12
AZƏRBA
YCANDAN KƏNARDA
İŞLƏYƏN VƏ
YAŞA
YAN
AZƏRBA
YCANLI MİQRANTLARIN
AZƏRBA
YCANDA
QALAN HƏY
AT
YOLDAŞLARI VƏ DİGƏR
AİLƏ ÜZVLƏRİNİN VƏZİYYƏTİ
haqqında Tədqiqata dair Hesabat
•
Xaricdəki azərbaycanlı miqrantların Azərbaycanda qalan həyat yoldaşlarının milli qanun-
vericiliyə əsasən hüquqi vəziyyətini araşdırmaq;
•
Xaricdəki azərbaycanlı miqrantların Azərbaycanda qalan həyat yoldaşları və digər ailə üzvləri üçün
nəzərdə tutulmuş siyasətdə və sosial müdafiə proqramlardakı boşluqları
müəyyənləşdirmək;
•
Müvafiq siyasət hazırlayanlar üçün strateji tövsiyələr təqdim etmək və müdaxilə tədbirləri təklif
etmək.
Tədqiqat nəticəsində hazırlanmış hesabat Azərbaycan Respublikasının müvafiq yerli və mərkəzi
orqanlarına, Parlament üzvlərinə, Azərbaycan diaspor təşkilatlarının nümayəndələrinə, beynəlxalq
təşkilatlara (BMqT, BMTİP, BMTƏF, YUNİSEF və s.), həmçinin xaricdəki azərbaycanlı miqrantların
Azərbaycanda qalan həyat yoldaşları və digər ailə üzvlərinin inkişafı imkanlarının yaxşılaşdırılma-
sında, hüquqlarının qorunmasında və sosial müdafiəsində maraqlı olan bütün tərəflərə ünvanlanıb.
Tədqiqat ərləri xaricə miqrasiya etmiş qadınlar, həmçinin xaricdəki azərbaycanlı miqrantların
Azərbaycanda qalan həyat yoldaşları və uşaqlarına aid səciyyəvi hüquqi məsələlərlə məşğul olan
müxtəlif mütəxəssislərə məxsus rəylərin toplanması və təhlili vasitəsilə həyata keçirilmişdir.
13
AZƏRBA
YCANDAN KƏNARDA
İŞLƏYƏN VƏ
YAŞA
YAN
AZƏRBA
YCANLI MİQRANTLARIN
AZƏRBA
YCANDA
QALAN HƏY
AT
YOLDAŞLARI VƏ DİGƏR
AİLƏ ÜZVLƏRİNİN VƏZİYYƏTİ
haqqında Tədqiqata dair Hesabat
TƏDQİQATIN MeTODOLOGİYASI
Tədqiqatın məqsədlərinə nail olmaq üçün ərləri miqrant olan və Azərbaycanda qalan qadın-
larla əlaqədar mövcud statistik məlumatların, ədəbiyyatın və digər müvafiq köməkçi mənbələrin
təhlilindən, keyfiyyət və kəmiyyət metodları vasitəsilə əsas empirik məlumatların toplanmasından və
milli qanunvericiliyin təhlilindən ibarət çoxşaxəli metodoloji yanaşmadan istifadə etmək qərarı qəbul
olunmuşdur.
Tədqiqatın aparılmasına iki ekspert cəlb olunmuşdur: beynəlxalq ekspert tədqiqat metodologi-
yasının işlənib hazırlanmasına, sorğu-anketlərinin tərtib olunmasına, mütəxəssislərlə ətraflı görüşlərin
və əlaqədar qadınlarla fokus qruplarda müzakirələrin aparılması işinin istiqamətləndirilməsinə, top-
lanmış köməkçi və əsas məlumatların (sorğu, mütəxəssislərlə aparılmış ətraflı görüşlər və fokus
qruplarda keçirilmiş müzakirələr nəticəsində) təhlil edilməsinə, həmçinin yekun hesabatın yazılma-
sına məsuliyyət daşıyırdı; milli ekspert isə müvafiq hədəf qrupuna aid şəxslərin sosial-iqtisadi hü-
quqlarının müdafiəsinə və onlara müvafiq hüquqi yardımın göstərilməsinə aid qanunvericilik ba-
zasının nəzərdən keçirilməsinə cavabdeh idi və ondan tədqiqatla əhatə olunan uşaq və qadınların
sosial-iqtisadi problemlərinin öyrənilməsi istiqamətində köməkliyin göstərilməsi xahiş olunmuşdur.
BMqT-nin Azərbaycan Respublikasındakı Nümayəndəliyi öz üzərinə ümumi əlaqələndirici funksi-
yasını götürmüşdür: sorğu aparanların təlimatlandırılması və nəzərdə tutulmuş bölgələrdə sorğunun
əlaqələndirilməsi.
Əsas ətraflı informasiya sorğu anketləri vasitəsilə toplanmışdır. Həmin sorğu anketləri
icma rəhbərlərilə keçirilən məsləhətləşmələr zamanı (BMqT-nin Azərbaycan Respublikasında-
kı Nümayəndəliyinin ilk əlaqələri) müəyyənləşdirilmiş müvafiq qadınlarla BMqT əməkdaşları
tərəfindən aparılmış standart “üz-üzə” müsahibələr zamanı tətbiq edilmişdir. Tədqiqat zamanı sorğu
ilə nümunə kimi 200 müvafiq qadının əhatə olunması nəzərdə tutulsa da, məlumatlar Azərbaycan
Respublikasının yalnız 6 rayonunu (Şəki, Yardımlı, Masallı, Şəmkir, Lənkəran və Goranboy) və
4 şəhərini (Bakı, Sumqayıt, Mingəçevir və Naftalan) təmsil edən ümumilikdə 56 respondentdən
əldə edilmişdir. Tədqiqatın həyata keçirilməsi zamanı əsas çətinliklərdən biri yerli orqanlar-
la əməkdaşlıqdan ibarət idi. Yerli icra hakimiyyəti orqanlarının əksəriyyəti əməkdaşlığa açıq və
aidiyyəti miqrant ailələrinə köməklik göstərmək üçün BMqT ilə birgə işləməyə hazır idi, lakin
bəziləri belə ailələr barədə heç bir məlumata malik olmadıqlarını bildirərək bu işdə əməkdaşlıqdan
yayınırdı.
Əldə olunmuş statistik məlumatların 11 aidiyyəti mütəxəssislə ətraflı görüş və sözügedən
miqrantların həyat yoldaşları ilə 4 fokus qrup müzakirələrin aparılması zamanı toplanmış ətraflı in-
formasiya ilə əlavə edilməsi planlaşdırılırdı. Lakin yuxarıda izah olunan çətinliklərə görə müxtəlif
təşkilatları, vətəndaş cəmiyyətini və elmi dairələri təmsil edən yalnız 5 mütəxəssislə ətraflı görüş
keçirilmişdir, hökumət təşkilatlarının nümayəndələri isə bu prosesdə iştirak etməmişdir (Əlavə 1-ə
baxın: Görüşlər keçirilmiş mütəxəssislər haqqında məlumat).
TƏDQİQATLA BAĞLI MƏHDUDİYYƏTLƏR
Tədqiqatla bağlı müəyyən məhdudiyyətlər mövcud idi ki, bunlar da müvafiq vəziyyətin əldə
olunmuş nəticələr vasitəsilə ölkə səviyyəsində dolğun şəkildə əks etdirilməsi ilə əlaqədar idi. Bu
müvafiq qadınlardan informasiyanın toplanması zamanı yaranan çətinliklərlə izah oluna bilər, çünki
bir sıra yerli icra hakimiyyəti orqanı sözügedən ailələrin mövcud olduğunu etiraf etmək istəmirdi.
Eyni zamanda, əlaqədar hədəf qrupuna aid məlumatlar və ya statistik rəqəmlər yerli və mərkəzi icra
hakimiyyəti orqanları tərəfindən toplanmadığından və saxlanmadığından rəsmi məlumatlardan da
istifadə qeyri-mümkün idi.