34
Rəqabətin 2 forması: sahədaxili və sahələrarası; 2 metodu: qiymət və qeyri-qiymət; 2
modeli: təkmil və qeyri-təkmil modelləri fərqləndirilir.
İstehlak bazarında rəqabət mühitinin yaradılması üçün istehlak bazarının
öyrənilməsi, istehlakın təhlili, istehlaka təsir edən amillərin tədqiqi son dərəcə
aktualdır. Bildiyimiz kimi “istehlakçı” dedikdə, “alıcı” başa düşülür. Belə ifadə tam
olaraq dəqiq deyil. Düzdür, alıcı öz tələbatını ödəmək üçün öz istehlakını fikirləşir,
hər bir istehlakçı isə ən əvvəl alıcı kimi özünü göstərməlidir. Lakin bu prosesdə hər
bir istehlakçınınn həmişə alıcı kimi çıxış etməsini söyləmək olmaz. Belə ki,
istehlakçılar vasitəçilərdən istifadə edərək tələbatını ödəyə bilər. Digər prizmadan
yanaşsaq, həm də alınan əmtəənin tez şəkildə,dərhal istehlak olunacağını da demək
olmaz, çünki hər bir əmtəə ehtiyat kimi də saxlanıla sonra isə satıla bilər.
İstehlak proseslərinin təhlilində istehlakçının tələblərini, rəyini öyrənməyin
üsullarından biri rəy sorğularının keçirilməsidir.Lakin bu sahədə işlər tam
qaydasında deyil.Aparılan sorğular obyektiv gerçəkliyi əks etdirmir. Digər üsul
metod kimi isə mövcud hesabat materiallarından istifadə hesab olunur.
Rəqabət mühitinin formalaşdırılmasında istehlakı müəyyən edən vacib amillərdən
biri olan tələbin həcminə,strukturuna bir sıra amillər təsir edir.Bu amillərə
iqtisadi,sosial,demoqrafik və digər amillər aiddir.
İstehsalla tələbat arasında qarşılıqlı münasibət istehsalla istehlakın bazar
mexanizminin əsasını, bu prosesin məzmununu müəyyən edən və bütün
elementlərdən təzahür edən cəhətlərini təşkil edir.[4] İstehlak bazarının səmərəli
inkişafı müasir şəraitdə bazar iqtisadiyyatının inkişafı üzrə əhəmiyyətli
problemlərindən biri sayılır. Bununla birlikdə o, sahələrin bütün kompleksinin
istehsal prosesinə aktiv təsir göstəricisi qismində çıxış edir. İstehlak bazarının
göstəriciləri bütovlükdə cəmiyyətin iqtisadi və sosial əmin-amanlılığının vacib
indikatorudur. İstehlak bazarının formalaşmasında əhalinin ehtiyacları, tələbatları
özünü təcəssüm edir. Əhali bu zaman həm təlabatını maksimumlaşdırır, həm də
müəyyən faydalılıq əldə edir. Bu zaman istehlakçıların sayının artması və onların
35
alıcılıq qabiliyyətinin yüksəlməsi bazarda onların fəaliyyətini,üzv sayını artıracaq və
istehlak bazarının genişlənməsi baş tutacaq.
İstehlak bazarının daha da genişlənməsi baş verdikcə, bazarda rəqabət mühiti də
bu və ya digər dərəcədə kəskinləşir.Azərbaycanda istehlak bazarının normal,səmərəli
və effektiv təşkili üçün rəqabət mühitinin sağlamlaşdırılması son dövrlər daha da
inkişaf etdirilmişdir. Həm iqtisadi, həm də inzibati(hüquqi) yollarla prosesin
fasiləsizliyi təmin edilir. Rəqabət mühitinin sağlam formada olması üçün ölkənin
iqtisadiyyata təsiri təkmil formada olmalıdır. Rəqabət mühitinin yaradılmasında az da
olsa payı olan azad ticarət siyasətinin yaxud proteksionizm siyasətinin ikisinin də 100
faizlik ölkə iqtisadiyyatına tətbiq edilməsi labüd hesab edilmir.Lakin ölkəmiz daha
çox proteksionizm siyasətinə üstünlük verir.
İqtisadiyyatda rəqabət mühitinin yaradılmasından öncə həmin iqtisadiyyatda
hansı növ bazarın ( yaxud istehlak bazarının ) hökm sürdüyünü nəzərdən keçirmək
lazımdır. Bazarda rəqabətin modelləri fərqlidir:
1.Təkmil rəqabət bazarı
2.Qeyri-təkmil rəqabət bazarları
2.1 inhisar 2.2 oliqopoliya 2.3 məhsulların differensasiyası
Təkmil rəqabət bazarı özünəməxsus xüsusiyyətlərə malik olan və real olaraq
demək olar ki, rast gəlinməyən və hər bir ölkənin milli iqtisadiyyatında həyata
keçirilməsi istənən bazar növüdür. Bu bazarın xüsusiyyətlərinin hər hansı biri
pozulanda meydana qeyri-təkmil rəqabət bazarları çıxır.Bu problem isə istənilən
səviyyədə ölkənin milli iqtisadiyyatına, dolayı yolla əmtəə-xidmətlər bazarına öz
mənfi təsirini göstərir.
Əmtəə-xidmətlər bazarında rəqabət mühitinin yaradılması üçün istifadə olunan
müxtəlif metodlar var. İstehlak bazarında ( ümumiyyətlə bazarda ) rəqabət metodları
qiymət və qeyri-qiymət formalarda olur. Belə təsnifat əvvəla firmanın işgüzar
fəaliyyətinin əsas kəmiyyət parametri kimi əsaslandırılır. Qiymət rəqabəti istehsal
xərclərini dəyişməklə qiymətə təsir göstərmək və rəqabət qabiliyyətini artırmaq
vasitəsidir.( əmtəənin rəqabət qabiliyyətliliyi-müəssisə tərəfindən bazarda təklif
olunan məhsulların rəqabətli bazarın tələbləri nəzərə alınaraq vacib keyfiyyətlərə,
36
digər oxşar məhsullarla müqayisədə istehlakçıların tələbatlarını daha da dolğun,tam
ödəmə qabiliyyətinə malik olmasına deyilir ) Qiymət rəqabətində qiymət
diskriminasiyasından (eyni məhsullara müxtəlif qiymətlər tətbiq edilməklə aparılan
rəqabətdir) istifadə edilir.Üstəlik mənfəət əldə etmək, zəif rəqibləri bazardan
kənarlaşdırmaq əsas məqsədlərdəndir. Qeyri-qiymət rəqabəti marketinq,reklam və s
təkmil üsullardan istifadə etməklə aparılan rəqabətdir.
Əmtəələrin
reallaşması
şərtlərinə,
onların
qiymətlərinə
bazar
subyektlərinin(iştirakçı) təsir göstərmək imkanları olmadığı zaman bazar rəqabətli
olur. Belə olan halda bazar azad və ya xalis rəqabətli bazar formasında
formalaşır.[62]
Bazar iqtisadiyyatı şəraitində mal və xidmətlərin istehlak bazarının bazar
münasibətləri sahəsinin strukturunun əvvəlki təhlili və müəyyən edilməsi göstərdi ki,
tədqiq edilən bir çox sistem ayrı-ayrı bazarlarla sıx qarşılıqlı əlaqədə yerləşir. Məhz
burada qeyd etmək lazımdır ki, hər bir ayrıca bazar öz rəqabət mühitinə malikdir və
eyni zamanda, öz təsirini mal və xidmətlərin istehlak bazarının özünün rəqabət
mühitinə göstərir. Odur ki, vacib problem tədqiqatların , bir tərəfdən, “ayrı –ayrı”
bazarlarının rəqabət mühiti istiqamətində, digər tərəfdən istehlak malları və
xidmətləri bazarı ilə qarşılıqlı əlaqədə rəqabət mühiti istiqamətində aparılması sa-
yılır.[13] Digər bazar növləri kimi, əmtəə-xidmətlər bazarının da öz rəqabət mühiti
var. İstehlak malları bazarının onun formalaşmasına təsir etməyə malik rəqabət
mühitinin ümumi və xüsusi prinsipləri fərqləndirilir. Belə ümumi prinsiplər mikro-
makroiqtisadiyyat nəzəriyyəsi kursunda və digər iqtisad yönümlü ədəbiyyatlarda
geniş formada təhlil edilibdir. Misal üçün, amerikalı iqtisadçı, professor Maykl
Porterin bu sahədə öz konsepsiyasını irəli sürmüşdür. Son dövrlərdə rəqabət
mühitinin təhlilində istifadəsi geniş yayılan modellərdən biri də Porterin «rəqabət
gücləri» nəzəriyyəsidir.
M.Porterin rəqabətin “beş güc” modeli bazarda rəqabət gərginliyinin diaqnostikası
və biznesin gəlirliyinə rəqib qüvvələrin təsirinin əhəmiyyətliliyi üçün fəaliyyətdə olan
konseptual alətdir. [42 s. 66]
Dostları ilə paylaş: |