61
məlumatların təhlilindən görünür ki, 2014-cü ildə əhaliyə göstərilən pullu xidmətlərin
həcmi 29974,1 mln. manat olmuşdur ki, bu da 2007-ci illə müqayisədə 12,8 dəfə
çoxdur. 2014-cü ildə hüquqi şəxslər üzrə əhaliyə göstərilən pullu xidmətlərin həcmi
8201,1 milyon manat təşkil etmişdir ki, bu da 2007-ci illə müqayisədə 4,6 dəfə
yüksək olmuşdur. Təhlil göstərir ki, əhaliyə göstərilən pullu xidmətlərin həcmində
hüquqi şəxslərin xüsusi çəkisi 27,4% təşkil etmişdir. Bu isə onu göstərir ki, istehlak
bazarında məhsul satışı ilə müqayisədə əhaliyə göstərilən pullu xidmətlər sistemində
hüquqi şəxslər aşağı xüsusi çəkiyə malikdir. Adambaşına pullu xidmətlərin müqayisə
olunan dövr ərzində artımı ilk növbədə, qiymətlərin səviyyəsinin yüksəlməsi və pullu
xidmətlərin spektrinin genişlənməsi ilə sıx bağlı olmuşdur[9, 88].
Tədqiqatlarımız belə deməyə əsas verir ki, istehlak malları bazarının effektiv
fəaliyyəti və inkişafının təmini üçün aşağıdakı tədbirlərin realizə olunması labüddür:
iqtisadi islahatların sürətləndirilməsi, daxili istehsalın stimullaşdırılması ilə
müşayiət olunmalıdır;
liberallaşma prosesinin istehlak bazarının formalaşmasına və inkiaşafına
zərərli təsiri neytrallaşdırılmalıdır;
istehsal bazarında mülkiyyətin müxtəlif formaları arasında sağlam(haqlı)
formada rəqabətin təmin olunması həyata keçirilməlidir;
bazara təklif olunması üçün yığılmış məhsulların miqdarı həm natural, həm də
dəyər göstəricisində qiymətləndirilməli və hesablanmalıdır;
istehsal ilə istehlak arasında təsərrüfat münasibətləri bazar-iqtisadi
qanunlarına müvafiq şəkildə tənzimlənməlidir;
əhalinin getdikcə artan ictimai tələbatlarının tam, dolğun şəkildə ödənilməsinə
şərait yaradılmalıdır;
əhalinin istehlak mallarına olan tələb formalaşdırılaraq istehlakın səmərəli
strukturuna nail olunmalıdır;
istehlak mallarının səmərəli reallaşması həyata keçirilməli və onlar
istehlakçıya çatdırılmalıdır;
tələb ilə təklif arasında tarazlığa nail olmaq və onun ənənəvi xarakter
62
almasına şərait yaratmaq lazımdır;
istehlak bazarının səmərəli fəaliyyəti və onun inkişaf etdirilməsi üçün qeyd
olunan tədbirlərlə yanaşı, bu sahədə institusional təsisatlandırmalar da
genişləndirilməlidir.
Əmtəə və xidmətlər bazarında mövcud son vəziyyətin təhlili və statistik
göstəricilər göstərir ki, bu ilin (2016) ilk 4 ayında istehlak təyinatlı mal-
xidmətlərin qiymətləri əvvəlki ilin eyni dövrü ilə müqayisədə 10,5% artmışdır.
Daha dəqiq desək, ərzaq məhsullarının qiyməti 12,2% , qeyri-ərzaq məhsulları
15,2% , əhaliyə göstərilən pullu xidmətlərin qiyməti isə 4% artıbdır. Dövlət
Statistika Komitəsinin statistik məlumat bazasına əsasən 2016 cı ilin aprel ayında
mart ayına nisbətən İQİ 0.2% artmışdır. Bu artım inflyasiyaya səbəb olmayaraq
artıb və bu cuzi artım hesab olunur.
İstehlak bazarında bu növ qiymət artımları müxtəlif amillərdən yaranır.Əsas
məsələ bu artımların yol açacağı mənfi istiqamətlərin, süni qiymət artımının,vaxtı
ötmüş məhsulların satılaraq əlavə gəlir əldə edilməsinin və s qarşısını almaqdır.
İqtisadiyyat nazirliyinin müvafiq qurumu bu tədbirlərin qarşısını almaq üçün
konsepsiyaya, qanunvericiliyə(İstekçıların hüquqlarının müdafiəsi haqqında
qanun, Cinayət məcəlləsi, İnzibati Xətalar məcəlləsi, Yeyinti məhsulları haqqında
qanun, Sahibkarlıq fəaliyyəti haqqında qanun və s) uyğun olaraq tədbirlər həyata
keçirir. Bu tip inzibati metodlar təqdirəlayiqdir. Lakin burada maarifləndirmə
tədbirləri də aparılmalıdır. İstehlakçıların hüquqlarının müdafiəsi sahəsində,
eləcə də istehlak bazarında bu vəya digər xoşagəlməz halların qarşısının alınması
sahəsində nazirliyinin müvafiq xidməti qurumu tərəfindən ölkədə bir çox
maarifləndirmə konfransları həyata keçirilmişdir.
63
FƏSĠL 3. ĠSTEHLAK BAZARININ DÖVLƏT TƏNZIMLƏNMƏSININ ƏSAS
ĠSTĠQAMƏTLƏRĠ
3.1.
İstehlak bazarının inkişaf problemləri və onların həlli istiqamətləri
Bildiyimiz kimi hər bir dövlətin taktiki və strateji milli maraqları mövcuddur.
Məlumdur ki, istehlak bazarının təminatı dövlətin milli strateji maraqlarının qorunub
saxlanılmasında vacib rol oynayır. İstehlak malları bazarının milli iqtisadiyyat,daxili
bazar hesabına təmin edilməsi ölkənin ərzaq təhlükəsizliyinin təmin və bərpa
edilməsində son dərəcə vacib əhəmiyyət kəsb edir. Bu baxımdan dövlətin iqtisadi
siyasəti, istehlak bazarının daxili istehsal hesabına təmin edilməsinə istiqamətlənərək
istehsalın stimullaşdırılması, istehsal və tədavül prosesinin tənzimlənməsi
istiqamətində vacib tədbirlərlərin həyata keçirilməsindən asılı olmalıdır. Bu
baxımdan 1995-2005 ci illər ərzində transformasiya prosesini yaşayan ölkəmizdə
istehlak bazarında baş verən iqtisadi proseslərin səmərəli,elmi əsaslarla təşkili və
idarə edilməsi vacib əhəmiyyət kəsb edir.
Transformasiya dövrü bazar iqtisadiyyatının zəruri elementlərinin
formalaşmasında əhəmiyyətli paya malikdir. Bildiyimiz kimi, mərkəzi idarəetməyə
əsaslanan və ictimai mülkiyyət əsasında inkişaf edən inzibati-amirlik sistemində
iqtisadiyyatı idarə edərkən planlar direktiv olaraq «yuxarıdan» verilirdi. İndi isə
«komandanı» bazar və onun tələbatı verməlidir. İstənilən səviyyədə hər bir təsərrüfat
qərarı (ələxsus da ən yüksək səviyyədə olan) və onun nəticələri bazarın reaksiyası ilə
müşahidə olunmalıdır. Bu növ idarəetmə qərarlarının səhv formada verilməsi
iqtisadiyyatda qismən də olsa nöqsanların, problemlərin mənbəyi kimi çıxış edir.
İqtisadiyyatda artım, məlumdur ki, bazar münasibətlərinin inkişafı nəticəsində
yarana bilər. İstehsalın və istehlak malları dövriyyəsinin idarəetmə sisteminin əsas
cəhətlərinin təhlil edilməsi, burada baş verən dəyişikliklərin prinsipial istiqamətlərini,
iqtisadiyyatın bu sahəsinin normal funksiyasını təmin edən, mühüm element və
həlqələri müəyyən etməyi tələb edir. İnzibati amirlik iqtisadi sistemində
iqtisadiyyatın mərkəzləşmiş formada idarəedilməsi formalaşmışdır. Planlı
iqtisadıyyatın xüsusiyyətlərinə əsaslanan sistem həm də müəyyən fərdi
Dostları ilə paylaş: |