37
Onun modelinə istinad edərək, bazarda ( həmçinin əmtəə-xidmətlər bazarında )
rəqabət mühitini,münasibətlərini, vəziyyətini 5 rəqabət gücü ilə təhlil etmək olar:
rəqiblər arasında rəqabətin intensivliyi; bazarda potensial yenilər tərəfindən təhdidlər;
alıcıların iqtisadi potensialı; malgöndərənlərin iqtisadi potensialı; əvəzedici malların
yaranması. Bu model təkcə kommersiya müəssisələrinə yox, həm də qeyri
kommersiya və dövlət təşkilatlarına da fayda verə biləcək nəzəriyyədir.
İstehlak malları bazarında bu modeldən istifadə olunması rəqabət üstünlüyünün
müxtəlif aspektlərini, bu üstünlüyün dəstəklənməsi üçün müxtəlif şəraitləri (həm
əlverişli, həm də əlverişsiz ) aşkara çıxarmağa imkan verir.
Rəqabət mühitinin yaradılması, formalaşması üzrə ümumi prinsiplərə Maykl
Porter tərəfindən hazırlanmış «milli romb» aid edə bilərik. «Milli romb»
komponentləri qarşılıqlı təsir və əlaqədə yerləşməklə bütövlük effekti yaradan, bir
sözlə, ölkənin müəssisələrinin,firmalarının rəqabət üstünlüklərinin potensial
səviyyəsini daha da gücləndirən yaxud zəiflədən rəqabət üstünlüyünün determinantlar
sistemini özündə birləşdirir. Əmtəə-xidmətlər bazarına uyğun olaraq belə
determinantlar eyniadlı bazar subyektlərinin özünün rəqabət üstünlüyünün
formalaşması, eləcə də onun əsaslandırılması üçün zəruri hesab edilən, dəyər ifadə-
sində maddi və əşyavi əmtəələri (natural ifadədə əmtəələr və qeyri - maddi şərtlər)
özündə ehtiva edən amillərin parametrlərini birləşdirə bilər.[94, s. 111] Müəssisənin,
geniş formada ölkələrin rəqabət üstünlüyünü aydınlaşdıran bu konsepsiya («milli
romb») istehsal parametrləri; təlabat parametrləri; firmanın strukturu və strategiyası;
qohum və köməkçi sahələrindən ibarətdir. M.Porterin modelinin tərkibinə istehlak
malları bazarının subyektlərinin müəyyən düzülüşü, onun struktur quruluşu və
rəqabət aid edilir. Burada qeyd etmək yerinə düşər ki, istehlak bazarının bu vəya
digər iştirakçıları(firma,müəssisə) arasındakı rəqabət sıfıra enibsə,yəni yox
dərəcəsindədirsə, o zaman deməyə əsas var ki prinsipcə rəqabət mühiti də yoxdur.
Modelin təhlilində digər vacib hissə tələb şəraiti ilə bağlı formalaşan parametrlər
hesab olunur. Bu rəqabət zamanı daxili bazarın tələbinə, müxtəlif gəlirlilik
səviyyələrinə, qiymət üzrə tələb elastikliyinə vəs əsaslanan istehlakçıların istehlak
keyfiyyətlərindən ibarətdir. Modeldə son hissə kimi istehsalın, eləcə də ona
38
yaxın(bazarın qohum-dəstəklənən sahələri) olan sahələrin durumunu, inkişaf
səviyyəsini, maliyyə-iqtisadi quruluşunu vurğulamaq olar. Belə tip sahələr əmtəə-
xidmətlər bazarının iştirakçılarını həm dəyər, həm də rəqabət ifadəsində zəruri
materiallarla təchiz edirlər.
İstehlak malları bazarında qısamüddətli yaxud uzunmüddətli dövrdə rəqabət
üstünlüyünə nail olmaq o qədər asan deyil. Bu problemi geniş formada tədqiq edən
müəyyən alim-tədqiqatçılar «rəqabət üçbucağı» vasitəsilə qiymət zəncirinin təhlil
edilməsi təklifini irəli sürürlər. Buna aşağıdakıları aid edə bilərik:
-qəbul edilən qiymət zəncirinin üstünlüyü;
-məsrəflər üzrə üstünlük;
-rəqabətqabiliyyətliliyin benç marketinqi.
Qəbul edilən qiymət üstünlüyündə deyilir ki, istehlakçılar(alıcılar) əmtəə
qazanmır, onlar fayda (faydalılıq-fərdin istehlak etdiyi əmtəə və xidmətlərdən əldə
etdiyi
qarşılıqlı
məmnuniyyətlikdir)
əldə
edir.
Belə
faydalar
hiss
edilməyən(duyulmayan) olur. Yəni bu faydalar ancaq əmtəənin konkret
xarakteristikalarına deyil, eyni zamanda imic və nüfuza aid oluna bilərlər. Qəbul
edilən qiymət-bazara təklif olunan əmtəə-xidmətin istehlakçılar tərəfindən
qiymətləndirilməsidir. Belə ki, isteklakçıların bazara təklif olunan əmtəə-xidmətlərin
hansı səviyyədəki qiymətini axtardığının müəyyənləşdirilməsi fəaliyyət növlərinin
qiymətini yaradan , formalaşdıran düzgün və real kompleksin yaranması üçün çıxış
nöqtəsi hesab olunur.
İstehlakçı üçün qiymət-məhsul və ya xidmətin əldə edilməsinə görə qəbul
olunacaq gəlir axınıdır[13] Gəlir axını büdcə məhdudiyyətilə bağlıdır. İstehlakçıların
əmtəələri əldə etmək üçün malik olduğu gəlirlərin məhdud olması onun istehlak
xərclərini də məhdudlaşdırır. Belə vəziyyətə,xərc imkanlarının pulla ifadəsinə büdcə
məhdudiyyəti deyilir. Qiymət alıcıların bu prosesə əsasən ödəməyə hazır olduğu
məbləğdir. Burada qeyd etməliyik ki, təklif olunan əmtəə-xidmətlərin qiyməti
yüksəkdirsə, o zaman onlar yüksək dəyərə,keyfiyyətə də malik olmalıdır. Əksi baş
verdiyi halda o əmtəə-xidmətlər mövcud bazardan sıxışdırılaraq kənarlaşdırılacaqlar.
Təklif olunan əmtəə-xidmətlərin keyfiyyəti və dəyəri aşağıdırsa, o zaman onların
39
qiyməti də aşağı olmalıdır. Burda da əksi olarsa, onlar bazardan kənarda qalacaq.
Belə vəziyyətdə istehlakçı artıqlığı(rentası) və istehsalçı artıqlığı məsələləri ön plana
çıxır. İstehlakçı artıqlığı-tarazlıq qiymətindən artıq qiymətlərdən bir əmtəəni satın
almağa razı olan istehlaçıların bu məhsulu tarazlıq qiymətindən aldıqları zaman əldə
eydiyi mənfəətdir. İstehsalçı rentası-istehsalçının məhsulu tarazlıq qiymətindən aşağı
səviyyədə satmaga hazır oldugu zaman onu tarazlıq qiymətindən satması
vəziyyətində əldə etdiyi mənfəətdir.
Beləliklə, rəqabət mühitində müəyyən vaxtdan sonra əmtəə,xidmətə görə
istehlakçıların ödəməyə hazır olduğu qiymət, onların dəyərinin həqiqi ölçüsünü əks
etdirir.[94] Burada refleksivlik nəzəriyyəsi qismən özünü göstərir. Bu zaman
subsititutlar, yəni istehlakda bir – birini əvəzləyən əmtəələr dəsti olduqda istehlakçı
düşünür ki, onlardan biri digərindən pis deyil. Bu da rəqabət mühitini kəskinləşdirir.
Nəticə olaraq hesab edirəm ki, «rəqabət üçbucağı» vasitəsilə qiymət zəncirinin
təhlili tam,təkmil şəkildə öz əksini əmtəə-xidmətlər bazarında tapa bilər.
Hesab edirəm ki, müasir dövrdə əmtəə və xidmətlər bazarında rəqabət mühitinin
formalaşdırılması, yaradılması və rəqabət üstünlüyünün aşkara çıxarılması xeyli
dərəcədə öz spesifikliyi ilə fərqlənir. Burada da əsas olaraq sahibkarlıq fəaliyyəti üzrə
uyğun biznes subyektlərinin rəqabət fəaliyyətini qeyd etmək yerinə düşər.
Məlumdur ki, istehlak bazarında iştirakçılar arasında rəqabət fəaliyyəti rəqabət
üstünlüklərinin aşkara çıxarılması,əldə olunması və onlardan istifadə üsulu kimi çıxış
edir. Odur ki, bazarda rəqabət üstünlükləri həmin iştirakçıların(subyektlərin) rəqabət
potensialı nəticəsində əmələ gəlir. Rəqabət üstünlüklərininin mənbələri kimi texnika-
texnologiyanın inkişaf səviyyəsi; innovasiya; iqtisadi resursların bolluğu; sosial-
mədəni mühit; ölkənin iqtisadi durumu; strategiya amilləri çıxış edir. M.Porter milli
rəqabət üstünlüklərinin formalaşmasında dövlətin mövqeyinin vacib olmasını
vurğulayır. Dövlətin təsiri determinantlar vasitəsilə həyata keçirilir və həm pozitiv,
həm də neqativ nəticələnə bilər.
Rəqabət potensialını və onun inkişafını üzə çıxarmaq
üçün yuxarıda qeyd etdiyimiz kimi qiymət və qeyri-qiymət rəqabət metodlarından
istifadə olunur.
Dostları ilə paylaş: |