlaqələrlə müəyyən edilir. Alıcı bazarda təklif
edilən malları qiymətləndirərkən, onların istehlak keyfiyyətləri ilə yanaşı, istehlak
qiymətini də nəzərə alır. İstehlak bazarını təhlil edərkən islehlak qiymət indeksini
84
(İQİ) xüsusi vurğulamaq lazımdır. İstehlak qiymətlərinin indeksi – istehlak
“səbətinə” daxil olan mal və xidmətlərin dəyərinin dinamikasını əks etdirən
indeksdir. İstehlak qiymət indeksi əhali tərəfindən alınan əmtəə və xidmətlərin
istehlak səbətinin dəyərinin dəyişməsini xarakterizə edən nisbi göstəricidir. Bu
göstərici müəyyən dövr ərzində istehlak edilən malların və xidmətlərin dəyişməz
qaldığı şəraitdə əhalinin istehlak xərclərinin ümumi məbləğinin dəyişməsini əks
etdirir.
İstehlak bazarının formalaşması üçün böyük miqdarda xırda müstəqil
iştirakçıların mövcudluğu şərtdir. Kiçik mağazaların üstünlüyü, pərakəndə təklifin
(qiymət, çeşid, məhsulların keyfiyyəti, xidmətin səviyyəsi, mağazanın planlaşdırması,
mağazanın yeri, ixtisaslaşdırılmış piştaxtaların mövcudluğu, təmizliyin səviyyəsi,
avtodayanacağın mövcudluğu, mağazanın iş qrafiki və s.) keyfiyyət səviyyəsinin
səmərəliliyi ilə səciyyələnir. Misal üçün, 2014-cü illə müqayisədə 2015-ci ildə
ölkənin pərakəndə ticarət şəbəkəsindən əhaliyə satılan malların real həcmi 10,9 faiz
və ya 3.719,4 milyon manat artaraq 25.721,1 milyon manat təşkil etmişdir. İstehlak
mallarının 99,8 faizi özəl təsərrüfat subyektlərində, o cümlədən 10,8 faizi hüquqi şəxs
statuslu özəl müəssisələrdə, 55,4 faizi fərdi sahibkarlara məxsus ticarət
subyektlərində, 33,6 faizi əmtəə bazarlarında, 0,2 faizi hüquqi şəxs statuslu dövlət
müəssisələrdə satılmışdır. Özəl sektor üzrə pərakəndə ticarət dövriyyəsinin həcmi
2014-cü ilin səviyyəsini 10,9 faiz üstələyərək 25.682,7 milyon manata bərabər
olmuşdur.[88]
Beynəlxalq təcrübədən bizə məlumdur ki, istehlak bazarın tənzimlənməsi ölkənin
iqtisadi inkişaf səviyyəsindən, təbii-iqtisadi xüsusiyyətlərindən və s. amillərdən asılı
olaraq müxtəlif üsullara və vasitələrə əsaslanır və aşağıdakı məqsədlərə xidmət edir:
-ölkənin özünü həyati zəruri istehlak malları, əsasən də ərzaqla təminetmə
səviyyəsinin yüksəldilməsi (ərzaq təhlükəsizliyinin təmini);
-qiymətlərin kəskin dəyişməsinin qarşısının alınması;
-istehsal sahələri arasında əlaqələrin optimallaşdırılması;
-kənd təsərrüfatı istehsalı ilə məşğul olan işçilərin gəlirləri ilə digər sahələrdə
çalışan işçilərin gəlirləri arasında uyğunsuzluqlann aradan qaldırılması;
Dostları ilə paylaş: |