67
şəklində geri alır. Bunun köməyilə bir neçə vacib problemin həllinə nail olunur. Həm
də dövlət orqanları öz ərazisində ticarət şəbəkəsi, onun əmtəə dövriyyəsi haqqında
dəqiq məlumatlara malik olur, vergi müfəttişliyinin isə istənilən ticarət müəssisəsini
obyektiv surətdə yoxlamaq işi asanlaşır. Eyni zamanda, qeyri-qanuni ticarət, ara
alverçiləri sıxışdırılmış olur, yəni onlar mallarını istənilən vergi ödəyən subyektdən
ucuz satmağa məcbur olurlar. Beləliklə, bütün əhali ölkədə ticarət şəbəkəsində qayda-
qanun yaradılmasında iştirak etməklə, dövlət büdcəsinə daxil olan vergi gəlirlərinin
artırılmasını təmin edirlər. Nəticədə cəmiyyətin inkişafı təmin olunur. Əgər hər hansı
satıcı alıcıya «qəbz» təqdim etməzsə, ona qarşı elə bir cərimə sistemi tətbiq olunur ki,
qanun pozucusu bununla ya tam iflasa uğraya bilər yaxud da satdığı məhsulun
qiymətindən 100-500 dəfə çox olan inzibati cəriməni ödəyə bilmədikdə cinayət
məsuliyyətinə cəlb edilə bilər [30 və 75].
Azərbaycanda mövcud isteklak bazarının əsas problemləri:
1. Bazarın təminatı (xüsusən xammal bazarının) idxaldan çox asılıdır
2. Əhalinin real gəlirlərinin və alıcılıq qabiliyyətinin aşağı səviyyədə olması
fonunda qiymətlərin ümumi səviyyəsinin yüksək olması
3. Milli məhsulun rəqabət qabiliyyətliliyinin aşağı olması
4. Hərbi şəraitin movcudluğu
5. Texnika və texnologiyaların böyük əksəriyyətinin idxaldan asılı olması
6.
Bazarda tələbatın tam ödənilməsi üçün istehsalın təşkilinin xarici kreditlərdən,
investisiyalardan asılı olması
7. Milli valyutanın (manat) real durumu
Göstərilən problemlər həll edilərkən hər şeydən əvvəl, sənaye və ticarətin iqtisadi
müstəqilliyindən çıxış etmək lazımdır. Məhz sənaye müəssisələri istehsal mallarının
reallaşdırma kanallarının tədarük şərtlərini seçərək onları idarə edir, topdansatış
ticarət mərkəzləri isə hərəkətini müstəqil təşkil edirlər. Bu mənada Azərbaycanın
MDB respublikaları ilə təsərrüfat əlaqələrinin saxlanılması və genişləndirilməsi
xüsusi əhəmiyyətə malikdir. Bu halda vahid iqtisadi məkan olan MDB-nin
formalaşması mühüm rol oynayır. Onun yaradılması təkcə gömrük sərhədlərinin
olmaması və müxtəlif dövlətlərdə yerləşən müəssisələrin məhsul mübadiləsinə
68
qoyulan məhdudiyyətlər deyildir. Fikrimizcə, hazırda müxtəlif müstəqil dövlətlərdə
mövcud müəsissələrin fəaliyyətini tənzimləyən təsərrüfat mexanizmləri oxşardır.
Bunsuz vahid təsərrüfat kompleksinin formalaşması, inteqrasiya proseslərinin inkişafı
mümkün deyildir.
Bazar iqtisadi sistemində əmtəələrin istehsalı və tədavülünün tənzimlənmə
sistemində (istehlak bazarı) əsas vacib həlqə kimi sənaye ilə ticarət müəssisələri
arasında iqtisadi münasibətlər çıxış edir. Prinsipial dəyişikliklər ondan ibarətdir ki, bu
əlaqələr birbaşa xarakter daşımağa başlamışdır. İqtisadi münasibətlərin(əlaqələrin)
təşkilatçısı kimi sahə orqanları deyil, yeni bazar institutları - əmtəə birjaları,
yarmarkalar, hərraclar, vasitəçi təşkilatlar, istehsalçılar assosiasiyası, bazar
münasibətlərinin maraqlı olan subyektləri tərəfdən könüllü əsasda yaradılan yerli
koordinasiya orqanları çıxış edirlər. Bazar iqtisadiyyatında məhz bu əsas aspekt,
istehlak malları istehsalı üzrə inkişafın əsas tənzimləyicisi olmalıdır. İstehlak bazarı
alqı-satqı prosesinin son mərhələsi - yəni bilavasitə istehsal olunmuş malların satışı
ilə məşğul olduğundan, yeni iqtisadi sistemə keçdikdə, bu sahədə köklü dəyişiliklər
baş verməyə bilməz. Buna görə də istehlak bazarının formalaşması və inkişafı
istiqamətləri, onun müasir vəziyyəti və qiymətləndirilməsi böyük əhəmiyyət kəsb
edir. Hesab edirəm ki, respublikamızda istehlak bazarını formalaşdırmaq və inkişaf
etdirmək üçün aşağıdakı üstünlük təşkil edən tədbirlər həyata keçirilməlidir:
1.
əhalinin artan ictimai tələbatının tam və dolğun ödənilməsinə şərait
yaradılmalı;
2.
əhalinin istehlak mallarına olan tələbini formalaşdıraraq istehlakın səmərəli
strukturu formalaşdırılmalı;
3.
istehlak mallarının səmərəli reallaşmasını həyata keçirmək və onların
istehlakçıya çatdırılması təmin edilməli;
4.
iqtisadi islahatların sürətləndirilməsi, daxili istehsalın stimullaşdırılması ilə
müşayiət olunmalıdır;
5.
istehsal ilə istehlak arasında təsərrüfat münasibətləri bazar-iqtisadi
qanunlarına müvafiq şəkildə tənzimlənməlidir;
69
6.
tələb və təklif arasında dinamik tarazlığa nail olmaq və onun ənənəvi
xarakter almasına şərait yaradılmalıdır;
7.
istehlak bazarının səmərəli fəaliyyəti və onun inkişaf etdirilməsi üçün qeyd
olunan tədbirlərlə yanaşı, bu sahədə institusional təsisatlandırmalar da
genişləndirilməlidir.
Malların istehsal, satış və istehlak proqnozlarının işlənib hazırlanması, bazarda
istehlak mallarının tələb və təklifi arasında proporsiyaların saxlanılması, əhalinin
sosial müdafiəsi və əsas məhsul növlərinin istehlakı, pul tədavülünün
normalaşmasının təmin edilməsi üçün zəruri şərtdir. Bazar münasibətləri şəraitində
dövlət, əsasən əmtəə istehsalının inkişafına iqtisadi təsir göstərən metodlardan
istifadə etməlidir. Fikrimizcə, transformasiya dövründə tənzimlənmənin miqyası
daxili və xarici siyasi şəraitdən əhəmiyyətli dərəcədə asılı olur ki, həmin dövrdə
direktiv üsulların tətbiqindən faydalanmaq lazım gəlir.
İstehlak malları bazarının inkişaf perspektivlərinin müəyyən edilməsinin və
tənzimlənməsinin bir çox cəhətləri fərqləndirilir. İlk növbədə bilmək lazımdır ki, biz
yerli istehsal hesabına məcmu istehlakın hansı nisbətdə ödənilməsini təmin edə
bilərik. İkinci tərəfdən mütləq şəkildə demoqrafik dəyişikliklər nəzərə alınmalıdır.
Daha bir aspektə görə biz idxal mallarının dövriyyəsinin ümumi həcmini, həmin
malların
növ-çeşid
tərkibini
və
nəticə
olaraq
ərzaq
təhlükəsizliyini
dəqiqləşdirməliyik. Digər aktual və vacib cəhət isə gələcək dövrdə istehlak malları
bazarının inkişafına təsir göstərmək gücünə malik ola bilən bazar
infrastrukturununun təşkili,yaradılması məsələsidir.
Dostları ilə paylaş: |