70
3.2. İstehlak bazarının inkişafında dövlət tənzimləməsi məsələləri
Araşdırmalardan aydın olur ki, istehlak bazarının formalaşdırılması sahəsində
ölkədə çox ciddi işlər görülür. Ölkədə aparılan iqtisadi islahatlar nəticəsində
sahibkarlığın inkişaf etməsi son nəticədə ərzaq və qeyri-ərzaq malları istehsalının
artmasına səbəb olur. İqtisadiyyatda istehlak kooperasiyasının dinamik və səmərəli
inkişafına yönəldilmiş tədbirlər, nəticə etibarilə əhalinin ərzaq məhsullarına olan
tələbatının ödənilməsi və satış (təchizat) problemlərinin həllində önəmli rol oynayır.
Bu sırada istehlak kooperasiyasının inkişafı, o cümlədən istehlak birliklərinin
inkişafına yardım göstərilməsi ilə bağlı dövlət dəstəyinin həyata keçirilməsi mühüm
əhəmiyyət kəsb edir.
İqtisadi islahatların mühüm şərtlərindən biri də əhalinin ərzaqla təmin edilməsi
məsələsidir. Müstəqil dövlətçiliyimizi qoruyub saxlamaq, onun müdafiə qüdrətini
gücləndirmək, elm və mədəniyyətimizi inkişaf etdirmək, dünya dövlətləri səviyyəsinə
çatdırmaq üçün xalqımızın maddi rifahını yaxşılaşdırmaq məqsədilə əhalinin ərzaq
məhsullarına olan tələbatını ödəmək əsas şərtlərdən biridir. Ölkə əhalisinin ərzaq
məhsullarına olan tələbatını ödəmək üçün daxili istehsalı inkişaf etdirmək zəruri şərt
kimi həmişə ön plana çəkilməlidir. Problemin uğurlu həlli üçün əhalinin bütün ərzaq,
o cümlədən taxıl məhsullarına tələbatını təmin etmək və adambaşına taxıl istehsalını
fizioloji normaya çatdırmaq lazımdır. Geniş ərzaq potensialına malik olan
respublikamız hələlik ərzaq məhsullarına, o cümlədən çörəyə olan tələbatını daxili
istehsal hesabına ödəyə bilmir. Ölkəmizdə ət və ət məhsulları, süd və süd
məhsullarına olan tələbatın 60%-i idxal hesabına ödənilir. Odur ki, ölkəmizin
idxaldan asılılığını azaltmaq və əhalinin ərzaq məhsullarına olan tələbatının təmin
edilməsi üçün elmi cəhətdən əsaslandırılmış proqramların işlənib hazırlanması
lazımdır [86].
Əhalinin həyat səviyyəsinin yüksəldilməsi, ərzaq təhlükəsizliyinin təmin
edilməsi, yoxsulluğun aradan qaldırılması torpaqlardan səmərəli istifadə edilməsini,
kənd təsərrüfatının intensiv inkişaf etdirilməsini tələb edir. Bazar münasibətləri
şəraitində
əhalinin
sosial
müdafiəsinin
etibarlı
təminat
mexanizminin
71
formalaşdırılması istehlak bazarının tənzimlənməsini obyektiv zərurətə çevirmişdir.
İstehlak bazarında bolluq və sabitlik yaratmadan əhalinin etibarlı sosial müdafiəsini
təmin etmək mümkün deyildir. Dünya təcrübəsinə əsaslanaraq deyə bilərik ki,
dövlətlərin istehlak bazarını tənzimləmə imkanları və üsulları ölkənin iqtisadi inkişaf
səviyyəsindən, təbii - iqtisadi xüsusiyyətlərindən və s. amillərdən asılı olaraq
müxtəlifdir. Materialların təhlilindən irəli gələrək belə bir fikir söyləımək
mümkündür ki, istehlak bazarının tənzimlənməsi aşağıdakı tələblərlə bağlı ola bilər:
1)
ölkənin özünü zəruri istehlak malları, əsasən də ərzaqla təminetmə
səviyyəsinin yüksəldilməsi (ərzaq təhlükəsizliyinin təmini);
2)
qiymətlərin süni dəyişməsinin qarşısının alınması;
3)
istehsal sahələri arasında əlaqə və münasibətlərin optimallaşdırılması;
4)
kənd təsərrüfatı istehsalı ilə məşğul olan işçilərin gəlirləri ilə digər
sahələrdə çalışan işçilərin gəlirləri arasında uyğunsuzluğun aradan qaldırılması;
5)
yerli istehsalçıların xarici rəqabətin mənfi təsirlərindən müdafiəsi;
6)
əhalinin alıcılıq qabiliyyətli olmasının təmin edilməsi.
İstehlak bazarının tənzimlənməsi istiqamətləri aşağıdakı tədbirlərin aparılmasından
ibarətdir:
-tələbə təsir göstərmək məqsədilə qiymətlərin tənzimlənməsi;
-təklifə təsir göstərmək məqsədilə vergi, kredit və subsidiya kimi vasitələrlə
istehsalın tənzimlənməsi;
-istehsalın səviyyəsindən asılı olmayaraq əmtəə istehlakçılarına (aztəminatlı əhali
təbəqələrinə) dövlət yardımı;
-bazarın öyrənilməsində beynəlxalq təcrübənin yerli şəraitimizə uyğun formada
tətbiqi;
-istehlak mallarının idxal hesabına yox, özümüzdə mövcud istehsalının bərpa və
inkişaf etdirilməsi, daha da müasirləşdirilməsi;
-xarici ticari-iqtisadi əlaqələrin tənzimlənməsi ;
-milli istehsalın inkişafına nail olmaq üçün investisiya mühitinin daha da
optimallaşdırılaraq xarici kapital axınının sürətləndirilməsi və s.
72
Məlum olduğu kimi, bazar münasibətləri şəraitində istehlak bazarında təklif daxili
istehsal və idxal mənbələri hesabına, tədiyyə qabiliyyətli tələb istehlakçıların gəlir
mənbələri hesabına, qiymət isə tələb və təklif əsasında daxili və dünya bazar
qiymətlərinin qarşılıqlı təsiri altında formalaşır. Deməli, ölkədə bazar iqtisadiyyatının
təşəkkülü və inkişafı şəraitində normal istehlak bazarının formalaşması istehsal,
xarici ticarət - iqtisadi əlaqələr və gəlirlər arasında dinamik tarazlığın təmin
olunmasını nəzərdə tutur. Bu reallıq qloballaşma tələblərindən də irəli gəlir.
Hər bir dövlət öz iqtisadi siyasətini ölkənin strateji maraqları nəzərə alınmaqla
milli iqtisadi təhlükəsizliyin təmin edilməsi baxımından qarşıda duran vəzifələrə
müvafiq surətdə həyata keçirir. İqtisadiyyatda istehlak kooperasiyası sahəsində
münasibətlər əsasən hüquqi və iqtisadi metodlarla tənzimlənir.
Ġstehlak kooperativləri - bir qayda olaraq kənd yerlərində fəaliyyət göstərərək
istehlak cəmiyyətləri formasında ticarət, tədarük, kənd təsərrüfatı məhsulunun emalı,
əhaliyə məişət xidməti, bağ evləri və qaraj tikintisi sahəsində ixtisaslaşan kooperativ
təsisatlar hesab olunur. İstehlak kooperasiyası formasında yaradılan kooperativlər
tarixən şəhər və kənd, sənaye və kənd təsərrüfatı arasında əmtəə mübadiləsini
realizasiya edərək formalaşıbdır. Bü cür kooperasiya təşkilatları 19-cu əsrin
sonlarından yaradılmağa başlamış, ASSR-idə də fəaliyyət göstərmişdir. Hazırda bu
təşkilat forması ölkəmizdə Azərbaycan Mərkəzi Kooperativlər İttifaqı (Azərittifaq)
adı ilə fəaliyyət göstərir. İttifaqın 2008-ci ilin sonuna 530 mindən artıq payçısı vardır
ki, bunlar da 981 məntəqədə yaşayırlar. [25;88]. İstehlak kooperasiyasının mülkiyyəti
kollektiv mülkiyyətin bir növü hesab olunur. Bu mülkiyyətin formalaşması, fəaliyyəti
və müdafiəsi «Kooperasiya haqqında» Azərbaycan Respublikasının Qanunu(1996) ilə
tənzimlənir.
Məlumdur ki, kooperativlər fəaliyyət xarakterinə görə istehsal, istehlak və
istehsal-istehlak formalarda ola bilər.
Əsas məqsədi kənd təsərrüfatı məhsullarının istehsalından ibarət olan kooperativ
kənd təsərrüfatı istehsal kooperativi hesab edilir. Əsasən orta və kiçik təsərrüfat
subyektlərini özündə birləşdirmək yolu ilə iri təsərrüfat subyektləri yaratmaq
Dostları ilə paylaş: |